سودارس : حبة ربة مع جلدة كمبالا شوفوا دنيتنا الجميلة! !

والي الخرطوم يدشن أعمال إعادة تأهيل مقار واجهزة الإدارة العامة للدفاع المدني الإسبان يستعينون ب"الأقزام السبعة" للانتقام من يامال مصطفى بركات: 3 ساعات على تيك توك تعادل مرتب أستاذ جامعي في 6 سنوات تكية الفاشر تواصل تقديم خدماتها الإنسانية للنازحين بمراكز الايواء مصالح الشعب السوداني.. يا لشقاء المصطلحات! تايسون يصنف أعظم 5 ملاكمين في التاريخ السودان.."الشبكة المتخصّصة" في قبضة السلطات مقتل 68 مهاجرا أفريقيا وفقدان العشرات إثر غرق قارب ريال مدريد لفينيسيوس: سنتخلى عنك مثل راموس.. والبرازيلي يرضخ نقل طلاب الشهادة السودانية إلى ولاية الجزيرة يثير استنكار الأهالي مسؤول سوداني يردّ على"شائعة" بشأن اتّفاقية سعودية السودان..إحباط محاولة خطيرة والقبض على 3 متهمين توّترات في إثيوبيا..ماذا يحدث؟ اللواء الركن (م(أسامة محمد أحمد عبد السلام يكتب: موته وحياته سواء فلا تنشغلوا (بالتوافه) دبابيس ودالشريف منتخبنا المدرسي في مواجهة نظيره اليوغندي من أجل البرونزية بعثة منتخبنا تشيد بالأشقاء الجزائرين دقلو أبو بريص هل محمد خير جدل التعين واحقاد الطامعين!! اتحاد جدة يحسم قضية التعاقد مع فينيسيوس حملة في السودان على تجار العملة إعلان خارطة الموسم الرياضي في السودان غنوا للصحافة… وانصتوا لندائها توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي أنقذ المئات.. تفاصيل "الوفاة البطولية" لضحية حفل محمد رمضان لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حبة ربة مع جلدة كمبالا شوفوا دنيتنا الجميلة! !

عبد العزيز المازري نشر في النيلين يوم 12 - 02 - 2014

* لوكان الأمر بيدي لأمسكت بذلك اللاعب اليوغندي الذي اودع القون الاول
في شباك المريخ وامطرته بوابل من الثناء والشكر علي مافعل فالرجل ايغظكم
من التخدير والتندير ..
*الفريق العالمي ( بدري صحيت من نومي ) ناس كمبالا ديل ماعندهم رحمه ابدا
(الوليد الضيف غرقتنو كيف..جيبو لي هدوم الراقدة فوق القيف..) (ناس الحلة
جوا..والديوان ملوا..مشوا للبحر قالوا ما لقوا..واا سواد أمو الليلة وين
ودوا ..)
*القون جاء مخيبا لامال كل اهل القبيلة الحمراء وجاء معبرا عن طموحات
الاكثرية من اهل القبيلة الزرقاء داخل وخارج الحدود وملبيا لرغبات ناس
كمبالا ويا حمامة مع السلامه تمشي وتجي بالسلامة
*خلطة عجيبة تلك التي استخدمها مدرب كمبالا يقال والعهدة علي الراوي ان
ميشو قال سر الخلطة في الفانيلة الزرقاء(أرى الهلال فى ظلال تلك الخميلة
يلوح..أنا لو ضمنتو رضاك اكون سعيد ممنوح))
*جاء في تقرير وزارة الصحة ان اجهزة قياس الضغط سجلت اعلي معدلاتها ليلة
السبت المبكي صرح بذلك المسئول الثاني مثني كمبال(مرضان باكي فاقد فيكي
علاج طبيبي...قالوا ترك سكونك يادار وين حبيبك))
*واحد هلالابي ثقيل مسك يافطة من ناس الخرطوم اتنين كتب فيها بنحبك
ياهلال ((حروف اسمك جمال الفال وراحة البال وهجعة زول بعد ترحال ودنيتنا
