سودارس : فلكيا ..الهلال بطلا للممتاز (انتظروا الحلو)

حمدوك يلتقي الرئيس الكيني باديس أبابا "سودانير" تعلن زيادة الرحلات الداخلية بدء فعاليات المؤتمر القومي الأول للمؤسسات البيئية الاتحادية والولائية بالقضارف بدء عمليات حصاد محصول الصمغ العربي بغابة سرف سعيد بمحلية باسنده بولاية القضارف محلية الخرطوم تقرر حصر النازحين وتشدد على النظافة وضبط المركبات غير المرخصة شاهد بالفيديو.. حافظ لكلمات الأغنية..سائق تاكسي مصري يردد أغنية الفنانة السودانية إيمان الشريف والجمهور: (الشعب المصري اتهكر يا جدعان) الهلال .. للصدارة عنوان نموذج ذكاء اصطناعي يكشف مضاعفات الحمل الخطيرة ألقت رضيعها بالقمامة فنهشته الكلاب أمامها…جريمة تشغل الليبيين دواء جديد يقلل خطر وفيات سرطان المبيض 60% محمد إمام يخوض صراعاً مع أشقائه خارج إطار القانون في "الكينج" لا وألف لا للتراجع عن تنفيذ صيانة الكوبري لاعب ليفربول لجماهير الفريق: جهزوا "المناديل".. صلاح راحل أول تسريب لشكل هاتف غالاكسي زد فولد وايد منافس آيفون فولد يارا السكري: الجمهور ينتظرني مع أحمد العوضي بعد اتهامها بشراء لجان إلكترونية لحسابات هندية.. مي عمر: شغل رخيص الصين تطلق أول دوري عالمي لقتال الروبوتات بجائزة 1.44 مليون دولار أسرار السحب وبصمة اللسان وعسل النحل.. حقائق علمية ستدهشك بريطانيا تفجّرها: 10 دول متورّطة في توريد الأسلحة في حرب السودان نادي العروبة يهنئ الانيق بالمحافظة على موقعه بالممتاز قرار مهم لمركزي السودان بشأن بنك شهير (تأهلنا.. وتصدرنا ولكن؟) الهلال يهزم سانت لوبوبو ويتأهل متصدراً مجموعته شاهد بالصورة والفيديو.. الفنانة إنصاف مدني تفاجئ الجميع وتقتحم عالم التمثيل بالمشاركة في عمل درامي خلال شهر رمضان السلطانة هدى عربي توجه رسالة لخصومها بصور ملفتة: (اصلوا ما تحاولوا تشوهوا صورتنا لي ناس الدنيا ضيقة) بنك الخرطوم يصدر توضيحا مهما ليفربول يحسم أمره ويقرر عرض محمد صلاح للبيع تبادل إطلاق نار في الخرطوم إطلاق سراح 100 من نزلاء السجون الغارمين بكسلا تفاصيل بشأن خطة تأهيل جسري شمبات والحلفايا الأردني التعمري يقود رين إلى هزيمة باريس سان جيرمان بثلاثية الشرطة في الخرطوم تنهي مغامرة متهم المستشفيات الخطير نصائح صحية للاستعداد المبكر لرمضان أئمة يدعون إلى النار الهلال السوداني يخوض مواجهة مصيرية في أبطال إفريقيا ترتيبات لإعادة تشغيل مصنع ألبان بركات وإنشاء مزرعة لتربية الماشية وزارة المالية توقع إتفاق مع بنك التضامن الإسلامي لتقديم خدمة إيصالي ارتفاع في اسعار محصول الذرة واستقرار سعر السمسم بالقضارف أمس انطلاق دورة متخصصة لتطوير الأداء الرقمي برعاية وزير الشباب والرياضة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل ترامب يحذر إيران: الوقت ينفد والهجوم القادم سيكون أشد تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...)

