إذا فاز الأرباب مكسب كبير لينا وإذا فاز الكاردينال المدعوم من البرير برضو مكسب لينا أيها الناس قبل كده انا سألت عن اول زول رفع علم المريخ على منزله بشندي لسه الاجابة ما وصلتنا لكن قالوا الزول الرفع علم المريخ في بيتو في شندي ده رفعوا زماااااان بدري الكلام ده حتى اهلنا في شندي في ذلك الوقت كانوا قايلين ده علم مصر بالله العارف يسعفنا بالاجابة المهم فوز الارباب مكسب لانه مجرب لدينا وسيتفرغ لقتال عدو الامس دكتور معتصم وينسى ابو الهل ونرجع للموز الدايرو المدرب الا يجي الريس من السعودية الموز في الطبلية جمب الاستاد والريس في السعودية يقعد الموز في الطبلية لمن يجي الريس من السعودية الارباب كان قافل البلف شديد حق الموز الا بالموتور اما الكاردينال فهو مصدر فألنا فالرجل اذا وعد بحافز اذا فاز الهلال لا محال يخسر الهلال بالهبل الزول ده مصدر فألا لينا إن شاء الله يفوزوا الاتنين ياريت يتحالفوا ويعملوا مجلس مشترك عشان نستفيد من وجودهما معاً ونسرح ونمرح بمناسبة التحالف تحالفنا عامل ايه !!! زمان لما كنا في الجامعة وبعد جهد جهيد فاز التحالف قاموا قسموا الشغلة قسموا السكرتاريات على الاحزاب المشاركة لنصف المدة والنصف الآخر تتغير المناصب للنصف الكان قاعد سااااي ولان الاتفاق الوحيد للتحالف وقتها كان ابعاد الخصم المشترك ما كان في ارضية اخرى تقف عليها الاتفاقات والتحالفات وبعد فوز التحالف بدأت الخلافات تحالف مختلف تحالف الاختلافات فجاء العدو المشترك وفاز بقيادة الاتحاد لي الليلة ايها الناس ان التحالف الذي لا يقوم على حد ادنى من الاتفاقات وعلى استراتيجيات محددة يؤمن عليها الجميع يبقى لمه سااااااي فرتيقتها في اول تضارب لي اصغر مصالح بين المتحالفين إن شاء الله ناس الهلال يتحالفوا ايها الناس اتمنى ان يتحالف الاخوة الاهلة ففي التحالف اسباب انقسام تفتح لنا مجال الانطلاق أها نجي لي شمارات والي الخرتوم كان شفت يا والينا في زول قال لينا ناس البرلمان بدل يدوروا لينا قبل كده دورو فينا ولما المحروقات زادوها لينا صفقوا للحكومة ولسانهم مدوهوا لينا اسي دوروا لكن ما دوروا لينا ولا دوروا فينا دوروا في بعضهم يا والينا دشمان في البرلمان يا مان ولساننا مديناهوا ليهم بدل لسانهم يمدوها لينا اجمل دراما سودانية تعرضها شاشات الواقع في رمضان لينا سلسلة دشمان في رمضان ابطالها اعضاء البرلمان يا مان ولسان حالنا لما نهدهد شفعنا يقول يا طالع من البلد دي جيب لي معاك اقامة تمرقني قبل العيد على جناح حمامة تشيلني منها بعيد قبل تقع الندامة بكرا تكبر يا ميكي تبقى جوازك امريكي تقبض الدولار حلال ترسل لي بلدك تقول حق اهلك الفيكي وتركب الطيارة تلاقيني في الصالة في الاردن او في القاهرة ما بطالة تفسحنا وتعالجنا وتفسحنا مطمئنين ما جايانا طارة تعيش يا وليدي في احسن حالة والله لا وراك لما تكبر الحالة يا ولدي بطالة بطالة بطالة سلك كهربا ننساك كيف والحالة بطالة والشباب عطالة وفي الفسحة في الطارة والى لقاء