سودارس : لا جلاكسي لا (لاب توب) لا ضربة جزاء

غادر المستشفى بعد أن تعافي رئيس الوزراء من وعكة صحية في الرياض شاهد.. الفنانة إيمان الشريف تفاجئ جمهورها وتطرح فيديو كليب أغنيتها الجديدة والترند "منعوني ديارك" بتوزيع موسيقي جديد ومدهش مصر .. السماح لحاملى التأشيرة الخماسية بالإقامة 180 يوما بالمرة الواحدة التغير المناخي تسبب في وفاة أكثر من 15 ألف شخص بأوروبا هذا الصيف إبراهيم نصرالدين (درمي).. صخرة دفاع أهلي الكنوز وطمأنينة المدرجات والي ولاية كسلا يشهد ختام دورة فقداء النادي الاهلي كسلا بعثة نادي الزمالة (أم روابة) تغادر إلى نيروبي استعدادًا لمواجهة ديكيداها تحالف خطير.. كييف تُسَلِّح الدعم السريع وتسير نحو الاعتراف بتأسيس! الخارجية البريطانية: مستقبل السودان يقرره شعبه دوري الأبطال.. مبابي يقود ريال مدريد لفوز صعب على مارسيليا د. الشفيع خضر سعيد يكتب: دور المجتمع الدولي والإقليمي في وقف حرب السودان توجيهات مشدّدة للقيادة العسكرية في الدبّة..ماذا هناك؟ شاهد بالفيديو.. فنانة سودانية تدخل في وصلة رقص فاضحة بمؤخرتها على طريقة "الترترة" وسط عدد من الشباب والجمهور يعبر عن غضبه: (قلة أدب وعدم احترام) شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة) شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة) انشقاق بشارة إنكا عن حركة العدل والمساواة (جناح صندل ) وانضمامه لحركة جيش تحرير السودان شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير) شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك) ماذا لو اندفع الغزيون نحو سيناء؟.. مصر تكشف سيناريوهات التعامل الجزيرة: ضبط أدوية مهربة وغير مسجلة بالمناقل مناوي يلتقي العمامرة مبعوث الأمين العام للأمم المتحدة للسودان ريال مدريد يواجه مرسيليا في بداية مشواره بدوري أبطال أوروبا السودان يدعو المجتمع الدولي لدعم إعادة الإعمار ما ترتيب محمد صلاح في قائمة هدافي دوري أبطال أوروبا عبر التاريخ؟ ماذا تريد حكومة الأمل من السعودية؟ الشرطة تضع حداً لعصابة النشل والخطف بصينية جسر الحلفايا شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر) شاب سوداني يستشير: (والدي يريد الزواج من والدة زوجتي صاحبة ال 40 عام وأنا ما عاوز لخبطة في النسب يعني إبنه يكون أخوي وأخ زوجتي ماذا أفعل؟) الهلال السوداني يتطلّع لتحقيق كأس سيكافا أمام سينغيدا إنت ليه بتشرب سجاير؟! والله يا عمو بدخن مجاملة لأصحابي ديل! مصر تسجل مستوى دخل قياسيا في الدولار وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم عودة السياحة النيلية بالخرطوم في أزمنة الحرب.. "زولو" فنان يلتزم بالغناء للسلام والمحبة إيد على إيد تجدع من النيل وزارة الزراعة والثروة الحيوانية والري بالخرطوم تبحث إعادة إعمار وتطوير قطاع الألبان شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا) حسين خوجلي يكتب: الأمة العربية بين وزن الفارس ووزن الفأر..! ضياء الدين بلال يكتب: (معليش.. اكتشاف متأخر)! في الجزيرة نزرع أسفنا من هم قادة حماس الذين استهدفتهم إسرائيل في الدوحة؟ مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه في عملية نوعية.. مقتل قائد الأمن العسكري و 6 ضباط آخرين وعشرات الجنود الخرطوم: سعر جنوني لجالون الوقود السجن المؤبّد لمتهم تعاون مع الميليشيا في تجاريًا وصية النبي عند خسوف القمر.. اتبع سنة سيدنا المصطفى عثمان ميرغني يكتب: "اللعب مع الكبار".. جنازة الخوف حكاية من جامع الحارة حسين خوجلي يكتب: حكاية من جامع الحارة تخصيص مستشفى الأطفال أمدرمان كمركز عزل لعلاج حمى الضنك مشكلة التساهل مع عمليات النهب المسلح في الخرطوم "نهب وليس 9 طويلة" وسط حراسة مشددة.. التحقيق مع الإعلامية سارة خليفة بتهمة غسيل الأموال نفسية وعصبية.. تعرف على أبرز أسباب صرير الأسنان عند النوم حادث مأسوي بالإسكندرية.. غرق 6 فتيات وانقاذ 24 أخريات في شاطئ أبو تلات بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى الصحة: وفاة 3 أطفال بمستشفى البان جديد بعد تلقيهم جرعة تطعيم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لا جلاكسي لا (لاب توب) لا ضربة جزاء

مقالات متنوعة نشر في النيلين يوم 04 - 11 - 2012

في ايام عطلة عيد الاضحي المبارك ..قدم الاخ الزميل معاوية الجاك بصحيفة الزعيم (خبطة صحفية)...او هكذا قدمت لها صحيفة الزعيم.
قالوا خبطة صحفية!!.
خبطة غير الخروف؟.
معاوية الجاك نشر صور للحكم المدغشقري حمادة وهو يحمل (حقائب) عادية.
شنط ..زيها وزي أي شنط.
وقدم معاوية الجاك في (اطار) اخر من هذه الصور جهاز لاب توب (توشيبا) وجهاز موبايل (جلاكسي).
مع ان حمادة وحقائبه ما عندهم أي علاقة بهذه الاجهزة التى اضافها معاوية الجاك للحكم ..إلا ان ود الجاك عاوز أي واحد يعمل فيها (عبقرينو) كدا ..ويتخيل (خيال سينمائي) واسع.. ان هذه الاجهزة ملك الحكم حمادة.
أي زول يفهم الحكاية دي ويربط بين شنط البسبورت التى كان يحملها الحكم وبين الاجهزة التى نشرها معاوية جاك على صفحته في الفيس بوك.
معاوية الجاك اوحى ان هذه الاجهزة المنشورة في مساحة (براها)...وفي مساحة (منفصلة) ..هي اجهزة كانت في حقائب الحكم (حمادة).
دي عاوزة ليها خيال خصب ..خيال واسع.
عاوزة ليها مخرج هندي عديل كدا ..عشان يقول ان هذه الاجهزة كانت في حقائب حمادة.
دي فكرت فيها كيف يا معاوية. مفروض انت على خيالك دا يودوك النفط.
دا خيال ما في زول سبقك عليه.
ناس محمد نعيم سعد ومحمد عبدالرحيم قرني ما بقدروا عليه.
نحن خيالاتنا محدودة...وافقنا ضيق.
الجلاكسي المنشور براهو داك ...كان في شنطة حمادة.
تصوروا.
نظام شنو؟.
نظام انتوا زي ما قلتوا يا هلالاب ان الحكم الزامبي طلع شايل ليه لاب توب وجلاكسي ...الحكم (حمادة) حكم مباراة الذهاب في بطولة الكونفدرالية خرج ايضا شايل ليه جهاز لاب توب وجهاز جلاكسي.
واحدة بي واحدة.
نفس الشيء.
حتى في دي يا مريخاب ما عندكم (ابتكار).
حتى في دي عاوزين تقلدونا.
يعني الحكم (حمادة) الحاجات التى وقع فيها الحكم الزامبي (لاحقا) وقع فيها الحكم المدغشقري (مسبقا).
