سودارس : ألحقني يا (حضري)...ألحقني يا هو (..........) يا بيت ابوي

بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) شاهد بالصور.. "سيدا" و"أمير القلوب" يخطفان الأضواء على مواقع التواصل السودانية والمصرية بلقطة جميلة والجمهور: (أفضل من أنجبتهم الكرة العربية) مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. حكم راية سوداني يترك المباراة ويقف أمام "حافظة" المياه ليشرب وسط سخرية الجمهور الحاضر بالإستاد شاهد بالصورة والفيديو.. ناشطة سودانية حسناء: (بحسب قرار ترامب الجديد قد تُمنع من دخول أمريكا إذا كنت سمين أو ما بتنوم كويس) شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة وقفة احتجاجية في أديلايد ولاية جنوب استراليا تنديداً بالابادة الجماعية والتطهير العرقي في الفاشر السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب وزير المعادن: المرحلة المقبلة تتطلب رؤية استراتيجية شاملة تعزز استغلال الموارد المعدنية بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) إعفاء الأثاثات والأجهزة الكهربائية للعائدين من الخارج من الجمارك حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة صحف عالمية: تشكيل شرق أوسط جديد ليس سوى "أوهام" عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ألحقني يا (حضري)...ألحقني يا هو (..........) يا بيت ابوي

قوون نشر في قوون يوم 10 - 03 - 2013

• اعلان سابق ...كان يقدم في الفضائيات السودانية عن (الارز)..تقدمه المطربة (حرم النور)...تتلخص قوته ، وفكرته في الخيار الذي تضعه حرم النور ، وهي تخاطب زوجها في الاعلان مستعرضة (الارز) وهى تقول بلغة جادة وصريحة ونهائية : ( يا هو يا بيت ابوي).

• كلام واضح.

• يا بنت الناس ..روقى ..استغفري...ما كدا ..ألعني الشيطان.

• الدنيا دي ما فيها خير.

• الموضوع ما بستاهل ..لكن (منطق) الاعلانات دائما يشطح الي ذلك الحد (التعسفي).

• ناس الاعلانات ديل ...ممكن يقدموا ليك قطعة ارض في (الميجا)..على انها قطعة ارض في (المهندسين).

• بعد ما تشتري القطعة تكتشف انها في (الميجا).

• تقول للسمسار دا شنو البتعملوا فيه دا؟.

• يقول ليك ما تزعل ..القطعة دي فيها (باب) بفتح وش في كوبري الفتيحاب.

• الباب البحري.

• والسماسرة ..زي (علبة ماكنتوش) بقنعوك ...بقنعوك.

• مرة عندنا ..واحد ..(مفتح)..الزول الصعب داك.

• النوع البدون سبب كدا بطلع بطارية الموبايل ، وبجدعها برة.

• الزول دا مشي سوق ليبيا ..عشان يشتري ليه (تور).

• دي فيها حاجة.

• عاوز ليه (تور) عديل كدا.

• صاحبكم مشي ..وجاء راجع ليه بي (ديك).

• ناس الحلة قالوا ليه دا شنو البتعمل فيه دا؟ ...هسع ما بتخجل ...طالع ليك من دفار ..ونازل ليك من دفار بي (ديكك) دا.

• الناس يقولوا علينا شنو؟.

• الزمن داك كان زمن (الدفارات).

• ما في اي ركشة في البلد.

• زولكم عاين للديك كدا ...زي كأنو اول مرة يشوفو ..وقال ليهم : والله الشيء دا لغاية ما وصلت (الشهداء) ...كان (تور)..هسع بقى (ديك) كيف ما عارف؟.

• لكن هسع ..دا ما موضوعنا ...لا التور ...لا الديك ..لا شاحن الموبايل.

• هسع شاحن الموبايل الدخلو هنا شنو؟.

• بتعمل تقاطعات غريبة كدا.

• موضوعنا ...اعلان حرم النور حق (الرز)...يا هو يا بيت ابوي.

• اتخيلت براي كدا (وانا قاعد اكتب في العمود) ... اتخيلت (المرا) تلملم حاجاتها ..وتستف (شنطتها) زي ما بعلموا في الافلام العربية ...(دائما الواحدة عشان تأخذ وقت اكبر في الاعداد الي الذهاب الي بيت ابوها ...بتنزل الشنطة من فوق الدولاب).

