سودارس : المريخاب جنسوا كلتشي وباسكال والبرنس والارباب والاتحاد العام

شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه نصف مليون دولار!!:ياللهول شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي بالصورة والفيديو.. على طريقة عاشق "عبير".. فتاة سودانية تصعد مكان مرتفع بمنزلها وترفض النزول دون تنفيذ مطالبها..شاهد رد فعل والدتها!! عثمان ميرغني يكتب: حلفا .. والشمالية.. قوى سياسية في السودان تعلن عن مقاطعة مؤتمر في برلين الكاف.. (الجهاز) في القاهرة و(الريموت كنترول) في الرباط الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا مصادر تكشف تفاهمات سرية لوقف استهداف مطاري الخرطوم ونيالا المملكة مركز ثقل في حركة التجارة الدولية مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف دراسة: تناول 3 أكواب قهوة يوميًا يقلل القلق والتوتر عائلة الممثل الكورى لى سانج بو ترفض الإفصاح عن سبب الوفاة.. اعرف التفاصيل نبيل فهمي .. اختيار أمين عام جديد للجامعة العربية بإجماع عربي كامل سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى عاجل..بيان مهم للجيش في السودان هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخاب جنسوا كلتشي وباسكال والبرنس والارباب والاتحاد العام

قوون نشر في قوون يوم 27 - 10 - 2013

يتخيّل لي كدا ...(طبعاً إلى الان على كيفي اتخيل زي ما أنا عاوز) التخيّل ما فيه حاجة بنص القانون.

في زول عندو اعتراض.

القانون تطيّر عيشتو مع ناس جعفر ود المتولبي...خال عائشة بنت الخياط بتاع الفول الفي محطة المواصلات.

جعفر ود المتولبي دا طقتو عربية ...دفعوه غرامة.

خلتو ليك هو في حتة وخالتو عائشة بنت الخياط بتاع الفول الفي محطة المواصلات في حتة تانية.

ديل تاني ما بتلاقو قريب.

جعفر دا الجماعة قالوا ليه قطعت الشارع الساعة خمسة وخمسة ...والساعة خمسة وخمسة الشارع دا (عنتر) ما بقطعو.

انت بتلعب ولاّ شنو؟.

بتقطع ساكت.

في زول بقطع الشارع خمسة وخمسة.

شارع هو ولاّ تورتة؟.

القانون بقول شنو؟.

القانون بقول في الحتة دي أي زول ما عندو شاحن موبايل اصلى يعتبر مخالف لقانون الحياة البرية ...عليه مفروض يدفع رسوم (مخالفة)...وما يقطع الشارع.

الحاجات دي لاحقاً ممكن تحصل ..ما تستغربوا.

قالوا ليك ناس عباس الكريف بصلحوا الفول بي علبة ساردين.

بقلبوا ليك في صحن الفول ...علبة ساردين ...الجنبك ما بتشوفو بعد كدا.

الفول لمن تقلب ليك فيه علبة ساردين ...بجيب ليك اذاعة 104م..(الرياضية أي زول بسمعها).

أي زول بسمعها ..هي اذاعة ...ولاّ بوكسي الخضار ؟..الفالقنا كل يوم بي (حصة) الخضار الببيع فيه ..(جرجير ...قرع ...طماطم ..عجور).

في واحد عندو وجع ضرس ..مشى يخلع الضرس.

قالوا ليك في مصر ...خلع الزوج ..بقى اسهل من خلع الضرس.

الدكتور قال ليه : الضرس دا ما بخلعو ليك عشان (ملتهب).

حنك دكاترة الاسنان ...(الضرس ملتهب).

هو أنا لو ملتهب ..كنت جبتو ليك.

الزول قال للدكتور ..ملتهب يعني شنو؟.

ملتهب يعني تمشي الولاية تدفع رسوم (التهاب) وترجع لينا بعد (4) يوم ..عشان نخلع ليك (ضرسك) دا.

والولاية دخلها شنو بالالتهاب دا؟...كمان بقوا يشاركونا في (الالتهاب)؟.

دخلها انك بتأكل بي جنبة واحدة ...الولاية بتأكل بي الجنبتين.

شفتوا كيف؟.

نحن أي حاجة عندنا بي نظام.

حتى (الالتهاب).

يتخيل لي كدا ..الليلة (الاربعاء) ما الاحد (أنا حر في ذلك)..كمان دي عاوزين تمنعونا منها..موش مرات بتتخيل حاجات زي الشكل دا.

