سودارس : ديل في (سيكافا) بقوا يقولوا (اي دمعة حزن لا لا)

تقارير: البرهان يصدر قرارًا بشأن لجنة لتهيئة البيئة لعودة مواطني الخرطوم الذهب يتراجع عن مكاسبه اليومية ارتفع الذهب في المعاملات الفورية 0.7 % انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم المريخ يواصل تدريباته بقوة بكيجالي والدامر أحمد طه يواجه الأستاذ خالد عمر بأسئلة صعبة ماساة قحت جنا النديهة الرياضة و السلام كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة تطور حاسم بقضية "الاعتداء الجنسي" في منزل لامين يامال ولاية الخرطوم: توجيهات بإعداد وتنفيذ برنامج خاص لشهر رمضان وتكثيف المجهودات لاستقرار الخدمات الرئيسية الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر شاهد.. الفنانة مروة الدولية تغني لشيخ الأمين في حفل خاص: (الشيخ حلو لي والنظرة منك لي شفاء وبفهم مشاعرك بعرفها) هيئة مياه الخرطوم: تحصيل فاتورة المياه لا يشمل القطاع السكني حتى الآن شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة) شاهد بالصورة والفيديو.. سيدة الأعمال ونجمة السوشيال ميديا الحسناء "ثريا عبد القادر" تستعرض جمالها بثوب "التوتل" الأنيق مناوي .. استمرار الدعم السريع في ارتكاب جرائم ممنهجة بدعم خارجي يهدد وحدة السودان واستقراره إلزام أبل وجوجل بتعديلات تعزز عدالة متاجر التطبيقات ارتفاع طفيف لأرباح زين السعودية إلى 604 ملايين في 2025 دراسة تؤكد أن للضوضاء تأثيراً كبيراً على الطيور وتكاثرها هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى مدينة على القمر خلال 10 سنوات.. هل يتراجع حلم المريخ؟ علاجك من أحلامك.. دراسة تتوصل لإمكانية استخدام أحلام الشخص فى العلاج النفسى 7 أطعمة للإفطار لا ترفع مستوى السكر في الدم وزير التعليم العالي السوداني: العودة إلى الدراسة خطوة استراتيجية ضياء الدين بلال يكتب: قوش وآخرون... جرد حساب! عاطف حسن يكتب: بنك الخرطوم.. اعتذارك ماااااا بفيدك .. !! بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! ارتفاع وارد الذرة واستقرار أسعار السمسم في بورصة محاصيل القضارف الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات عثمان ميرغني يكتب: كبري الحلفايا... شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ديل في (سيكافا) بقوا يقولوا (اي دمعة حزن لا لا)

محمد عبد الماجد نشر في النيلين يوم 01 - 06 - 2014

اقفلوا (نهواه في كل الظروف) وشغلوا (اللول اللول اللولية بسحروك يا لولي الحبشية)
""""""""""""""""""""""""""""""""
شمّتو في ناس موسي الزومة وسعيدالسعودي واكرم الهادي سليم ياجمال الوالي يا شماتة آبلة ظاظا فيكم
""""""""""""""""""""""""""""""""""
طبعا الطيران من ربع النهائي في سيكافا بعادل الطيران مندورال (64) في بطولة الانديةالافريقية للابطال
""""""""""""""""""""""""""""""""""""
هي البلد عليكم الله ناقصة (هامان) عشان ياناس المريخ تجيبوا لينا (هامان) جديد كفاية علينا (هامانات) البلد دي
""""""""""""""""""""""""""""""""
. الساعة كم؟.
. ناس بقولوا خمسة وربع...(طبعا في ناس الزمن بيزيدوه).
. ناس (البكور).
. ديل جروا الساعة لي قدام ...وجروا البلد لي ورا.
. عشان كدا تلت من البلد طلع من الخريطة.
. زادوا الزمن وحولوا المواقف.
. وناس بقولوا الساعة سبعة شوكة.
. وناس بقولوا المريخ طار.
. يختوها ليك كدا زي خبر الوفاة.
. المريخ طار.
. بحبوا (الطيران) زي عيونهم.
. لو جابوا ليهم (كرسى) جلوس يطيروا منو.
. اتعودوا.
. متعودة دائما.
