سودارس : مريخ ام در وحلفا سوف نشجع (اللعبة الحلوة)

عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ تعطيل الدراسة في الخرطوم ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مريخ ام در وحلفا سوف نشجع (اللعبة الحلوة)

قوون نشر في قوون يوم 16 - 08 - 2011

لا اعرف كيف سوف يتابع (المريخاب) مباراة اليوم التي تجمع بين مريخ ام درمان ومريخ حلفا.

يعني ما بتتعقدوا.

ما بتحسوا بالحرج.

ما بتخجلوا.

شعوركم شنو؟.

ما بتحسوا بالضيقة.

بي قومة النفس.

يا سلك لو بنتك (اسلام) سألتك قالت ليك : (يا بابا المباراة دي بين شنو وشنو؟).

ح تقول ليها شنو؟.

ح تمشي منها وين؟.

ح تكون صريح معاها ..وإلا بتحاول تلف وتدور وتطلع من السؤال.

تقول ليها مثلا : يا بنت ما تسألي من الحاجات دي.

عيب تسألي من حاجة زي دي.

وإلا ح تكون اذكى من كدا ..وتقول ليها : امشي جيبي (الشاي) من جوة.

انا عارف ..بنتك ما بتتفك منك بالسهولة دي.

ح تصر تعرف المباراة دي بين منو ومنو؟.

او عى تغشها.

اوعى تتحاسب بيها.

خليك معاها صريح.

زمن كلو بتكلمها عن (السيخ).

وعن (الاسمنت) المحمول جوا.

وسور الدقير (العظيم).

غايتو الدقير دا ما شفنا منو غير (السور).

كل ما يقولوا للدقير حاجة ..يقول ليهم انا عملت ليكم (السور).

واكيد سلك حفظ بنتو تاريخ السور دا.

بكون ما خلى ليهو حاجة.

والمباراة الليلة بين المريخ حقنا دا ...والمريخ حق ناس حلفا.

طبعا بنتك ..منها وليها.

ح تقعد تقارن.

المريخ ومريخ حلفا.

دي كورة دي وإلا (ندوة).

يا بابا ليه نحن بنلعب مع مريخ حلفا.

ح تقول ليك كدا يا سلك؟.

وليه الهلال دا بيلعب مع (القطن).

اشمعنا نحن بنلعب مع مريخ حلفا.

يا بابا نحن عاوزين نلعب مع (القطن).

سلك ح يكون صريح مع بنتو.

ح يقول ليها نحن القطن دا ما بنقدر عليه.

القطن دا فريق كبير.

ما بيلبعوا معاه ناس الشغيل.

هسه الشغيل ذنبو شنو؟.

القطن الوحيد اللعب معاه المريخ ...القطن التشادي.

شفتوا الفرق.

قطن لي قطن يفرق.

سلك بزعل من بنتو في الاسئلة دي...اوعك تضربها يا بابكر.

اوعك تسألها.

يا بنت خلينا نحن مع (مريخ حلفا).

دا الفريق البنقدر عليه.

انيمبا والقطن ..والرجاء والترجي والاهلي المصري والوداد ..ديل ما بيلبعوا قدامهم.

ديل بشاهدوهم ساكت في التلفزيون.

في قناة الجزيرة ...والما عندو (كرت) ذاتو ما بشوف المباراة.

نحن أي حاجة عندنا بي نظام.

سلك طبعا ح يلاحظ صدمة بنتو.

ح يقوم يحاول يطلعها من الشعور دا.

يقوم تاني يقول ليها نحن (صفوة).

يا بنت نحن (صفوة).

لكن يا بابا صفوة دي ما حلوة ...صفوة دي يعني نلعب مع مريخ حلفا.

صفوة دي يعني نقعد نجدع بالحجارة.

صفوة دي يعني 8 سنوات ما نشيل كأس الممتاز غير مرة واحدة.

موضوع (الصفوة) دا ما قسم مع طفلة سلك.

الطفلة نقشتو.

ما اقتنعت بيهو.

يقوم سلك يقول ليها شنو؟.

يقول ليها نحن اصحاب البطولات المحمولة جوا.

كأس مانديلا.

كأس سيكافا.

