سودارس : تراوري لو قعد في مقصورتو بجهجه (باكات) المريخ ومساعدين رئيس الاتحاد التلاتة

شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية تقارير تكشف عن تفاهمات بعدم استهداف مطاري الخرطوم ونيالا وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد ماجد المصرى: الخلاف فى أولاد الراعى تجاوز المال إلى جوهر العلاقات الأسرية الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تراوري لو قعد في مقصورتو بجهجه (باكات) المريخ ومساعدين رئيس الاتحاد التلاتة

قوون نشر في قوون يوم 09 - 09 - 2013

يتخيّل لي ..(بس الكلام دا ما يطلع من العمود دا)..انو ناس (ضفر) ديل ما عاوزين ليهم لاعب جاهز.

ما بستحقوا في الاساس ...(تراوري) يجهّز ليهم ..بي حالتو دي بقضي عليهم.

بنشف ريقهم.

زول قاعد في بيتو من شهر (6)... يعني تلاتة شهور..بجي يجهجهكم يا ضفر.

التمارين والتدريبات دي ..تراوري بعملها للدفاعات القوية ...والحراس الصغار في السن.

تراوري بي ربع حالتو ممكن يجيب في الحضري (3) أقوان.

الحضري (44) سنة..لا عاوز ليه جاهزية ولا حاجة.

جاهزية نعمل بيها شنو؟..نحن عاوزين نلعب في كأس العالم.

الحضري (الكبر) ظهر فيه.

زول لو شاتو فيه كورة ..تدخل فيه (4) كور.

لو فكيت ليه (عنقريب)..يدخل فيه (صالون) مفرش بي (4) سراير.

حارس اتقدمت بيه السن ...اعمل ليه شنو أنا؟.

زي (خفير) المدرسة ..وقت الجرس يضرب ...يكون حارس الباب ..والطلبة بدخلوا بالحيطة للمدرسة.

الحضري بعد العمر دا ..لو فكيت ليه كورة من (هيا)...بتدخل فيه.

زمان كان عندنا صالون ..بابو ضيّق شوية ..ما بدخّل (صينية) الغداء.

كنا بنجيب (الصينية) بالشباك.

ندخلها الصالون بالشباك ...أحسن من ندخلها صحن ..صحن.

هسع يا مهند الطاهر ...الحضري دا اشتغلوا معاه بي نفس النظرية ..تعالوا ليه ب (الشباك).

أو ادخلوا عليه صحن ..صحن.

بالباب ..بعمل ليكم فيها حريف.

بقعد ليكم زي (خفير) المدرسة.

باغتوه من بعيد.

الحضري دا الكورة (بره الخط) ما بشوفوها.

بتعامل معاها بالسمع فقط.

بالخبرة.

ناس المريخ هسع غلبتهم (القعدة).

ادفقوا فينا زي (لجان السيول والأمطار والفيضانات).

ما عارفين يتصرفوا كيف؟.

متل الزول البتلقى اليوم كلو بعاين بالشباك ...راجي شنو ما عارف؟.

يخش ويطلع متل (صينية الخبيز) في الفرن...كلو مرة يسحبوها ..ويرجعوها ..(عشان الخبيز ما يحرق).

أنت شنو الأبواب والصواني ..الشبكت لينا فيها دي من الصباح.

نمرق من باب تدخل لينا في باب.

أنت قالوا ليك ..نحن فاضيين ليك.

المريخاب تعبوا معانا.

الجماعة اتلخبطوا...الدرب راح عليهم.

البرير تأكدت (شرعيته)...وتراوري (رجع).

الحاجات دي يتصرفوا معاها كيف؟.

ضربتين في الرأس بتوجع.

حاجة واحدة من ديل كفيلة بأن تنسف (اللوردات).

اللوردات ..قالوا ليك أي لورد بقى ماشي يتكلم براهو ..أنا ما لورد ..أنا ما عضو ..أنا ما عندي قضية بالموضوع دا.

اتحسسوا شوية.

البرير من غير (شرعية)..ما برحم ..شغال في الجماعة (خبط).

هسع بالشرعية ببقى شقيش.

والله البرير بي (شرعيتو)..بونيتو بتقول يا غربتي.

العجب لمن يجيبوا للبرير سيرة للوردات ...وهو قاعد كدا في نادي الهلال بي (شرعيتو).

بخبط من طرف.

ما بتفاهم.

عشان كدا يوم الخميس القادم أي (لورد)..يتخارج من بدري.

ما عاوزين أي (لورد) في المنطقة.