. قلت ليهم كمان علاقة طيران المريخ بالساعة شنو؟.
. ما تلخبطوا لينا ساكت.
. اخر الصينية العدس بكوبوا في (الرز) مع السلطة مع القرع ..كلو يلخبطوه ليك في صحن واحد.
. ويقعدوا يضربوا على كدا.
. انتوا مالكم يا هلالاب اي حاجة عاوزين تدخلوا فيها (سيكافا)؟.
. طبعكم كعب ..لا بتراعوا مشاعر الناس ..ولا بتحسوا بيهم.
. ما في داعي تتكلموا عن (سيكافا) في الوقت دا.
. لسع الجرح اخضر.
. ناس ديل ظروفهم صعبة.
. ما صاح كدا.
. يعني انتوا عشان بتلعبوا في المجموعات.
. خلاص معليش.
. اصلها الكورة مدورة.
. جمال الوالي طبعا حاول يعملها (مربعة).
. لكن ما قدر.
. دفع في الدنيا دي جنس قروش ..عشان يبقى الكورة (مربعة) وما قدر.
. الكورة مجنونة.
. عاوزين تعقلوها انتوا؟.
. وسيكافا ذاتها بطولة اعدادية ساكت.
. يعني شنو؟.
. ولا تزعلوا ..ولا عليكم ..ولا تشتغلوا بينا نحن الهلالاب.
. اعتبرونا ما عندنا موضوع.
. اعتبرونا ما عندنا ذوق.
. اقول ليكم حاجة بتريحكم شديد.
. هدف الاكاديمية (تسلل).
. تسلل واضح يا مامون ابوشيبة.
. جيبوا فيصل سيحة يوم الجمعة اي هدف اتسجل في المريخ في سيكافا بقول ليكم هدف (تسلل).
. تسلل وابوه تسلل كمان.
. يلا ما تزعلوا.
. اقول ليكم حاجة ..ارجعوا للخطة (س).
. الخطة (س) بتقول شنو؟.
. الخطة (س) دي خطة بعد الخطة (ب).
. وبتقول شنو كمان؟.
. الخطة (س) بتقول ليك المريخ لو اضرب او طار على اعلام المريخ الاستعانة بي عبدالحليم حافظ (اي دمعة حزن لا لا).
. انتوا نسيتوا (اي دمعة حزن لا لا).
. صحيح استعمال المقطع دا في سيكافا حار وسخن.
. لكن نعمل ليكم شنو؟.
. ما في مسكن اقوى من المسكن دا.
. دا المسكن العندنا.
. شمتوا فينا موسى الزومة وسعيد السعودي واكرم الهادي سليم يا جمال الوالي.
. هسع نحن نقول لموسى الزومة شنو؟.
. نقول لموسى الزومة جماعتك طاروا.
. يا شماتة آبلة ظاظا فيكم.
. من البداية قلت ليكم في هذه المساحة يا جماعة ما صاح تشطبوا (موسى) وتسجلوا (هامان).
. قلت ليكم دي (لعنة) جاهزة ..قعدتوا تتهكموا على كلامنا يا مامون ابوشيبة.
. اها شيلوا وصروا يا ابوشيبة.
. واي دمعة حزن لا لا.
. لكن (اي دمعة حزن لا لا) بتحلكم.
. بتمرقكم.
. يمين لو شغلتوا لينا ( اللول اللول اللولية بسحروك يا لولي الحبشية) ما بنفككم.
. اقفلوا حكاية (نهواه في كل الظروف).
. وشغلوا (اللول اللول اللولية بسحروك يا لولي الحبشية).
. خلوها (نهواه في كل الظروف).
. يلا اهووووا.
. انتوا بتهوا ساي.
. شبكتونا ليك شعارات ومقصورات...وفريقكم قاعد في السهلة.
. انتوا وقت ما عندكم كورة ...بتتشابروا مالكم.
. تطلعوا من ربع النهائي في سيكافا.
. نص النهائي ما وصلوه.
. في فضيحة اكتر من كدا.
. نحن الموضوع دا ما بنخلي يفوت ساكت.
. ما بنرحكم.
. ح نرفعو للبرلمان.
. ح نوصلو لاعلى المستويات.
. ضيعتوا قروش البلد في الفارغة ..وتجوا تطيروا لينا من ربع النهائي.
