سودارس : نجيلة استاد الهلال بتضحك ليه ؟..(الفرحة) ظهرت في (كراسيكم)

موسم الحجاج السودانيين الحالي يتطلب تدخلاً عاجلاً من الجهات السيادية في الدولة أكبر هجوم منسق واغتيال وزير الدفاع.. ما الذي يحدث في مالي؟ وفد تسيير المريخ يزور القنصل حازم توتيل يحسم أكوبام بثنائية في مواجهة مثيرة متأثّرًا بجراحه..مقتل وزير الدفاع في مالي اجتماع في الخرطوم لبحث إمداد الوقود شاهد بالفيديو.. بشة يتحدث بشفافية ووضوح: (ضربة جزاء نهضة بركان جاءت بسبب "بلادة" وعدم تصرف من لاعب الهلال) شاهد بالفيديو.. شيبة ضرار يسخر من منح النور قبة سيارة الرئيس: (أي زول جاي من المليشيا يمنحوه عربية والوقفوا مع الجيش يهمشوهم) ورانيا الخضر تعلق: (بحبو حب شديد) شاهد بالصورة والفيديو.. الفنانة فهيمة عبد الله تشتبك مع أحد الشباب في حفل غنائي وتوبخه: (البتعمل فيها دي شغلة حريم اتكلم عديل وخليك راجل) الفنانة إنصاف مدني تفاجئ متابعيها وتتراجع عن هجومها على مدير أعمال إيمان الشريف وتقول: (كل واحد يخلي ريستو في مريستو) والي الخرطوم يقدم تنويرا لمسئولة الاتحاد الأوربي حول الأضرار التي لحقت بالمرافق الخدمية وجهود الولاية لإعادة إعمارها شاهد بالصورة والفيديو.. الفنان سجاد بحري "يُقبل" فتاة أمريكية والأخيرة تتوارى خجلاً وتطلب الزواج منه بعد اللقطة المثيرة صمغ السودان يتآكل... 70% من الإنتاج يختفي وتهريب يغيّر خريطة التجارة شيرين عبدالوهاب: ما زلت أريد الحياة والنجاح.. ومشهد من "تيتانك" أعادني توجيهات بتشكيل لجان الزكاة القاعدية بعدد 186 حيا سكنيا بالخرطوم راشد الماجد يحيى حفلا غنائيا فى أبو ظبى 30 أبريل الزمالك يُنهي اليوم استعداداته لمواجهة إنبي غدا للاقتراب من درع الدورى تطورات ملف تعديل عقد إمام عاشور فى الأهلى وحقيقة الغرامة المالية حبيب متسلط يوشم اسمه عشرات المرات على وجه صديقته كيف استفادت انستجرام من سناب شات وتفاصيل تطبيقها الجديد Instants للصور المختفية أدوات رقابة أبوية جديدة بميتا لمتابعة تفاعل المراهقين مع الذكاء الاصطناعى يوتيوب تى فى يطرح ترقية كبيرة لميزة "العرض المتعدد" (Multiview) welcome back.. بهذه الطريقة هيفاء وهبى تعلن عودتها للعمل بعد وقف الحرب ذكرى ميلاد هالة فؤاد.. أعرف قصة الفوازير التى جمعتها بصابرين ويحيى الفخرانى ريهام عبد الغفور ومايان السيد ونجوم الفن يهنئون هشام ماجد بعيد ميلاده كيف تنظم الساعة البيولوجية الداخلية للكبد إفراز الدهون اليومى؟ دراسة : كثرة القيلولة تُنذر بتدهور الصحة قائد بقوات النور قبة يحسم جدل فيديو نجاة ترامب من محاولة اغتيال قضايا استراتيجية على طاولة الاجتماع الأول لمجلس الرومان الجديد تطوّرات بشأن الميناء البري في الخرطوم تفوق واضح للجراحة على المناظير في استبدال الصمامات الصناعية معماري سوداني يفوز بالجائزة الكبرى لجمعية المعماريين اليابانيين والسفارة بطوكيو تحتفي بإنجازه زيادة أسعار غاز الطهي بالخرطوم الهلال في اختبار لا يقبل التعثر اللواء الركن (م) أسامة محمد أحمد عبد السلام يكتب: السيد رئيس الأركان هناك راجمة (ضاربة) على السودان مكافحة التهريب البحر الأحمر تُبيد (3.5) طناً من المخدرات مكافحة التهريب البحر الأحمر تُبيد (3.5) طناً من المخدرات أطباء بلا حدود : علي ظهور الجمال والحمير … اللقاحات تصل جبل مرة ترامب: سنمدد وقف إطلاق النار مع إيران حتى تقدم طهران مقترحاتها وتكتمل المفاوضات محافظ مشروع الجزيره :المليشيا نهبت ودمرت أصول المشروع بطريقة ممنهجة والخسائر بلغت 6 مليار دولار الهلال «مدرسة» قبل أن يكون «نادياً رياضياً» إحباط محاولة تهريب في السودان الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين الإمارات والبحرين توقعان اتفاقا لمقايضة الدرهم والدينار السودان.. القبض على 4 ضباط قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نجيلة استاد الهلال بتضحك ليه ؟..(الفرحة) ظهرت في (كراسيكم)

مقالات متنوعة نشر في النيلين يوم 18 - 09 - 2012

‫نجيلة استاد الهلال بتضحك ليه ؟..(الفرحة) ظهرت في (كراسيكم)
هدف (سوسواني) وهدف (شقلواني) وهدف (هوبوباني) وتفاصيل بعد الفاصل
انا كنت قايل الموضوع ...(كورة) بس.
الموضوع ظهر اكبر من كدا.
الشيء سياسية ..والشيء فن والشيء ثقافة ...والشيء لافتات لنصرة المصطفى
عليه افضل الصلاة والسلام.
الا رسول الله.
قلنا ليكم من البداية ...نحن الحكاية عندنا ما هي كورة بس.
الكورة زايلها.
نحن حسب (فهمنا) ..كنا فاكرينها كورة والسلام في البداية ، (زي أي
اتنين بتلاقو صدفة)..اتضح لنا اخيرا ان الحكاية فيها (دروس عصر).
وفيها حصص صباحية كمان.
وفيها تسميع ..وحفظ وامشي جيب ولي امرك وتعال.
فيها تجارب ...وفحص ملاريا ...وكشف حال.
فيها عرضة ..وصقرية ....وبطان ...وفاصل للولاد وفاصل للبنات.
أي حاجة نحن عندنا بي نظام.
أي حاجة.
حتى (الشباك) الفاتح في الشارع.
الشباك هسع ذنبو شنو؟.
ناس مدثر كاريكا ديل عملوا أي حاجة في الكورة ...عملوا عصير الليمون من (الجدعة).
طبق اليوم.
كيف تعمل عصير ليمون من (تمريرة) عمر بخيت؟.
انظر الهدف الثاني.
وخلينا نطلع فاصل ونرجع.
المقادير.
اول حاجة تجيب ليك كورة تقطعها.
ما تقول لي اقطعها من وين؟..ان شاءالله تقطعها من السماء الاحمر ...انا
الموضوع دا ما بخصني كتير.
المهم عندي تجيب ليك كورة تقطعها.
واجيب ليك اربع هنود زي (ليما).
طبعا انا ليما دا ما مقتنع انو برازيلي..انا واخوي خلف الله ابومنذر
..ما مقتنعين بالحكاية دي.
نرجع للكورة المقطوعة.
بعد دا انت وتصرفك ...(الجيش تصرف)...تقطعها من شندي ..تقطعها من الفاشر.
انت حر.
الحاجة التانية المطلوبة منك تخت عمر بخيت قدامك.
تضغط نجمة.
ترفع الشراب.
طبعا ح تقول لي الشراب ذنبو شنو؟.
