سودارس : ادخل مباريات الهلال واستمع ل (سيدي) بيه الاخير

السودان لا يركع .. والعدالة قادمة وزير الخارجية يستقبل مدير عام المنظمة الدولية للهجرة التابعة للأمم المتحدة منع قناة تلفزيونية شهيرة في السودان ماذا قال ياسر العطا لجنود المدرعات ومتحركات العمليات؟! شاهد الفيديو شاهد بالصور.. ما هي حقيقة ظهور المذيعة تسابيح خاطر في أحضان إعلامي الدعم السريع "ود ملاح".. تعرف على القصة كاملة!! البرهان يطلع على أداء ديوان المراجع العام ويعد بتنفيذ توصياته تقارير صادمة عن أوضاع المدنيين المحتجزين داخل الفاشر بعد سيطرة الدعم السريع لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ادخل مباريات الهلال واستمع ل (سيدي) بيه الاخير

محمد عبد الماجد نشر في النيلين يوم 15 - 11 - 2013

اخيرا اكتشفت معلومة خطيرة جدا (بس الكلام دا ما يطلع من العمود دا)..اكتشفت ان كل امهات المحترفين عندهن مشاكل في الكلي والقولون والشعب الهوائية.
وانهن يسيطرن على حركة الطيران في السودان بصورة كبيرة ..فيما يخص سفر المحترفين من والى السودان.
يعني ناس الهلال والمريخ ديل ...تاني لمن يجيبوا ليهم (محترف) من برة ..اول حاجة يعملوها مفروض يسوقو (ام) اللاعب المحترف الي الكشف الطبي.
افحصوا للامهات ..طول ما هن مسيطرات على نشاط الابناء على هذا النحو المؤثر والكبير.
طوالي مفروض يودوهن (رويال كير)...اي حالة (ام) مستعصية يصرفوا نظر بعدها عن ابنها وان كان هدافا لكأس العالم.
لو ولدها زي (الحصان) وهي عندها (موية بيضاء) في عيونها ..مفروض يصرفوا نظر من ابنها المحترف.
والاتحاد العام (المصنقع) دا...عليه ان يلزم الاندية بالكشف الطبي على امهات اللاعبين.
او ينبغى ان يضع في عقود المحترفين شرط ...يحدد كيفية تعامل اللاعب المحترف مع النادي عندما تمرض والدته.
ومفروض اي مرض تتعرض له ام اللاعب المحترف ...يكون هناك تقرير طبي يعطي للنادي وطبيب الفريق ...(عشان ما يتغشوا ساكت).
الحكمة (الالمانية) القاطعها من رأسي دا بتقول ليك بيت ابوك ان خرب ..ما تشغل المراوح.
نحن الحكمة دي طبعا عندنا هنا ما بتقول كدا ...الحكمة هنا بتقول بيت ابوك ان اخرب شيل ليك منها عكاز.
لكن عشان الالمان متطورين اكتر مننا في التكنلوجيا ...قالوا ليك : (ما تشغل المراوح).
والمراوح هنا والله ما عندها اي علاقة في الموضوع الذي نناقشه الان.
لكن ما مشكلة ..موش مرات بتمشي الدكان ..تقول لصاحب الدكان عاوز لي (طحنية).
سيد الدكان يقول ليك : والله طحنية ما في ..اخر حبة شالتها بتول قبل شوية.
تقوم انت تقول ليه : خلاص وقت طحنية ما في ..اديني عليك الله(امواس حلاقة).
طبعا ما في علاقة اصلو بين الطحنية وامواس الحلاقة.
عشان كدا لمن اجيب ليكم حاجات ما عندها علاقة بي بعض ..ما تستغربو.
زي واحد كدا ...قالوا ليك مشى الدكان قال لي بتاع الدكان ..عليك الله اعمل لي فول بي جنيه..وزيت بي جنيه ..وجبنة بي جنيه..وبصل بي جنيه ...ورغيف بي جنيه..وتوم بي جنيه..وطعمية بي جنيه...ودكوة بي جنيه ..ورجع لي من (العشرة) جنيه دي جنيه.
بتاع الدكان قال ليه انت الفول دا عاوز تأكلو ..وإلا عاوز (ترسمو)..رجع ليه (الجنيه) من عشرة.
