كواليس صادمة... كيف تعطلت صفقة تسليح الجيش السوداني في اللحظات الأخيرة؟    بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ)    الباشا طبيق : السيطرة على الكرمك تعيد تشكيل الخريطة العسكرية في السودان    تعديل وزاري مرتقب في السودان يشمل ست حقائب وزارية    11 دقيقة إضافية من النوم ليلا تساعد فى الوقاية من النوبات القلبية    13 حزمة لغوية جديدة لترجمة محادثات "واتساب"    سناب شات" يحوّل الصور إلى فيديو بالذكاء الاصطناعي    هل يكون محمد صلاح الصفقة الكبرى القادمة بالدوري الأمريكي بعد جريزمان؟    جلسة مع محمد صبحى في الزمالك.. اعرف السبب    استمرار محاولات الأهلي لإنهاء أزمة الشرط الجزائي مع توروب    يارا السكري تكشف لليوم السابع تفاصيل دورها فى فيلم صقر وكناريا    شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا)    باسم سمرة: الناس بقت تناديلى ب«زكى».. ونجاح عين سحرية توفيق من ربنا    ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون    نصائح لوقاية مرضى حساسية الصدر من التقلبات الجوية والرياح    مشروبات تساعد على حرق الدهون بعد كحك العيد    اكتشاف مرض وراثي جديد يسبب الشيخوخة المبكرة والقصور الإدراكى    شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار    بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة    شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة"    الهلال يواجه ضغط المباريات في رواندا    ((نار فلوران ولاجنة ريجيكامب؟؟))    جبريل يلتقي المبعوث الشخصي للأمين العام للأمم المتحدة إلى السودان    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    كيف تفاعل النجوم مع خبر رحيل صلاح عن ليفربول؟    ضبط 2800 قندول بنقو بالجزيرة في عملية نوعية لمكافحة التهريب    تعطيل الدراسة في الخرطوم    المريخ يكثف درجات إعداده ويتدرب بالصالة    النخبة بالخرطوم.. كيف؟    "تمبور" يكشف عن توجيهات صادرة جديدة    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    هل مخالفة ترامب خلل في الكون؟!    هل تستطيع أمريكا احتلال جزيرة خارك الإيرانية؟    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    بنك السودان المركزي يصدر توجيهًا للمصارف    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



فرانكفورت دي بالارز ..وإلا بدون رز
قوون نشر في قوون يوم 21 - 03 - 2013


الحضري اغلطوا انتوا يا حلوين نجيكم نحن بالاعذار
موضوع الحضري ..يصل لواندا ..ويرجع القاهرة عن طريق (فرانفكورت) ، ما علقنا عليه.
فات فينا عديل كدا.

حكاية الحضري ورلاجعتوا من لواندا الي القاهرة عن طريف فرانكفورت دي في (البريد السريع) ما سمعنا بيها.

خسارة تذاكر ساكت.

نحن شغلتنا (الاربعة) في رقبتنا...عشان كدا ما وقفنا كتير في الموضوع.

والمريخاب حسب فهمهم ..وعدم تعليقنا على المضوع اعتبروا المضوع عادي.

عادي كيف هو رجع عن طريق (فرانكفورت).

بس نحن الايام الفاتت اتلخمنا شوية ...كان عندنا مناسبة (رباعية) كدا ، نستنا ليكم اي حاجة.

اتلخبطنا في (كرعينا).

الواحد فينا يكون عاوز يضرب لي صاحبو ...يقوم بدون ما يشعر كدا يضرب (3) تسعات.

ناس 3 تسعات كمان تمسكل ليهم ساكت ...تلقى العربية واقفة قدامك.

انت تعال هنا ...شنو ال (3) تسعات الماسك لينا فيها الايامات.

مالك عاوز تقعدنا برة شعورنا.

زي حسن ود التومة ...اشتروا ليهم (ستائر) جديدة ...الساعة والتانية الولية ترسل ولدها لي حسن ود التومة.

الولد يشوف ابوه وين ؟...محل ما يلقى يقول ليه : ابوي امي قالت ليك الستائر وقعت تعال ركبها لينا.

في ستائر كدا بتعولقن بي مناسبة ..وبدون مناسبة (بقعن).

نحن زمان كان عندنا (ستائر) كل يوم ثلاثاء بيقعن.

عارفين بيقعن ليه؟.

عشان يوم الثلاثاء سوق (المكنية).

والي الان ..ما عارف علاقة وقوع (الستائر) بي سوق الثلاثاء شنو؟.

