سودارس : كل (ضرس) بي قون

الجمعية العمومية تجيز تكوين اللجان العدلية برفاعة مان سيتي يقصي ليفربول يفتتح اكاديمية اساطير المستقبل بكندا المهندس.. فكرة الاكاديمية لتطويرة الكرة السودانية ودعم المنتخبات المدير العام لقوات الشرطة يتفقد مكان حادثة الإنفجار ببرى ويطمئن مواطنى المنطقة وزير الداخلية يبحث مع نظيره المصري تعزيز التعاون الأمني وتبادل الخبرات طريقة عمل السجق البلدي بدبس الرمان.. بنكهة مختلفة ومميزة ذكرى ميلاد هيثم أحمد زكي.. واجه الأضواء مبكرا بسبب والده ورحل في صمت مؤلم ماذا يعنى ترويج ترامب لعلم أمريكى ب56 ولاية؟.. نيوزويك: طموحات توسعية شاهد بالصورة والفيديو.. شبيه "حميدتي" يحيي حفل زواج عروس سودانية وعريس مصري بالقاهرة حاتم صلاح يستقبل عزاء والده اليوم من مسجد الرحمن الرحيم الاتحاد الرواندي يساند الهلال السوداني أمام الكاف وسط صمت محلي برشلونة بالقوة الضاربة لمواجهة أتلتيكو مدريد فى قمة الدوري الإسبانى ضبط شبكة إجرامية خطيرة في الخرطوم يارا السكري تشارك متابعيها بصورة أثناء أداء مناسك العمرة برومو فيلم أسد يكشف قصة حب أسطورية تتحول إلى حرب لا رجعة فيها شاهد بالصورة والفيديو.. شبيه "حميدتي" يحيي حفل زواج عروس سودانية وعريس مصري بالقاهرة أطعمة ترفع رائحتها مستوى الطاقة واليقظة لديك دون الحاجة لتناولها فيروس من الجمبري قد يصيب العين.. اعرف تفاصيله وعلاقته بارتفاع ضغط العين مشاورات بين السودان وإثيوبيا بشأن استئناف الطيران شاهد بالفيديو.. من هو مجاهد سهل رئيس نادي المريخ؟ تعرف على مجال عمله والشركات التي يديرها!! شاهد بالفيديو.. الفنانة حرم النور تغني للكويت بعد قرارها بإستقطاب معلمين سودانيين: (أرفع رأسك يا سوداني الكويت بلدنا التاني) شاهد بالصورة والفيديو.. شاب "سوداني" يتزوج من حسناء "تونسية" ويغازلها أمام الحاضرين: (في قلبي وفي رأسي) قوات الدفاع المدني تنفذ حملة واسعة النطاق لمكافحة نواقل الأمراض وإصحاح البيئة بمحلية جبل أولياء وزارة الداخلية توضّح بشأن دوي انفجار هزّ منطقة شرق الخرطوم شاهد بالفيديو.. الفنانة إنصاف مدني تفاجئ الجميع وتقتحم بث مباشر لزميلتها ميادة قمر الدين: (أنا مفلسة أعملوا لي مبادرة) تطوّرات في ملف شكوى الهلال ونهضة بركان بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم ماذا يحدث لجسمك عند التوقف عن تناول منتجات الدقيق الأبيض لمدة أسبوعين؟ بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" اللجنة الإقتصادية العليا تصدر عدداً من القرارات المهمة لتحقيق استقرار سعر الصرف سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كل (ضرس) بي قون

محمد عبد الماجد نشر في النيلين يوم 17 - 08 - 2014

شعرت ليك الليل القالو بشار بن برد دا يرخى سدوله علي بالجد كدا..(كنت فاكر بشار بنظر ساكت)
"""""""""""""""""""""""""""""
كنت فاكر المشكلة في الخريف والسيول والامطار والفيضانات – المشكلة طلعت في ضروسي دي
"""""""""""""""""""""""""""""""
ناس الهلال عاوزين ليهم (طبيب اسنان) عشان في ضروس ح يقعلوها (سيرجيو) - وضروس ح يحشوها (وليد علاءالدين) - وضروس ح يعملوا ليها اماتة جذور (بويا)
"""""""""""""""""""""""""""""""
قرار اقالة كامبوس يدفع في ثمنه الهلال الان
""""""""""""""""""""""
. لا اريد ان ازحم القاريء الكريم ب (اضراسي) واوجاعها– غير اني غصبا عني اجد ان هزيمة الهلال من مازمبي قد اختلطت باضراسي ، فاختلط الوجع بالوجع تقربا للحالة العربية الشهيرة (احبها وتحبني ويحب ناقتها بعيري).