كأس الشارقة.

انتوا يا مريخاب كأس الشراقة دا كمان بتعدوا.

هسه في الهلال في زول بجيب ليه سيرة لي كاس بني ياس.

يا عم روح.

الكأس دا خليفة ما شغال بيهو.

خليفة الجابو ...ما بقيف عندو.

اسلام تاني تغضب.

يا بابا لكن انا ما عاوزة كأسات سيكافا دي ..بتقرفني يا بابا.

انا عاوزة نكون زي الهلال.

نصل المجموعات.

ونلعب مع القطن وانيمبا.

و..و..و...

سلك هنا بتقفل معاه ..بعرف ليك طوالي انو منطقو ضعيف.

بقوم تاني يقول للبنت ..يا بنت انا موش قلت ليك المواضيع الكبيرة دي ما تتكلمي فيها.

يعني اتكلم في شنو يا بابا؟.

في مريخ حلفا.

انا موش عاوزة مريخ حلفا...انا عاوزة القطن.

يا بنت امشي جوة ...جيبي لي عصير (حلو مر).

يلا.

البنت تمشي وتجي.

سلك يشعر بالذنب.

يحاول يخفف على طفلتو شوية.

يقوم يقولها انا بكرة ح اسوقك ...افرجك على (الطابق التاني).

تاني يا بابا.

انا فترت من (الطابق التاني).

ما معقول يا بابا كل ما الهلال يغلب في مباراة ...تسوقني تفرجني في (الطابق التاني).

وتقول لي استاد الهلال (زريبة قش).

يا بابا انا نفسي نصل لمرحلة المجموعات.

نفسي كدا نلعب مع القطن.

مع انيمبا.

مع الترجي.

يا بابا ليه نحن ما بنلعب مع الاندية دي ؟...اشمعنا نحن نلعب مع (مريخ حلفا).

انا موش عاوزة مريخ حلفا.

سلك تاني دمو يفور ..يقوم يقول لي بنتو (اسلام) ..انا موش قلت ليك المواضيع الكبيرة دي ما تتناقشي فيها.

قلت ليك الف مرة ما تجيبي لي سيرة الترجي.

نحن مان الصومالي تعبنا.

ما بصح كدا يا اسلام.

يلا ادخلى جوة ...موبايلي بضرب جوة ..امشي جيبوه لي من (الشاحن).

اسلام تمشي وتجيب الموبايل وترجع.

سلك تاني يحس بالذنب.

الطفلة دي ذنبها شنو؟.

من قامت ما شافت كأس الممتاز.

من قامت ابوها بفرج فيها في (الطابق التاني).

دي ذنبها شنو؟...عشان تتحاسبوا بيها كدا يا سلك.

انت يا سلك مستقبلك ضاع ...ما ضيع معاك مستقبل البنت ساكت.

خليها براها ...الدنيا مفتحة في عيونها.

ليه تجبرها تحضر مباراة المريخ ومريخ حلفا.

ليه؟.

عملت شنو في الدنيا دي عشان تجبرها تتابع مباراة مريخ ام درمان ومريخ حلفا.

مريخ واحد الزول ما بقدر يستحملو...عاوزها هي تتابع ليها مباراة لي مريخين.

سلك يغضب.

يقوم تاني يقول لي بنتو ....تعرفي انو المريخ متصدر الممتاز بفارق 5 نقاط من الهلال.

وسكواها متصدر قائمة الهدافين.

اسلام تقول لي ابوها : يا بابا انا عارف الكلام دا ...بس ليه نحن ما بنلعب مع القطن.

ليه كل مرة بنتصدر ...ونرجع نفقد الممتاز.

يا بنت قلت ليك الموضوع دا ما تفتحي لي.

انت مالك ما بتسمعي الكلام.

انتي الكلام دا بتجيبها من وين؟.

اوعك تكوني بتقرأ جرايد الهلال من وراي.

يا بابا لكن انا كرهت الطابق التاني.

كرهت البطولات الوهمية ...المحمولة جوا.

كرهت السيخ.

والاسمنت.

والحضري.

كرهت وارغو ..وتصريحات همد الكتيرة.

كرهت (التورتة) ذاتها.