عندنا حملة عديل كدا على اللوردات.

كشة رسمية.

ما عاوزين نشوف أي (لورد) هنا.

معليش ..اتخارجوا لينا يا لوردات.

يلا ورونا عرض كتوفكم.

ناس المريخ ..من جرستهم ..طلعوا ليهم (بيان) من قبل (5) أيام من المباراة.

في زول بطلع ليه (بيان) في التوقيت دا.

أنا لمن قالوا لي ناس المريخ طلعوا ليهم (بيان)...افتكرتوا في (المطر).

قلت يمكن يكون في (السيول).

يمكن في الفيضانات.

في الباعوض.

لقتيو ليك في (تراوري).

الجماعة ديل من قالوا ليهم (تراوري) راجع ..مسكتهم ليك أم (هله هله).

ذكرتونا أيام (النكسة).

حرب الأيام الستة.

عليكم الله شفتوا ليكم جرسة اكتر من كدا.

الجرسة في اللوردات (شينة).

(17) لورد ...واحد فيكم ما قادر يركز.

(بطل أمور الجرسة اركز يا لورد).

تراوري دا ما جاهز للدرجة دي.

يعني الموضوع ما بحتاج ليه (بيان).

ما بستاهل.

البيانات ديل ناس (النسور) خلوها.

انتوا يا ناس المريخ ..(لورادتكم) متل حطب الأفران ..تتطلعوا ليكم (بيان) بهذا الشكل النرجسي ..والجرسي الشديد.

خليتوا لي (نيل الحصاحيصا) شنو؟.

فرقكم شنو بقى من (لوردات) النيل الحصاحيصا.

لوردات ...غير رئيس الاتحاد العام لكرة القدم عندهم (3) مساعدين لمعتصم جعفر ...يطلعوا ليهم (بيان) بالشكل دا.

بيان (جرسة) بس.

ألحقونا.

انجدونا.

انقذونا.

الليلة ..يا ود أمي.

الليلة ..يا تراوري ...الرجعت الصباح بدري.

تقول مغالطنك.

الناس الشالهم (السيل)..وغرقهم (الفيضان) ما طلعوا ليهم (بيان) زي بيانكم دا.

(3) مساعدين في الاتحاد العام ...ما كافنكم ...عشان تتطلعوا ليكم (بيان) على هذا النحو (التسولي).

بيان (بيشحد) عديل في ضربات الجزاء.

البيان دا ..طالع من وين؟.

عاوز أعرف بس.

طالع من اللوردات ..ولاَّ لجنة التعبئة العملتوها للفيضانات والسيول والأمطار.

لجنتكم حقت السيول والأمطار والفيضانات دي ...ممكن نضيف ليها (ضربات الجزاء كمان).

اللوردات الفالحين ديل قالوا شنو؟.

تتخيلوا قالوا شنو؟.

(استنكر لجنة تسيير المريخ تساهل التحكيم تجاه نادي الهلال في جميع مبارياته الأمر الذي ترتب عليه عدم تكافؤ الفرص بين الأندية في المنافسات ، واستدل مجلس المريخ تساهل التحكيم إلى تمادي حارس المرمى وخط الدفاع لفريق الهلال في إصابة العديد من اللاعبين من الأندية الأخرى وهو أمر غير مقبول على الإطلاق.

واستشهد مجلس المريخ في بيانه بالعديد من الوقائع منها تسبب حارس الهلال المعز محجوب بضربة جزاء في مباراة فريقه أمام مريخ الفاشر في الدوري الممتاز إضافة إلى الدور الذي يقوم به الحكام المساعدون أو رجال الخط حيث يقومون بأدوار خفية تضيع حقوق العديد من الأندية مبيناً أن هذه الأمور أضاعت على المريخ عدالة المنافسة في البطولات المحلية).

اتخيلوا ناس المريخ بتكلموا عن (التحكيم).

اضحكوا عليكم الله.

بديكم اجازة (45) يوم ..تكملوا فيها ضحكم على (اللوردات) ديل ..وترجعوا تاني تكملوا العمود.

العمود قاعد ...ما طاير.

دي جديدة دي ...يعني يا المعز محجوب تاني أوعك تحتك ليك مع لاعب..اتعامل معه بحنية.

بعطف ..ومودة...وانسانية.

مجلس اللوردات ..اللوردات العندهم توكيل غاز ..ومزرعة دواجن ..ودكان اسبيرات ...وتحويل رصيد من (الحكومة)...و(3) مساعدين في الاتحاد العام ..بتكلموا عن (التحيكم).

لا بالله.

