سودارس : عندما تعشق الشوكلاتة

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عندما تعشق الشوكلاتة

قوون نشر في قوون يوم 05 - 02 - 2013

تعامل المريخاب مع هيثم مصطفى ...مازال تعامل تسيطر عليه (الخلعة) والرهبة..فرشة الاسنان الجديدة ظاهرة ...ما محتاجة لي علامة ..وبدلا من ان يدخل هيثم مصطفى في اجواء المريخ ...استطاع هيثم مصطفى بشخصيته القوية ونجوميته الكبيرة ان يدخل المريخ كله في اجواء هيثم مصطفى ..بما في ذلك (ناس جريدة الزعيم).

هسع في المريخ دا كلو ...في زول بجيب سيرة الوالي.

غايتو عصام الحاج دا ...مرات بفكر صاح.

شال ليك (جمال الوالي) نهائي من الصورة.

بابكر سلك بقى زي الانجليزي السايق ليه (عجلة)..قايم سداري...ما فاضل لي سلك إلا يكتب في فانلتو (114).

في خواجات اهم حاجة عندهم في العجلة (المنفاخ).

المنفاخ ...قبل العجلة.

اما معاوية الجاك ..فهو من شدة فقدانه لهويته (الحمراء)...بقى يمشي يفتش في نفسو في مريخ الفاشر.

مرقها للفاشر.

زلوكم قنع من مريخ ام درمان.

طبعا مريخ ام درمان بعد ما سجل هيثم مصطفى ...بقى لا مريخ ...ولا حاجة..يمكن يكونوا بقوا موردة ...عباسية ...اي شيء تانية غير (المريخ).

هيثم مصطفى بقنع هسع في مجلس الشوري بتاع المريخ ...عشان يغيروا الشعار...(النجمة) دي قال ليهم بدل ما نلبسها في صدورنا ...احسن نلبسها في غرفة الملابس ونطلعها ...ما في داعي للفضائح.

انا ما عارفكم العاجبكم في (النجمة) شنو ؟....عشان تبقوها شعار.

هيثم دا لو قعد معاكم شهر تاني ...بقنعكم تشيلوا (النجمة) دي من الشعار.

حكاية هيثم مصطفى في المريخ ....بتذكرني ليك بحكاية (الروسي)...النزل ليه في (قرية).

ناس القرية ...ما عرفوا يتصرفوا كيف مع (الروسي) دا ..بقوا يدخلوا ويطلعوا زي التقول عندهم لاعب بالع ليه (لسان).

زي الفول العاوزين يصلحوه...تقلب الدنيا قلب عشان تلقى ليك (قزازة) تكسر الفول.

قالوا ...نحن (الروسي) دا نقول ليه شنو؟...نعمل ليه ايه؟....هو ذاتو يتعاملوا معاه كيف ؟...(النصيبة) دا.

عامل (سنونو) الروسيات ديل زي اللوحة الاعلانية.

خشمو كدا ..زي الدرج الفاضي ...(غايتو الروس ديل عندهم جنس خشوم).

روسي جديد ...زي موس الحلاقة ...البتكون بي ورقتها ....تجرح بس.

روسي يجرح....جديد ...لسع ما قرفوه....بي قشرتو.

يا ود الناس ...انت الجابك هنا شنو بي (سنونك) دي؟ ....سنونك عاملة كدا ..زي البقالة الما فيها (طحنية).

عقدتي في الدنيا دي ...(بقالة) ما فيها طحنية.

قالوا خلاص نتصرف ...ما نقيف كدا ...زي مرتبات العاملين في التلفزيون.

نعمل شنو يعني للروسي دا؟.

قالوا نعمل ليه عصير (عنب).

والله (العنب) دا احسن حاجة.

عنب شنو؟... (العنب) دا عندهم في روسيا زي (الشاي) زول بشتغل بيه ما في.

انت بس قول نفسك في (عنب).

تشيل وتضاير في الكلام.

طيب نجيب ليه شنو؟...الروسي دا لو ما عملنا ليه حاجة ...بقوم يشيل حالنا ساكت.

عامل (عيونو) ديل ...زي (السرائر) الملفلفين فوقها (لحفاتها).

او زي الستائر المرفوعة فوق للخشبة.

في واحد من الجماعة ...عندو موبايل عاجبو ...قال ليهم خلاص ...نجيب ليه شاحن نوكيا اصلي.

ونحسم الموضوع دا على كدا.

طبعا الزول دا بتكلم ...قدر فهمو ...هو شايف (شاحن النوكيا) دا شيء خطير.

ما عارف العالم اتجاوز الحتة دي قبل 50 سنة.

ها ...شاحن نوكيا اصلي يعمل بيه شنو؟....ديل ناس (النوكيا) ذاتهم ...شواحن الهواتف الجوالة عندهم زي (النبل)...الشاحن عندهم زي (النبلة).