في حاجات الواحد ...لو قعد يفكر فيها ..بتجننو.

ما بلقى ليها حل.

مثلا.

عشان ما تقولوا الزول دا بتكلم ساكت.

اديكم مثال.

استاذ الجغرافيا في اي مدرسة بكون عندو قميص لبني ..الاسبوع كلو بكون لابسو.

لمن تجي الاجازة الكبيرة ...نحن بنفرح وننبسط ...وبنقول الله ريحنا من (قميص) الاستاذ دا.

ما عارف علاقة القميص اللبني بي استاذ الجغرافيا شنو ...(الموضوع دا مرة كلمتكم عنو).

ويا ريت الكلام دا ما يطلع من العمود دا ...عشان ما تعملوا لينا مشاكل ساكت مع ناس اللجنة الشعبية.

يمكن دا اعتقاد رسخ عندنا ...استاذ الجغرافيا ...عندو قميص لبني.

ويمكن دا تنظير مني ساكت.

في حاجة ..كلنا بنتشابه فيها.

اي زول بكون جارهم الخامس في الحلة عندو (تاكسي).

الجار الخامس بالذات.

ما عارف السر في ذلك شنو؟.

قلت ليكم في حاجات غريبة ..بتحصل ما صدقتوني ..قعدتوا تغالطوا فيني.

وانا الغلاط عندي زي ملاح القرع.

طيب ليه؟..كل ما تجيب سيرة القرع ..يقولوا ليك القرع ما بيتأكل إلا بالكسرة.

كسرة ..وتقطع فيها بصلة وطماطم ..وشطة.

والله (قرعك) الرافضو دا ما بتعرفو.

الكلام دا كلو ..ما بنسيني موضوع الحضري.

زول يصل لواندا ..ويرجع القاهرة عن طريق فرانكفورت.

والله لو رجع عن طريق اديس ابابا ما كنا قلنا حاجة.

موضوع الحضري دا ..ذكرني ليك موضوع تاني...يختلف نهائي عن موضوع الحضري.

زمان كنا بنعرف لينا واحد ...الحلة كلها ما عندها شغلة غير الزول دا.

الزول دا في اي حتة اعمامه او اخواله يلاقوه بقولوا ليه : يا زول عرس ..يا زول الحق نفسك...صلعتك بقت زي ميدان عقرب.

ميدان عقرب ذاتو نجلوه.

صلعتك دي لو لقاها اخوك الكبير ...كان هسع عمل ليه 4 مصانع.

صلعتك دي لو لقاها طه سليمان ...كان مشي بيها القمر ورجعها ليك.

طه سليمان (مقروض) في صلعة ساكت.

انت تعال هنا (الصلع) دي شنو الماسك لينا فيها الايامات دي؟.

انت ما بتمسك في الموضوع ساكت ..تكون في زيادات في (الصلع).

المهم يا جماعة ..الحلة كلها متلحة الزول دا ..يا زول عرس ..يا زول عرس ..يا زول ألحق نفسك.

زولكم كل ما يلاقوه في مناسبة يقولوا ليه : أ زول عرس ..أ زول عرس.

الولد مسكين من الهم بقى زي (الفرة).

كان صاحبنا دا كل ما يقولوا ليه عرس كان بقول ليهم : انتوا عارفين (شوال الفحم) بقى بي كم؟.

كأنو مشكلة العرس الاساسية (الفحم).

يا زول عرس ..(فحمة) ما تجيبها في العرس.

لو في زول سألك من (الفحم) ..قول نحن غشيناك.

بعد شهر تاني يلاقيه ليك زول ..يقول ليه : أ زول انت عاوز تعرس متين؟.

صاحبكم يقول ليه : انت عارف لوح التلج بقى بي كم؟.

يا زول تلج شنو؟..هو العاوز ليه تلج منو الايامات دي.

الزول بقى شغال كدا ..والناس انتوا عارفنهم ما بريّحوا الزول ...موضوع عرس صاحبنا دا اتصدر ليك كل المواضيع والاحداث في المنطقة.

الناس كلها خلت شغلتها وركزت في عرس صاحبنا دا.

وهو كل ما يلاقي زول يقول ليه : أ زول عرس ..يقول ليه : انت عارف رطل السكر عمل كم؟.

في واحد في النهاية قنع منو..قال ليه طول ما انت تابعت لي حكاية الفحم ..والتلج ورطل السكر بقى بي كم؟ ..ما بتعرس.

الزمن دا لو في زول مشى سأل ليه من (رطل سكر) ما بعرس.