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

فلكيا ..الهلال بطلا للممتاز (انتظروا الحلو)

محمد عبد الماجد نشر في النيلين يوم 06 - 11 - 2013

الشمس ذاتها قلبت (هلال) والما بشوف من الغربال ببقى (فيصل سيحة)
اجمل ما كان في الظاهرة الفلكية التى حدثت مساء الاحد الماضي والتى تمثلت في (كسوف) الشمس حسب التعريف العلمي والفلكي الدقيق توصيفا تحوّر الشمس وظهوره في شكل (هلال) ..يقول الرصد العلمي للظاهرة برواية منقولة : (تابع سكان الأرض يوم الأحد الماضي كسوفًا شمسيًا بدأ هذه المرة فى ظاهرة فلكية نادرة الحدوث جمعت بين نوعين من الكسوفات الشمسية حيث بدأ بكسوف جزئى تحول إلى كسوف حلقي ثم كسوف كلى عندما تكون الشمس فى منطقة التقاء خط الاستواء وخط الطول صفر المار ببلدة جرينتش البريطانية، ومكثت هذه الظاهرة فترة زمنية تبلغ 3 ساعات ونصف تقريبًا وهو ما يعرف باسم الكسوفات المختلطة غير الطبيعية).
جريتنش دا انا زمان كنت قايلها (شوكة) الساعة...طلعت هسع بلدة في بريطانية.
جاء في التعريف التاريخي لهذا الكسوف حسب ما نشر في كثير من المواقع : (الكسوف كان كليا عند خط الاستواء وخط جرينتش، وأن آخر كسوف كلى مر بخط جرينتش كان منذ "547 عامًا" فى 16 مارس عام 1466"، فى حين أن الكسوف الكلى التالى الذى سيمر به سيكون بعد 101 عام فى 3 يونيو 2114 ).
3 يونيو 2114 ..ح تكونو وين يا ربي؟.
دي ريحتنا ذاتها ما ح تكون في...اتخيلوا نفسكم (جدودنا القدماء).
ح نكون في نظر ابناء ذلك الجيل ..زي نظرتنا لجدودنا القدماء الذين كانوا بولعوا النار من الحجر ..وبلبسوا جلود الحيوانات.
اكيد السودان ح يكون بقى (17) دولة في ذلك الوقت ...اي مواطن سوداني فتح ليه (بقالة)..انفصل عن المركز.
والبقالة ذاتها لو فيها شركين ...مؤتمر وطني ومؤتمر شعبي ح تتقسم الي (بقالتين).
بعد (101) عام سوف يحدث كسوف اخر....الوقت داك يمكن خالد ود عثمان خليل ود عبدالرحمن الحسن بلة جابر ..يكون بيلعب في (باريس سان جيرمان).
العرق دساس.
باريس سان جيرمان الوقت داك بكون في الدرجة الرابعة.
وعباس ود الطيب الشيخ ود عبدالله الجزولي موسى الزومة بكون قطع شك بيلعب في (موناكو).
وموناكو الفرنسي ذاتو بكون في الدرجة الرابعة.
ولو ما بخاف الكضب ..ايمن الامين ود تاج السر احمد الشريف عبداللطيف بويا بكون بيلعب في اتلتيكو مدريد.
اتلتيكو مدريد ح يكون بطل الدوري الاسباني ...لو ما الاسبان ديل قلبو دوريهم حاجة تانية.
احتمال يعملوه سباق دراجات.
اها قصرنا معاكم يا مريخاب.
قلت لي واحد صاحبنا ...الكسوف القادم على هذا النحو سوف يكون بعد (101) سنة ..قال لي يااااا....الواحد يعني بكون عرس لمن يحصل مرة تانية.
الزول بكون بقى مسؤول.
طبعا زولكم دا عاوز ليه (70) سنة عشان يودي الشيلة.
وداي الشيلة ...طبعا اصعب حاجة ...عند صاحبنا.
وعاوز ليه (31) سنة بعد ما يودي الشيلة ...عشان يعقد.
عشان كدا (الكسوف) القادم ...صاحبنا دا بكون (عريس).