جيب ليك (عدس)..صلحو ..وقطع فيه (بصلة) برة ...واتخيلوا (كبدة).

والله دي إلا يكون خيالك (عالي)...وحسك الفني ذاتو راقي.

العدس وقت تكون بصلتو برة ..بجيب ليك اذاعة البيت السوداني.

المعنى البيت السوداني كلو (عدس).

جيب (طه سليمان) في الحفلة ...واتخيلو محمد وردي.

لا دي صعبة.

صعبة عديل كدا.

دي عاوزة ليها حاوي.

يعني ما ممكن لمن طه سليمان بكون بغني في (دقيت ليه ما رد)..تتخيّل الاغنية دي (بعد ايه).

ما بتجي إلا تغيّر (الذاكرة)...والسماعات ذاتها...وتتقل في (الشربوت).

مرة مشينا حفلة ...(دي فيها حاجة).

عادية ...الموضوع دا جربتوه معاي كتير.

زول ماشي (حفلة).

زمن الحفلات بتبدأ الساعة واحدة ونص...وتنتهي مع جرس الحصة الاولى.

هسع الحفلة تبدأ (11) إلا ربع...وتنتهي (11) إلا ربع.

الفنان يطلع وينزل من المسرح زي (الفاكس).

تشوفوا بقول في واحد ..واحد ..واحد ...لمن يقول اتنين ..الساعة (11) تجي.

يقول ليك بعد (11) أنا ما بغني.

ما بتغني بعد (11) ليه؟...انت (فنان) ولاّ (جزار)؟.

المهم يا جماعة دا ما موضوعنا.

مشينا الحفلة.

الفنان في الفاصل الاول ..غنى اغنية محمد وردي (بحبك بحبك ..أنا مجنونك).

ما قلنا شيء.

اعتبرنا الموضوع ما فيه مشكلة.

مررنا الحكاية.

في الفاصل التاني...غنى فنان الحفلة اغنية ابراهيم عوض والطاهر ابراهيم (حبيبي جنني وغيّر حالي).

ما قلنا حاجة.

قلنا يمكن (صدفة).

الجن بداوى ..كعبة الاندراوه.

في الفاصل الثالث الفنان غنى اغنية ابوعبيدة حسن (الجنني).

يا ربي قاصد (انبوبة الغاز).

قاصد (البنزين).

قاصد (الرغيفة).

اقول ليكم حاجة ..نحن اضايقنا هنا ..وحسينا بالرهبة ..قعدنا نتلفت زي الروس.

عليكم الله ..لو ما ساي ..هسع (الروس) بتلفتوا...(ما تقطع لينا كلام من رأسك).

الحكاية دي بقت ظاهرة.

الفاصل الرابع ...عارفين الفنان غنى شنو؟.

غنى (كان جنيت أنا ما ملام)..اغنية ود البكري.

هي حصلت!!.

ما ملام كيف يعني؟.

قلنا الله ...الزول دا قاصدها ولاّ شنو؟.

معقولة الفنان دا اعقل اغنية غناها (القربو يحنن والبعدو يجنن الهين ولين شغل بالي).

الحفلة دي مالها كدا؟..نحن ذاتو ما ناقصين.

تشككوا الواحد في رقبتو.

الفنان دخل في الفاصل الخامس.

غنى شنو؟.

غنى (قالوا قالوا علي شقى ومجنون...إن شاءالله اجن وازيد في الجن).

قلنا لا ..الفنان دا قاصدنا عديل ..انت عاوز تجن يا اخوي اكتر من كدا تمشي وين؟.

في واحد معانا حريف في الحفلة ..قال يا جماعة الحفلة الكلها (جن) دي ..احسن ننسحب منها واحد وراء التاني ...ما نطلع كلنا سوا ..عشان ما تبقى ظاهرة...ننسحب واحد وراء التاني.

في واحد فينا قال باركو للعريس واطلعو ...(يشوف وشنا بس).

شوية كدا شفنا ليك (العريس) دخل الصالة في (كارو)..والعروس بتكد ليها في (دومة).

قلنا إن بقى كدا ..الحكاية بايظة من (عريسها).

بعدين العروس دي جات من الكوافير ولاّ جات من (الدافوري).

عاملة كدا زي (التريس) في اخر اللعب.

باك بس.

