تبقى في ذاكرة الزمن إلى أن يرث الله الأرض منها في التاريخ الحديث عبور خط بارليف كذبة الصهاينة التي تكشفت وأخجلتهم حكاية خط بارليف دي اتذكرتها يوم قون راجي ما قون راجي التاني البعد قون هنو قون راجي التالت البعد قون أيمن المصري خط بارليف كلو واقف جوه خط طمنطاشر فعبرت كرة أيمن تحت أقدامهم جميعاً ووصلت راجي لتعبر كرة راجي تحت أقدامهم جميعاً وانكشفت الكذبة خط بارليف قاعد سااااي وولجت الكرة الشباك وسقط من سقط من الضحايا داخل خط طمنطاشر وعلى المدرجات المهم بمناسبة خط بارليف والصهاينة سجل التاريخ أيضاً شفتنة المخابرات المصرية ووثق لها من خلال عمل درامي ضخم نال إعجاب الناس جميعاً لدرجة أن العمل الذي كان مسلسلاً كان الناس يستأجرون أشرطة الفيديو لمتابعته وبعضهم اشترى المجموعة لمشاهدته مرات ومرات قصة المسلسل كانت تحكي عن زرع المخابرات المصرية لمصري وسط الزخم الصهيوني إنه الفنان محمود عبدالعزيز افي مسلسل رأفت الهجان رأفت الهجان كان محمود عبدالعزيز ولدواعي المخابرات كان له أسماء حركية حسب قصة المسلسل ياكوف بنيامين حنانيا وليفي كوهين وديفيد شارل سمحون وكانت له حبيبته الصهيونية التي سمى وكالة السفر الخاصه به باسمها ماجي الوكالة اسمها ماجي تورس اسماء كثيرة لشخوص المسلسل لسه في الذاكرة ضابط المخابرات المصري قام بالدور يوسف شعبان سوسو ليفي خواجه مسيو صروف السيد راضي «انطونيو» مسؤول الامن الاسرائيلي عامون بن أهارون «الاعلام الاسرائيلي» الوف بخور شتريط «ضباط جيش الدفاع الاسرائيلي» رئيس المخابرات وقتها كان شريف والي «صلاح ذو الفقار» وكان رأفت الهجان عندما يريد ان يرسل معلومات لمصر يذهب الى لندن الوكت داك مافي واتساب التاريخ يعيد نفسه فكتبت احدى الصحف الهلالية ان الكاردينال شفت ومعروف ان الشفوت لفظ يطلق على جمهور المريخ ومفردهم شفت وصدقت الصحيفة الهلالية بوصفها كردنة بالشفت هذا تأكيد على مريخية الرجل يعني نحنا الزارعنو هناك نرجع للمسلسل رأفت الهجان زراعة مصرية في الاراضي الصهيونية واشرف الهجان زراعة مريخية في الاراضي الهلالية رأفت برسل الاخبار لي مصر من لندن واشرف بمشي لندن كتيير اشرف مشي لندن بي جاي بكري جانا بي جاي ماجي كانت مقربة لرأفت الهجان واظنها كانت الناطق بتاعو وماجي اسم عبري شائع ترجمته بالعربي بالضبط ما عارفها لكن زي اسم فاطنة كده عندنا لكن سوسو ليفي خواجه دي قوقل ما قدر يترجمها بس السيد راضي الذي قام بدور انطونيو راضي دي بتشبه لي رمضان صروف ده طبعاً في مجتمع الاهلة مافي زول بصرف عندهم عشان نسميهو صروف مافي صروف في البلد دي واحد ومعروف اما عامون بن اهارون وهو من الاعلام الصهيوني اهارون واعلامي دي ما دايرة ليها قوقل دي واضحة بالعربي والعبري اسي عربي وعبري فرقفهم شنو غير الترتيب !!! اهارون بدون قوقل هو خالد عزالدين هارون اما ضابط الدفاع الصهيوني الوف بخور شتريط ده لقيناهو في قوقل من كتبنا بخور قوقل عرفها طوالي قال لينا الوف بخور شتريط ترجمتها زي ما التقول الرشيد كده شتريط والرشيد واحد لاحظ ان رئيس المخابرات والذي رسم الخطة كلها وصنع الاعجاز كان اسمه الحقيقي صلاح ذو الفقار وفي المسلسل اسمه شريف والي برضو والي ؟؟؟؟؟؟؟؟؟ ختاها ليكم لكن والقنبلة الحاتنفجر من لندن زحوا منها بعييييييييييييييد هكذا قال شريف واااااااااالي المهم برغم ان الوقت غير مناسب للتهاتر بين الادارة وانصارها والمعارضة وانصارها الا ان الاسلوب أيضاً غير مناسب في اي مكان واي زمان فرموز المريخ وادارييه السابقين والحاليين خطوط حمراء تستوجب الاحترام وتستوجب التأدب في الحوار معها ولو اختلف المحاور معها في الراي فادب المريخ علمنا ان كبارنا منارات تضيء دروبنا وان احترامهم من واجبنا لذلك يمكن لاي جهة ان تنتقد الاخرى لكن في حدود الادب والتأدب لان الامر نقد لا اساءة فنحن صفوة ينبغي ان نكون قدوة ونحن شفوت حينما تكون الشفتنة هي الانسب ولكن لا نتشفتن علي بعضنا كي لا نضعف عشقنا يا اقطاب المريخ وادارييه الحاليين والسابقين احتراماتي لكم جميعاً ايها الناس إن تنصروا الله ينصركم اها نجي لي شمارات والي الخرتوم كان شفت يا والينا احترنا بس افتينا تلاتة رغيفات بالف جنيه لماذا ولم ولييييييييييه والرغيفة ما بتحوق فينا وكان شفت يا والينا بعد ده كلو الناس سعيدة تتكشم علي الفينا في دي ما تفتينا لاننا عرفنا السبب العلمي يا والينا قالوا الفول فيهو مادة بتسعد الزول وده البضحكنا برغم الحزن الفينا من الفول كتر لينا يا والينا املونا فول خلونا بغم ما نقول سلك كهربا ننساك كيف وتلقى الزول بتكشم لا تعرفو فلس لا تعرفو فول ولا تعرفو مسطول والى لقاء سلك