. اي حاجة عرفناها – كمان (حب البعير) شنو؟.
. لم اعد افرق بين وجع الضرس ووجع الهزيمة لتأتي الاشياء هكذا متداخلة - متل (قفص الجداد) البكون فاتح ليه في (مزيرة).
. ما عارف الفلسفة في دي شنو؟.
. لكن الحكاية دي قابلتني كتير.
. في فلسفات سودانية كدا ما عندها اي سند منطقي او معول اخلاقي.
. ما علينا.
. كنت قد كتبت من قبل عن (وجع ضرس) واحد - قبل ان اكتشف ان (الوجع) متمدد في ثلاثة ضروس (زي تلاتة مازمبي).
. كل قون بي ضرس.
. الله شافني من خمسة مازمبي وإلا كان الوجع قد بلغ (5) ضروس...يعني خشمي كان سوف يصبح مستنقع (اوجاع).
. كتبت عن (وجع الضرس) فقابلني الحبيب مدير التحرير عمر بشاشة وقال انه عندما قرأ ما كتبت عن وجع الضرس – شعر ان الوجع يبلغ (ضرسه) ، فقد تململ بشاشة معي ، فشعرت اني نجحت في ان انقل (الوجع) للناس.
. يعني عاوزني اساهر براي كدا – وامشي واجي من غير ان تشاركوني هذا الوجع.
. نسأل الله اللا يريكم وجع في ضروسكم.
. اللهم احفظ للامة الاسلامية ضروسة – وألهب ضروس اليهود.
. اللهم ما تخلي ليهم (ضرس) في خشمهم.
. عدمهم (الضرس).
. اللهم سهرهم...وما تنومهم الليل.
. اما انا بستعمل مبدأ (الجعلوية) مع (وجع الضرس) وبعمل فيها ما شاعر وبحاول اتجاهل الوجع قدر المستطاع – لذا الضرس عندي لو ما وصل الحالة (ج) وقنعت من خير فيه – وبقى يتحتحت قدامي عصبة – عصبة ، وسرحة – سرحة ما بمشي بيه على الدكتور.
. لذلك اكتشفت اخيرا ان هناك احتلال (سوسي) بغيض احتل خشمي وسيطرة سيطرة تامة على (3) ضروس دفعة واحدة اضحى لا مرتجى منها ولا امل.
. خشمي بقى زي الحوش الما فيه باب – عدمان نفاخ الضرس.
. بعد سهرات متواصلة مع (وجع الضرس) وبعد ان فشلت كل المسكنات في اسكات الوجع قلت امشى الدكتور اشوف الحاصل شنو؟.
. الحكاية طولت.
. وقبل ذلك كنت قد جربت اي (مسكن)..حتى (حقن الالم) جربتها ..والقرنفل والبندول المسحون ، والما مسحون– لم استعفف إلا من (التمباك) – لأن وجع الضرس عندي احسن الف مرة من (التمباك).
. بعد عدة محاولات ومسكنات – قلت اشيل ضروسي وامشي على طبيب الاسنان – يمكن يلقى لي حل..فقد فشلت كل حلولي.
. الدكتور اولا تفاجأ من حالة (التسوس) التى تضرب فاهي – وقال لي مستعجبا انت (ضروسك) ديل كانوا بحفروا في ترعتي كنانة والرهد.
. حفروا بيهم قناة السويس – (ما عرفت امشي وين؟).
. ضروسك دي منتهية خالص.
. بلعت كلام الدكتور زي (الحرجل)– وحاولت اعمل فيها ما سمعت حاجة– حاولت اتماسك..(كمان نحن فاضيين للضروس)..بنخليها ترتع كدا في الوجع لمن هردلب تجي واقعة براها.
. ضروس شنو؟ - نحن ما عندنا زول بيشتغل ليه بي (ضرس).