مشينا على الفنان وقلنا ليه لو ديل عرسانك يا اخوي غنى ساكت...شابكنا من الصباح (إن شاءالله اجن وازيد في الجن)...انت تزيد في الجن اكتر من كدا تمشي وين؟...بعد كدا إلا تطلع عمود الكهربة القدامنا دا.

جن هو ولاّ فول البتزيد فيه دا؟.

هسع حفلتك دي طلعت ليها تصديق من وين؟.

من النظام العام ولاّ من التجاني الماحي؟.

خلي التصديق...انت خريج (مستشفى المجانين) ولاّ معهد الموسيقى والمسرح؟.

عامل كدا زي (الصينية) البنتهي منها الرغيف في اول (5) دقائق.

قبل ما نطلع ...من الحفلة ..لقينا لينا واحد ما شغال بالحفلة ..قاعد في كرسي بعيد ...ومركب سمعات في اضنينو.

قلنا بس...دا الزول الوحيد (العاقل) في الحفلة دي.

مشينا عليه ..قلنا ليه انت مالك قاعد هنا براك؟. زي فرشة الاسنان في المزيرة.

قال لينا ..قلت اطلع من الحفلة الكلها جن في جن دي..بالله الحفلة زي (عنبر المجنونات).

قلنا ليه والله نعمة ما عملت.

لكن انت هسع بتسمع في شنو؟.

قال لينا بسمع في اصالة نصري.

واصالة بتغني في شنو؟.

اصالة بتغني في (يا مجنون موش انا ليلى).

بطنا طمت عديل.

اتصدمنا.

الامل الوحيد لينا في الحفلة دي ...طرشق.

طلع (ماسورة).

قلنا نطلع ...ونتخارج من الحفلة دي.

الظاهر الحفلة دي حفلة بعد رفع الدعم من المحروقات.

ابو العروس ...جانا ..قال لينا ما بتطلعوا لو ما اتعشيتوا.

قلنا ليه مع غناكم دا ..اكيد عشاكم (سلطة اسود).

قعدنا جابوا لينا العشاء.

فتحنا صحن الكوكتيل ..لقينا ليك (البامية المفروكة).

قلنا ليهم دي اول مرة تحصل.. في صحن كوكتيل بعملوا فيه (بامية مفروكة).

باميتكم المفروكة دي ما عاوزة ليها (كوكتيل).

ما مستاهلة التعب دا.

دي الحكاية كدا تبقى مخططة ...ومدبرة...ومقصودة كمان.

نحن حفلة زي دي لا بنقعد فيها ولا حاجة ...خارجونا يا جماعة.

بامية مفروكة!!.

نحن في حفلة ولاّ في بيت عزابة؟.

نحن في (داخلية) نحن.

دا شنو البتعملوا فيه دا؟.

ليه الاعراس ادهورت بالشكل دا.

البامية المفروكة بقوا يجبوها في الاعراس..وفي كوكتيل كمان.

البامية دي في السماية زمان ما بتظهر.

يعني لو قعدنا شوية ...ممكن صحن الكوكتيل يجيبوا ليك فيه (سليقة).

سليقة ساكت.

دا كلو ما بحلك.

ادخل لينا في الموضوع.

المريخاب!!.

المريخاب مالهم كمان؟.

المريخاب ما كفاهم (البترول).

وما كفتهم الحكومة.

وما كفاهم الاتحاد العام ...معتصم جعفر ..رئيس الاتحاد العام لكرة القدم ...متعصب للمريخ اكتر من خالد ليمونة.

وكمان مع دا عاملين ليه (3) مساعدين.

لي شنو؟.

عشان يحللوا الحكاية للمريخ.

الاتحاد العام من معتصم لي اسامة عطا المنان كلهم مريخاب ..(من كمال دحية وانت ماشي لي غادي).

المريخاب ما كفاهم الحكام بالحسبوا ليهم في الاهداف التى تأتي من تسلل واضح.

ما كفاهم فيصل سيحة بتاع لون النجيلة.

وما كفاهم طمبل ..وكلتشي والباشا واكرم وريتشارد وعلاءالدين طيارة ومجاهد.

ديل كلهم ما كفوهم.

ما كفاهم هيثم مصطفى.

المريخاب عاوزين (صلاح ادريس) كمان.

عاوزين ليهم رئيس ينافس جمال الوالي.

جمال الوالي دا نزل في الانتخابات (10) مرات ..ما لقى زول نزل معاهو.

قالوا شنو؟.

قالوا يجيبوا صلاح ادريس إن شاءالله في مجلس الشورى.