اضحكوا ..تاني بديكم اجازة أسبوع للضحك.

انتوا بتتخيلوا حاجات زي دي.

التحكيم ..بتكملوا عنو (اللوردات).

المريخ الشغال بالتحكيم .....آخر هدف تسللو حسبو ليهم في كادوقلي.

وآخر هدف صحيح نقض للهلال في عطبرة.

وبتكملوا عن التحكيم.

والله فالحين.

شفوت عديل كدا.

انتوا الجماعة ديل ...ما بعرفوا يفرزوا بين ضربة الجزاء والضربة الركنية.

اللوردات (الروش) ديل ..ما بعرفوا يفرقوا ..بين ضربة الجزء ..والضربة الركنية.

قالوا ليك بالمناسبة دي.

في مباراة كانت في ميدان عقرب....عجاجتها رابطة زي (قدحة التوم) ...من خامس شارع تشمها.

مباراة الدم فيها للركب ...تحلف تقول معركة كرري.

بس معركة كرري ومنقولة على الهواء مباشرة.

منقولة في ميدان عقرب.

المباراة دي عشان أكون واضح معاكم ...حكمها كان (صيني).

صيني عديل كدا.

احتمال يكونوا جابوه من ناس النفط.

المهم عندي الحكم كان صيني.

صيني رابط كدا.

أقل كلمة عندو ...(بلحقها ليك بي بونية).

بطرش ليك (الصيني) زي الملوخية المفروكة.

بكبها ليك زي (البلح).

حكم صيني اعمل ليه شنو؟.

الحكم الصيني دا كان حاكم مباراة في ميدان عقرب.

في الدقيقة (13) من الشوط التاني الحكم صفّر (ضربة جزاء).

انتوا قايلين ادارة النادي التى احتسب ضدها (ضربة الجزاء)..قالت إلا يكشفوا على الحكم ويفحصوا عليه.

أبدًا.

الادارة ما قالت كدا.

لكن الجهاز الفني بتاع الفريق الذي احتسبت ضده ضربة جزاء نزلوا الملعب.

قالوا ضربة الجزاء ما بتتنفذ.

ليه يا جماعة؟.

قالوا ضربة الجزاء في لغة الصينية ..(جدعة تماس) ساكت.

الفريق الذي احتسب لصالحه ضربة جزاء ..كانوا مساكين ..شالوا الكورة من نقطة الجزاء ونفذوا ضربة التماس.

افتكروا الحكاية بالصيني كدا ..ضربة جزاء ..يعني (تماس).

على أساس أن الحكم الصيني دا ..ضربة الجزاء عندو جدعة تماس ..حسب اللغة الصينية.

شفتوا كيف؟.

نحن ما عندنا حاجة ساكت.

نحن ما بنتكلم ساي.

نحن أي حاجة عندنا بي نظام.

النظام اليشقق كرعينك ديل.

عليكم الله ارجعوا تاني لبيان (اللوردات)...عشان تضحكوا.

انتوا يا روش هوييي.

انتوا قايلنها ابنوبات غاز.

فاكرنها طوب أحمر.

قايلنها ...(فراخ).

في لورد عاقل كدا ...هسع بقول كلامكم دا.

يعني بعد التلاتة مساعدين في المريخ ..يعينوا ليكم (عادل أبوجريشة) رئيس لجنة الحكام المركزية.

طلعتونا في بلدنا دي (ضيوف).

بقينا قاعدين ساكت.

وبعد طلعوا ليهم (بيان).

ناس المريخ ...من الخوفة التى دخلت فيهم ..قعدوا يتحدثوا عن (التفلتات).

تلفتات وهمية كدا.

جابوها من وين أنا ما عارف.

قالوا شنو في البيان.

عليكم الله اضحكوا معانا ..عشان تشوفوا درجة الخوف التى اصابت المريخاب.

(طالب المريخ من اتحاد اللعبة حسم ملف تلفيات إستاده التي تعرض للخراب من قبل جماهير الهلال في الموسم الماضي , وأكد أن ما حدث بإستاد المريخ كان أمراً متعمدًا وغير مسبوق في تاريخ الكرة السودان التي لم تشهد مثل هذا الاعتداء غير الأخلاقي على المنشآت الرياضية,وطالب مجلس المريخ بضرورة حسم ملف الخسائر قبل مباراة الكلاسيكو).

هسع البيان دا ربع كيلو (لورد) بطلعوا.

لورادتكم ...طلعوا لوردات (جرايد) ساكت.

طلعوا بتاعين جاكات.