ما تسأل انت.

عرس ساكت.

احسن نرجع للحضري.

موضوع الحضري دا والله من غير (اربعة) ، كنت ما ح اشتغل بيه ، لو ما فيه (فرانفكورت).

بصراحة كدا بعد اسبوع كامل لقيت حكاية (فرانكفورت) دي نحن ما ادينها حقها.

مشت فينا سكات.

عادي الزول يصل لواندا ويرجع القاهرة ...المواضيع دي بتحصل في اوروبا.

نحن ساكت بنكّبر المواضيع.

كاسياس حارس ريال مدريد ...قالوا ليك بكون ماشي (امستردام) يقوم يرجع من مطار (باريس) الى مدريد.

لكن كونك ترجع القاهرة عن طريق (فرانكفورت) ..تبقى الحكاية ..كبيرة اوي ..اوي ..اوي.

الحضري رجع القاهرة عن طريق (فرانكفورت) ، وسوف يصل القاهرة بعد ان يكون قد قضي في الاجواء 8 ساعات.

هذا يؤكد ان الحضري زعلان زعل شديد.

الحضري قال ما في زول استقبلو في المطار ...وزعل عشان قعد 3 ساعات في المطار وما وصلتو (فيزا) دخول.

يا اخوي مع ناس عصام الحاج ديل ...ممكن تقعد اسبوع كامل في المطار ما تصلك (فيزا).

المريخ حق ناس جمال الوالي داك ...عصام الحضري مفروض يشيلو من رأسو.

دا مريخ انتهي خلاص.

لازم يعرف عصام الحضري ان المريخ الحالي هو مريخ عصام الحاج ..وعصام الحاج ما عندو اي علاقات خارجية.

يمكن يكون اعلى وارفع شخصية بعرفها عصام الحاج في انغولا يكون مدير مدرسة ثانوي عالي.

اكتر من كدا عصام الحاج ما بعرف.

لكن كل ذلك لا يعطي الحق لعصام الحضري الذي سأل عن الاستقبال في مطار لواندا.

انت يا عصام الحضري ...انت جابوك للمريخ (وزير خارجية) استقبال شنو البعملوا ليك في مطار لواندا؟.

يعملوا ليك (استقبال) ...اكيد ح تطالب بالسلام الجمهوري.

ولو عملتوا ليه سلام جمهوري ..بقول عاوز انفصل براي بي بورتسودان وحلايب.

الغريب في الامر ..ان عصام الحضري بتعامل مع المريخ على اساس ان المريخ هو الشغال مع الحضري ..وليس العكس.

يعني طوال فترة الحضري في المريخ ..بنلحظ ان الحضري بسافر في القوت البريحو ..وبرجع في الوقت البريحو.

عصام الحضري ..بشارك في اي مباراة عاوز يلعب فيها ...حتى لو كان قبل المباراة ب (24) هو موجود في القاهرة.

عصام الحضري هو الذي يضع التشكيلة ..وهو الذي يجري التبديلات والتغييرات.

ما تشوفوا لي (صلعة) الكوكي دي.

صلعة الكوكي دي ما صلعة (كورة).

صلعة الكوكي دي صلعة (جيش).

كمان انتوا ما بتعرفوا صلعة (الجيش).

غايتو يا الكوكي انا ما عارف..لكن غارزيتو لو لقى (صلعتك) دي ...كان اكتشف ليه (كوكب).

هو غارزيتو بدون (صلعة) ما مريحنا.

عصام الحضري ..هو البحدد يستمر مع المريخ او لا؟.

شغال على كيفو؟.

عصام الحضري عاوز مجلس المريخ يدفع ليه قبل اي مباراة مقدن سنة.

هسع واضح ان الحضري نفسو مرقت من الكورة ..بعد ذهاب جمال الوالي.

زمان عصام الحضري زمن جمال الوالي كان ساكن ليه في (شقة)...بلكونة فاتحة في النيل الازرق ..وبلكونة فاتحة في النيل الابيض.

وقالوا جمال الوالي وعده يسكنو في شقة باب فاتح في نهر عطبرة ..والباب التاني البتدخل بيه العربية فاتح في نهر النيل الازرق.

تعالوا شوفوا عصام الحاج هسع عمل شنو لي عصام الحضري.

اول حاجة ..سكّنو ليك في (شقة) شباك ما فيها.

الحمام والمطبخ (مشترك).

عليكم الله شقة بالحالي دي بتنسكن.