. طبعا الطيران من ربع النهائي في سيكافا بعادل دور ال (64) في بطولة الاندية الافريقية للابطال.
. تطيروا من التمهيدي ومن سيكافا ..وتتفاصحوا لينا.
. كمان بتتكلموا عن الهلال.
. تصوروا ديل كان بتكلموا عن المقاصة.
. لا بالله.
. اصلو ما بنصدق.
. شوفوا اكاديميتكم وين؟.
. الهلال في المجموعات بتكلموا عنو ناس بطلعوا من دور ال (64).
. وبطلعوا من سيكافا.
. ارجع ليكم واطلعكم من الحالة الصعبة دي.
. الفطور شنو؟.
. ناس بقولوا سمك.
. وناس بقولوا فول سادة.
. وناس بقولوا عدس.
. وناس بقولوا قراصة بي دمعة (مسخنة).
. وناس كمان بقولوا ليك المريخ طار.
. طار من وين؟.
. سيكافا دي كمان فيها (طيران).
. عليكم الله لو ما ساي الدخل طيران المريخ من سيكافا في الفطور شنو؟.
. دي حقارة (هلالاب) ساكت.
. مباريات المريخ في البطولة القاطعنها من رأسهم دي - (سيكافا) بتذكرني ليك بالزول وقت يكون عاوز ليه (فول) الساعة واحدة ظهرا.
. امس قعدت اللفلف ليك في الفضائيات بفتش عن مباراة المريخ.
. كنت عاوز اشوف (الطيران) دا في ياتو قناة.
. الزول وقت يكون عاوز ليه فول الساعة واحدة ظهرا بلف الدكاكين كلها ما يلقى ليه (فول).
. تشيل ليك (جك) وما تخلي ليك دكان في الحلة.
. اي دكان تمشي عليه – يقول ليك : (والله ما في فول).
. طبعا اي بتاع دكان وقت يقول ليك : (والله ما في فول) بقولها ليك بي انشراح وانبساطة.
. بقولها ليك بسعادة كبيرة – (زي كأنو عاوز يوريك قيمة الفول).
. سيد الدكان عاوز يثبت ليك انو (الفول) دا حاجة عظيمة.
. كمان نحن ما بنعرف (الفول).
. يمين لو الفول كمل من ستة صباحا ما في زول يشتغل بيه.
. ولا بنعبرو.
. المهم الساعة واحدة ظهرا لو جيت مركب ليك (دبابير) في كتفك ما بتلقى ليك فول.
. جفت الصحون ورفعت القدور.
. موية فول ما بتلقاها.
. هسع نحن قاعدين نفتش مباريات المريخ في سيكافا في التلفزيون – (زي الزول العاوز ليه فول الساعة واحدة ظهرا)...ناس التلفزيون قاعدين يضحكوا علينا.
. يتشقوا بالضحك.
. قالوا لينا دي بطولة ينقلوها في تلفزيون.
. سيكافا دي (هايس) كتير عليها عشان ينقولها فيه.
. هايس شنو؟.
. سيكافا دي (نقالة) كتيرة عليها.
. انا اول مرة اشوف لي بطولة زي حملة التطعيم ضد (السحائي).
. حاجة مسيخة.
. امس فتحت الراديو وقت قنعت من التلفزيون ..قلت اشوف الحاصل شنو؟.
. يمين المريخ من الاكاديمية البورندية ما قدرت افرق.
. ناسكم ديل هسع بتفرزوهم من بتوع سيكافا ديل كيف؟.
. لاعب من اثيوبيا ولاعب قادم من يوغندا ولاعبين من مالي ولاعبين من ساحل العاج..فرقكم شنو هسع من (الاكاديمية)؟.
. سيكافا جرت في دمكم.
. من عاشر قوم اربعين يوما صار مثلهم.
. وانتوا ناس البوليس الزنزباري والاكاديمية والدفاع الاثيوبي بتلعبوا معاهم من زمن حفروا البحر.
. والغريبة بقوا يطيروا ليك قبالهم.
. المريخ دا مرة طار امام اتراكو.
. طاروا امام (التاكسي) البورندي.
. نحن اول مرة نشوف لينا (طيران) قدام تاكسي.
. هسع جماعتكم ديل طاروا امام الاكاديمية البورندية.