ومشاويرنا وغنواتنا اللي ما ببتقال))
*يا اخي اصحي وصحي النوم ده(( البسأل ما بتوه دارنا نحن قريبة ليه .انت
ما مجبور علينا نحن مجبورين عليك دنيا الريد غريبة .... سر ما بنفهمو ,,ناس
أفراحها زايدة ... وناس إتألموا))
*وما كان يدور يقطع القلب من الحزن وقف واحد من المريخاب يحمل شعار
المريخ العالمي ممسكا به بيده يردد(دنيا الريد سعادة ... دنيا الريد عذاب
..ناس تجني المحنة ... ناس تجني السراب ..بقيت أغني
عليك ..غناوي الحسرة والأسف الطويل ..وعشان
أجيب ليك الفرح ..رضيان مشيت للمستحيل))
*بعد انتهاء المباراة وقبل المباراة الحدث شوهد كروجر يسير قبل وصوله
لاتوبيس المريخ الاحمر (سبب النكبة) مع حارسي امن واحد هلالابي قال كروجر
ملك الاحساس والاتوبيس مالو وهروب سائق الاتوبيس من الحصب وكروجر يصيح
((" يا سايق يا ماشي...النظرة ماشة وراك وقف وقف...وسوقني معاك يا سايق"))
*كانت عملية الخروج من شيخ الاستادات السودانية بالنسبة للجهازالفني
واللاعبين في غاية الصعوبة فقد ظلت الجماهير المريخية المرابطة خارج
الاستاد تستخدم الحجارة ضد الاتوبيس في انتظار كروجر واللاعبيين..احد
اعضاء الجهاز الفني للمريخ اتي بفكرة جهنمية حيث طلب من كروجر استخدام
اسلوب التخفي والتنكر حتي يستطيع ان يخرج مع اللاعبيين وبالفعل تم اجراء
اللازم وسار كروجر في امان الا ان احد المريخاب مسك ببرمودته الحمراء
قائلا (عرفتك وكنت زى شفتك...قبل القاك...لا هماك عذابنا ..لا دموعنا وشقانا
..نهديك المشاعر وتخون الأمانة)) وكان ان القمه حجرا علي ضوئه قرر كروجر
تقديم استقالته
*با سكال واواو وضياع ضربة الجزاء احب الواواو (( واوا..ليك الواوا
ليك..الليله احلى سهره عند احبابى..بدو يانى البس احلا تيابى..بلبس
لعيونك يا حبيبى..كل جديد و دح..ليك الواوا بوس الواو خلى الواوا يصح ))
*هيثم مصطفي المبعد من قبل كروجر ظل يردد ويتحسر وهو يقول ياحليلك ياهلال
(معاك قضيت عمر السنين
*** أفرش طريقك بالورود..أبنى فيك سور الامانى
*** ما حاسى بى زول فى الوجود)) واحد هلالابي معطون ومصدوم قال لهيثم
((عمرى ما فكرت أنك
*** يوم حتخلف للوعود))((عشت سنين وسنين
طويله فى الحرمان أنا كل ليلة الآلآم ابكت عيونى والآهات
واصوات شجونى..شوف عينى كم ألمونى عشانك انت يا ناسى
حبك...دون الناس يا دنيا مالي طال صبري وزاد انشغالي)) الله يصبرك
يا شيخ ابقي مارق علي المسيد
*اللاعبيين من الهلال الذين حضروا لمساندة المريخ والوقوف معهم بعد
المباراة امسكوا بالشعار الازرق الذي زين فنايلهم ورددوا ((ما هي دنيتنا
الحميلة...شوفو دنيتنا الجميلة..بوديانها وصحاريها ونخيلها..بأنهارها وبا
أزهارا النضيرا))
*اعلام المريخ كتب بعد المباراة عن جميع الاسباب التي ادت لهزيمة الاحمر
ونسي ان يذكر انه السبب الرئيسي في النكبة والجلدة التي تلقاها المريخ ((
))
*اكثر المتفائلين بضرورة شحد الهمم والقيام بدوره تماما رئيس النادي جمال
الوالي الذي سارع بالاجتماع مع كروجر واللاعبيين ومنحهم وابل من التوبيخ
حيث جاءت كلماته معبرة تماما عن احساس الشارع المريخي (( )))