لكن ليكم علي واسمعوا كلامي دا كويس ...يوم الخميس إن شاءالله نفرتكم لورد ..لورد.

مباراة الخميس ..محسومة إن شاء الله للهلال.

يا ناس الهلال ..خليكم كلكم في الاستاد ...المباراة دي حقتنا.

محسومة لينا.

ما تشيلوا أي هم.

الخميس خميسنا.

واللوردات ح نفرتكم ليكم.

ما بتمقروا مننا.

ومن هسع بنقول ليكم الهلال منصور ..منصور ..إن شاء الله.

اسمعوا كلامي دا ..وادخلوا الاستاد من يوم الاربعاء.

ملحوظة : الحضري مسكين الكبر ظهر في سنونو.

هوامش

اتخيلوا هجوم فيه مدثر كاريكا وبكري المدينة وتراوري.

قول تراوري قاعد في الاحتياطي.

الجماعة ديل بنستروا.

ناس ضفر ديل ..من قالوا ليهم تراوري في المطار ..قعدوا يركبوا في الدربات ..ويبلعوا في حبوب وجع الرأس.

اللوردات ذاتهم ..قعدوا يبلعوا.

اتمنى أن يلعب الهلال بثلاثة مهاجمين دفعة واحدة.

مدثر كاريكا ..وبكري المدينة وتراوري.

تراوري دا لو قعد (ضيف) عاوزنو.

عاوزين نستمتع.

مدرب الهلال مطلوب منه أن يثبت لينا انو فعلاً (جنرال).

وعليه أن يعرف أن طريق الهلال في هذه المباراة ..طريق واحد ...وهو الانتصار.

أي نتيجة غير انتصار كبير للهلال مرفوضة.

انتصار ..عريض كمان.

انتصار بفارق هدف ..ما عاوزنو.

الهلال أي نتيجة غير الانتصار يعني أن الهلال فقد الممتاز.

والانتصار ذاتو عاوزنو كبير ..عشان يفرتك اللوردات.

عاوزين نحسم الممتاز يوم الخميس.

من أول خمس دقائق.

إذا كان الهجوم فيه مدثر كاريكا وبكري المدينة وتراوري...فإن وسط الهلال فيه مهند الطاهر ونزار حامد وبشة وعمر بخيت والشغيل وسيدي بيه.

تاني عاوزين شنو عليكم.

أحسن من كدا مافي.

عبداللطيف بويا ..يمر بأفضل حالاته.

ومالك ومساوي وعلي النور.

عاوزين شنو؟.

وفي المرمى (شقاق العناقريب) المعز محجوب.

المعز العامل (طمام) للوردات.

منذ الان.

واسمعوا منا.

القمة محسومة للهلال إن شاء الله.

الهلال في هذه المباراة منصور ..منصور.

ونحن يا جماعة ما بنتكلم ساكت.

تعادل الهلال أمام الأهلي عطبرة ...زعلنا.

وقفل نفسنا.

لكن إن شاءالله نعوض بانتصار عريض في المريخ.

وتاني ..وثالث ..ورابع..اسمعوا كلامي دا.

الهلال منصور ..منصور ..في قمة الخميس.

على جماهير الهلال أن تعود إلى المدرجات.

ارجعوا افرحوا ساكت.

تعالوا اتفرجوا.

تعالوا استمتعوا.

وشوفوا الهلال.

ح نرجع تاني للاربعات.

يا ربي ..يوم الجمعة ناس المريخ برجعوا تاني للكوكي.

ولاَّ البحصل شنو؟.

كروجر ...عمرو في المريخ سوف يكون أسبوع واحد.

أسبوع ...يوم تاني ما بنزيدك فيه.

الحضري كبر.

واتقدمت بيه السن.

وما بشوف بعد سبعة.

ولو شتوا فيه شوال فحم من بعيد بدخل في مرماه.

الحضري استفز جمهور الهلال.

واللوردات اتستفزوا الهلال.

وشيلوا شيلتكم معانا.

الرد سوف يكون في الملعب.

ح يردوا عليكم ناس تراوري وبكري ومدثر ومهند ونزار.

الرد في الملعب.

وانتظرونا على تغطية خاصة في (وأن طال السفر).

وارموا قدام.

الهلال يوم الخميس ..منتصر ..منتصر.

شوفوا ليكم حاجة تانية.

وخلوا لينا نحن ناس (ضفر) ديل ..نقزقز بيهم.

......

عاجل : تراوري دا (3) مساعدين للرئيس ..لا بمسكوه ولا حاجة.

انقر هنا لقراءة الخبر من مصدره.