تدور الخلاط على كدا ..بطلع ليك عصير الليمون.
خلوه عصير الليمون دا.
انتوا ما شفتوا (شية الجمر) العملها مهند الطاهر.
قدم سانيه.
رجع كاريكا.
قلب البصلة ...حمر الشية.
طلع بلة جابر.
الطبق دا ساهل شديد...ما عاوز ليه مراجعات كتيرة.
أي اربع باكات ممكن يعملوه.
المهم لو لقيت مهند الطاهر في يومو
بطلع ليك احسن شية جمر في الدنيا.
الكلام دا كلو خلوه.
شفتوا العملية العملها (جمعة).
جمعة دا دخل غرفة العمليات ..وقال جيبوا لي مشاكل دفاع الهلال كلها.
ونزلك معالجات في (الدفاع)..فك وتركيب.
ما خلى ليه مشكلة.
دا مشاكلنا الاقتصادية ..شافها ليك.
ازمة المواصلات ..قطوعات الموية ...تصريف الخريف ...كلها حلحلها ليك.
يجيب مساوي يكورك في عبداللطيف بويا ..وينادي معاوية فداسي ..ويطلع في الكورة.
والله يا جمعة ..نحن نلقى معاك (سبت) واحد كدا ..نجيب كأس العالم.
ما تقعدوا تتغالطوا فينا ساكت.
على العموم نحن ام درمان ما خزلتنا.
ام درمان قعدت تضحك لينا.
مرقت لينا بي شوارعها.
لبست (طرحتها) وطلعت.
هي عارفة الفرح ما بكون إلا في انتصار الهلال.
وقت الهلال ينتصر ..ام درمان دي بتبقى زي (العروس).
الضحك عاوز يشقها.
مشينا المباراة ...لقينا ليك الناس تضحك من الابواب.
الابواب فاتحة 5 ضلف.
عرفنا ليك انو الموضوع دا ما ساكت.
الضحك دا نحن شايفنو قبل كدا.
الناس دي ما بتضحك ساكت.
يا جماعة مالكم ..الحاصل شنو؟.
البترول ظهر في استاد الهلال.
معاوية فداسي مشي يحترف في برشلونة.
مالكم بتضحكوا كدا ...زي الزول العندو مرتبين.
قعدنا ..عرفنا ليك الحاصل..قالوا مشكلة هيثم مصطفى حفظه الله ورعاه اتحلت.
الرئيس ادخل ليك في الموضوع.
اصلو نحن رجعنا للدفاتر القديمة ...لقينا ليك هيثم مصطفى دا (سفير).
والسفير مشاكلو ما بحلوها وزراء الدولة.
السفير مشكلتو بحلها الرئيس.
الرئيس شخصيا ..لا لجنة ...ولا وكيل وزارة شفتو كيف؟.
واحد كان قاعد شفقان.
شفقان شديد ...النوع البشتم ليك حكم الراية قبل ما الكورة تبدأ.
قلنا للزول الشفقان دا يا زول روق ..مالك ضايق كدا ...اي زول يجي ماشي
فيك تنزل ليك منو كباية شاي.
يا زول اهدأ...مشكلة هيثم مصطفى اتحلت.
قال لينا عشان كدا.
قلنا ليه عشان كدا شنو؟.
قال لينا عشان كدا ...نجيلة الهلال بتضحك براها ..زي الزول وقت يضرب ليه المدير.
زي القميص الزراريو مفتحة.
يقعد يضحك كدا بدون سبب.
والكراسي ذاتها عيونها (زغللت) ...من الفرحة.
كراسينا دا تقول ضاربة (فراخ)..اتنفت فجأة كدا.
على كدا الكورة دي ح تكون (باسطة).
باسطة عديل كدا.
المباراة بدأت ..ظهر لينا سانيه في قلب الهجوم ..ينزل ويطلع زي (البرق).
يثبت الكورة ...ينزل يقلعها.
