سودارس : اعضاء البرلمان –خلوا (حلايب) وقعدوا يتكلموا عن (صلاح الجزولي)

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اعضاء البرلمان –خلوا (حلايب) وقعدوا يتكلموا عن (صلاح الجزولي)

قوون نشر في قوون يوم 23 - 05 - 2014

صلاح ادريس سجل للاهلي شندي (احمد حسن) واعار له المريخ (السعودي) وزاحم الهلال في (اطهر الطاهر) – اقنعوني ان االحكاية دي كلها صدفة ساكت
""""""""""""""""""""
التسجيلاتديفاتحنهاعشانالهلال – عاوزينتجواتخطفوامنواطهرالطاهر
""""""""""""""""""""""""""""
زنزبار دي سمعنا فيها بالموز (البوليس) اول مرة نسمع بيه في بطولتكم دي يا مريخاب
""""""""""""""""""""""
انتوا(تسجيل)عبدهجابرمالوبقىزي(فتح)المدارس – كلمرةيقولواليك (أجلوها)
"""""""""""""""""""""""
· الساعات القديمة عندها (سحر) آخاذ.
· سحر آخاذ كيف يعني؟...دقيقتها بي ساعة وربع.
· ساعتها بي يوم إلا شوية؟.
· شوكتها (ثعبان).
· اها الليلة يوم شنو؟.
· الليلة يوم الطحنية وإلّا يوم (الفلسفة)؟.
· وإلا نخلطها ليكم مع بعض؟.
· موش مرات الواحد وقت الحكاية تغلبو وهو بصلح في الفطور ..بتاع المطعم بقول ليه : نعمل ليك فيه شنو؟.
· الزول بتلخم ويقول ليه : اعمل فيه اي حاجة.
· بتاع المطعم يلخبط ليك الدنيا كلها في (الصحن) دا.
· هسع انا عاوز اعمل ليكم نفس الحكاية ..ألخبط ليكم الطحنية مع الفلسفة..نشوفها بتعمل شنو؟.
· والله – ما بتعمل اي حاجة...غير (الرباط الصليبي).
· علاقة (الرباط الصليبي) بالفلسفة شنو؟.
· انا عارف – تراهم بقولوا كدا.
· بقولوا شنو؟.
· بقولوا ليك اللاعب من يقول عندي (رباط صليبي) اعرفو طوالي عاوز قروش.
· زمان كلتشي كان معذبنا بالرباط الصليبي.
· وهو ما عندو الحبة.
· تراوري ..من يمسك ليك (رباطو الصليبي) اعرف طوالي عاوز ليه (دولارات).
· سادومبا من يقول ليك (امي) عيانة – عاوز قروش.
· اها الشغل دا ما (فلسفة).
· انتوا قالوا ليكم (الفلسفة) دي شنو؟.
· فاكرنها الكلام الكبار المكتوب في الكتب.
· الفلسفة دي في الحاجات القلتها ليكم فوق.
· تلقاها عند ابسط الناس.
· يعني خلاصة اي تجربة ..وخبرة اي عمر ممكن تطلع منها ب (فلسفة).
· ان شاءالله (فلسفة) جبايات.
· هسع ناس المرور ديل وقت الهلال يكون غالب ما في زول بقطع ليه سواق ايصال مخالفة.
· لمن الهلال يغلب برامج تلفزيونا البايخة دي ..بتشوفها سمحة.
· لو قطعت ليك طماطم وبصلة ..تشوفها احلى وجبة.
· الحاجات دي كلها (فلسفة) يا جماعة.
· فلسفة الحياة.
· طيب يا ود الناس دي (الفلسفة) – وين (الطحنية) هنا.
· انتوا لو بتصبروا ..الحطنية بتجيكم بعد هدف صلاح الجزولي.
· بالمناسبة دي.
· هدف صلاح الجزولي دا لو كان في المريخ – كانوا قالوا (تسلل).
· بعملوها ديل.
· بعملوا ابوها ذاتها.
· اسهل حاجة عندهم (التسلل).
· ادخل ليكم على حتة تانية.
· حتة ما فيها اي (طحنية).
· معليش يا جماعة الايامات دي ايام (الطحنية).
· استحملونا شوية.
· اعضاء البرلمان ..لقوا ليك الهلال ماشي زي الطلقة (ما شاءالله) ..قالوا احسن (نجمّل) صورتنا شوية؟.
· اعضاء البرلمان ..خلوا (سكرهم).
· تركوا ازمة المواصلات.
· اتجاوزوا ارتفاع الدولار.
· قضايا البلد كلها تركوها ..وقبلوا ليك على الهلال.
· ما فاضل ليهم إلّا يقولوا ليك هدف بشه في المريخ (صحيح) ما تسلل.
· لا شكرا ..ما عاوزين منكم اي حاجة يا ناس البرلمان.
· لموا طحنيتكم عليكم.
· اي حاجة تقبلوا عليها (تنشفوها).
· جماعتكم خلوا استعدادات الولاية للخريف.
· ونسوا ليك (الحوار الوطني) ذاتو ...وفتحوا ليك في الهلال.
