إبراهيم شقلاوي يكتب: بين الفوضى وإعادة التأسيس    الكهرباء في السودان تعلن عن قطوعات وتوضّح    الهلال يهزم سانت لوبوبو ويتأهل متصدراً مجموعته    الهلال السوداني إلى الدور ربع النهائي من بطولة دوري أبطال إفريقيا    شاهد بالصورة والفيديو.. الفنانة إنصاف مدني تفاجئ الجميع وتقتحم عالم التمثيل بالمشاركة في عمل درامي خلال شهر رمضان    شاهد بالصورة والفيديو.. الفنانة إنصاف مدني تفاجئ الجميع وتقتحم عالم التمثيل بالمشاركة في عمل درامي خلال شهر رمضان    شاهد بالصورة.. فنانة تشكيلية تعرض لوحة للفنان الراحل محمود عبد العزيز للبيع بمبلغ 5 مليار جنيه وساخرون: (إلا يشتريها مأمون لزوجته حنين)    ليفربول يحسم أمره ويقرر عرض محمد صلاح للبيع    وزير الصحة يؤكد دعم غرب كردفان واستمرار الخدمات الصحية رغم التحديات    بنك الخرطوم يصدر توضيحا مهما    السلطانة هدى عربي توجه رسالة لخصومها بصور ملفتة: (اصلوا ما تحاولوا تشوهوا صورتنا لي ناس الدنيا ضيقة)    تفاصيل بشأن خطة تأهيل جسري شمبات والحلفايا    إطلاق سراح 100 من نزلاء السجون الغارمين بكسلا    تبادل إطلاق نار في الخرطوم    "Jackpotting".. كيف يستولي قراصنة على الصراف الآلي وأين بدأت هذه الهجمات؟    3 ميزات متوقعة في آيفون 18 برو بفضل شريحة " C2″ الجديدة    "ميتا" تعزز فيسبوك بميزة الصور الشخصية المتحركة    الأردني التعمري يقود رين إلى هزيمة باريس سان جيرمان بثلاثية    د. سلمى سجلت نقطة لصالحها، إن تم قبول استقالتها ستخرج وقد رفعت الحرج عن نفسها    الشرطة في الخرطوم تنهي مغامرة متهم المستشفيات الخطير    الأمم المتحدة تطلق التحذير تجاه أزمة السودان    (سبتكم أخضر ياأسياد)    الهلال يصارع لوبوبو لخطف بطاقة ربع النهائي    من سلوى عثمان لهند صبري .. مشادات "اللوكيشن" تهدد دراما رمضان    نصائح صحية للاستعداد المبكر لرمضان    "الصحة العالمية": اعتماد لقاح فموي جديد لشلل الأطفال    علم النفس يوضح.. هكذا يتخذ أصحاب التفكير المفرط قراراتهم    موسيفيني يصدر توجيهًا لجهاز المخابرات بشأن السيارات السودانية    الهلال السوداني يخوض مواجهة مصيرية في أبطال إفريقيا    أئمة يدعون إلى النار    إتحاد جبل أولياء يكون اللجان العدلية    في مباراة مثيرة شهدت ضربتي جزاء وحالة طرد الأهلي يخسر أمام مويس بثنائية نظيفة في دوري شندي    ترتيبات لإعادة تشغيل مصنع ألبان بركات وإنشاء مزرعة لتربية الماشية    إبراهيم شقلاوي يكتب: مسرح ما بعد الحرب لدى يوسف عيدابي    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    ارتفاع في اسعار محصول الذرة واستقرار سعر السمسم بالقضارف أمس    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    ترامب يحذر إيران: الوقت ينفد والهجوم القادم سيكون أشد    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



من نوادر الأبناء مع الآباء..منفل النور بخيت
الانتباهة نشر في الانتباهة يوم 19 - 02 - 2014