في واحد قاعد جنبنا قال لينا دا شنو البعمل فيه سانيه دي؟.
واحد تاني قال ليه : سانيه دا الظاهر كدا ببرف في (الطير المهاجر).
الشغل دا شغل صلاح احمد ابراهيم عديل كدا.
دا ما شغل الكورة البنعرفو نحن.
الزول ما كمل كلامو ..سانيه جاب ليه قون.
القون دا اشرحو ليكم كيف؟.
شفتو مسلسل (رأفت الهجان).
الحلقة رقم 12.
المشهد التاني.
الشغل الحصل في الحلقة دي ..حصل في هدف سانيه تماما.
اتنين نطو قدام سانيه ...الحارس قعد يتعذر( انا ظروفي صعبي وابوي عيان
..وامي كبيرة في السن) ..سانيه ضرب ليك الكورة على الارض ، رغم انه كان
هناك ساتر امامه.
الحكم عجبتو (النطة)..حسب ليك الهدف حتى قبل ان يتجاوز خط المرمي.
شاي اللبن دور جنبنا على الهدف دا.
البشرب والما بشرب ...قعد يشرب في شاي اللبن.
في زول تاني قاعد ورا ....طبعو كعب ..والهدف عجبو قال للبنت البتعمل في
الشاي..اسمعي ما في (زلابية).
زلابية في السخانة دي.
الزول دا بس نسى نفسو ساكت ..وقعد يطالب بالزلابية.
زي الزول البكون قاعد يحضر ليه في فيلم اجنبي..يمشي التلاجة يشرب
..يرجع يجي يلقى ليك (البطل) كتلوه.
او زي حفلات ترباس ...تغلط ..تقوم ..تمشي تبارك للعريس ..ترجع تلقى
كورسيك قعدوا فيه.
اها هدف سانيه دا كان بالسناريو دا.
بعد ما دورنا ليك في شاي اللبن ..(زي قطر المناورة) ....اي واحد فينا
عندو اغنية في موبايله ..شغلها ليك.
نسينا ليكم الكورة مع شاي اللبن ..سرحنا عديل كدا.
في اللحظات دي شفنا ليكم عمر بخيت بعمل أي حاجة في الكورة.
الحاجة البتتعمل والما بتتعمل.
البتجي والما بتجي.
يا جماعة في شنو؟.
عمر بخيت دا قايل نفسو بيلعب في (كامب نو).
انت يا عمر بتتمرن فى استاد الهلال وإلا في (اكسفورد).
شنو الحركات البتعمل فيها دي.
والله نحن نلقى تلاتة منك ...نعمل في الدنيا دي جنس عمائل.
لو لقينا واحد زيك بس ...بنمشي القمر.
ما بنسأل والله في (الروس).
واي واحد فينا يعمل ليه (نضارة).
باقي نحن وقت نتفلهم ..بنلبس لينا (نضارة).
الواحد يلبس ليه نضارة ..ويشيل ليه كتاب ..ويمشي جامعة الخرطوم.
ويقعد يتحدث ليك عن نظرية النسبية ل (بول موران).
ما بنخلى لينا زول..بنثقف في الدنيا دي جنس تثقيف.
غايتو يا عمر بخيت كورتكم اللعبتها دي ..ما كورة عادية.
حاجة كدا فيها (سوناتات) بتهوفن ...شوفوا التمريرة التى لعبها عمر بخيت
لمدثر كاريكا.
الاستاد كلو قايل الكورة دي (تسلل).
والله حكم الرأية لو ما كان مجضم (الفيزياء)..كان رفع رأيتو.
مباراة كان فيها كمية من (الهارموني) (والميلودي).
شيء (زي نقر الاصابع لما ترتاح للموسيقي).
كاريكا طلع من وين ما عارف؟.
ذكرني بشة ...وموسي الزومة.
عليك الله.
ابوس يدك.
موسي الزومة ما دخلوا لينا في (الهارموني) دا.
ما تخرب لينا الرصة.