الكلام دا في الف ليلة وليلة ما موجود.
دا طلع بي لاب توب...ودا طلع بي لا توب.
دا اشتري ليه جلاكسي ...دا اشتري ليه جلاكسي.
يا سبحان الله.
صدفة غريبة.
جلاكسي ..جلاكسي.
لاب توب ..لاب توب.
طيب يا معاوية الجاك وين العشرة الف دولار؟..الجلاكسي عرفناه.
الظاهر حمادة الحكم المدغشقري اتغشي ..لقى ليه (سمسار) قطع ليه دولاراته كلها في جلاكسي ولاب توب.
الطريف في الامر ان مجلس ادارة المريخ بقيادة جمال الوالي مالك صحيفة (الزعيم) كان قد هدد وذهب الي مجلس الصحافة شاكيا في الاتهامات التى وجهها اعلام الهلال للحكم الزامبي.
مجلس المريخ اعتبر ذلك تجاوزا من الاعلام الهلالي ...من ثم جاء اعلام المريخ (السالب) وبالكربون ومشي على نفس الاتهامات التى وجهها اعلام الهلال للحكم الزامبي.
بل ان اعلام المريخ (السالب) ..لم يجهد حتى نفسه في الاتيان بسناريو جديد..ناس الهلال قالوا (جلاكسي)...ناس المريخ قالوا (جلاكسي).
ناس الهلال قالوا (لاب توب)...ناس المريخ قالوا (لاب توب).
يا معاوية طيب كنتوا تجيبوا ليكم حاجة جديدة.
كنتوا تقولوا الحكم (حمادة) طلع من مطار الخرطوم شايل ليه (كيلو دهب).
بمناسبة (الدهب) دا.
مفروض هاشم ملاح يمشي (الدهب).
حقو يمشي الدهب يخلي التصريحات الكتيرة البقول فيها دي.
مفروض طوالي يمشي الشمالية عشان ينقب ويفتش عن (الدهب) عشان الظاهر كدا ان شاءالله الهلال ح يفوز بالكونفدرالية.
وناس نزار حامد ديل بكونوا محتاجين للحوافز.
وخزينة الهلال لا فيها جلاكسي ولا لاب توب.
ما عندنا طريقة غير نمشي الدهب ..عشان نجهز (الحوافز).
او عشان نجهز مقابل اعادة قيد سادومبا في الهلال.
روابط الهلال دي ..مفروض تمشي الدهب ...الموضوع كبر اوي.
والشيء دا ناس الامين البرير براهم ما بقدروا عليه.
نرجع لي موضوع الجلاكسي.
لو كان ناس الهلال قالوا الحكم الزامبي طلع شايل ليه (تمساح).
معاوية الجاك كان قال (شنط) الحكم المدغشقري حمادة كان فيها (تمساح).
والله لو قلنا طلع شايل ليه (قطر)...كانوا قالوا الشنط دي فيها (قطر).
المريخاب ديل اصلهم كدا ..لا بجتهدوا ..ولا بخترعوا ...عاوزينها (جاهزة).
لقوا (الجلاكسي) دا وعاروا فيه بي وشيهم.
بعدين يا جماعة ...حمادة دا لو طلع شايل (محطة ابوحراز الفضائية) ما في زول بشكك فيه.
حمادة عمل شنو؟.
دا لو طلع بي (محطة بري الحرارية) ما في زول بقول ليه شيء.
الكلام والمشكلة في الحكم الزامبي دا ..حاسب ليه ضربيتن جزاء و(صارف) ليه ضربة جزاء وداخل البلد بي صالة كبار الزوار.
الزول دا (صارف) عديل كدا.
صارف ضربة جزاء.
وفوق دا ..شايل ليه (جلاكسي ولاب توب وعشرة الف دولار).
هسع عليكم الله انتوا شفتوا جهاد ابوجريشة دا اتحامل على الهلال كيف؟.