يقول المثل العامي ولدك إن كبر صاحبو . وهنالك إختلاف كبير جداً بين الآباء في طريقة تعاملهم مع أبنائهم هنالك الأب الصارم المخيف الذي إذا دخل المنزل يرتجف كل من في الدار وهنالك الأب الذي يفرح بمقدمه جميع أفراد الأسره ويتسابقون للقائه والبقيه ما بين هذا وذاك
بعض الأبناء يرفعون الفوارق بينهم وبين آبائهم لدرجة المبالغة وعندما تسمعهم يتحاورون مع آبائهم تظن أنهم يخاطبون أصدقاءهم أو زملاءهم . وسأحكي لكم في هذا المقال نماذج من هذه الونسات .
الحكاية الأولي ..
قام الأب بعد أن أكمل وضوءه وأخذ عصايته التي يتوكأ عليها وقال لإبنه :
...... يلا يا ولد جيب لي المقعد حق الجامع وأرح إتقدم لي خلينا نحصل الصلاة .
..... دقيقة بس يا أبوي انّكمِل الوضو وجي معاك..
...... ود المره إنت من الصباح ما اتوضيت منتظر لامن الصلا يقيموها ..
...... خلاص يا أبوي انتهيت يلا هات لي إيدك دي أرح بي جاي ....
وبينما الأب يتحسس طريقه برفق وقد تعثر في حفرة كاد أن يطيح فيها لولا أن أنقذه إبنه في اللحظة الأخيرة ... قال الإبن لأبيه وهو يكتم ضحكة ظهرت في كلامه .
....... والله إنت يا أبوي خلاص كملت تب والدنيا دي مكنتك مكنة؟!! .... قال الأب ...
.... الدنيا مكنتي صاح يا ود الّذين لكين والله هسي تلاقيها بتفتل ليك ساكت وإنت ما جايب خبر
الحكاية التانية ..
قالت الأم لزوجها يا الزين ما تسافر لي نيالا تشوف الولد دا ليهو خمسة سنوات ما رجع الشمالية .. و كمان سمعنا تحت تحت قالو عرس ليه بت من بنات الغرب وقعد معاها ...
.... خلاص يا مرة مالك سويتي لي فلقة دماغ باكر بركب القطر بمشي للولد دا بكرو ليكي من أضانو وبحيبو لي عندك ...
بعد فتره يسافر الوالد لنيالا ويلقي ولدو مبسوط عشرين قيراط وزوجة ولدو طيبه مبالغة ..
رحبت بي عمها و إتوصت بيهو جد . وتأكلو ليك كل يوم جداد وشية وعصيدة بي تقلية وتسقيهو لبن وعسل والراجل صحتو اتصلحت وولده شاف ليهو عزبة نجيضة وسمحة وعرس ليهو تب
والمره الجديدة ظبطت ليك الشيبه وبقت أمورا تمام أكل مجيّه ولبس مجيه وبقى عريس جد جد ....
وطبعاً نسوان دارفور مشهورات بالأكل المجيه وتدليل الزوج والتفاني في خدمته ولذالك بعد شهرين كدا ... قام الولد قال لأبوه ....
.... يا أبوي عامل كيف ما خلاص نرجعك البلد .. الجماعة هناك في إنتظارك ....
قام الأبو قال لي ولدو ....
........ يا ولد أنا إنت راسك مافي العز دا كلو أخليهو لمنو إنت مجنون أنا تاني من هنا ما ماشي بالعكس أنا هسّي ندمت علي أي دقيقة قضيتها مع أمك ..
الحكاية رقم تلاتة ..
الإبن وقد رجع حديثاً من أوروبا بعد أن قضى عدة سنوات أكمل فيها الدراسة وأصبح جراح ماهر اشتغل وتزوج ليه خواجية وجابا معاهو السودان ومشي بيها لأهلو في الجزيرة .
أبوه زعل منو زعل شديد وقال ليه مرتك الكافرة دي أبعدا مننا قبال تنجس لينا البيوت .
رجع الولد مع زوجتو حزين .. وما عارف يعمل شنو ...
بعد فترة الأب مرض مرض شديد قام ولدو جابو الخرطوم وعمل ليه الفحوصات والعلاجات ورقّدو معاهو في البيت . الخواجية إهتمت بي عمها إهتمام شديد وهاك يا سمك ودجاج وعصاير وفواكه .. عملت ليه عناية مركزة .
الأبو ضرب ليك الراحات وصحتو اتصلحت ورطّب شديد ..
الولد قعد جنب أبوه وبقى يداعب في أبوه ....
..... يا أبوي الكافرة دي عاملة معاك كيف أنشاء الله ما تكون قصّرت معاك....
..... يا ولدي دي ما الكافرة ... الكافرة أمك دي ...
الحكاية رقم أربعة :
في أحدي قري كردفان الولد زعلان شديد لأنو أبوه أصر يزوجو من بت أخوه . والولد ما عايزا وبحب ليهو واحدة تانية من بنات الحلة عايز يزوجا ...
قام الولد جمع ناس من كبار أهل القرية وطلب منهم عشان يقنعو أبوه يعفيهو من زواج بت أخوه الزي الككوية دي ..... قام الأبو قال ..
... يا ناس ولدي دا أهدوه دا ولد ما عندو مخ .. أنا عزلت ليه أحسن بت في البلد وكمان بت أخوي ويقول لي ما عايزا دا ولد شنو الماعندو أدب دا .... ولكن الولد قاطع أبوه محتجا ....
....... يا أبوي والله انت لا بتعرف تعزل ولا حاجة .....
كفاية عزلك الفي أمنا دي ...
الحكاية رقم خمسة
أرسل الإبن المغترب مبلغاً من المال لأبيه في القرية وكتب ليه يا أبوي تشيل القروش دي وتمشي لي حلة عيال سلمان تعرس لي بت الشيخ سلمان وأنا موكلك علي كل حاجة .
ركب الوالد على حماره الرهيب بعد أن وضع عليه السرج والبردعة ولبس العمامة والملفحة وبقي شيخ عرب ليهو هيبة .
دخل حلة عيال سلمان ضحى وبسأل من البيت لامن وصل . لقى ليك ناس البيت كلهم طلعو الزراعة ما عدا العروسة إتأخرت شان تجهز ليهم الغدا.
إستقبلتو ليك احسن إستقبال قالت ليهو اتفضل ناس أبوي مشو الزراعه لكن بجو بعد شويه .
نزلت السرج وربطت الحمار وجابت ليهو العلوقه ورجعت للضيف جابت ليه العصيروالشاي والقهوه والفطور . المهم عمك اتكيف منها شديد .
بعد شويي أبوها واخوانا جو من الزرع لقو ليك الراجل هيبه وسلام شديد حق الله بق الله . وبعد ما انتهت مراسيم الضيافه . قال ليهم يا جماعة الخير انا جيتكم خاطب . انا عايز بتكم فلانه دي لي روحي دي وبي سنة الله ورسوله وجاهز تب مما جميعو.
الجماعه قالوا ليه حبابك يا شيخ علي الزيك ما بتكسف يا زول أديناك البت مبروكه عليك .
إتلمو أهل الحله في نفس الليله عقدو ليهو وضبحو الضبايح وعمك أصبح عريس.
بكره كتب لي ولدو والله البت عجبتني وعرستها لي روحي والقروش اتصرفت جت ..
ومافي مشكله إنت زول صبي شوف ليك بت تانيه أصلو البنات كتار وقروشك كتار

انقر هنا لقراءة الخبر من مصدره.