*هلالابي سمع خطاب الوالي وقف ورد عليهو ( ليه بنهرب من مصيرنا ))
*مساعد مدرب المريخ الالماني ابراهومه شوهد في ضواحي الخرطوم جالسا مع ست
الودع (ست الودع شوفى شملى متين ينجمع ارمى ليّ ارفعى ولمى الموقع ووصى
قلبى اللبا يتقرع))
*الملك العجب ونجاح منقطع النظير مع السلاطين ..دَارفَور
بَلَدَنا..يَالجَمِيلَه و مُستَحِيلَه..وَين بِنَلقَي مَعَاكِي
حِيلَه..إنتِ فِي سَاحَات قُلُوبنَا..وِإنْتِ سَاحَاتِك
خَطِيرَه))
*علاء الدين بصم ما بصم ندمان ندم (يا صحوة الذكرى المنسية...من بعدك وين
الحنية...بتعدّي مواسم وتروّح.. والذكرى بتصبح أبدية
أبديييياااااااااااااااااااااااا) *هزيمة المريخ وامتناع هيثم عن
التمارين فتحت باب كبير للاعلام مابين معارض لعودته ((قالو لي انساهو
وامسح من خيالك ذكرياتو..انسى كل الماضي وابعد عن طريقو وعن حياتو...فات
وخلاك للزمن ضاعت امالك سدن..ليه تحن من تاني ليه ليه تفكر في
صلاتو))ومطالب بعودته .(السنين العشت فيها معاك هنايا...اقوى من قول
العوازل واسمى من كلمة وشاية..لو خلاص قلبك نسى الايام معايا..برضي راضي
في الغرام كم من ضحايا..بس تأكد يا حبيبي انو حبك في دمايا))
*الارباب يعود لانتخابات الهلال بكرت عودة هيثم البرنس (الغريب عن وطنو
مهما طال غيابو..مصيرو يرجع تاني لاهلو وصحابو ينسى الامو وشجونو ينسى
حرمانو وعذابو..الا قلبي يا حبيبي في هواك طال اغترابو)) وللارباب ((
دموعك ما بتعيدك ... اعتذارك ما بفيدك ... العملتو كان بيدك))
*وغدا يسافر المريخ ليوغندا ولسان حالو (الزمن غلبنا ياما..حرمنا شال
الابتسامه) و(يا المسافرين بالسلامه..أشرحو الحال لاهلنا...الغمامة حلاة
رحيلا...فوق روابينا الجميلة وياحمامه مع السلامه)
*مشتاقين للغزال مهند الطاهر ولمساته السحرية(ليك مدة ما بنت وأنا في
اشتياق لي شوفتك يا حبيبي وين انت...))
*الهلال والطائرة الخاصة وناس كمبالا فرغ الخرطوم صنقعوا الرؤؤس (الله لي
طياره جات بي فوق الله لي حامله المدافع كوم الله لي جات تضرب الخرطوم
ضربت فؤاد مألوم يا حاجه لا..الله لي جاهل صغير وحمامه الله لي يوم لبسو
الكمامه الله لي ودوهو خشم القربه يا الله عوده سلامه للعاصمه ..الله لي
في الجو طياره الله لي في البحر غواصه في البر دبابات مدمره الله لي
الليمون سقايتو علي يا حاجه لا)
*وصديقنا العزيز دكتور بكري فالح والطب النفسي وينك يادكتور لو حتي جرعة
واحده ما مشكلة الاغتراب ناس المريخ ديل محتاجين للوصايا العشرة ولسان
حالهم يقول (مافي حتي رسالة واحده بيها نتصبر شوية والوعد بناتنا انك كل
يوم تكتب الي))
*ابقوا بخير ياهلالاب مع الضحكة مع الونسه ومع هلالنا(( حُبي ليك حُب ما
إعتيادي...)) مع الاعتذار لشعراء ومحبي الفن السوداني الاصيل ( كم
نظرنا هلال ما شاقنا غير هلالو..ما أظنو زلال يروينا غير زلالأ,,,الذ شيء
قُربو وغزلي النظر في جمالو وأمرّ شيء بعدو وجفاهو وإهمالو
عبدالعزيز المازري
العمود الحر
[email protected]

انقر هنا لقراءة الخبر من مصدره.