وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    البرهان يلتقي سفير دولة الكويت لدى السودان    عبد الله يونس.. الصورة الناطقة..!!    الأهلي الأبيض يبدع ويمتع ويكسب الهلال بثلاثية    مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم)    فرض غرامة على شركة تابعة لأبل لانتهاكها قواعد العقوبات المفروضة على روسيا    أول إصابة بشرية بإنفلونزا الطيور H9N2 في أوروبا.. هل نبدأ القلق؟    ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل    استهداف منزل يضم قيادات تحالف تأسيس بينهم التعايشي في غارة مسيّرة بنيالا    بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية)    مواعيد مباريات الجولة الثانية بمجموعة الهبوط بالدوري    منتخب غانا محطة رينارد القادمة بعد الرحيل عن تدريب السعودية    الحكومة الإسبانية تدين الهتافات العنصرية ضد منتخب مصر    معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!!    عيد ميلاد جومانا مراد.. مسيرة نجاح من دمشق إلى القاهرة    ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة    ألم العين.. أسباب شائعة وأعراض تستدعى استشارة الطبيب    سيلينا جوميز تكشف رحلتها الصعبة لتشخيص اضطراب ثنائي القطب    إزاى تحمى نفسك من نزلات البرد فى الجو الممطر؟    "جهلة وعنصريون".. يامال ينفجر غضبًا بعد الهتافات الإسبانية ضد المسلمين    السودان.. وزير يشرع في تكوين قوّة عسكرية ضاربة..ماذا هناك؟    أمجد فريد: اعترافات داعمي مليشيا الدعم السريع فضحتهم وشراكتهم في الجرائم    السودان.. زيادة مخيفة للإصابة بالضنك في 7 ولايات    كيكل يعلّق على تحرّكات الميليشيا    شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو    ارتفاع وارد واسعار الذرة والسمسم بسوق القضارف    شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة    شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي)    بالصورة.. البرنس هيثم مصطفى وزيراً للرياضة في السودان    والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي    اكتمال عقد الجهاز الفني للكمال    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    ارتفاع جديد في أسعار الوقود بالخرطوم    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



«شوفوا برنامجي الانتخابي ده»
الانتباهة نشر في الانتباهة يوم 09 - 08 - 2014

لانوا قالوا إنو الانتخابات قربت فكرت انو ده الوكت «الوقت» المناسب عشان ابدا اجهز فيهوا نفسي لخوض الانتخابات القادمة ولانو انا زول بحترم المواطن السوداني وبفهم احتياجاتو ومعاناتو اليومية، عشان كده انا ما حا اخوض الانتخابات القادمة وارشح نفسي لي منصب الوالي بي برنامج وهمي او بي شعارات هلامية او بدون برنامج حتى، زي ما بعمل بعض المرشحين، انا حا اكتب برنامج عملي ممكن تحاسبوني عليهوا وتحاسبوا الحزب الحاء اترشح بي اسمو يعني لو ما نفذت البرنامج ده تاني ما تنتخبوني ولا تنتخبوا اي زول من الحزب بتاعي لانوا مفروض ناس الحزب بتاعي يراقبوني ويتأكدوا من انو انا ماشي صاح.
أول حاجة أنا مقتنع ومتأكد تماماً انو بلدنا دي مشكلتها الرئيسية هي عدم النظام وعدم الابداع في الادارة، عشان كده حا امسك كل حاجة وانظمها، فلحل مشكلة المواصلات مثلاً انا عارف انو الحكومة الحالية استوردت عدد هائل من البصات عشان تشغلها في النقل الداخلي وتحل مشكلة الترحيل، وانو البصات دي شكلها بقت خسرانة وانو الحكومة بتفكر تتخلص منها، انا حا اقوم اركب في البصات دي اجهزة قراءة البطاقات يعني اي زول عاوز يركب البص حا يكون عندوا بطاقة يمررها على الجهاز الحا يكون مركب جمب السواق ولمن ينزل يمررها مرة تانية والجهاز حا يخصم من رصيدوا الفي البطاقة، يعني حا يكون خصم منو على قدر المسافة الركبها في البص، ولمن الرصيد الفي البطاقة يخلص ممكن اعادة شحنها مرة تانية وبي كده نكون حلينا مشاكل كتيرة منها مشكلة الباقي ونسيانه وتقليل عملية استهلاك العملة البقت مشرطة