• ليه دائما (الشنطة) بتكون فوق الدولاب ..وقت تكون الزوجة زعلانة وعاوزة تمشي بيت ابوها.

• اشمعنا فوق الدولاب يعني.

• السر شنو؟.

• السر قدور.

• يمكن دي (فلسفة) روسية ...نحن ما عارفنها.

• المرا ..تشيل (شافعها) وهو ببكي (مشهد درامي مؤثر ..مع موسيقي تصويرية حزينة) ...وقبل ما تطلع تقول لزوجها ..في (عدس) في التلاجة لو شعرت بالجوع سخن منه..ثم تذهب الي بيت ابوها.

• انت مالك وامالو ..ان شاءالله يموت من الجوع ..(الحنية نزلت عليك فجأة كدا من وين؟).

• وابوها ذاتو عيشتو تطير.

• اول ما تصل البيت الكبير ..ابوها بيسألها : (مالك ان شاءالله خير ..في شنو؟).

• تقول ليه : تصور يا ابوي ما جاب لي (رز).

• انا يا ابوى بعد السنين دا كلها ..والعشرة والملاح ...ما جاب لي (الارز).

• المرا تتنخج زي (اريل) العربية.

• موبايل شغال (هزاز)...ترجف كلها زي (الاسورة) في يد العروس.

• يا ولية (الارز) ما بستحق كل هذه الجوطة...(حتى لو كان ذلك في الدعايات).

• اذا كان (الارز) بعمل كدا ...(السمك) يعمل شنو؟.

• بعدين النسوان ديل لو فتحوا ليهم حكاية ( يا هو يا بيت ابوي)...ما في (مرا) بتقعد في بيت زوجها.

• لو عاوزة (الارز)..تقول : ( يا هو يا بيت ابوى).

• لو عاوزة (بصل) ..تقول : (يا هو يا بيت ابوي).

• لو عاوزة (رصيد)..تقول : ( يا هو يا بيت ابوي).

• والله النسوان تفتحوا ليهم طاقة زي دي ..الواحدة تانية لو عاوزة ليها (موية فول) تختك في حتت ( يا هو يا بيت ابوي).

• المرا ..بتاعة (الارز)..مشت بيت ابوها ...ابوها لاقاها في الباب ..والشرر يتطاير من عينو ..تقول في معركة كرري.

• الاب المسكين يفور ويندلق ..ويقول ليها ..كيف ما جاب ليك (الارز)..قاعدة معاه كيف؟...انا ح اضرب ليه الان ..اقول ليه رسل لينا (القسيمة)...كل شيء ولا (الارز).

• انا ح افضحو ..فضيحة.

• نحن ممكن نسامح في اي حاجة إلا (الارز).

• كلو ولا (الارز).

• الا (الارز) يا بنتي.

• دي بالنسبة لينا مسألة حياة ..او موت.

• دي مسألة (كرامة)....كيف ما يجيب ليك (الارز)..الناس يقولوا عننا شنو؟.

• كلام فارغ والله.

• هو عاوز الناس يشمتوا فينا ..ويقولوا ما جاب ليها (الارز).

• وقت ما قادر يجيب ليهو (رز)...فاتح ليه بيت على شنو؟.

• يمشي الدهب طوالي لو ما قادر على الموضوع دا!!.

• نحن لو عارفنو كدا ..والله ما كنت بخت ايدي في ايدو...طلع راجل اي كلام..وما بعرف قيمتك ..ولا بحترم اهلك.

• هكذا اتصوّر تكملة الاعلان ..وعلى هذا النحو اتخيل تفاصيله.

• وانا في ذلك حر ..(اتخيل) زي ما انا عاوز.

• ما في زول بقدر يقول لي اي حاجة.

• الكلام دا ما جبتو من رأسي ...الكلام دا ..كان نازل في الفضائيات السودانية...وحرم النور من فضائية لي فضائية حائمة بي كيس الارز...(يا هو يا بيت ابوي)...قدام عينكم ...ما في واحد فيكم قدر يقول اي ىشيء.

• عاوزين تنظروا لي هسع في العمود دا.

• الكلام دا في التلفزيون القومي ...في تلفزيون الدولة الرسمي كان نازل...(فيكم زول قدر يقول حاجة).

• تذكرت هذا الاعلان ..وانا اجد حارس المريخ ..المصري عصام الحضري ..يضع المريخ في نفس الحتة التى وضعت فيها (حرم النور) زوجها وهى تخيره بين ان يحضر الارز او تمشي بيوت ابوها.