· خلوا الصادق المهدي وقعدوا يتكلموا ليك عن نزار حامد.
· نزار حامد خلوه – عندو ناسو.
· شوفوا (صادقكم) وين؟.
· ناس البرلمان (حلايب) ذاتها خلوها ..واتجهوا كليا للحديث عن صلاح الجزولي.
· الواحد وقت يكتب ليه عمود فيه (ارتفاع اسعار) يقولوا ليك انت مالك ومال (الاسعار)؟ – اتكلم بس عن هدف بشه.
· اشمعنا انتوا بتتكلموا عن (الهلال).
· صلاح الجزولي دا وزير الطاقة.
· مالكم ومالو؟.
· ناس البرلمان ...وقت الحكاية تغلبهم يقعدوا يتكلموا ليك عن الهلال ، عشان يصرفوا الانظار.
· انتوا لو عاوزين تتكلموا عن الرياضة ..شوفوا الحاصل شنو في المدينة الرياضية؟.
· شوفوا المنتخب الوطني.
· الهلال دا ما عاوز منكم حاجة.
· الهلال دا في الدوري الممتاز ...شباكه كانت لم تستقبل هدف واحد.
· هلال (يتلتل).
· ماشي صاح.
· ناس الولاية لمّوا فينا.
· عملوا ليهم برنامج (حكومي) للهلال.
· زيارة رئيس البرلمان.
· زيارة الوالي.
· مبعوث شنو كدا ما عارف؟.
· خطاب الوكيل.
· دي كلها في معسكر الهلال.
· عملوا لينا برامج كدا لا حصر لها ولا عدد – لمن الهلال جاء وخسر امام اهلي شندي.
· اتغلبنا في ملعبنا بسبب (خطبكم السياسية) دي.
· اصلا الهلال ما لاقى دعم من (الحكومة).
· يتموها ناس البرلمان لينا كلام كدا..لمن يفقرونا.
· ما شفنا منكم اي حاجة.
· هسع من كلامكم دا الله يستر على الهلال.
· اي حاجة تمسكوها تسقطوا حجرها.
· عليكم الله (هلالنا) دا ابعدوا لينا منو.
· ما تنجهونا.
· نحن ما ناقصين.
· كفاية كلام المريخاب الايامات دي عن الهلال خلوا (بلتهم وزومتهم) وقبلوا لينا على الهلال.
· خلاص انجهونا.
· انتوا تعالوا هنا صحي (سعيد السعودي) اعاروه الي الاهلي شندي.
· اعاروه الي (كنبة) الاهلي.
· من الكنبة للكنبة.
· بمناسبة من الكنبة للكنبة دي بكرة عندي مادة في (من الغلاف للغلاف) روجت ليها عن السعودي.
· اها هسع بعد (الاعارة) دي اعمل ليها شنو؟.
· اعير (المادة) برضو.
· وإلّا اعمل ليها (تحليل).
· صلاحادريسسجلللاهليشندي (احمدحسن) واعارلهالمريخ (السعودي) وزاحمالهلالفي (اطهر) – اقنعونياناالحكايةديكلهاصدفةساكت.
· يا ايمن كبوش ...عليك الله الموضوع بي شكلو دي ما بغيظ.
· الاهلي شندي دا صلّح علاقاتو عديل كدا مع المريخ.
· لدرجة ان كابتن فريق المريخ بيعيروه الي الاهلي شندي.
· في (ود) اكتر من كدا.
· في محبة يا ناس اعظم من المحبة دي.
· اهلي شندي مع الحاجات دي بقى يزاحمنا كمان في لاعبي (الرديف).
· اطهر الطاهر يطاردو فيه ناس المريخ والاهلي لمن تسجيله في الهلال اصبح يكلف بيت وعربية وقروش في البنك.
· شفتوا شغل (الدغالة) دي.
· الدغالة ظاهرة.
· اصلوا ما عاوزة ليها (غلاط).
· الهلال في مهمة وطنية ..وما فايق للحاجات الصغيرة دي ..وما عندو وقت في الاساس.
· وجمال الوالي وصلاح ادريس برفعوا في سعر اطهر الطاهر.
· يا جماعة نحن عندنا (مجموعات).
· مجموعات عديلة كدا.
· حكاية الدوري المحلي ..وسيكافا ..وشنو كدا حوض النيل ..ما عندنا ليها (وقت).
· ولا قاعدين نناقش فيها.
· الناس هسع في مباراة الزمالك ..وفي مرحلة المجموعات.
· انتوا في اطهر الطاهر.
· يا جماعة ..انتوا ما عارفين.
· التسجيلات دي فاتحنها عشان الهلال – عاوزين تجوا تخطفوا منو اطهر الطاهر.
· يا جماعة كدا ما صاح.
· انتوا البطولات الخارجية دي ...تاني إلّا الموسم القادم؟.
· هسع اقعدوا ساكت.
· ما تبقوا لينا زي ناس البرلمان.
· نحن نلقاها منكم وإلّا من البرلمان.
· انتوا يا ناس المريخ (الواتس آب) دا ما شغلكم شوية من الهلال؟ – ما شغلكم في رقبتكم؟.