الحكم في الغالب بتعاطف مع اصحاب الارض ..نحن الحكام البحكموا لينا مباريات الهلال في ارضنا ووسط جمهورنا ..بتغاتتوا علينا.
بالله مباراة الهلال ودجوليبا تقول كانت بتلعب في (باماكو).
الحكم تعاطف ساكت ما اتعاطف معانا.
الحمدلله الهلال فاز عديل كدا ...لا تعاطف ..ولا جلاكسي ولا لاب توب.
انتصار (ضربة جزاء) ما فيه.
في انتصار اشرف من كدا.
بالمناسبة في جماعة ضبطوا ليهم (جلاكسي) في المباراة.
المباراة دي فيها (جلاكسي).
اصلو ما تحاولوا تقنعونا.
والله بالثابتة كمان.
عارفين (الجلاكسي) لقوه عند منو؟.
الجلاكسي كان شايلو (مهند الطاهر).
مهند الطاهر دا ..حركاتو البعمل فيها دي حركات (جلاكسي).
زول ما شايل ليه (جلاكسي) ما بقدر يعمل البعمل فيه مهند الطاهر.
كمان قبل مهند الطاهر ما يلعب الكورة لي مدثر كاريكا ...اتصل مهند
الطاهر بي مدثر كاريكا عبر (الجلاكسي) البقولوه دا.
عشان كدا باص مهند الطاهر كان فيه رائحة (الجلاكسي).
دا بالنسبة للجلاكسي.
عارفين (اللاب توب) كان عند منو؟.
اللاب توب كان عند مدثر كاريكا.
شغل مدثر كاريكا دا شغل (لاب توب).
الحركة البقوم بيها مدثر كاريكا ..والحوامة البعمل فيها دي ..ما بعملها لاعب عادي.
دي ما بعملها إلا لاعب شايل ليه (لاب توب).
عشان كدا فريق دجوليبا لو قدم شكوى في الهلال بكسبها.
مفروض دجوليبا يقدم شكوى في الهلال يقول فيها ...ان مهند الطاهر كان شايل ليه (جلاكسي) في المباراة ويقدم مستند على الكلام دا متمثل في (الباص) الذي لعبه مهند الطاهر لي مدثر كاريكا.
الشكوى التانية التى يفترض ان يقدمها فريق دجوليبا في الهلال تتمثل في (اللاب توب) الذي كان يحمله مدثر كاريكا في المباراة.
والمستند الذي يمكن ان يؤكد فيه فريق دجوليبا صحة شكوته يتمثل في (الهدف) الذي سجله مدثر كاريكا في دجوليبا.
اها الحاجات دي لا عاوزة ليها صور ...ولا عاوزة ليها خيال واسع يربط الشنط بالجلاكسيات.
مهند الطاهر دا عديل كدا كان شايل ليه (جلاكسي).
ومدثر كاريكا حايم بي (لاب توب) في المباراة.
وعشان اثبت ليكم الكلام دا.
سانيه كان داخل (فيس بوك) مع مدثر كاريكا.
ومهند الطاهر كان داخل النت من جهاز الموبايل...عشان كدا وقت عمر بخيت لعب الكورة الثابتة في رأس سانيه كان هناك (فيسكو) حاصلة بين الجماعة ديل.
شفتوا كيف؟.
نحن أي حاجة عندنا بي نظام.
نحن ما عندنا حاجة ساكت.
الكلام البقول ليكم فيه دا طبعا ناس بلة جابر ما بفهموه لي.
عشان احيركم.
بشة من السعودية كان داخل في (دردشة) مع مدثر ومهند الطاهر ..بربطوا في الحكاية من فوق.
خليفة طلع من الفيس بوك...طوالي غارزيتو طلعو من المباراة.
نحن كمان بنلعب.
الحاجات دي ولا بنجامل فيها.