• الليلة الارز يشيل شيلتو معانا.

• اقصد (الحضري) يشيل شيلتو ساكت.

• عصام الحضري بفعل نفس الشيء ويضع مجلس ادارة المريخ وجهازه الفني واعلامه وجمهوره في نفس الخيار ..وهو يقول : (يا هو يا بيت ابوي).

• هذه العبارة يكررها عصام الحضري في كل المواقف ويضغط بها على المريخاب متى ما كان يريد تحقيق شيء فيجبر المريخ على التنفيذ.

• الحافز ....(يا هو يا يبت ابوي).

• المرتب ...(يا هو يا بيت ابوي).

• الفندق ...(يا هو يا بيت ابوي).

• الشقة ...(يا هي يا بيت ابوي).

• المشاركة اساسيا ...( يا هي يا بيت ابوي).

• الكدارة ...(يا هي يا يبت ابوي).

• الشنكار ...(يا هو يا بيت ابوي).

• قالوا ليك ...(والكلام دا ما يطلع من العمود دا)...الحضري عامل (يا هو يا بيت ابوي)..نغمة عديل كدا في موبايلو.

• مشغل (النغمة) لي ناس عصام الحاج ..وعبدالله حسن عيسي.

• وعصام الحضري ...عشان تبقوا عارفين ..(بيت ابوه ما هنا).

• عصام الحضري بيت ابوه في (القاهرة).

• والقاهرة دي لا امبدة ...ولا الدامر.

• يعني اقل زعلة كدا ...بشيل جوازو ويمشي لي اقرب وكالة سفر..يقطع التذكرة ويسافر.

• اليوم التاني ..تسمع (الجعريبه) في الاعمدة.

• الليلة يا ود امي.

• ويا حارسنا ..ويا فارسنا ..ويا القفلت مسالكنا.

• شبكتنا من غيرك ما بتبقى...وباسكال بدونك بنزلق...(رحلت وجيت في بعدك لقيت كل الارض منفى).

• اييي ..اييي ...اييييييي ...(على طريقة شعبان عبدالرحيم).

• يا احسن حارس في افريقيا ...

• ايي ..اييي..ايييييي.

• الليلة يا الحضري ...الليلة يا الحضري...يا البتطلع للكورات المعكوسة.

• ايييي...ايييي...ايييي.

• تسافر كيف ..اكرم ما بقيف...يا البتصد ضربات الجزاء.

• اييي ....ايييي.....ايييييي.

• خليت ناس ضفر ونجم الدين لي منو؟.

• اييي..اييي....ايييي.

• ناس الهلال ديل جابوا ليهم (مهاجم)..اسمو (ترواري) الباك بقسمو زي (المرارة).

• اييي...ايييي....اييي...ايييي.

• ومهند الطاهر زعلتو مع غارزيتو ..بفكها يوم الثلاثاء.

• اييي...اييي....ايييي.

• والليلة يا الحضري ..والليلة يا الحضري.

• ايييي...اييييي...اييي.

• بكا شديد ...ناس معاوية الجاك ..(دمعتهم) قريبة ...والحنية كاتلاهم ..وقت يسافر الحضري كلهم بقلبوا (محمد النصري).

• معاوية الجاك حايم بي طنبورو في شارع النيل.

• مامون ابوشيبة ...ببقى (جعفر السقيد) عديل كدا...والتقيل فيهم كدا ببقى محمد الامين ..(قلنا ما ممكن تسافر).

• بفرشوا في الجرايد.

• عصام الحاج دا ..(العبرة) تقيف ليه في حلقو..وازهري وداعة الله قدر ما يلف عمتو ...العمة تقع منو.

• حالتهم صعبة.

• ناس الصدى ..صيوانهم يقفل شارع الجمهورية..ما تسافر يا الحضري ..ما تسافر...وتلجهم يتاخبط ..اليوم كلو لافيين يلقطوا في (التلج).

• والحضري بقيف الف احمر ...( يا هو يا بيت ابوي).

• ترواري يجيب ليه قوون في مريخ الفاشر.

• التلفونات تدور.

• والنوم يطير من العين.

• انتوا الحضري مشكلتو شنو؟.

• حلوها ليهو ...شوفوا اي طريقة ..اعملوا اجتماع طاريء.

• خلوا جامعة الدول العربية تتدخل.

• جيبوا وزراء الخارجية العرب.