بعدين الموبايل في (روسيا) بحشوه (طحنية) ...ما كهرباء.

يا زول انت الليلة (الطحنية) دي طلعتها لينا من وين؟..مالك عاوز تغليها لينا.

هسع يسمعوك بتتكلم عن (الطحنية)...يقوموا يغلوها ...ويقولوا الزول دا ما بتكلم ساكت عن (الطحنية).

اكيد فيها (سر) نحن ما عارفنو.

اخر حاجة في واحد ..مفتح ...قال ليهم والله (الروسي) دا بي اخوي ..واخوك ..ما بنقدر عليه..(عامل عيونو كدا زي شباك الفحص).

طيب يا اخوي ..يا مفتح ..(الروسي) دا نعمل ليه شنو؟.

قال ليهم ...الروسي دا جيبوا ليه (كوتشينة)...وخلونا (نسيكو)...غير كدا ...ما عندنا ليه أي فهم.

الجماعة ..ختوا ايدهم في رأسهم ...وقالوا ليه : والله كلامك دا احسن كلام ..بعدين الزول دا ما عندنا ليه غير (الكوتشينة)...يمين نجيب ليه (عنب)..يطقطقنا ليك زي (النبق).

طبعا (النبق) ما عندو أي دخل بالحتة دي ...جبتوا ليكم ساكت.

قلت اغير ليكم من (الطحنية).

هسع الحكومة ...لو عاوز تتطقطق ناس الامم المتحدة ديل ..إلا تلعب معاهم (كوتشنية)...ما عندكم قدرة ومنطق اكتر من كدا.

عشان كدا ...اشتغلوا معاهم الشغل الاشتغلوه الجماعة ديل مع (الروسي) دا.

خلينا هسع مع ناس المريخ.

الجماعة اول ما هيثم مصطفى ...مشي المريخ ...عملوا ليه (مهرجان).

مسكين العجب ..بلعب 15 سنة ...صورة ما صوروها ليه في المهرجان.

الغريب قالوا شفع المدارس دخلوا استاد المريخ بي (شنط المدرسة).

من المدرسة للاستاد.

الشيء المحيرني قالوا ليك في جماعة (داخوا) عديل كدا ...وقت هيثم مصطفى لعب ليه (تمريرة) بالكعب.

يا جماعة اتقلوا شوية ...(العجب) كلام دا ما بقبلو.

المسكاكين ديل ...زمان كانوا قدر حالهم ...(قدر ظروفك)...كانوا بفرحوا بي (مرجيحة) العجب.

هسع اسماعيل حسن شخصيا ...بقى ما بجيب سيرة للمرجيحة دي.

انتوا موش زمان قلتوا الحكاية دي ...حكاية فنانة ...وجميلة ..ورائعة.

هسع نكرتوها (حطب) ليه؟.

والله ناس ميرغني المامون ومبارك حسن جمعة ..الله يرحمهما ...لو كانوا حاضرين الزمن دا ...كانوا طلعوا ليهم (شريط) فيه 7 اغاني عشان (دوختكم) دي.

تدوخوا يا سلك ....طيب انتوا بي (دوختكم) دي ...خليتوا شنوا ....للهنود.

دي الهنود ما سبقوكم عليها.

ذكرتوني واحد ...مشي يخطب.

عاوز يعرس.

دخل على ابو العروس ...غلبوا يتكلم.

الكلام طار من رأسو.

عاوز شنو؟....ما عرف.

يقول شنو؟...ما عرف.

مسك ليك (الجو) دا من الخريف ...لمن وصلوا ليك (كتاحة) اول امبارح.

وبرضو ما لقى ليه طريقة عشان يخش في الموضوع.

مسك ليك السكة حديد ...دي من سنة 69 ...الي ان وصل ليك محطة الخرطوم القديمة.

ما خلي حاجة.

وبرضو ما لقي ليه (مدخل) يعرج بيه على الموضوع الاساسي.

مسك ليك البنطونات دي بنطون ..بنطون ..بنطون شندي ..بنطون رفاعة ..بنطون توتي ..بنطون ام طيور.

ما خلي حاجة الي ان وصل الي كوبرى توتي (الطائر).

لكن برضو ما عرف ...يعرج على الموضوع الاساسي ...صاحبو في النهاية زهج ..(وسوسو) ..وقال ليه ...انت لو (ايد) البنت دي شايفها كتيرة عليك ...اطلب شوية ....شوية ...اطلب (اصبع) ..وبعد كدا ادخل في (اليد).

زولكم برضو ...الكلام غلبو.

قال ليه ...اقول ليك حاجة ...انت عمك دا يا جيب ليه (كوتشينة) زي الروسي ..وطقطقو ....يا كمان (دوخ) ليه زي ناس المريخ.