ولا بنلعب.
اقول ليكم حاجة تانية.
نحن طبعا ما بنتغالط ..اي حاجة بنثبتها بالدلائل والوقائع.
عارفين كورة مهند الطاهر ضربت في (العارضة) ليه؟.
عشان مهند الطاهر ما كان ضابط خدمة الرسائل في جهاز (الجلاكسي) حقو.
الموضوع دا ما ساكت.
العالم دا كلو ماشي بي نظام ..وبي معادلات حسابية دقيقة.
ناس موسي الزومة ..شن خبرهم بالحاجات دي.
هسع موسي الزومة ذنبو شنو؟.
موسي الزومة ليه 8 سنوات بيلعب في المريخ الي الان كورو كلها في (الكشافات).
تقول سجلوه بي (لمبة).
معقولة بس.
لاعب الي الان ما قادر يفرق بين الكشافات والعراضات.
غايتو بلة جابر ارتاح في عضمو دا.
بلة جابر ما سافر مع المريخ.
والله انت محظوظ يا بلة.
ملحوظة : تاني في (جلاكسي) ما مفهوم في الحتة دي.
هوامش
غارزيتو قال عاوز (دجوليبا) ونجح في طلبه ..وح نشوف نظرة غارزيتو اليوم
في تحاشيه لفريق ليوبار.
غارزيتو بيلعب حسب الطلب.
بل ان غارزيتو ذهب ابعد من ذلك وقال ان المريخ افضل له في النهائي.
غارزيتو بقى يطلب عديل كدا ...ويجبوا ليه الفريق حسب الخطة.
شكلو كدا ...غارزيتو دا بقول عاوز الاهلي المصري في السوبر الافريقي.
الزول دا بفكر بعيد.
ما عندو حاجة ساكت كدا.
الصاقعة نزار حامد رغم المرض والاصابة والابتعاد عن المشاركة في الفترة الاخيرة إلا انه كان من نجوم المباراة ..مع انه شارك في فترة محدودة.
إلا ان الصاقعة نزار حامد قام بعمل كبير في الفترة القصيرة التى شارك فيها.
نزار حامد ملأ الوسط حيوية وحركة ونشاط.
جمعة المستوى الذي يقدمه مع الهلال في الفترة الاخيرة هو افضل الف مرة من مستوى الحضري الذي يقدمه مع فريق المريخ.
جمعة هو حارس المرمي الامثل وقد انقذ جمعة مرمى الهلال في الكثير من الاهداف المضمونة.
ليس في مباراة واحدة ..ولكن في الكثير من المباريات.
الحضري بتمها جرايد وضيّع في الزمن.
دي الحاجة الوحيدة البعرف ليها الحضري.
الحضري سوف يكون سببا في خسائر المريخ.
شوفوا وتابعوا بس.
علاءالدين يوسف وجوده في مباراة الاياب ..امر في غاية الاهمية.
افتقدنا علاءالدين يوسف في المباراة الاخيرة.
خليفة وايكانغا قدما مجهود اكبر من طاقتهما ..لذا نال منهم الفتر في
الاجزاء الاخيرة من المباراة.
لكن يظل ايكانغا وخليفة صاحبا اكبر مجهود وطاقة في الملاعب الافريقية.
كان الناس يخشون على دفاع الهلال ..وجاء دفاع الهلال وقدم اجمل عرض له ..رغم الاخطاء التى عالجها جمعة ..وكان في الموعد وهو يتعامل معها بفدائية.
اهم ما يميز جمعة ...هو الاخلاص والفدائية التى يلعب بها.
تلك الفدائية التى يتمتع بها جمعة ...لا توجد عند أي لاعب.
في المرحلة المقبلة نحن اكثر حاجة لفدائية جمعة.
اكثر الناس سعادة بتألق جمعة هو المعز محجوب...هذا شيء اشهد به.