زولكم تاني رد ليك (الجنيه) لبتاع الدكان ..وقال ليه : عليك الله حوّل لي بيه (رصيد).
المهم يا جماعة ..عشان ما تعملوا لي المواضيع الجانبية دي ..موضوع ..نرجع لي موضوعنا ..قاعدين لي كدا ..زي الهدوم في سلك الغسيل.
اول الهدوم بتقعد كدا.
حقيقة نحن اي لاعب نجيبو يحترف في البلد دي ...اول ما تتأخر حقوقه يقول ليك : (امي عيانة).
وامي عندها مشكلة في الكبد.
المحترف كل ما يكون عاوز يسافر بلدو ...يقول ليك : (ضربو لي وقالوا لي امك عيانة).
وفي ناس بزيدوها شوية ..ويقولوا ليك : (الحاجة قالوا ليك تعبانة شوية).
الحاجات دي زمان كان بيعملها محترف الهلال السابق سادومبا ...هسع عارفين شالها منو؟.
هسع الوصفة دي شالها عصام الحضري.
عصام الحضري بقى يقعد ليك شهر في مصر ...يرجع السودان (جمعة المرتب)...يقبض مرتبو ويقول ليك : (امي عيانة).
المريخ متعاقد مع الحضري وإلا مع امه ؟....شنو كل جمعة (امي عيانة).
بابكر سلك (ام) سادومبا كان قد حضر فيها (مجلد) اعمدة رياضية ..وقرأ ليها (طب عديل) كدا عشان يتفرغ ليها.
هسع يا سلك ..انت عاجبك البتعمل فيه (ام الحضري) دا.
يا الحضري باقى ليك (16) يوم ..كملها عشان تصرف مرتبك بالكامل وتتخارج.
(16) يوم بس ...غلبك تصبرها.
بنوعدك ..ما تقابل (بويا).
إلا اذا مشيت (الدمازين)...لكن هنا نوعدك ما نجيبو ليك ..وما تشوفو.
طبعا الامهات لهن كل التقدير والاحترام ..واي ابن من حقه ما يستحمل (نزلة) في الوالدة.
لكن كمان نرجو ألا يكون ذلك (استهبال) واستغلال للاندية السودانية.
قالوا ليك في محترف زمان كان كل اسبوع يقول ليك (امي في العناية المركزة).
ويقوم يسافر ليك.
عارفين الزول دا وقت عقدو انتهى مع النادي..مجلس الادارة اكتشف..انو الزول دا امو متوفية من سنة 1998م.
ايتو المحترف الكميروني لعب في برشلونة ...ولعب في الانتر ..ولعب في روسيا ..وهو يلعب الان في انجلترا ضمن كتيبة (مورينهو) الذي يقود شيلسي.
طوال هذه الفترة ...ما سمعت (ايتو) ولو بالغلط كدا يقول : (امي عيانة).
دروبكا ايضا لعب في انجلترا ولعب في الصين وهو الان يلعب في تركيا.
دوربكا دا ما حصل قال (امو عيانة) طوال فترة احترافه.
الجماعة ديل ما عندهم امهات..وإلا كمان نحن (امهات) المحترفين الذين يلعبون في السودان وحدهن من يعانن بالتضخم في البنكرياس.
محترف الهلال السابق النيجيري (فلانتاين) كان قد تفنن في اسباب غيابه وجاء بعذر جديد..يبعد عن منطقة مرض الام.
فلانتاين سافر الي نيجيريا ...وانقطع هناك لمدة شهر ..قال فيها ان (الخريف) قطعو.
بعد شهر تاني ..فلانتاين قال ...عندهم (حيطة) وقعت في البيت ..عشان كدا ..ح يقعد شهر ثالث.
في الشهر الرابع ..اعاد فلانتاين (علل) المحترفين التى تستعمل في حالات عدم العودة.
فلانتاين قال (جوازه) مليان ما فيه (صفحة) فاضية للتأشيرة ..وقعد بسبب هذا الامر شهر اخير.
طبعا بعد المدة دي ...اكيد الدوري السوداني بكون انتهى ..والناس بكونوا نسوا لاعب اسمه (فلانتاين).