حلنا عليك الله.

عليكم الله يا ناس المريخ ..هسع البشوف فصاحكتم دي ...(وكاستكم الجوية) الوهمية ديك ...وطابقكم التاني دا ...بصدق انكم ممكن (تدوخوا) في تمريرة هيثم مصطفى.

انتوا اتاريكم ...كان كان بلة جابر دا ...كاتلكم ساكت كدا.

كان كاتلكم (مغصة) بس.

بلة جابر دا ..بذكرني ليك ...الزول البرسلوه للطابونة عشان يجيب ليه عشرين رغيفة.

زولكم يلقى الرغيف سخن ...يصل البيت بي فد رغيفة.

يقرض ليه 19 رغيفة.

المريخاب هسع ..بفكروا في حاجة جديدة.

قالوا عاوزين يقلبوا (طابق شاخور)..ويسموه طابق (البرنس).

الجماعة جديدين في (الدوخة).

وقالوا كمان الكاسات الجوية ...عاوزين يسموها ...(الكاسات البرنسية).

انا عارف من اول.

عارف انا ...لو انتوا لقيتوا (تمريرات) سيدا دا ..بتنسوا الكاسات الجوية.

هسع عليكم الله ...من يوم هيثم مصطفى اتسجل في المريخ ...في مريخابي واحد ...جاب ليه سيرة كاسات جوية.

كنتوا كاتلننا ساكت بي تاريخكم (الوهمي) دا.

في مريخابي بالغلط كدا ..اتحدث عن (الطابق التاني).

نسوا الحكاية دي نهائي.

لكن اقول ليكم حاجة ...ابقوا عليها عشرة...حكاية (أي دمعة حزن لا لا)...اوعكم تنسوها ...عشان الاسطوانة دي وقت يبدأ الموسم ح دورها طوالي.

الكوكي دا ..قالوا في (سوسة)..بدرب في ناس مرتضي كبير على (أي دمعة حزن لا لا).

كلامي دا ...ما ترموه البحر.

واتذكروا الكلام دا كويس.

ملحوظة : كمان (أي دمعة حزن لا لا) مع هيثم مصطفى دا ...بتكون حاجة ما تخلص.

هوامش

فيصل العجب ..باقي ليه 3 شهور و24 يوم في المريخ.

يا العجب ..كتر الصور مع هيثم مصطفى ...عشان تظهر.

عند عودة المريخ ...اتوقع متوكل احمد علي ..ينزل تمارين مع ناس المريخ.

عارفين ليه؟.

عشان يظهر في الصورة.

لو عاوز تظهر ..اقيف بس جوار هيثم مصطفى.

يا حليل الطابق التاني.

يا حليل (الكاسات الجوية).

يا حليل جمال الوالي.

ساني بلع لسانو...اعمل حسابك يا الحضري...الزول دا انضرب ساكت في عينو ..جاب فيك قون.

شوف انت وقت يلبع لسانو ...ح يعمل فيك شنو؟.

جبل الجليد ..اتألق في سوسة.

شيء طبيعي في (البرد) دا.

الشغيل قالوا طالب بي معسكر براهو في (المرخيات).

يا الشغيل ...انت كمان ما تعملها ظاهرة.

المرخيات دي ما فيها ليها داعي.

انت عاوز تكتل ليك زول.

يا جماعة (الشغيل) دا ..اقعدوا معاه.

خلوه يهدأ شوية.

غايتو سامي عبدالله والشغيل في تشكيلة واحدة ...تاني عربيات الاسعاف برة إلا يكونن عشرين عربية.

كتروا (النقالات) يا ناس مجدي شمس الدين.

الهلال في الموسم الجديد فيه (ضرب نار) عديل.

يا الشغيل بختك..لقيت ليك جمهور واعي ..وراقي يشجعك ..عشان كدا ..خت الكورة في الواطة.

هسع الشغيل يجي الهلال ..يقعد ينظر لينا.

الود بيلعب في الهلال...كمان بيلعب.

انتوا مجدي ام بدة ..خبرو شنو؟.

قدماء لاعبي المريخ ديل ..ادوهم ..سطر سطرين ...ما معقول تجاوزهم كدا.

هسع نحن حصل اتجاوزنا صلاح دوشكا.

الدوشكا ..دورت تاني في الهلال.

المريخاب ..بقوا يعرفوا (الشوكلاتة).

اتوقع شطب بلة جابر ...وموسي الزومة و ضفر ونجم الدين في مارس القادم.

الناس ديل يا (روسوهم) يا اشطبوهم.

انت سعيد السعودي مالو؟.

الزول دا ما يكون صدق نفسو (كابتن).

عاجل : هسع في واحد يقول انت مالك ومالو؟.

انقر هنا لقراءة الخبر من مصدره.