* خرجت ألينا(ق سبورت)فى ثوب جميل. * ولكن العزيز رمضان لم يخرج من عباءة المكابرة. * تخيلوا أمس رمضان كتب كلام زى طق العصا فى الركب. * أتكلم عن معسكر المريخ بالدوحة. * وتحدث عن رحلة الهلال التى أسماها معسكر الهلال. * ناس الهلال جنهم رحل. * سبحان الله. * قال. * الأهلة متفائلون من نتائج معسكر الدوحة لتقديم موسم مثالى. * وقال المريخ كيف أستفاد من معسكر الدوحة. * الله يسألكم المكابرة هى شنو؟؟؟؟؟؟ * هى شنى؟؟؟؟؟؟؟ * هى ياتا؟؟؟؟؟ * ماهى؟ * ككيف؟!! * المريخ الذى كسب فى معسكر الدوحة أحتكاكاً عالمياً وأوروبياً ما أستفاذ!! * المريخ الذى سافر وفقاً لجدول محدد وملاعب محترمة وأقامة فاخرة ما أستفاد!! * المريخ الذى تناقلت أنبائه وسائل الأعلام الألمانية والنمساوية والعالمية ما أستفاد!! * المريخ الذى عرفه كل العالم ما أستفاد!! * المريخ الذى كسب من الرعاية والأعلان على شعاره بالدوحة مية وتلتين الف دولار ما أستفاد!! * أستفاد الهلال!!!! * المشى المطار بى حافلة الحاج يوسف. * الوجباتو كلها عازمنها ليهو الناس. * الما عارف لاعب متين ووين وضد منو!! * البلعب كورة فى تمرأبونا شوطها تلت ساعة. * المافى زول أعلن فى فنيلتو لأنو ما عندو شعار بريال واحد. * يا ناس. * رمضان. * الحكاية دى ما بتجوز يا حبيب. * أعشق فريقك زى ما داير. * من الحب ما قتل. * لكن ما تشتغل بى حكاية القرد فى عين أمو غزال. * قردكم شين شديد. * أمو ذاتها عارفاهو قرد. * ككو من أمو. * أشنة ككو فى الغابة. * فريق لا شعار لا شعور. * لاشعار لأنو عصمت سيدالشعار. * لاشعور لأنو خمسة وتمنين سنة ماجاب الترابة التكتح خشم أم التراب ذاتو. * أنا شخصياً لوبشجع فريق زى ده وما مت يبقى ما بشعر. * ولو ما مت بنتحر. * معقولة نعقد مقارنة بيننا وبينكم يا ابوالراء. * يا مزمل. * نحنا ما بنتقارن بى زول. * لأنو الجلابية ما بتتقارن بالعراقى. * العراقى الزى باب الحمام. * تشوف الكريعات بى تحت زى المساويك. * العراقى البظهر المساويك. * شن جابو لى جلابية حلالالالالالالاته. * ما بتتلبس ألا لى موضوع مهم شديد. * رمضان أخرج من العراقى يا أخوى. * أطلع من جلباب المكابرة. * يا ما تجيب سيرتنا. * يا قول الحقيقة أقول ليك البايرن تقول لى مسيمير. * أقول ليك ريبيريه تقول لى خليفة. * يا ناس. * المهم. * أمس ندوة رائعة ضمت الشفوت بدار النادى تلاتة طوابق يا رمضان. * عملوها ناس الأولتراس. * لأعداد العدة الجماهيرية فى المرحلة المقبلة. * تشرفنا فيها بى شفوت زى الأسود. * وبى أساتذة مريخاب قل أن يمسكوا القلم. * وكانت مفيدة. * كانت دعوة لوحدة الصف الجماهيرى. * كانت محاضرة فى فنون التشجيع. * كانت وثائقية عن تاريخ دور الجمهور المريخى وأثره فى الأنجازات. * دورى بالنمرة الكاملة بدون تعادل أو هزيمة. * دورى بخسارة نقطة واحدة (تعادل مع التحرير). * سيكافات كتيرة. * ومانديلا. * كانت مفيدة. * وهى ضربة البداية لموسم تشجيعى عظيم. * توحيد الصفوف والدفوف والأهازيج. * تحت شعار معاً حتى الكاس. * الكاس الجوى. * مسيمير قال. * مسيمير بالسا؟؟؟ * ولا زى رمثا!!! * أيها الناس. * قفانا لسه مصرين يبقوا قفانا. * فى الممتاز قفانا فى كاس السودان قفانا. * مشينا الدوحة جو بى قفانا. * جينا من الدوحة جو بى قفانا. * الجتة الوحيدة الما جوا فيها بى قفانا كانت الدمازين. * وطبعاً جوياً ما بقدروا يجوا بى قفانا. * الجو ده بتاع النسور. * الجوارح. * الصقور الكبار. * ما محل عصافير ووددبرق. * محل أولاد ودأبرق كان بالغوا الشجرة. * شجرة النيم. * لكن جو ده كتير شديد. * بتتفرتقوا ريشة ريشة لو حاولتوا تجوا الجو الفوق. * الأجواء العليا بتمعط ريشكم. * مسيمير أقعد فى مكانك الهواء فوق شديد بشيلك. * بشيلك زى ما عصمت شال الشعار. * عصمت يا. * عصمت يا. * عصمت يا. * يعيش يعيش يعيش. * هكذا يهتف أبناء عصمت لوالدهم. * ما يهتفوا ليهو كيف وابوهم يمتلك شعار قدر ده. * لاشعار لاشعور ولا قمر لابدور. * بتدوروا بيهو شنو؟؟!! * أها. * نجى لى شمارات والى الخرتوم. * أكان شفت يا والينا. * أسرة مثقفة كان الراجل بناقش فى مرتو حول الخطاب. * قضوا الليل كلو نقاش. * لما الشمس مرقت بيتناقشوا. * المرة قالت للراجل بعد الكلام ده كمل لينا البيت وشطبوا. * قال ليها يا ولية قولى خطة عشرية. * ونجحت. * أدوها بوش. * عشان الخير يجينا ونتم البيت لآزم العشرة سنين بتاعت الخطة العشرية تكمل. * وأنا عمرى الأفتراضى باقى فيهو ستة سنين وتلاتة جمع. * يعنى بنودع قبل العشرية للناس تمتع. * قالت ليهو شطبوا للأولاد. * قال ليها يا والينا. * أولاد منو ديل؟أولادنا!!!!!هو القاعد فيهم عشرة سنين منو!!!!! * قالت ليهو قاعد وين؟فى البلد قصدك؟؟؟ * قال ليها كان فى البلد كان فى الدنيا منو القاعد فيهم عشرة سنين بالطريقة دى. سلك كهربا * ننساك كيف وشافعنا عينو لى. والى لقاء**********سلك لن ننساااااااااااااااااااااااااااااااااااااك في السلك - بابكر سلك