ووسخانة، ونكون حلينا الناس من حكاية الاحراج البحصل لمن تلقى ناس كتار بتعرفهم في البص لانو كلو زول حا يكون بي بطاقتو وكمان حا نكون اتحرينا الحلال في اخذ قيمة المشوار، لانك حا تكون دفعت قدر مشوارك بالظبط ومافي داعي للمشاكل وكمان الحكاية دي حا تحل لينا مشكلة كبيرة جداً وهي انو حا نقدر نعمل خطوط طويلة للبصات يعني مثلاً لو الواحد ماشي من الثورة في امدرمان لي الصحافة او الميناء البري ما حا يكون محتاج ينزل في السوق العربي في السخانة والزحمة ويفتش مكان مواصلات الصحافة وين لانو من الثورة ممكن يركب البص الحايوصلو الصحافة او الكلاكلة مباشرة والبصات كلها حا يكون عندها محطات ثابتة، يعني ما حا تقيف ساكت كل ما يكون في زول نازل وللا راكب زي الحافلة الصغيرة وزي ما حاصل هسع لانو البص ركابو كتار ما زي الحافلات الصغيرة ولو بقى يقيف لي كلو زول جمب بيتو او مكان شغلو حا يضيع للناس زمنهم ومعظم الركاب حا يشردوا منو وحا يبقى وسيلة غير موثوق بيها للناس العندهم زمن لاحقينوا، حكاية الخطوط الطويلة دي كمان حا تقلل من تكدس المواصلات وسط العاصمة، وبالنسبة لي مواقف المواصلات حا انظمها ليكم بطريقة محترمة زي ما في الدول المحترمة لانوا حا ابقي الركوب للمواصلات بالصف، يعني الجاء اول يركب اول والجاء اخير يركب اخير وصفوف المواصلات دي موجودة في الكثير من الدول زي الصين والاردن واريتريا وغيرها يعني تاني لو معاك نسوان او اطفال في اوقات الذروة ما حا تشيل همهم لانكم كلكم حا تركبوا بي كل سهولة ويسر وما حا يكون في تزاحم والقوي ياكل الضعيف، وبعد داك حا انظم ليكم قطاع التاكسي وده بيشمل الامجاد والرقشة لانو انا عارف انو سعر المشوار في السودان غالي جداً والمشكلة ما في انو غالي بس المشكلة في انو القيمة بتاعة المشوار ما معروفة وبتعتمد على التقدير والتفاوض بين الراكب وصاحب المركبة، وغالباً ما انو واحد فيهم يكون حاسي بي الظلم وفي الغالب الراكب مظلوم والحكاية دي بيتضرر منها صاحب المركبة بطريقة غير مباشرة، لانو عدد الناس الحا يلجأوا للتاكسي اوالامجاد حا يقل لانو اغلب الناس ما حا يركبوها الا مضطرين، يعني مثلاً في حالة اكون عندهم زول مودينوا المستشفى وبي كده صاحب الامجاد حا يضطر يرفع سعر المشوار لانو عدد المشاوير حا يقل ولانو عندو ايراد لازم يحققوا وعشان نحل المشكلة دي حالزم كل تكسي وللا امجاد انو يركب عداد قياس مسافة المشوار وده جهاز حا يحسب قيمة المشوار حسب المسافة وبي كده حا يكون في عدالة والناس ما حا تظلم بعض، الكلام البقولو ده ما تقولوا كلام صعب دي حاجات بسيطة وساهلة يعني ذي العدادات القلتها ليكم دي مستخدمة في العالم ليها هسع اكتر من خمسين سنة وممكن نجيبة من الصين الجبنا منها البصات دي ذاتها وسعر الجهاز الواحد ارخص من سعر الموبايل العادي سواء ان كان جهاز البص او جهاز التاكسي.
بي كده اكون حليت ليكم مشكلة المواصلات بعد ده ممكن ننتقل لي محور تاني وهو تنظيم الاسواق، والاسواق دي من مشاكلها العرض الخارجي والبيع العشوائي والتجار العشوائيين وديل بقوا كتار جداً ودي حاجة كويسة جداً وطبيعية جداً لانو الاسواق المعروفة هي في نفس حجمها القديم والناس عددهم زاد والدكاكين الفي الاسواق ما زالت بي نفس عددها وحجمها القديم فالشي الحا اعملوا انو احول الدكاكين القديمة دي لي محلات متعددة الطوابق يعني كلوا كذا دكان نجمع اسيادهم مع بعض ونخليهم يهدوهم ويعملوهم عمارة تجارية كبيرة ولو اصحاب الدكاكين ديل ما عندهم قروش نخلي ليهم التحت ونعمل ليهم شراكات مع ناس يقوموا بالبنيان ويستفيدوا من المحلات الفوق وبدل ما المربوع فيهوا عشرة دكاكين مثلاً يبقى فيهوا خمسين دكان وبي كده نخفض سعر اجار الدكان ونوفر دكان لي كل زول مسكين عاوز يشتغل تجارة، يعني التجار المتجولين المساكين ديل نوفر ليهم محلات محترمة و بي اسعار كويسة يعني عيب كبير انوا زول عاوز يشتغل ما يلقى ليهوا محل كويس وعيب كبير حكاية الطبالي العاملاها المحليات وقافلة بيها الشوارع ومشوهة بيها منظر البلد دي.