عصام الحاج ..جاب ليه شقة لي عصام الحضري ..الحمام فيها بالجردل.

تتخيلوا.

عصام الحضري زمن جمال الوالي كان حوض السباحة كيلو ونص.

حوض السباحة كانت درجات المياه فيه متنوعة ومتفاوتة من تحت الصفر الي 76.

تعال شوف هسع.

ترحيل لاعبي المريخ ..عربية امجاد.

عربية امجاد يدخلوا فيها المحترفين الستة ..زي خط الدفاع ..زي هيثم مصطفى.

هيثم مصطفى بركب معاهم عشان ينظم الحكاية.

زمان ..وقت جمال الوالي ..كان البوفيه مفتوح ..شيء تعرف ..وشيء ما تعرف.

المطبخ الايطالي ..المطبخ الفرنسي ..المطبخ التركي ..المطبخ اللبناني...مطابخ الدنيا دي كلها موجودة في المعسكر.

تعال شوف هسع ..لو عاوز تعمل زيت زيادة ساكت للفول ..إلا تطلع ليك تصديق من ضابط المعسكر.

ناس بلة جابر ..وموسي الزومة ..وضفر ونجم الدين ..وقفوهم من الشاي.

عارفين ليه؟.

والله ما عارفين.

عشان بكبوا سكر زيادة في كباية الشاي.

اوضاع زي دي ..عصام الحضري لا بقعد ليكم فيها ولا حاجة.

لو عاوزين عصام الحضري يقعد ليكم ..شيلوا عصام الحاج ..او اختصروا الحكاية لي عصام الحضري ..وحولوا المريخ الي القاهرة.

هناك ممكن يلعبوكم من اندية القسم التاني.

احسن المريخ يمشي القاهرة ...على الاقل عصام الحضري دا يرتاح من السفر الكتير دا.

لكن لو مشيتوا القاهرة ...عبدالله حسن عيسي ما تسوقوه معاكم.

عارفين ليه؟.

والله ما عارفين.

عشان القاهرة بعد الثورة ما فيها مقايّس ومواصفات.

ملحوظة : الحضري دا لو كان في الهلال ..كان شطبوه بعد 5 ايام من تسجيله.

هوامش

مطلوب من الهلال ..مجلس الادارة ودائرة الكورة ..والفريق الطبي ان يراجع الاصابات التى تعرض لها لاعبي الهلال.

مباراة الخامس من ابريل ما عاوزة ليها اي (شد عضلي).

يا ابويا من هسع لو كان عندك شد عضلي ارفع ايدك.

يا جماعة ..ما تجهجهونا ساكت.

نحن تاني ما بنستحمل اي (شد عضلي).

ناس الشروق ..حتى لمن يقدموا كورة للهلال..بقدموها بعد اسبوع.

ولو الهلال سجل هدف ..دائما ناس الشروق يقولوا ليك هدف الهلال ما اتسجل.

يا جماعة اهداف سيوي الاربعة اتسجلت ..إلا هدف الهلال.

هو هدف وحيد ..كمان ما عاوزين تجيبوه لينا.

يعني لو كان الهلال سجل هناك اربعة اهداف ..كان اعتذرتوا من المباراة.

طبعا المواضيع دي كلها عطب فني.

نحن عارفين والله.

وكلها صدف.

صدف ساكت.

عصام الحضري في القاهرة شايل حال المريخ.

الزول دا يا جماعة ثبتوه.

ما صاح البيعمل فيه في الفضائيات المصرية دي.

بلة جابر قالوا قالوا ليه ..عصام الحضري رجع القاهرة بي (فرانكفورت) ..قال ليهم فرانكفورت دي بي الارز وإلا بدون رز.

غايتو يا بلة نحن وصلتا بدون رز.

مين الشال الرز.

انا عاوز الرز.

ضفر طبعا بي رز ..او بدون رز ما فارقة معاه.

مازدا ليه ما شال العجب في المنتخب.

بيحتاج ليه في الكنبة.

نحن ما عندنا زول بقعد (كنبة).

كان يفترض ان يختار مازدا فيصل العجب ..عشان (كنبتو) ما تكون فيها مشكلة.

زمان مازدا كان بيعمل موازنات.

بشيل هيثم مصطفى من الهلال ..وفيصل العجب من المريخ.

المرة دي ارتاح من فيصل العجب.

عاجل : لكن حكاية (الرز) دي يا احمد الحاج ما تخلوه تفوت ساكت ..شوفوا ليكم ليها (صورة).

انقر هنا لقراءة الخبر من مصدره.