انت يا الامين العام لمجلس المريخ (اللورد السابق) الما عارف اسمو ..صلاح ادريس لو جاء مجلس الشورى بتاع المريخ ...اول حاجة بعملها ..بحولك يا طارق إلى نادي النسور.

عشان تنزل معاهم من الممتاز.

عامل نضارتك الما بتشوف بيها غير (بله جابر) دا.

هسع بله جابر دا عاوز ليه (نضارة).

كورة ناس بله جابر ديل الزول مغمض بشوفها.

عامل ليك نضارة في الفاضي.

عشان تشوف شنو؟.

طارق (اللورد السابق) اليا دوب بفك خط (الامين العام) بتكلم عن صلاح ادريس.

والله صلاح ادريس دا يجيكم في المريخ ..يفرتكم (نجمة ...نجمة).

اول حاجة بعملها ......تاني زول بي طولة لسانك دا ما بنشوفو.

انت يا زول الامين العام للمريخ ولاّ (طباخ)؟.

مالو كلامك كتير كدا.

كلامك دا كلام طباخين.

اوعك تتطاول على الهلال ...شوف (سلتك) وين؟.

صلاح ادريس لو مشى المريخ ...لو بقى رئيس نادي المريخ ...تاني كلتشي والحضري ديل (قرش) ما بشوفو.

شورى شنو البقعد ليكم فيها صلاح ادريس.

تاني حاجة ...نادي المريخ دا برحلو (صالحة).

طبعاً دي صلاح ادريس في الهلال ما قدر عليها.

ثالث حاجة ناس بله جابر وموسى الزومة ومحمد موسى وضفر ديل بوديهم اهلي شندي.

المريخ دا تاني ما بتشوفو..إلا تدربوا في استاده ساكت مع الاهلي شندي.

سلك ومزمل ابوالقاسم ومعاوية الجاك ذاتهم بمشوا شندي يطلعوا ليهم صحيفة رياضية من هناك اسمها (الارسنال).

صلاح ادريس ...حاجات زي دي ما بتنفع معاه.

اما ناس كمال دحية ..وصديق على صالح ..ديل بشوف ليهم (دفارات) عشان يمسكوا عضوية ام درمان.

اتخيلوا كمال دحية مسؤول من استاد شندي.

والله نجيلة استاد شندي في اسبوع تبقى ليك زي (ام فتفت).

بعدين صلاح ادريس لو بقى رئيس نادي المريخ ..حضروا ليه (نجيلتكم) ساكت عشان يرشها قبل أي مباراة مهمة للمريخ.

وكل اسبوع بعمل ليكم (لقاء جماهيري).

وبجيب ليكم محترف من بوليفيا.

وبقول اكرم الهادي سليم دا عليّ بالطلاق ما يلعب المباراة ...يمشي تونس بالعربية!!.

صلاح ادريس دا ما بتقدروا ليه يا مريخاب في (5) يوم بفرتكم.

والله مريخ (الفاشر) ما يسلم منو.

كمان صلاح ادريس بيلعب.

ما تعاينوا لي كدا ...(الصورة دي قديمة).

ملحوظة : نحن شفوت..موية الفول بنخللها بي موية الجبنة.

هوامش

سعيد بالمناوشات التى تحصل بين صلاح ادريس والمريخ الان.

صلاح ادريس ..ما برضى الحقارة.

عشان كدا المناوشات دي بتقرب المسافة بين الهلال وفارس ومالك اسحق وباسيرو.

مفروض صلاح ادريس يرد على المريخاب في التسجيلات.

شفتوا نحن (شفوت) كيف؟.

عارفين أي حاجة.

بالمناسبة المريخ ما ح يشيل الممتاز (إن شاءالله).

بغض النظر عن شكوى الاهلي شندي في المريخ.

انتوا منتظرين من الاتحاد العام دا ...يجعل المريخ يفقد (3) نقاط بسبب شكوى.

انتوا جنيتوا.

الاتحاد العام دا فهمو اقل من فهم ناس همد.

ومنتظرين الشكوى.

معتصم جعفر دا لو في مرادو ..المريخ لمن يخسر عديل كدا ..يبدل النتيجة.

هدف بله جابر العكسي في المريخ لصالح الخرطوم الوطني ...لو جابوه لي معتصم جعفر ما بحسبو.

.........

عاجل :
يا طارق (اللورد السابق) لو صلاح ادريس جاكم ...الرديف ما بخليك فيه.

انقر هنا لقراءة الخبر من مصدره.