. انتوا قصتكم شنو مع الجماعة ديل.
. اسألوا نفسكم ليه بتنظموا ليكم بطولة وتدفعوا فيها دم قلبكم والدولة تدعمكم وتقوموا تطيروا في اللحظات الحرجة دي.
. من الله خلقكم سمعتوا ليكم بي فريق اسمو (اكاديميةتشيتي).
. يمين نحن الفرق دا ما قاعدين نسمع بيها إلّا مع (طيرانكم) دا.
. الفرق دي في الاساس انتوا بتيجبوها من وين؟.
. شارك مع المريخ (10) اجانب وطاروا ليك من ربع النهائي.
. يا جماعة ديل يقولوا ليهم شنو؟.
. نحن اول حاجة كنا فاكرين المشكلة في موسى الزومة.
. المشكلة طلعت ما في موسى الزومة.
. المشكلة طلعت في جمال الوالي ذاتو.
. فالحين لي بس في (موسى الزومة).
. اها موسى الزومة (اتشطب) يا جدعان ..يلا ان شاءالله الامور تكون انصلحت.
. اعلامكم ما بقدر يهاجم ليه حاجة في المريخ غير موسى الزومة.
. موسى الزومة يلعب يهاجموه.
. موسى الزومة ما يلعب يهاجموه.
. فلاحتكم بس قي موسى الزومة.
. هسع فيكم واحد بقدر يقول ليه كلمة في جمال الوالي.
. موسى الزومة دا جاء المريخ من جامعة كلفورنيا.
. موسى الزومة دا موش سجلتوه براكم.
. وشطبتوه براكم.
. بتهاجموا فيه بعد الشطب ليه.
. شطبتوه وطيرتوا.
. تخلوا لي باسكال البصغ شعرو وتشطبوا لي موسى الزومة.
. ليه الحقارة دي.
. هامان دا عاوزين بيه شنو؟.
. هي البلد عليكم الله ناقصة (هامان) عشان يا ناس المريخ تجيبوا لينا (هامان).
. كفاية علينا هامانات البلد دي.
. جايبين لينا (هامان) تاني.
. هو نحن ناقصين.
. ملحوظة : هسع ناس ابوشيبة يقولوا ليك (الامطار) اثرت في اداء المريخ (علما ان الخرطوم امس نقطة ما صبت فيها).
هوامش
. مريخابي قالوا ليه المريخ جاب ليه لاعب اسمو (هامان).
. قال ليهم اكيد اللاعب دا اكبر من (اوليفيه).
. هو هامان لسع بلعب كورة.
. اصلو ناس المريخ بفتشوا في التاريخ ويجيبوا ليك اقدم لاعب.
. ما عارف العاجبكم شنو في كبار السن ديل.
. اظن بعد كدا ما في زول بقدر يغالطنا لو قلنا ليهم ان (نجاد) البوسني كان بيلعب في العصر الحجري.
. لكن هامان دا بكون لعب مع عصام الحضري في روابط العصر الفرعوني.
. باسكال حقق رقم قياسي في اضاعة الضربات.
. في بطولة الاندية الافريقية للابطال ضيع ليه ضربة جزاء.
. وفي سيكافا ضيع ليه ضربة ترجييحة.
. اقسم ليكم الحكاية.
. الكوكي طيّر المريخ من بطولة في الامارات.
. كروجر طيّر المريخ من بطولة الاندية الافريقية للابطال.
. اتوفيستر طيّر المريخ من سيكافا.
. يعني المريخ في موسم واحد طار ليه من (3) بطولات.
. انتوا (بارين ميونخ) دا واجهتوا في المائدة المستديرة.
. غايتو البقت عليكم السنة دي ما حصلت.
. يا عصام الحاج انت مالك سكت.
. احكي ليهم يا عصام الحاج ..كيف المريخ زمان كان بفوز ببطولات سيكافا من غير تعب ..وبفوز بيها وهو بلعب برة.
. هسع في عهد جمال الوالي ..المريخ بنظم البطولة وبطير منها.
. الظاهر (تنظيم) البطولة فيه (الطيران) بند اساسي في التنظيم.
. ينظموها ويطيروا.
. ....
. عاجل : اقول ليكم حاجة اعملوا ليكم (ملحق) للبطولة ...موش البطولة دي ما فيها لائحة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.