• اتصرفوا ...ما تقعدوا كدا.

• اضربوا تلات تسعات.

• عصام الحاج يسوى الدرب (مساسقة).

• من النادي الي بيت جمال الوالي ..ومن بيت جمال الوالي الي النادي.

• لا ..لا ..لا ...اكرم الهادي سليم دا ما بنستر قدام (تراوري).

• بعدين اكرم عندو مشاكل سابقة مع (بشة).

• توقفوا اكرم نحن تلقائيا كدا ..اتهزمنا.

• شوفوا الحضري.

• ادفعوا ليه المقدم.

• حلوا ليهو كلو مشاكلو.

• رسوم مدارس الاولاد ..ادفعوها.

• قروش الترحيل ..ادفعوها.

• حق الفندق ..ادفعوها.

• شطبوا ليه شقتو الجديدة في (المقطم).

• كملوا ليه اقساط العربية.

• سلفية البنك ..ادفعوها ليه ..كلها.

• اعلموا ليهم شارع زلط في دمياط.

• اعملوا ليهم مركز صحي.

• لازم الحضري يرجع ..ويرجع فوري كمان.

• الحقنا يا جمال الوالي.

• خلى مصطفى عثمان اسماعيل يتدخل.

• ما تقعدوا كدا.

• المباراة قربت ..وضفر عاوز يطق.

• نجم الدين ما بستحمل حاجات زي دي.

• الكوكي ذاتو ما قدر يتصرف.

• هلال مريخ دي ..اكرم لا بقدر عليها ..ولا تغشوا نفسكم.

• يا جمال الوالي شوف لينا اي طريقة.

• باقى 48 ساعة.

• اكرم عندو (مغص) شديد.

• ادخل يا جمال الوالي ..ان شاءالله بي شيكات.

• الموضوع دا عصام الحاج ما بقدر عليه.

• ما تحرجونا قدام هيثم مصطفى.

• فوتونا بس الاسبوع الرابع للدوري الممتاز.

• وعصام الحضري ......ماسك في ( يا هو يا بيت ابوي).

• ادفعوا ليه فاتورة التلفون.

• جيبوا ليه حوض سباحة في الشقة.

• لو قال عاوز (حوض سباحة) في موبايلو ..جيبوه ليه.

• اصلو ما في مشكلة.

• اعملوا ليه اي حاجة.

• والحضري ماسك في ( يا هو يا بيت ابوي).

• وعصام الحاج من يسمع العبارة دي ..بتجرس..وما بثبت.

• خلاص يا الحضري ..بندفع ليك مقدم العقد ..ومقدم الشقة..بس فوتنا الاسبوع الرابع.

• نحن لو هزمونا بي هيثم مصطفى ح نتفرتك.

• عصام الحاج دا طوالي يشيل (شنطتو) ويرجع شندي.

• ما عندنا ليه هنا اي طريقة.

• غايتو يا عصام الحاج دي وصية ليك مني ...يوم الثلاثاء امشي موقف شندي من الساعة تمانية.

• لو سمعت ساكت ..ان الكورة عند (تراوري)..اقطع التذكرة ..وسافر شندي...واقفل الموبايل.

• بتلقى ناس النيل ..(المؤسسة) في شندي في انتظاركم.

• لو اتهزم المريخ باذن الله ...تاني ما في زول بيستحملك يا عصام الحاج.

• تنظيراتك كلها بتروح شمار في مرقة.

• لا انت لا الحضري.

• عشان كدا ..اتخارجوا ساكت.

• ملحوظة : ويا هو يا بيت ابوي..جمال الوالي مشي بيت ابوه ..خلي ليكم المريخ يا عصام الحاج ..فاضل انت والحضري والزول القاعد بي هناك داك.

هوامش

• غايتو يا الهلالاب بتتفاصحوا جنس فصاحة.

• لكن ..هلال كادوقلي ما ريحنا.

• شال لينا اي حالة وجع ضرس.

• بقينا زي الطلقة.

• الله يجيب لينا يوم الثلاثاء ساكت.

• هيثم مصطفى حافظ الهلال ...والهلالاب حافظنو.

• وغارزيتو عارف بلغب المريخ كيف.

• بي اسهل طريقة.

• الصاقعة نزار حامد ..ان شاءالله مباراة القمة القادمة ..الكلمة تكون كلمتو.

• القون ...قون نزار.

• ترواري خلوه يفسح ناس باسكال ونجم الدين.

