سودارس : هدافو الابطال و الكونفدرالية و سيكافا و الممتاز في هجوم الهلال

مناوي: المدن التي تبنى على الإيمان لا تموت الدعم السريع يضع يده على مناجم الذهب بالمثلث الحدودي ويطرد المعدّنين الأهليين وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) شاهد بالصورة.. السلطانة هدى عربي تشعل مواقع التواصل بلقطة مثيرة مع المطربين "القلع" و"فرفور" وساخرون: (منبرشين فيها الكبار والصغار) مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. حكم راية سوداني يترك المباراة ويقف أمام "حافظة" المياه ليشرب وسط سخرية الجمهور الحاضر بالإستاد شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

هدافو الابطال و الكونفدرالية و سيكافا و الممتاز في هجوم الهلال

محمد عبد الماجد نشر في النيلين يوم 22 - 12 - 2013

في الموسم الماضي رغم ان هجوم الهلال كان تغلب عليه النزعة الوطنية ، وشكّل فقط من الثلاثي مدثر كاريكا ، وبكري المدينة ومحمد عبدالرحمن ..إلا انه كان افضل خط هجوم في الدوري الممتاز.
الكلام دا ما جبناه من (بقالة)..ولا من صيدلية شعبية ...وانما هذا هو قول الارقام وحسبتها في منافسة الممتاز الاخيرة.
استطاع هجوم الهلال ان يسجل اعلى معدل اهداف بين اندية الممتاز..وقد كان ذلك رغم غياب المحترف المالي (تراوري) الذي غاب عن كل مباريات الهلال في الدورة الثانية ولم يشارك إلا في دقائق معدودة ، وافقد الهلال خانة مؤثرة ولاعبا ضروريا.
مع هذا تميّز هجوم الهلال..علما ان الهلال افتقد صانع ألعابه هيثم مصطفى ..وكانت مشاركة سيدي بيه في المباريات الاخيرة ..ولم يكن هناك صانع ألعاب بالصورة التى كان متعارف عليها في الهلال ، ولعب الهلال معظم مبارياته بدون صانع ألعاب.
الفريق بدون صانع ألعاب ..زي الفول بدون زيت...تبلعو متل القصب.
اول القصب بتبلع.
حقق الهلال الفوز في الدوري الممتاز مرتين ب(6) اهداف وكان صاحب اكبر الانتصارات التى تحققت في الممتاز.
هذا شيء يحسب بصورة مباشرة لمهاجم الهلال مدثر كاريكا (هداف الممتاز)...ونحسبه كذلك للمهاجم بكري المدينة والصاعد الواعد محمد عبدالرحمن.
بصورة عامة يمكننا ان نحسب ذلك للفريق ككل فقد اصبح الهلال يلعب باسلوب هجومي شامل ..واضحى الفريق يمثل قوة هجومية قادرة على ان (تهرس) كل الدفاعات التى تواجهها.
اذا فعل الهلال كل هذه الاشياء وتميز بهذه الصورة اللافتة هجوميا في الموسم الماضي ..ماذا يكون عن الهلال في الموسم القادم وهو قد ضم في كشفه اسماء حققت لقب الهداف في بطولات مختلفة ..على المستوى القاري والمستوى المحلي.
هجوم الهلال اصبح عبارة عن كمية من القاب الهداف.
اي مهاجم في الهلال عنده لقب (خاص)..كل واحد دبورتو براهو.
اصبح عندنا كتيبة مهاجمين مدرعة.
والله الحكاية دي عاوزة ليها (كرتونة دهشة) عديل كدا ..عشان تستوعبوا لي الكلام العاوز اقوله.
دهشة بالقطاعي ...ما بتخليكم تستوعبوا لي الموضوع دا.
ناس ضفر وباسكال ..يشيلوا شيلتهم ساكت..اي واحد عندو مشكلة في (الضرس) احسن يقلع ضرسو من بدري.
الضرس خلوه ...(ضفر) المريخ دا ذاتو ح نقلعوا ليكم في الموسم الجديد.
العندو مباديء (حصوة)...افضل ليه يراجع الاطباء...(ناس اكرم ..وناس زغبير وكل حراس المرمى).
العندو مشكلة مع سيد البيت ...اخير ليه يحل مشكلتو قبل الدوري الممتاز ما يبدأ.
هجوم الهلال في الموسم القادم ..دفاع شيلسي الانجليزي ما بصمد امامو..ناس ضفر ديل من اول (5) دقائق برفعوا ايديهم ويطلبوا التغيير.
طلعني يا كروجر ..طلعني.
الحضري سمع بيه (طشاش)..مشى وقع في وادي دجلة.
وادي دجلة شنو البلعب فيه الحضري لو ما خاف من الجماعة (الشفوت) ديل.
دا هجوم لا بتقابل ولا حاجة...ولا بتصاقع بي جماعتكم ديل ..الواحد فيهم (برد) بجهجهو ليكم.