المهم مدثر كاريكا تقول كان شايل (خريطة الكنز).
ذكرني حاجة تانية.
ذكرني جغرافية سنة تلاتة.
الغريبة ..مدثر كاريكا انطلق كدا ....ومشي على الحارس ..استجوبو ليك جنس استجواب.
ما خلى ليه سؤال ما سألو ليه؟.
فحص ليه أي حاجة.
الدم.
والنظر.
والغدد.
والركب.
وقت وصل للبطين الايمن ..في مدافعين كدا الله ما راضي عليهم.
ظهروا من وين ما عارف؟.
برضو.
كاريكا انتظرهم لما وصلو.
شيلهم العفش.
وقعد يمسح ليك فيهم.
مسح ليهم (الذاكرة) نهائي.
شالها بصورة جذرية.
شمال يمين.
ثم يمين شمال.
ثم بدل الكورة.
ودخل ليك في (بناديها).
بناديها حقت عمر الطيب الدوش .
عشان ما تلخبطوا ساكت.
كاريكا جضمها ليك جنس جضيم.
زي الكتاب ما بقول.
وقت خلاص الناس غرقت في المقطع التاني ...حضر ليك الكورة في اللفت.
وسدد بالشمال.
انت يا كاريكا انا عاوز اسألك سؤال.
انت عندك كم كراع.
ما شاءالله وتبارك الله.
غايتو الكرعين العديتها براي وصلن 7 كرعين.
قلت ليكم انا ..كاريكا بجيب ليه هدف شقلواني.
قعدتوا تغالطوني.
اها بعد كدا اعمل ليكم شنو؟.
ادخل ليكم المباراة القادمة بي (قسم بي محيها البدر)...وإلا يا جوهر صدر المحافل.
اذا كان هدف سانيه (سوسواني)..فان هدف كاريكا (شقلواني).
يعني هدف سانيه من مدرسة الاغنية الحديثة.
اما هدف كاريكا فهو من عيون الحقيبة.
الهدف دا عاوز عوض بابكر ..انا ما بقدر عليه.
لذلك يا رضا مصطفى الشيخ يوم الجمعة القادمة اوعك تجيب لينا هدف كاريكا دا.
هدف كاريكا دا خليه لي عوض بابكر يجيبوا في (حقيبة الفن).
انت ما بخصك.
انتوا بتلعبوا وإلا شنو؟.
نحن الحاجات دي ما بنجامل فيها.
الاجمل من هدف كاريكا ... شعار (الا رسول الله).
هكذا هو مدثر كاريكا ..دائما يثبت انه صاحب (رسالة)..وصاحب خلق رفيعة.
هو دائما مهمو بالاخرين.
يطرح في كل اهدافه قضايا ..ويتعايش مع الفكرة.
الموضوع دا برجع ليه.
عاوز ادخل في هدف مهند الطاهر ..واحمد الحاج بدأ يضرب لي.
هدف مهند الطاهر دا اختصروا ليكم سريع.
هو هدف من فصيل (الهوبة)..والهوبة في جبال الانقسنا ...حاجة تفرح.
حاجة تشيل الملاريا.
حاجة تجيب المطر.
(حاجة فيك)..اغنية مصطفى سيد احمد التى كتبها هاشم صديق.
دي يشرحوها ليكم كيف؟.
موش مرات بتدخل البيت ..وبتكون جيعان كدا.
تمشي طوالي على التلاجة.
تقوم تلقى ليك حاجة ترم ليك عضمك.
تجي طالع من المطبخ زي (المأمور).
ما سائل في زول.
زي الضابط.
هدف مهند الطاهر دا هدف (هوبوباني)...سادومبا لعب فيه دور كبير.
سادومبا خيط بيه الطرف اليمين كلو...ثم سلم الكورة لي مهند الطاهر.
مهند الطاهر استلم ..ما خلي ليه قطعة ما خيطها.
الما بخيطها ..بغسلها.