• العجب يوم مباراة القمة ..تسخينها ما بسخنها.

• اقعد ساكت في كنبتك.

• انت بخلوك تسخن مع ناس النسور ...مع ناس الاهلي عطبرة.

• مع ناس الهلال ...قالوا (التسخينة) كتيرة عليك.

• غايتو يا العجب عندك جنس مثالية.

• الباشا زعلان ليك ...اكتر منك.

• الباشا في مباريات القمة ...ما بقدر يعمل اي حاجة.

• بكون قاعد ساكت.

• الظاهر الباشا بتذكر ايامو الزمان مع الهلال ...عشان كدا ..ما بقدر يلعب.

• استفيدوا من (مزلقان) باسكال.

• بالمناسبة ..ما كتبت ليكم الي الان عن (مزلقان باسكال).

• الوعد بينا اكتب ليكم تحت هذا العنوان ...(مزلقان باسكال).

• الصبغة بتعمل اكتر من كدا.

• هى الصبغة بتكتل عديل كدا ...ما تزلق.

• اول مرة اشوف لي محترف بنزلق من الاسبوع الثالث ..عشان مباراة في الاسبوع الرابع.

• دي ما حصلت قبل كدا.

• الموضوع دا ..احسن اخليه ..برجع ليه بكرة ان شاءالله ..لو ما ظهر جديد.

• عصام الحضري يمشي يجبوه من (مصر).

• العجب في (كنبتو) ما في زول شغال بيه.

• بلة جابر دا لو قفل تلفونو ساكت ...بخصمو من مرتبو.

• الحضري يسافر ..ويزعل ويمشي صرح في الفضائيات المصرية كمان.

• يا جماعة انتوا الزول دا ما قادرين عليه.

• لو ما قادرين تمنعوه من السفر ..امنعوه من التصريحات.

• والله المريخ فوضي.

• انتوا عارفين الحضري دا لو كان في الهلال ..كان الامين البرير شطبوا ليكم منذ ان كان عمرو (18) سنة.

• يعني ما كان بوصلوا بي حال من الاحوال (الاربعينات).

• غايتو دي اول مرة تحصل.

• اول مرة اشوف لي حارس عمرو زي الدرب او الطريق او الخور.

• عمر الحضري زي شارع الاربعين ...او زي الخور ...(درب الاربعين).

• اجزم ليكم ..الحضري ح يرجع نهائي الي مصر بعد الاسبوع الرابع.

• مفروض بدل (الحضري)....تسموه (السفري).

• سفرك بكرة قالوا.

• الحضري عندو (مقعد) ثابت في اي طيارة ماشي مصر.

• انتوا تعالوا هنا ..قروش التذاكر دي البدفعها منو؟.

• ما تقولوا لي الحضري.

• الحضري في مترو الانفاق في مصر ما بدفع ..بقول ليهم انا حارس المنتخب المصري.

• جنيه مصري ما بدفعو...عاوزنو يدفع ليكم قروش الطيارة.

• انتوا جنيتوا وإلا شنو؟.

• كمان انتوا ما بتعرفوا الحضري.

• الحضري قالوا ليك ..لمن يعمل (مسكول)..بعملوا (ارضا سلاح) عشان الزول المسكل ليه ما يفتح.

• مسكول سريع كدا.

• يا مهند الطاهر ..مباراة القمة دي حقتك.

• عندك حاجات كتيرة ...عاوز تخلصها في المباراة دي.

• شوت بس.

• تهديفاتك كلها بتلج في شباك الحضري.

• من اي حتة ..ومن اي زاوية شوت.

• وخلي الباقي لترواري.

• دعواتك يا شيخ الطاهر.

• عاوزين (نحضر) للحضري.

• الحضري دا ما في زول بقعدوا في مواعينو غير (مهند الطاهر).

• باسكال المسكين ..بدل ما يشيل هم ترواري ..قالوا شايل هم امير كمال.

• يا باسكال ..لو عندك قروش عند عصام الحاج ..احسن تشيلها.

• الوقت دا احسن وقت.

• بعد يوم التلاتاء ..ما في قرش بنصرف في المريخ.

• احسن تشيلوا حقكم من بدري.

• ناس ترواري ديل ..ناويين ليكم نيّة كعبة.

• عاجل : الحضري رجع ..البرجع (النجيلة) شنو؟.

انقر هنا لقراءة الخبر من مصدره.