كرهت أي حاجة يا بابا.

انا عاوزة العب في المجموعات.

عاوزة اتفرج على المجموعات.

يا بنت ادخلى جوة ...امشي جيبي لي (قهوة).

شفع اخر زمن ....ما بسمعوا الكلام.

البنت تمشي تجيب القهوة ..وترجع.

سلك يحس بالذنب.

يقوم يقول احسن اخفف على البنت دي شوية.

يا اسلام تعالي ..انا ح اعمل ليك حاجة حلوة.

حاجة رائعة.

ح تعمل لي شنو يا بابا؟.

ح اجيب ليك حاجة اصلك ما بتصوريها.

حاجة ما بتحلمي بيها.

ح تعمل لي شنو يا بابا؟.

ح انظم ليك (سيكافا).

سيكافا تاني.

ايوة سيكافا تاني ...المشكلة شنو يا اسلام؟.

المشكلة يا بابا في سيكافا مع ناس مان الصومالي نجي التوالت.

لا ..لا يا بابا ..انا موش عاوزة سيكافا.

انا عاوزة المجموعات.

يا بنت نحن ما عندنا ليك اكتر من سيكافا.

وفي سيكافا ما عندنا اكتر من (البرونزية).

يا بابا انا ما عاوزة سيكافا ..ما عاوزة طابق تاني...ما عاوزة سيخ ..ما عاوزة اسمنت.

يا بنت انا مية مرة قلت ليك ما تتكلمي في المواضيع دي.

يلا ادخلي جوة ...اكوي لي الشال الاخضر.

اها يا سلك بعد ما تكوي ليك الشال الاخضر ..بتقول ليها شنو؟.

.....

نرجع للمباراة.

نخلى سلك وبنتو.

اصلي انا عارف انو بنت سلك ما عندها أي ذنب.

الله يسامحك يا سلك ....ساكت عاوز تتحاسب بي ذنب (اسلام).

مريخاب حلفا طبعا دا انجاز ليهم انهم يلعبوا قدام المريخ الكبير ..وانهم يصلوا لهذه المرحلة في كأس السودان.

لكن مريخاب ام درمان ما عارف شعورهم ح يكون شنو؟.

قالوا ليك المباراة في (الاذاعة) ما منقولة.

المشكلة (الجمهور).

الجمهور مالو.

الجمهور ما بقدر يفرق بين مريخ ام درمان ومريخ حلفا.

الاتنين بتشابهوا.

الاتنين بيلبسوا نفس الشعار.

موسي الزومة بتاع مريخ حلفا بيلبس فانلة رفم (11) ...ما بلبس رقم (3).

وبلة جابر بتاع مريخ حلفا ما بنط جوز.

عشان تكونوا عارفين.

ملحوظة : مباراة الليلة فاقدة (التورتة).

هوامش

الي الان ما جبت ليكم سيرة عن مباراة الهلال والقطن.

اسلام ما اتدتنا أي فرصة.

بعيدين الحاجات دي نحن عندنا عادي.

عادي شديد.

الهلال ما شاءالله عليه ..الي الان ما اتهزم في بطولة الاندية الافريقية.

لعبنا امام اكالا ذهابا وايابا...ما خسرنا.

لعبنا امام الافريقي ..ذهابا وايابا ...ما خسرنا.

لعبنا مع انيمبا في نيجريا ما خسرنا.

مع الرجاء ..مع القطن ..ما خسرنا.

تقول لي (سيكافا).

الهلال دا لو شارك بي (اتوقوون) براهو بجيب كأس سيكافا.

بالمناسبة دي شفتوا (اتوقوون).

قونو زي (المعركة الحربية).

اتوقوون دا ما فاضل ليه شيء ..غير يشيل ليه (سيف).

وارغو دا لعب ليه عشرين مباراة افريقية مع المريخ ما سجل.

في سيكافا وارغو ما سجل.

اتوقوون من اول مشاركاته الافريقية سجل.

حاجة في منتهى الروعة.

خليكم معانا.

القادم احلى.

عاجل: مباراة المريخ الليلة قالوا (متلفزة) في الاذاعة الرياضية!!!!.

انقر هنا لقراءة الخبر من مصدره.