طقطق ليك باقي الجماعة ..ووضع الكورة بي يمينو.
يتخيل لي كاريكا سجل بالشمال.
ومهند الطاهر سجل باليمين.
شفتوا كيف؟.
نحن أي حاجة عندنا بي نظام.
تاني كدا اسمع لي واحد فيكم يقول انا عطشان.
ملحوظة : احمد الحاج مسكولاتو كترت.
هوامش
نجم المباراة الاول ..عمر بخيت ..لعب مباراة بعقل.
استغرب.
واستغرب ..لاعب بهذا المستوى كيف يجلس على دكة الاحتياطي يا مازدا؟.
عليك الله تاني خت عمر بخيت اول ..وفكر في الباقين.
عودة سيدا ..كان لها الاثر الكبير ..في مزاج الجمهور ..ومزاج اللاعبين.
ولاعب بهذا الاثر ...حرام يكون بعيد.
هيثم مصطفى في بيتو ..ظبط ليك الكورة.
نتمنى استقرار الهلال ..لأن انتصارات الهلال وبطولاته في استقراره.
بدون استقرار ..يمكن ان نفوز.
ويمكن ان نتأهل.
لكن ما بنشيل كأس.
في كل مرة ..كنا نفقد الكأس ..بسبب المشاكل وعدم الاستقرار.
الفترة القادمة ما عاوزين مشاكل.
كان جميلا ..ان يتحدث معلق المباراة سوارالذهب عن هيثم مصطفى ..وعن اثر عودته.
سوار الذهب انصف البرنس ..في الوقت الذي تفرغ فيه الرشيد المهدية
لانتقاد هيثم مصطفى.
الرشيد المهدية عاوز يحلل قروشه بانتقاد هيثم مصطفى.
يا الرشيد ..شوف ليك شغلة تانية ..لو دا تحليلك.
العالم كلو بتحدث عن اثر هيثم مصطفى ..وانت لسه في محطة هيثم مصطفى ما سلم عليّ.
عودة للمباراة.
بويا وفداسي وكايا ومساوي لعبوا مباراة كبيرة ...مع ذلك دفاع الهلال كان ضعيفا.
افتقد الهلال بشكل واضح ايكانغا.
بعد عودة الاستقرار للهلال ..ناس المريخ ممكن يتكلموا عن (الوصافة).
ما تفكروا في حاجة اكتر من كدا.
جمعة يستحق احتفاء خاص.
يستحق تكريم.
اجمل ما في مباراة الامس ..هي اللافتات التي ادانت الفيلم المسييء لرسول الله.
هذا هو الدور الذي نريده من الرياضة.
وهذا هو الدور الذي يجب ان يقوم به الهلال.
الهلال ما كورة بس.
غارزيتو امس لعب المباراة بالمعطيات الموجودة عنده فكسب المباراة من الشوط الاول.
عشان كدا ما اشتغل بالشوط التاني كتير.
حسمها في ال 45 دقيقة الاولى واتفرغ للحاجات التانية.
كدا ممكن نقول الهلال اصبح قريب من الكأس.
مباراة الهلال مع الموردة في الممتاز نريدها احتفالية خاصة.
الناس مبسوطة.
الناس فرحانة.
واكيد ..الناس دي ما غلطانة.
سادومبا اجتهد كثيرا ..ولكن لم يحالفه الحظ.
ما عاوزين أي تأجيل لمباراة القمة.
الهلال جاهز موية ونور.
اقول ليكم حاجة.
في الوضع الشفتو دا ..عاوزين هلال مريخ كل (خميس).
ريكاردو شكلو كدا ح يرجع.
خلاص يا ريكاردو عقدك ح ينتهي مع المريخ.
لقيت لي ناس الخرطوم ديل وصدقت.
عالم (روش).
عاجل : والله يا اكرم مع الحالة دي اخير ليك (الكنبة).
وإن طال السفر - صحيفة قوون

انقر هنا لقراءة الخبر من مصدره.