. الواحد فينا بموت بالوجع لمن يصر وشيه في قبضة ايدو.
. تكفكف الدكتور – وتحزم ..ومشى ورا وجاء راجع ..(قلت يا ربي الزول دا عاوز يركب ليه ستائر – وإلّا عاوز يدور ليه بابور كهربة).
. ثم تحفحف وتعزّم وبدأ ينقر في الاضراس – كأنه بفتش ليه في دهب في صحاري قبقبة.
. اشتغل حفر عديل كدا – عمل ليه (ورشة) في خمشي...اول مرة اعرف ان طبيب الاسنان بيستعين بالنار وبيسخن ليه (مرواد) وبلحم بيه في الضرس.
. عالم غريب – عالم الاضراس دا ..(الله لا وراكم ليه).
. وانا قاعد – اتجاهل احساسي ، واطارش فيه– اتجاهل شعوري وبعمل فيها ما عارف (موش مرات الواحد بعمل فيها غتيّت حتى على نفسو).
. انا اتغاتت على نفسي – وقلت الواحد يكمل مشروع جعلويتي دا – يعني معقولة انت مساهر تلاتة ليالي بطولها وعرضها عاوز تجرس الان.
. يا زول اثبت..(الضرس ما ح يبقى ليك اسخن من الخسارة من مازمبي).
. يلا – ألعن ابوه وجع.
. استعان الدكتور ب (قاموس) اظن ان صفحاته فوق ال (3) الف صفحة ثم بدأ يراجع في منهج (السوس).
. كان الطبيب يجر نفس عميق كلما قرأ سطرا – ويأتي ليقارن بين ما يقرأ وما يرى في ضروسي.
. نقر على احد الضروس – شعرت ان (الوجع) يتحرك على وجهى كله.
. دا جحافل وجع عديل كدا.
. تذكرت بشار بن برد حينما قال (وليل كموج البحر ارخى سدوله – على بانواع الهموم ليبتلي).
. شعرت ليك الليل القالو بشار بن برد دا يرخى سدوله علي بالجد كدا..(كنت فاكر بشار بنظر ساكت).
. اتاريهو كلامو طلع جد.
. الدكتور قال لي الضرس دا ح نقلعو ..(دا انت كنت شغال بيه كيف؟).
. قلت ليه يا دكتور احسن (تحشيّه).
. الدكتور قال لي ح نحشى التاني.
. راسي اتفتح على اتنين– هو في تاني؟؟...(طبعا الوقت داك كنت بظن ان هذا الوجع من ضرس واحد).
. الحكاية ما كنت فاكرها ممتدة كدا.
. قلت للدكتور التاني دا احسن تعمل ليه اماتة جذور.
. الدكتور تاني قام فاجأني وقال لي اماتة الجذور ح نعملها للتالت.
. الله في تالت كمان؟.
. انت يا دكتور عاوز تنزل معاش في ضروسي دي.
. عاوز تغنى مني.
. المفاجأة كانت كبيرة بالنسبة لي– تلاتة ضروس مرة واحدة – (دي الحكاية كبرت اوى).
. كنت فاكر المشكلة في الخريف والسيول والامطار والفيضانات – المشكلة طلعت في ضروسي دي.
. انا طلعت قاعد اتفاصح ساكت.
. الدكتور شعر اني احبطت شوية ..وبدأ يخفف من هول المفاجأة...وقال لي (ضرس العقل) دا لازم يتقلع منتهى خالص.
. (الحكاية وصلت العقل؟).
. الدكتور واصل في كلامه وقال (التاني) ح نحشيّه ليك.
. قلت ليه التاني وينو؟.
. قال لي التاني المطرف يمين دا؟.
. ما عارف ليه شعرت بي مازمبي وقتها.
. قلت ليه يا دكتور المطرف يمين زي (خليفة) دا احسن تشطبو عديل – اقصد احسن تقلعو– والله انا (الحشوات) دي ما قاعد اثق فيها.
. ثم قلت للدكتور والتالت مالو؟.
. الدكتور قال لي التالت دا يلعب مية سنة ما بجيب قون...(معتت عديل كدا).
. اقصد دا ما بتقدر تأكل بيه حاجة (قلت ليكم الحاجات اتلخبطت عليّ).