ديل قلوبهم كعبة..أسلوني منهم انا..لا بستحملوا الحاجات دي ولا بنستروا ليكم.
لو طبقت ليكم النظرية ..وقدمتها ليكم انتوا براكم ما بتقعدوا ..كلكم ح تطلبوا حق اللجوء السياسي.
بتتخارجوا من البلد..البقعدكم في (البرد) دا شنو؟..مع هجوم الهلال الصاقعة دا.
دفاع المريخ ..(البرد) ما بنستروا فيه.
شفتوا (البرد) عمل شنو في المريخ في الاردن.
اكرم الهادي سليم رجع من الاردن ..قالوا ليه اخطر مهاجم واجهك منو قال : (البرد).
اكرم الهادي سليم دخل فيه هدف من (سقط) لقط.
السقط شديد.
الهلال في الموسم الجديد ..هل تصدقوا اصبح يجمع بين لاعبين حققوا (لقب الهداف) في بطولات مختلفة واثبتوا وجودهم في منافسات عديدة.
نمسكها ليكم بالورقة والقلم ...مهاجم ..مهاجم.
عشان ما تقعدوا تتغالطوا فينا ساكت.
الغلاط في البرد زي (القنقر).
رغم ان (القنقر) ما عندو اي علاقة بالموضوع دا.
هجوم الهلال في الموسم الجديد سوف يتكوّن من مدثر كاريكا ...وهو معروف انه افضل مهاجم في البلد ..وفوق هذا هو الذي حقق لقب هداف الممتاز في منافسته الاخيرة.
مدثر كاريكا هداف الممتاز سوف يلعب بجواره ان شاءالله (صلاح الجزولي).
وطبعا انتوا عارفين ..وكلكم شفتوا وشهادتوا صلاح الجزولي في بطولة سيكافا ..هو هداف سيكافا التى اسدل ستارها قبل اقل من اسبوع.
اها دي وقعت ليكم.
هداف مع هداف.
صاحب لقب مع صاحب لقب.
عاوزين تغالطوا.
تاني يا شباب.
مدثر كاريكا (هداف الممتاز)..سوف يلعب معه في الهلال ان شاءالله صلاح الجزولي (هداف سيكافا).
الحكاية دي كدا مفهومة ..وإلا نشرحها ليكم.
ديل نقول ليهم شنو؟.
يا جماعة كاريكا دا ..كاريكا القدامكم دا ...موش هو هداف الممتاز.
جميل ..اتفقنا على انه هداف الممتاز.
صلاح الجزولي لاعب الخرطوم الوطني ...ولاعب المنتخب السوداني .. موش هو هداف سيكافا.
الكلام دا فيه حاجة صعبة.
جميل.
صلاح الجزولي ان شاءالله سوف يلعب مع مدثر كاريكا.
يعني هداف سيكافا ح يلعب مع هداف الممتاز.
يا جماعة الحكاية دي ما واضحة!! ...ما عاوزة الشرح دا كلو.
يقولوا ليكم شنو؟.
يا اخي قول جات مطرة شديدة.
لمن تجي مطرة بتعمل شنو في الخرطوم.
موش بتغرق الخرطوم.
اها مدثر وصلاح الجزولي زي (المطرة) دي لمن يتلموا سوا.
انتوا إلا يشرحوا ليكم بالمطر.
طيب من الصباح مالكم.
كدا حكاية هداف الممتاز مع هداف سيكافا بقت واضحة ليكم.
نمشي حتة تانية.
هداف الممتاز وهداف سيكافا ..ح يكون معاهم هداف الكونفدرالية.
امك.
لا ..لا دي صعبة.
مالكم تاني لجيتوا.
ختيتوا ايدكم في رأسكم ليه؟.
ما وقعت ليكم..انا عارف.
المالي كوليبالي دا يا جماعة موش هو هداف الكونفدرالية 2012م.
طيب مالكم.
كوليبالي دا ح يلعب في جزيرة الفيل ..كوليبالي دا ..ح يلعب في الهلال.
في الهلال مع منو يا شباب.
مع هداف الممتاز (مدثر كاريكا)...وهداف سيكافا (صلاح الجزولي).
عليكم الله قولوا ما شاءالله.
شفتوا الهجوم الكلو عمداء دا...دا هجوم الهلال.
ما فهمتوها.
طيب دي يشرحوها ليكم كيف؟.
يا أخي قول المطرة الكلمتكم عنها قبيل جابت ليها (صواعق).
اها الصواعق دي ..هجوم الهلال مدثر والجزولي وكوليبالي.
وقعت ليكم.
انتوا إلا يقولوا ليكم كدا.
الهجوم دا باقى ليكم (170) دعيع بقيفوا قدامو.
غايتو الاتحاد العام إلا يفتح باب الاعارة للدعيات.
يعني اي فريق في الممتاز يسجل ليه (190) دعيع.
وبعد دا ما بنستروا ليكم مع الهجوم (الدهاية) دا.
