اكتب بعد تأهل الزعيم للنهائي نهائي سيكافا القيافة وبالمناسبة نهائي سيكافا ده فيهو باسطة ومكندش وفيهو اثاثات رهيبة نهائي مليان روعة ومافي زول يغالطنا لانو في البلد دي مافي زول شاف نهائي سيكافا غيرنا والمغالطنا اليجيب مستند لينا مستند يثبت انو كان في نهائي سيكافا يوماً ما بنديكم فرصة تمنين سنة تاني لو لقيتوا المستند ده بنقبلوا ليكم اي فريق سوداني شارك في سيكافا القيافة ما حصل وصل نهائي سيكافا في ناس شاركوا عشرة مرات الترابة ما جابوها وميداليات سيكافا بي عينهم ما شافوها وفي الآخر قنعوا وعملوا حكاية الكديس قعدوا يعاينوا لي ميداليات سيكافا معلقة على مشلعيب التاريخ وبدوا يرددوا نجااااااااااااااو سيكافا شينة نجاااااااااااااااو كاس سيكافا عفن نجاااااااااااااو ما دايرنها نجاااااااااااو ضعيفة وصفحات الانجاز تقول لهم بس بسه لما تبسك وحبوبة تقول خلوها الكديسة والله لو قعدت تحت المشلعيب ده سبعة وتمنين سنة ما حاتطال لبن سيكافا لبن مخصوص للناس القيافة بُره ما قيافة لذا لن تطال لبن سيكافا المهم صديقي اب ستة الهلالابي ضرب لي قبل الكورة وقال لي الليلة انا كمبالابي كبير وما داسيها قلت ليهو الليلة انت حاتتغلب العصر وحاتتغلب بالليل وحاتخسر الشكوى الشبكة جاطت واب ستة وقع بمشي عليهو بعد اكتب إن شاء الله القاهو حي باقي الراجل صاحبي شديد أيها الناس كمبالا عندما تخطتنا افريقياً كانت تتميز علينا بحارسها وطالما جانا حارسها المميز يبقى انتفى سبب التميز لذا كان من المنطقي ان نقصيها أيها الناس فريقنا الذي خسر من كمبالا كان افضل من الحالي خبرة واعداداً واستعداداً ولكنه كان فريقاً فاقداً للروح امس لعبنا بالروح وانتصرنا انتصرنا ساي بل تأهلنا للنهائي أيها الناس اهداف مشاركتنا في سيكافا كتيرة وكلو يوم بحمد الله نحقق فيها هدف وبدايات الزعيم الجوي كانت في سيكافا وهاهو التاريخ يعيد نفسه حانتقابل في المطار كتير المهم الكاف قالوا روح شكوى كبسور انا اكتب قبل كورة الزمالك واليوم الساعة عشرة كبسور ما بكون محتاج للشكوى كسبها خسرها كلو واحد أيها الناس الله يكفينا من شر الحاسد والشناف الحاسد هو من يحسدك على نعمة والشناف هو الذي يبخس الناس بطولاتهم وهو ما عندو الترابة بس قاعد يشنف وعمرو ما جاب شي عشان قاعد يشنف وما بفكر في روحو أيها الناس إن تنصروا الله ينصركم اها نجي لي شمارات والي الخرتوم شفت المطره والسوتا فينا !! الشفع بقوا زي الكيس المليناهو مويه واتقده علينا من كل الاتجاهات يشرشروا فينا وفي المستشفيات راقدين اتنين اتنين يا والينا كلو واحد بي راس زي ولد الكتشينة باقي ليك عملت المطره مي شينة يا والينا ولا قصورات المسؤول هي الشينة ؟؟؟ سلك كهربا ننساك كيف وقصور المسؤول برغم جمالها شينة ... شينة شديد والي لقاء