طبعا لو قال الكلام دا لي عريستو ...هسع بتصيبها سقطة شمسية.
ويضيف الرصد الاسيفيري لهذه الظاهرة :
(خلال 5 آلاف عام "من سنة 1999 ق.م وحتى سنة 3 آلاف ميلادية" يوجد 15 كسوفًا كليًا فقط تمر بخط جرينتش الذى يقسم الكرة الأرضية إلى قسمين شرق وغرب).
هذه وقائع ومعلومات فلكية ننقلها لكم كما جاء من اهل الاختصاص والعلم في هذا المجال ...ثم نضيف من بعد تعليقنا على الظاهرة والتى نستخلص منها دلالات كبيرة ومبشرة.
نضيف للفائدة بثياق علمي نقلا عن الوفد المصرية عشان ما نعمل ليكم الموضوع كلو (ضفر) :
( الكسوف الشمسى لايحدث إلا فى أوائل الشهور العربية لذلك فهو يتفق مع ميلاد شهر المحرم الذى يبدأ به العام الهجرى الجديد 1435 والذى وافق طبقا للحسابات الفلكية يوم امس الاثنين ، الجدير بالذكر الى أنه من ناحية إمكانية رؤية مولد هلال القمر الذى يجب أن يمكث فى الافق الغربى بعد غروب يوم الاثنين فترة كافية لرؤيته بالعين المجرد فهو الامر الذى قد لايتحقق إلا اليوم الثلاثاء).
شفتوا كيف يا هلالاب ...الرؤية سوف تكون اليوم بالعين المجردة.
فاهمين حاجة.
خلوها مستورة.
( الكسوف الشمسى ظاهرة كونية تحدث عندما يكون كل من الشمس والارض والقمر على خط مستقيم واحد حيث يكون القمر فى المنتصف فيحجب ضوء الشمس عن الارض ولهذا يمكن للانسان أن يرى ظل القمر وهو يعبر قرص الشمس ، يشار الى أن الكسوف الاول للشمس خلال العام الحالى كان حلقيا وحدث فى شهر مايو الماضى مع ميلاد شهر رجب وتعذر رؤيته فى مصر والدول العربية) .
الموضوع دا ..(رياضيا) كدا ..كويس معانا ..ممكن يتجسد لينا الليلة ان شاءالله.
وممكن الهلال يفوز بالممتاز ...وجماعتنا ديل يشربوا ما يروا.
نحن على قناعة تامة ان شاءالله كأس الممتاز دا حقنا.
الشمس في وضح النهار ..قلبت ليكم وظهرت ليكم في شكل (هلال).
في اكتر من كدا وضوح.
ومعروف ان الشمس من النجوم ...وعندما تصبح الشمس هلالا او تظهر على هذه الصورة التى شاهدها فيها الكثير من الناس ونقلتها الصور ...يعني ان الظواهر الفلكية عندها دلالات تانية ...نحن نفسرها قدر حالنا.
وتفألوا بالخير تجدوه.
شفتوا كيف؟.
عشان بعدين ما تقعدوا تتغالطوا لينا ساكت ..نحن ما بنتكلم ساكت ..نحن اي حاجة عندنا بي نظام.
والفهم ..فهم ..والما فهم بي طريقتو.
عندي احساس اني ح اكتب (من الغلاف للغلاف) قريب ...يا احمد الحاج ...يا وراق ..اعملوا لي (ترويج) مقدم...وخلوا الباقي علي.
قالوا ليك ...(بدون مناسبة) واحد مشي روسيا ...اول ما وصل روسيا ونزل في مطار موسكو ..اتلفت على الروسي القاعد جنبو ..وقال ليه دي موسكو؟.
الروسي قال ليه : آمال (حلة حمد).
لا دي موسكو البقولوه؟.
الروسي قال ليه : ايوا موسكو....تفتكر يعنى موسكو الزومة..قاعدين تتلفتوا لي كدا زي (التفل).
اول التفل بتلفت؟.
السوداني قال ليه يعني هنا (سوداني) ما عندها شبكة...والله مشكلة.