طيب لو عرفتوا الجماعة ديل انضم ليهم هداف بطولة الاندية الافريقية 2008م ح تقولوا شنو؟.
كلكم ح تنضفروا قبلكم.
البجيه رعاف.
والبجيه التهاب في المصران.
والبجيه تلجن في الركب.
والبجيه (تفتر) في الحواجب.
يا جماعة ما تقعدوا تصنقعوا في الهوا ساكت.
وارغو دا موش هداف بطولة الاندية الافريقية 2008م ..وإلا ناس الهلال كمان لحقوا وجردوا وارغو من لقبه هذا عندما كان بيلعب في المريخ.
لو جردوه من اللقب ...ممكن نرجعو ليه.
يعني بي بساطة كدا ..هداف الممتاز بيلعب مع هداف سيكافا وبيلعب مع هداف الكونفدرالية وبيلعب مع هداف بطولة الاندية الافريقية.
وقعت ليكم.
دي كبيرة ..انا عارفها ما بتقع ليكم.
طيب يا ربي الواحد يقول ليكم شنو؟.
دي تنشرح كيف؟.
شفتوا المطر الجابت ليها (صواعق) قبيل...اها المطرة دي جابت ليها (سيول).
ما خلت ليها بيت واقف.
شفتوا السيول دي ..هو خط هجوم الهلال بألقابه المتعددة.
والله ديل دفاع الطيران الامريكي ما يقدر يثبتوه ..تقولوا لي (ضفر).
ضفر شن قدرو على الكلام دا؟.
ضفر تاني ما بجازف ليكم.
ضفر تاني بقول ماشي المدرسة.
يجيه الترحيل ويطلع من سبعة صباحا.
اخير ليه يمشي يشوف قرايتو ...الكورة دي تاني ما بنستر فيها.
الظريف في الامر ناس المريخ شافوا خط الهجوم (الجوي) دا ..قاموا قالوا احسن عشان ندرب للهلال ..نمشي نلعب تجربة ودية مع بايرن ميونخ.
عشان شنو؟.
عشان يتعودوا على السيول.
لكن بايرن ميونخ بحلكم.
تاني ما عندكم حل..إلا تتخارجوا وتنزلوا من الممتاز.
خلوها لي مريخ الفاشر ..انتوا بقى ما عندكم نصيب في الممتاز.
وكمان بيلعبوا في (التمهيدي).
هسع يا سلك (عبدالماجد) دا لو سألني اقول ليه شنو؟.
اقول ليه ناس (اسلام) بيلعبوا في التمهيدي.
والله المعلومة دي تصل لي (عبدالماجد) سلام الله تاني ما يديكم ليه.
تلعبوا في (التمهيدي) وتتفاصحوا كمان.
مفروض تشوفوا ليكم (قطية) تتقفلوا فيها..لمن تتجاوزوا الحتة الحرجة دي..بعد داك اطلعوا للناس.
تمهيدي يا سلك.
هي البلد ناقصة تمهيدي ..عشان تجيبوا لينا تاني (تمهيدي).
بتلعبوا في البطولات الافريقية دي (80) سنة .......والي الان ما اتجاوزتوا التمهيدي.
اسلام قالوا دخلت الاساس ...وانتوا لسه في (التمهيدي).
التمهيدي الكتير ..بعمل (قضروف) في الحواجب.
انت (الحواجب) الماسكها لينا دي شنو الليلة؟.
ملحوظة : الحواجب جابها (تمهيديكم) دا.
هوامش
المريخ الان فيه (7) اجانب (سوداني).
يعني ببساطة كدا ...المنتخب تاني ما ح يكون فيه لاعب من المريخ.
ديل كلهم (اجانب).
اللاعب الوطني قيمة كبيرة ..لذلك عندما تظهر موهبة وطنية ..يجب ان يحرص الهلال على ضمها.
كنا نتمنى ان يجدد المريخ مع عصام الحضري ..عشان المريخ يكون من حارس المرمى الي رأس الحربة (اجانب).
بعد ان انجز مجلس الهلال ملف التسجيلات ..(القديم والجديد) وذلك باضافة عناصر جديدة ...وحل مديونية الهلال على المحترفين السابقين ..يبقى انتظارنا لجهاز فني اجنبي مقتدر.
هذه التسجيلات بدون (جهاز فني مقتدر) ح تروح شمار في مرقة ساكت.
ما ح نشوف ليها اي طعم.
التعجيل بالتعاقد مع مدير فني اجنبي ..امر في غاية الضرورة .حتى يشرف المدرب على فترة الاعداد من بدايته.
المعسكر الخارجي والاعداد الجيد ...طريق الهلال للبطولات في الموسم الجديد.
عاجل :
كلّموا الكاردينال قالوا ليه عليك الامان بان واظهر التسجيلات انتهت ...والسيستم ذاتو (قفل) ...ارجع خلاص عشان تقعد تصرح لينا لتسجيلات يونيو القادمة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.