المعز محجوب من اكثر اللاعبين حبا للهلال ..لذلك هو يسعد كثيرا عندما يرى جمعة في ذلك التألق.
يظل المعز محجوب (كبيرا) حتى وهو في كنبة الاحتياطي.
مباراة الاياب ..يجب ان يتعامل معها الهلال باستراتيجية خاصة ..لا سيما وان المباراة في بحر اسبوع.
مباراة كأس السودان امام هلال الفاشر يحتاج ان يلعبها الهلال بصفه الثالث ..حتى يريح هذه المجموعة التى ارهقتها المشاركة.
وغارزيتو طبعا الحاجات دي ما بوصوه عليها.
اهم احتياجات الهلال في الفترة القادمة هو توفير الحافز والمال والمرتبات الكافية للاعبين.
المرحلة القادمة ..هي مرحلة (دفع) يا البرير ..اذا اردت المجد ..ادفع واوفي لكل اللاعبين حقوقهم.
سادومبا يجب ان يحسم امر اعادة قيده قبل مباراة الاياب.
نتمنى ان يتحرك الهلالاب لانجاز هذا الملف.
كل اقطاب الهلال يجب ان يشاركوا في هذا الملف.
واظن ان تأمين استقرار سادومبا وحسم ملفه الان سوف يجلعه اكثر ايجابيا في المباريات القادمة.
يبقى سادومبا كما قال المدرب التونسي الكوكي افضل محترف في السودان.
واعادة قيد سادومبا ..وتوفير حافز تسجيله الان فيه دافعا كبيرا للجماهير الهلال ولسادومبا ولزملاءه اللاعبين.
الجميع سوف يكون سعيدا بذلك.
اذا كنا نريد البطولة يجب ان يكون هناك عمل واجتهاد وتضحيات اكثر من هذه التضحيات التى تقدم الان.
الموسم تبقى ليه 45 يوما ...يجب ان يتكاتف فيها الهلالاب وان يتخلوا عن الخلافات وان يدعم الفريق بالغالي والنفيس من اجل تحقيق البطولات التى ينافس عليها الهلال.
الحمدلله ان بطولة الممتاز تبقى منها خطوة حتى تحسم بشكل نهائي.
الهلال حقق الممتاز في ظروف صعبة ..عدم استقرار ...واستهداف واضح من اتحاد كرة القدم الذي يديره مجلس المريخ.
الهلال حقق بطولة يديرها مجلس المريخ.
معتصم جعفر ...فقد شخصيته القيادية واصبح اقرب من الموظف مع جمال الوالي.
معقولة مباراة هلال كادوقلي والمريخ تبرمج بعد ان حسم الهلال الممتاز.
معقولة بس ...تحول مباريات هلال كادوقلي التى تلعب في ارضه ووسط جمهوره ..فقط من اجل تحويل مباراة هلال كادوقلي والمريخ ومنح المريخ نقاط المباراة ثم اعادة برمجمة مباريات هلال كدوقلي في ارضه ووسط جمهوره بعد انتهاء مباراة هلال كادوقلي والمريخ.
المقصود من الحكاية دي كلها ...تحويل مباراة هلال كادوقلي والمريخ لتلعب بعيدا عن كادوقلي.
هذا الموضوع سوف نعود اليه.
في وجود هذا الاتحاد يمكن ان يلعب المريخ كل مبارياته في الدوري الممتاز في (فداسي).
بس جمال الوالي يطلب.
كادوقلي دي تقول في (سوريا).
اها بعد ضربة مصنع اليرموك ..هل يمكن ان يقول فريق الاهلي شندي (مثلا) انه ما بيلعب في الخرطوم.
يا جماعة ..الموضوع دا فيه (حقارة) عديل كدا.
عاجل : يا مهند الطاهر بي (جلاكسييك) دا بتكتل ليك زول
وإن طال السفر - صحيفة قوون

انقر هنا لقراءة الخبر من مصدره.