قال ليه شبكة شنو؟...انت ذاتك هنا بتطلع من الشبكة.
طيب ممكن اسأل سؤال.
اسأل ...لكن بالروسي.
عاوز اسأل ...سؤال عابر كدا ...هنا ما في محل تمباك قريب من المطار.
الروسي قال ليه ..لو في محل تمباك في موسكو ..يبقى الفرق بينا وبينكم شنو؟.
لو هنا في تمباك كنا عملنا ليكم ..رفع الدعم من المحروقات ...ونفايات ...وحاجات كتيرة كدا.
ولا طحنية؟.
طبعا الطحنية ما عندها اي علاقة بالسؤال دا...زي (الكرفتة).
والكرفتة ذاتها ..ما عندها علاقة.
قالوا ليك واحد شاف سعيد السعودي ...ثبتو قال ليه انا شايفك قبل كدا ..انت لاعب طائرة؟.
قال ليه ابدا لاعب كورة.
ولاعب كورة بتلعب وين؟.
بلعب في المريخ.
مريخ الفاشر.
ابدا المريخ العاصمي...غريبة ما حصل لينا الشرف.
وفي المريخ بتلعب شنو حارس مرمي؟.
سعيد السعودي قال ليه ابدا ...بلعب في الوسط.
وفي الوسط بتلعب شنو صانع العاب؟.
ابدا ارتكاز.
طيب مالك ما ظاهر!!...غريبة شكلك كدا (قطاع رياضي ...قطاع رياضي).
عامل كدا زي (الفارقنا اعز الناس)...شكلك يا السعودي ح تفارق المريخ قريب.
قبل ايام.
قرأت خبر ...عن اصابة محترف الهلال سنكارا.
قلت يا ربي دا اتصاب وين؟.
في التمرين ...(هو ذاتو ما بتمرن).
يا ربي اتصاب في مباراة الزومة الودية ...(هو زول ما بتمرن ح يلعب كيف؟).
كيف اتصاب ووين؟.
في المواصلات.
بكون عندو عربية.
طيب اتصاب وين؟.
قريت تفاصيل الخبر ...لقيت ليكم الزول اتصاب ب (تسمم).
اكيد ..سنكارا دا إلا (تسمم).
يعني ح يتصاب وين؟.
المحترف من يتصاب ليك ب (تسمم) اقنع منو؟.
دا يعني زول اكل ساكت.
تسمم شنو يا ابوالشباب ...انت محترف وإلا طباخ.
انت ساكن في داخلية.
تسمم.
تسمم يا سنكارا.
اها قصرنا معاكم يا مريخاب.
ملحوظة : كسوف الشمس دا ما بمر ساكت.
هوامش
من قون بويا ...تاني ما شفنا عصام الحضري.
معقولة الفترة دي كلها (جيوب انفية).
دي ما جيوب.
دي شوالات انفية عديل كدا.
في جيوب انفية بتبعد ليها حارس مرمي من المرمي (45) يوم.
والله الدمازين نلقى فيها الحضري بي جيوبو الانفية دي ..نعمل فيه عمائل.
لكن يا مريخاب ..نقول ليكم الجد ...الحضري بي جيوبو الانفية افضل ليكم من اكرم الهادي سليم.
اكرم شفوه اليوم ...ح تتأكدوا من الكلام دا.
كتلة الممتاز..قالوا ح ينسحبوا من الممتاز.
انتوا ح تنسحبوا متين؟.
لمن الهلال يتصدر.
الدوري انتهى ..وكلو مرة يقولوا ليك ح ننسحب.
مفروض الهلال والمريخ ...يكملوا الممتاز..لكن يتفقوا ما يلبعوا كأس السودان إلا يأخدو قروشهم.
الاتحاد العام دا اتحاد (طيران) ساكت.
عملوها لينا كلها وكالات سفر ..وقعدوا يتلفتوا زي (الترمس).
اول الترمس بتلفت.
الزمن دا ما في حاجة بعيدة.
