انقطعنا كم يوم كده فتفاجأنا بأشياء كثيرة يحدثنا إخوتنا الأهلة عن الوطنية يحدثوننا عن أي وطنية ؟؟ الوطنية الطحنية يا ربي !!!! ولا تكون الوطنية السينما ؟؟؟ واحتمال الوطنية البص موش كان في نيسان اسمو نيسان الوطنية ؟؟ ناس من تسعة وتمنين ينكرون كل يوم سيكافات المريخ عن أي وطنية يتحدثون !!! ناس ينكرون مانديلا الذي تعترف به أفريقيا كلها عن أي وطنية يحدثوننا ؟؟؟ ناس يخربون أجمل وأعظم استاد في الحياة الاستاد الذي تفخر به البلد الاستاد الذي استضاف فاصلة مصر والجزائر الاستاد الذي قال عنه المذيع التونسي الذي كان ينقل لقاء تونس في بطولة الشان حيث قال إن شاء الله تونس تتأهل عشان تلعب المباراة القادمة باستاد المريخ عن أي وطنية تتوهمون أنتم ؟؟؟ وطنية بالطا ؟؟؟ أيهاالناس من منهم أصيب بما أصيب به لحظة إعلان فوز مريخ السودان بمانديلا أفريقيا ؟؟؟ الما زعل يقول أنا فرحت يا صديقي الرشيد علي عمر في اليوم داك ؟؟؟؟ يوم شلنا مانديلا ؟ فرحت يا روشا ؟؟ قول والله يبقى عن أي وطنية تتحدثون عن صورة التاكسي الرواندي في الصفحة الأولى أم عن صورة الركشة أم عن موضوع الريد بول ؟؟؟ أيها الناس ديل ياهم ذاتم البقولوا بألسنتهم ما ليس في قلوبهم ولكن يظل مانديلا حقيقة مغروسة في قلوبهم تعجز ألسنتهم عن الاعتراف بها المهم الناس تتحدث ناس بقولوا الهلال بصل دور الأربعة وناس بقولوا حدوا المجموعات وناس بقولوا بصل النهائي لكن ما بشيل الكاس وناس بقولوا ما بصل النهائي لكن بشيل الكاس « وديل طبعا الناس الدايشين شديد» وأنا لا أتدخل ولا أدلي بأي رأي لأن القناعة عندي الهلال الأنا بعرفوا لو دخل جوه الكاس ما بشيل الكاس الحكاية مستويات وليست أمنيات وتمنيات يبقى في شنو كترت النقاش المهم الحقيقة تقول المريخ شال بطولة أفريقية كبيرة يعني المريخ واحد من الفرق الأفريقية حاملة الكاسات«طبعاً حاملة الطيارات لي اسي طيران ساي» يعني نحنا من أولي الألقاب الأفريقية ولا يشجع فريق من أولي الألقاب الأفريقية إلا زول من أولي الألباب فهمتوا يا أولي النكران وأولي الصفر الكبير ؟؟؟؟ اها نجي لي شمارات والي الخرتوم كان شفت يا والينا في نقاشا لينا اتلمينا عن الفساد دار كل الكلام البينا واحد قام سأل سؤال لينا الشعب عمل شنو بعد عرف موضوع الفساد الفينا ؟؟؟ قلنا ليهو الشعب بعد عرف زاد من استهلاكو للجرايد قال لينا وبس ! قلنا ليهو وستين بس كمان المهم انقطعنا عنكم ليس بادينا ولكن استجابة لقضاء الله رحل الخال عمر عبدالمجيد علي طه تربينا مثل غيرنا بين أيادي الأسرة الممتدة فامتدت صفاتها فينا ومنهم كان الفقيد كان سمحاً وهيناً وليناً هاشاً باشاً وكريماً كان خشم باب وضو قبيلة وسمح السيرة آلمنا الفراق ولكن امتثلنا لأمر الله ولا حول ولا قوة إلا بالله العظيم سلك كهربا ننساك كيف وكل ما يدهشنا خبر غير نقرا الجرايد ما بنعمل شي والى لقاء سلك