ولاني عارف انكم دايرين ليكم بلد جميلة ونظيفة تفتخروا بيها قدام الاجانب، حا احول ليكم مركز العاصمة وابقيهوا ليكم تحفة وحا اعمل قانون خاص لمركز العاصمة يلزم اي زول عندوا خرابة او مبنى قبيح انو يهدمو ولو ما عندو قروش يبنيهو يخليهو واطة فاضية ساكت، والعندو مبنى شين يضربوا جيرويصلح منظروا، وما حا يكون في وقوف عشوائي في الشوارع لانو حا اخلي الناس تستثمر في مواقف السيارات متعددة الطوابق يعني تاني ما حا يكون في زول اوقف عربيتو ساكت ويسد بيها الشارع، والشوارع الوسط العاصمة دي ابقيها كلها ظلط مع وجود الارصفة للمشاة يعني ما حا يكون الظلط في النص وبالجمبات تراب لاني بعتبر انوا التراب ذاتو وسخ بيوسخ للناس جزمهم وهدومهم بالغبار، مما يزيد من استهلاك الصابون ويقلل من عمر الملابس وده برضوا بيأثر سلباً على الاقتصاد، يعني ما حا اكون زي الناس البفتكروا انو الوسخ هو القمامة البتطلع من البيوت والمحلات التجارية بس، وبالنسبة للشوارع كمان حا اعمل حملة تشجير نقلع شجر النيم من الشوارع ونزرع بدلو شجر فيهوا ثمار زي المنقة والنخيل وداخل حيشان الجوامع والمدارس نزرع الجوافة والليمون وغيرها وحا نعمل قانون يلزم صاحب كل بيت انوا يزرع قدام بيتو شجرة مثمرة واحدة على الاقل، يعني تاني انت لو جعت من الشارع ساكت ممكن تاكل، وفيما يتعلق بالشفافية المالية حا اطلع نشرة شهرية تكون متاحة لي كل زول بما فيها وسائل الاعلام بي كل الاموال المتحصلة من رسوم خدمات او بيع اراضي او غيرها وفي نفس النشرة الاموال المدفوعة في الشهر وكل اوجه الصرف والكلام ده ما عشان تأكيد براءة الذمة بتاعتي وبتاعة ناسي ولا عشان تطمئنوا على انو اموالكم دي بتمشي في حتات صاح بس، بل لانوا كمان حا اكون محتاج لي رايكم عشان نصمم الخطط اليومية والمستقبلية للولاية ولو ما ساعدناكم بي توفير المعلومة الصحيحة عن الموقف المالي، اي زول عندوا الرغبة يساعد بالراي اويكتب في الجرايد بدون معلومات صحيحة حا يكتب كلام فارغ ساكت، وبالنسبة للخدمة المدنية انا حالزم كل مصلحة انها تكتب الحد الاقصى للزمن المطلوب لاجراء اي معاملة اواستخراج اي اوراق يعني لو عاوز تستخرج شهادة ميلاد لي ولدك او جواز سفر او غيرها تمشي تلقى الزمن اللازم مكتوب برة في مكان بارز، والمستندات المطلوبة كمان لانو انا عارف انوا مرات في ناس بتاخد ايام عشان تستخرج الاوراق الرسمية وناس تقيف في الصفوف ساعات ولما توصل يقولوا ليهم عندك ورقة ناقصة. والله يا جماعة البرنامج طويل وكتير لكن ناس الجرايد ما بقبلوا المقالات الطويلة، وانا لسع ما دخلت ليكم في مواضيع الدين والدولة والصحة والتعليم وحل مشكلة العطالة وانعاش الاقتصاد الكحيان ده وتصريف مياه الامطار بطرق سهلة ورخيصة وانا ذاتي هسع بديت افكر اني بدل ما اترشح عشان ابقى والي، لي ما اترشح عشان ابقى رئيس جمهورية، عشان كده خلوني المرة الجاية اكتب ليكم برنامجي الانتخابي لي رئاسة الجمهورية والكتبتو ده نخليهوا هدية لي اي زول عاوز يترشح والي، يزيد وينقص فيهو لحدي ما يبقيهو برنامج عملي ومثالي.
عبدالعليم شداد
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

انقر هنا لقراءة الخبر من مصدره.