ما في حاجة مستحيلة.
تقرير كروجر الفني ربما يضم موسى الزومة وضفر لقائمة المشاطيب.
اما سعيد السعودي فهو مغادر مغادر.
رمضان عجب ..قالوا زعلان.
وزعلتو ح تظهر الليلة في المباراة.
والله يا ناس المريخ عندكم (اعلام)...اخير منو موسى الزومة.
اعلامكم كلو موسى الزومة.
معقولة في اعلام عاقل كدا ...يعترض على نجومية رمضان عجب الذي سجل هدفين في المباراة الاخيرة.
طيب نحن نقول شنو؟.
لو انتوا في مريخكم بتعملوا كدا.
قالوا سوداني قاصدة المريخ.
انتوا جنيتوا.
رمضان عجب دا بيلعب في النسور.
خلاص كلمو اللورد الما بقرأ جرايد داك ..يعمل ليكم جائزة من ام تي ان.
ويمنحها كل مرة لي هيثم مصطفى.
لو دا بحلكم ...نحن ما عندنا مشكلة.
غدا الهلال يلعب امام الخرطوم الوطني.
وهي مباراة ان شاءالله للمتعة والفن الكروي الاصيل.
تعالوا شوفوا كاريكا ..ونزار الصاقعة وسيدي بيه.
تعالوا متعوا عيونكم.
الحضور الجماهيري بكرة يجب ان يكون ضخما للاحتفال ..والاحتفاء والمتعة.
بكرة وجودكم في استاد الهلال واجب على كل هلالابي.
ما خوف من الخرطوم الوطني ..ولكن من اجل الفرجة ..والمتعة والاقوان.
نحن تاني هدف ..هدفين ..فرق ثلاث اهداف ..ما بنقبل بيه.
من اربعة اهداف ...وانت ماشي.
كنا نتمنى تراوري في هذه النهايات ..عشان ينفرد باللقب مع كاريكا.
لكن مجلس الهلال لا يحسن التعامل مع المحترفين.
اي محترف يتألق ويكون كويس ..يعملوا معاه مشكلة.
لا يحسنوا ايجاد الحلول.
وهذه مشكلة كبيرة ..تعاني منها كل مجالس الهلال.
صلاح محمد آدم ..يفترض ان يحسن التعامل مع الاعلام.
يا صلاح انت ما مورنيهو.
يعني الحركات دي ..انت لسه بدري عليها.
امشي عدل.
فزت 6 على الاهلي مدني ...خلاص يعني قلبت الهوبة.
طيب مهند الطاهر يكون قلب شنو؟.
الممتاز ...الان ما فيه لاعب يستحق اللعب في الهلال.
غير فارس ومالك وباسيرو.
تابعوا اندية التاهيلي سوف تجدوا اكثر من لاعب يستحق اللعب في الهلال.
صلاح الامير ...لا خلاف من انه من نجوم الممتاز هذا العام.
قدم كورة رائعة ...وكان حاضرا في كل المباريات.
هبوط الموردة ...خسارة للممتاز ..قبل ان تكون خسارة للموردة.
نتمنى انتصار الموردة على مريخ الفاشر.
المشكلة ...الموردة سوف تلعب الاسبوع القادم امام الهلال.
ومن دون شك ..خسارة الموردة اكيدة امام الهلال.
لذلك ...ليس امام الموردة خيار غير الانتصار على مريخ الفاشر.
غدا في التأهيلي ...مباريات سوف تضع خريطة العودة الي الممتاز.
هلال الفاشر ...يستحق ان يكون ضمن اندية الممتاز.
تعرض هلال الفاشر لظلم كبير من حكم المباراة في كوستى امام مريخ كوستي.
حتى مريخ كوستى ...يجد دعم ومساندة من الحكام.
يا ناس ..الما بشوف من الغربال ...يبقى سيحة.
انتظروا اخبار سعيدة.
.....
عاجل : عام سعيد ان شاءالله ...وهلالي خالص..ونحن في مطلع العام الهجري الجديد.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.