. لا عرفت المشكلة من الضرس لا عرفتها من مازمبي؟.
. بقيت زي الزول البدخل ليه حتة وما يعرف الباب من وين؟.
. ما يعرف يطلع بي وين؟.
. قلت للدكتور التالت الزي (سيرجيو) دا اعمل ليه (اماتة جذور) عشان ما منطقى تشطب لي (9) ضروس من ضروسي – امشى ليكم بدون ضرس انا.
. اقصد ما معقول اقلع لي (9) ضروس.
. العضم خليه.
. ناس الهلال ذاتهم محتاجين ليهم لي (طبيب اسنان)..عشان في ضروس ح يقلعوه عديل كدا (شطب يعني) ديل ناس سيرجيو.
. وفي ضروس ح يحشوها ديل ناس (وليد علاءالدين) وفي ضروس ح يعملوا ليها (اماتة جذور) ديل ناس مساوي وعبداللطيب بويا والمعز وكاريكا.
. شفتوا كيف؟.
. ما قلت ليكم في علاقة كبيرة بين وجع الضرس وبين هزيمة مازمبي.
. الغريب في الامر ان الدكاترة بتاعين الاسنان ديل كل ما تمشي ليك لي واحد يطلع ليك بي (تشكيلة) براهو.
. عشان كدا استقرار طبيب الاسنان وتوحدو احسن للزول – ما تبقوا زي ناس الهلال كل مباراة بقوا يدخلوا لينا بي جهاز فني جديد.
. الجماعة ديل بدل ما يقعلوا الضرس المسوس بقلعو الطبيب.
. دا فهم شنو؟.
. شالوا صلاح محمد آدم جابو النابي – شالوا النابي جابو كامبوس.
. شالوا كامبوس جابوا التاج محجوب.
. شالوا التاج محجوب جابوا مبارك سليمان.
. وشوية كدا ح يشيلوا مبارك سيلمان ويجيبوا مدير فني اجنبي.
. تقول قاعدين ليهم في كافتريا.
. والله يا الكاردينال بقيت زي كمال ترباس كل حفلة بي جلابية وعمة وعباية جديدة.
. يا اخوى اثبت.
. شغلك دا لا بنفع معانا ولا حاجة.
. ...
. ملحوظة : يمين سيحة يلم في ضروسي دي يطلعها كلها (متسللة).
هوامش
. هلال كادوقلي اوشك على اعادة تجربته الموسم الماضي.
. وتاني كانوا عاوزين يقوموا علينا (الضرس).
. بالطريقة دي لمن الموسم ينتهى (ضرس) واحد ما بكون عندنا.
. الكاردينال عليه اعادة حساباته.
. واضح ان كل الاشياء ليس في صالحه.
. خروج من مرحلة المجموعات.
. تراجع على المستوى المحلي.
. وتصريحات وتلميحات لم يسلم منها حتى كابتن الفريق.
. مع قرارات غير مدروسة.
. اذا فكر مجلس الكاردينال في (الشطب) منذ الان سوف يفقد كل البطولات.
. عليك ان تشحنوا همم اللاعبين الحاليين.
. غير منطقي ولا مقبول من مجلس الكاردينال ان يعلن عن لجنة للتسجيلات منذ الان.
. وان يعلن عن ذلك في الصحف.
. كان الاجدى ان تكون هذه اللجنة سرية بدلا من اثارة الرعب في نفوس لاعبي الهلال.
. سوف يفقد الكاردينال الكثير اذا فكر بهذه الصورة المتعجلة.
. معظم قرارات مجلس الهلال الاخيرة قرارات غير جيدة وينقصها العمق والدراسة.
. اقالة كامبوس قرار من مجلس الكاردينال ..القرار لم يصدره صلاح ادريس.
. لذلك فان التنكر من القرار بهذه الصورة ..امر مخجل.
. كذلك لا جدال حول عدم صواب قرار اقالة كامبوس في هذا التوقيت.
. ومثلما كانت اقالة النابي خطأ – اقالة كامبوس ايضا خطأ.
. حتى لو تأهل الهلال لدور الاربعة وفاز بالبطولة – هذا لا ينفى كارثية اقالة كامبوس.
. ....
. عاجل : الله يستر بس.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.