نحن ما بننسى لكن ..بنحسبها بالورقة والقلم.
عصام الحضري الان عاد قبل ثلاث ايام من مصر بعد ان كان فيها قرابة ال (45) يوما.
الحضري وجد الجماعة ما شغالين بيه ...وكروجر ذاتو اخرج تصريحات أكد فيها انه لن يعتمد في المباريات المتبقية على عصام الحضري.
عصام الحضري الكلام دا زعلو.
قام عمل شنو؟.
قام طوالي قال ليك : (امي عيانة).
رجع مصر ..دون حتى ان يأخذ الاذن من مجلس ادارة نادي المريخ (القاعد ساكت).
ملحوظة : الحضري دا عندو كم ام؟.
هوامش
على طريقة الموردة ..امس غادر فريق الاهلي مدني بعد خسارته امام المريخ 1/4.
لو النيل الحصاحيصا بقى في الممتاز يكون مشكلة.
عاقبوا النسور ..وخصموا منه (3) نقاط.
وجعلوا الامل عطبرة المسكين يلعب اغلب مباريات الدورة الثانية في عطبرة خارج ارضه.
دا كلو عشان النيل الحصاحيصا ما يهبط.
هبطت الموردة ..وهبط الاهلي ...ونتمنى ان يلعب النيل سنترليق ويغادر الممتاز ..عشان على الاقل تكون هناك عدالة في الممتاز.
ما معقول الاتحاد العام كلو في خدمة النيل الحصاحيصا.
فريق الخرطوم الوطني الي جانب هلال كادوقلي ..تراجعوا بصورة كبيرة في الدورة الثانية.
الخرطوم الوطني لو لعب بهذا المستوى في الدورة الاولى ..كان سوف يهبط من الممتاز.
هلال الفاشر امام هلال الساحل ..يحتاج فقط الي التعادل ليصعد الي الدورى الممتاز.
المباراة في بورتسودان ..وقناة البحر الاحمر سوف تنقلها.
سيدي بيه وضح انه (سيدي) فيه من الروائع والابداعات الكثير.
الناس بقت تدخل كل مباراة للهلال من اجل الاستماع ل (سيدي) الهلال الرائع.
ننتظر توهج اخر لسيدي بيه في الدمازين.
دفاع المريخ ..في وجود علي جعفر وامير كمال ..لن يصمد (5) دقائق امام محمد عبدالرحمن.
علي جعفر ..بقى يجلي في الكور زي (الكوارع).
اول الكوارع بتجلي.
قالوا ليك ...واحد قاعد يجلي من خشمو.
قعد ليك في صينية فيها كوارع وفيها شية جمر.
وقت يشيل قطعة من شية الجمر ..بوديها على خشمو ..ووقت يغمس في الكوارع بوديها لي خشم الزول الجنبو ..وبقول ليه معليش ...قاعد اجلي من خشمي مرات.
الزول القاعد جنبو ..قال ليه اشمعنا بتجلي في (الكوارع)..شية الجمر دي وقت تشيل منها ...وتصلحها بالدكوة والشطة والليمون ..اشمعنا ما بتجلي فيها.
صاحبكم قال ليه في زول بجلي من خشمو.
طيب ليه في الكوارع بتجلي؟.
قال ليه تسألني انا اسأل الكوارع.
غايتو علي جعفر وامير كمال في الدمازين إلا تشوفو ليهم (حكم) من الاتحاد العام يلحقهم.
هم براهم ما بثبتو.
واحسن من هنا ما تجازفوا بيهم.
ماذا عن لجنة تسيير الهلال.
التسجيلات باقى ليها (15) يوم ...وحكاية المجلس الي الان ما معروفة.
الوزير الذي كان فالقنا بي تصريحاته زمان ..عليه ان يشكل لجنة تسيير من الان.
على الاقل في ال (15) يوم دي ممكن يجتعموا ويقرروا ويناقشوا.
ما ممكن يعينوا لجنة تسيير قبل (3) يوم من التسجيلات.
ديل قرارات الشطب ساكت عاوزة ليها (اسبوع)..ناهيك من التسجيل.
......
عاجل : انتوا المانيا دي حولوها (الجديدة الثورة)...معقولة زولكم دا يسافر امس ويرجع الليلة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.