أمس سيكافا تلونت بلون النار أحمر أصفر وزي ما قلنا قبل كده الهدف ليس البطولة ولكن الاهداف كثيرة والاستمرارية في البطولة هي اسمى هدف لان ذلك يحقق أهدافاً اخرى أيها الناس من الاهداف معالجة العيوب والسلبيات و اكتشاف النواقص وخلق الانسجام بين الجهاز الفني واللاعبين وبين اللاعبين فيما بينهم واللعب بعيداً عن الضغط الجماهيري وبذر الروح التي افتقدناها طويلاً أيها الناس سيكافا ليست ضعيفة ولكن ضعيف منطق الذين يصفونها بالضعيفة وهم فشلوا فيها عشر سنين وضعيف عقل الذين يصدقون ان سيكافا ضعيفة والبقول سيكافا ضعيفة يورينا قوتو فيها كانت وين ومتين قوة اللسان لا تنفع البنفع قوة الإنجاز وبس والزول لما يكون بتاع نضمي ساي وبدون عمل بقولوا عليهو زول حلو لسان وقليل إحسان ولسان الذين يصفون سيكافا بالضعف لسان عسل بس حلو حلا سيكافا لا تنسى أبداً لان سيكافا تحفظ في سجلاتها أبطالها وتحتفظ في مخازنها بسجلات الفاشلين ومتى فشلوا وكم مرة فشلوا وتمضي سيكافا للامام ويقبع الفاشلون في صفرهم يغردون خارج السرب المهم مبروك التأهل ونحن الآن في دور الأربعة ببطولة سيكافا هذا الدور للمعلومية دخله الهلال مرة واحدة طيلة عشر مشاركات وفشل تسع مرات ولما اقتنع ان سيكافا مستحيلة المنال للضعفاء ذهب وجلس بعيداً يندب سيكافا أيها الناس طريق البطولات الجوية يبدأ من سيكافا والما جابها من أندية المنطقة ما بجيب غيرها المهم من يعجبه الصفر حر في عجبه فالمثل يقول اكل عجبك والبس عجب الناس فكلوا من صفركم هذا متى شئتم وعندما تصابوا بعسر الهضم اشربوا فيتا بتهضم ليكم كويس المهم امس الاربعاء والاتحاد الافريقي اجتمع يا ربي ما جاب سيرة للموضوع داك ؟ ولا اعتبر الموضوع مخستك جنس خستكه غايتو قول الاتحاد الافريقي كتل فيتا البغلب الزمالك شنو ؟؟؟ قول الزمالك اتغلب وفاق سطيف ده البكتلو شنو؟؟؟ قول وفاق سطيف مات مازيمبي ده دحين ما بكون قاعد في النهائي؟ مازيمبي التمساح بحب البلطي شديد عشان كده اعتبار الاتحاد الافريقي للموضوع كموضوع مخستك فيهو حماية للثروة المائية أيها الناس إن تنصروا الله ينصركم أها نجي لي شمارات والي الخرتوم كان شفت يا والينا على ذكر القعونجه وبروتينا واحد كان بسأل فينا ؟؟؟ قال لينا هل يجوز شرعاً أكل الضفادع؟ قلنا ليهو يا البتسأل فينا دي فتوى من اختصاص ولاة الأمر فينا صنقع ودنقر وقال لينا افرض يجوز او لا يجوز هل يجوز اكل الوطن هيلنا؟؟؟ قلنا ليهو بالنسبة لي منو؟؟؟؟؟ سلك كهربا ننساك كيف وما يجوز شرعاً لي ناس محرم علينا والغريبة الوطن هيلنا والى لقاء