· متلحننا (نقة) وملاحقننا في (اطهر الطاهر).
· ناس المريخ ذاتهم ببالغوا.
· اعاروا سعيد السعودي.
· وعاوزين يشطبوا موسى الزومة والطاهر سادومبا وبلة جابر واكرم الهادي سليم عشان يسجلوا (اطهر الطاهر).
· يا جماعة دا فهم شنو؟.
· ديل نقول ليهم شنو؟.
· غايتو الحاجة وقت تكون في الهلال لو كانت في (الرديف) بيبعوا القدامهم والوراهم.
· ديل خلوا (مقصورتهم).
· خلوا (نجيلتهم).
· خلوا (العجب) ذاتو ...وبقوا جاريين وراء (اطهر الطاهر).
· يا جماعة دي شفقة شنو؟.
· ناس المريخ خلوهم.
· ناس الاهلي شندي ديل كمان فوق كم؟.
· الظاهر الجماعة ديل بشوفوا الهلال في المجموعات تقوم تمسكهم ليك ام هلة هلة.
· عاوزين يشوفوا السر وين؟.
· اصابتهم حالة من (الهلع).
· بقت اي حاجة بتجي من الهلال عندهم اقصى الطموح.
· اقصى الامال.
· منتهى الاحلام.
· ملحوظة : غايتو سعيد السعودي ارتاح في عضمو من (التمهيدي).
هوامش
· ناس المريخ ..عاوزين يقلدوا الهلال حتى في التسجيلات.
· من المنتظر ان يكون استقبلالمريخفجراليومالمهاجمالبوركينيالماليكوتراوري،تمهيدالاشراكهفيبطولةسيكافا،ويصلالخرطومالاثنينالمقبلالكاميرونيساجوهامانايضا من اجل بطولة سيكافا.
· انتوا بتلعبوا على منو؟.
· سيكافا دي لا عاوزة محترفين ولا حاجة.
· ولا في داعي انكم تشركوا فيها لاعبين لم يسجلوا حتى الان.
· الهلال مجبور على ذلك في مرحلة المجموعات باعتبارها بطولة رسمية ومهمة.
· انتوا الجابركم على التسجيلات من اجل سيكافا شنو؟.
· الهلال نفسه لن يشرك لاعب جديد في المرحلة الاولى من المجموعات.
· انتوا على شنو يا ناس سيكافا.
· سيكافا دي لو شاركتوا فيها بي ناس مزمل ابوالقاسم ومعاوية الجاك ما بتجكيم عوجة.
· كل الحكاية ان الهلال بقول عاوز يسجل من اجل اشراكهم في مرحلة المجموعات ..ناس المريخ بقوا يقولوا نفس الشيء.
· بسجلوا عشان سيكافا.
· يا جماعة الله سيكافا دي ما عاوزة التعب دا ..ما تقعدوا (تقلدوا) في الهلال ساكت ..في البتسوى والما بتسوى.
· انتوا عبده جابر دا تسجيلو مالو بقى زي فتح المدارس – كل مرة يقولوا ليك (أجلوها).
· سجلوا ساكت يا جماعة.
· ما في زول بسألكم.
· بعدين نحن الايامات دي ذاتها ما فاضيين ليكم.
· عندنا مجموعات.
· انتوا فاكرين المجموعات دي (سيكافا).
· المجموعات دي حاجة كبيرة شديد.
· ما تقعدوا تتلفتوا لينا متل (الخبر البشيلوه في التصميم).
· اول الخبر البشيلوه في التصميم بعمل كدا.
· في البلد دي اي حاجة جايزة.
· الملكيةجوباوفكتوريااليوغندياليوم عصرا في (سيكافا).
· هسع ديل يقولوا عليهم شنو؟.
· الناس الفرحانة دي.
· المريخ سوف يلعب مساء امام البوليس الزنزباري.
· نوع ديل في (جغرافية) سنة تلاتة ما لاقونا.
· ولا شفناهم.
· انتوا بتيجبوا الاسماء دا من وين.
· زنزبار دي بنعرف فيها (الموز) – لكن البوليس دا اول مرة نسمع بيه عندكم.
· عليكم الله البطولة دي ألعبوها (سرا).
· اوعكم تجيبوها لينا في التلفزيون.
· نحن ما ناقصين.
· بعدين بكرة في مباريات كبيرة الهلال والزمالك والريال واتلتيكو.
· تقولوا لي المريخ والبوليس الزنزباري.
· دي نحن في (النجارة) ما عندكم.
· المريخاب ديل ليهم حقوا يشكوا من وجع الضهر.
· ويشكوا من الطشاش.
· ويشكوا من الضغط.
· سيكافا دي بتعمل اكتر من كدا.
· هسع (تلغوسوا) لينا عيونا بي مبارياتكم دي.
· ونحن بكرة عندنا مباراة.
· الواحد ذاتو فتر من (الشوف).
· .....
· عاجل : بطولتكم دي يا ناس المريخ زي الكسرة بالموية ما بتغلط ليها على زول.

انقر هنا لقراءة الخبر من مصدره.