محمد عبدالقادر يكتب: شهادة البوشي.. و"فضيحة صمود "    السودان.. وفاة لاعب كرة قدم    قرارات لجنة المسابقات باتحاد الكرة الدامر    من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق    سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل    وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    البرهان يلتقي سفير دولة الكويت لدى السودان    أول إصابة بشرية بإنفلونزا الطيور H9N2 في أوروبا.. هل نبدأ القلق؟    ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل    استهداف منزل يضم قيادات تحالف تأسيس بينهم التعايشي في غارة مسيّرة بنيالا    بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية)    مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم)    فرض غرامة على شركة تابعة لأبل لانتهاكها قواعد العقوبات المفروضة على روسيا    مواعيد مباريات الجولة الثانية بمجموعة الهبوط بالدوري    منتخب غانا محطة رينارد القادمة بعد الرحيل عن تدريب السعودية    معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!!    عيد ميلاد جومانا مراد.. مسيرة نجاح من دمشق إلى القاهرة    ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة    ألم العين.. أسباب شائعة وأعراض تستدعى استشارة الطبيب    سيلينا جوميز تكشف رحلتها الصعبة لتشخيص اضطراب ثنائي القطب    إزاى تحمى نفسك من نزلات البرد فى الجو الممطر؟    "جهلة وعنصريون".. يامال ينفجر غضبًا بعد الهتافات الإسبانية ضد المسلمين    أمجد فريد: اعترافات داعمي مليشيا الدعم السريع فضحتهم وشراكتهم في الجرائم    السودان.. زيادة مخيفة للإصابة بالضنك في 7 ولايات    كيكل يعلّق على تحرّكات الميليشيا    السودان.. وزير يشرع في تكوين قوّة عسكرية ضاربة..ماذا هناك؟    شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو    ارتفاع وارد واسعار الذرة والسمسم بسوق القضارف    شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة    شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي)    بالصورة.. البرنس هيثم مصطفى وزيراً للرياضة في السودان    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    ارتفاع جديد في أسعار الوقود بالخرطوم    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الهلال لو انسحب (جوز الحمام) ذاتو ح يبقى (ود ابرق)
محمد عبد الماجد نشر في النيلين يوم 25 - 03 - 2015

• لوح مجلس الهلال واعلن في (بيان رسمي) صدر من مجلس الهلال (انسحابه) من الدوري الممتاز ما لم يلتزم الاتحاد العام بتطبيق القانون واللوائح على وقائع اثبتت ان الاتحاد العام السوداني لكورة القدم يديرالكورة في البلد دي على طريقة سبعة انفار مشوا البحر …تلاتة طلعوا واربعة غرقوا.
• الاتحاد العام في الاربعة الغرقوا.
• نحن ما عاوزين نسبق الحوادث ..ولكن عشان ناس الاتحاد العام يفتحوا عينهم (قدر الريال) وعشان (السلطة) ذاتها تكون عارفة وفاهمة …تعالوا نشوف البيحصل شنو في حالة انسحاب الهلال من بطولة الدوري الممتاز؟.
• واوعكم!!.
• ما تقعدوا بعدين تتجرسوا لينا ساكت.
• الجماعة ديل (كوبري المنشية) وقّف حالهم ..انسحاب الهلال ح يكون معاهم كيف؟.
• كوبري المنشية مرقتكم (الجقور)..انسحاب الهلال البمرقكم منو شنو؟.
• عيونكم عاملة زي (شوالات التبن) وقت يكون ما فيها تبن.
• او زي (حلة القرع) البتكون فاكرها (لحمة رأس).
• ما تعترضوا (وجه الشبه) انا ما عندي ضروري..(عمودي وانا حر فيه – اشبه فيه زي ما عاوز).
• ان شاءالله اقول عايّنوا (العربية) ديك – عاملة زي الدمعة البدون لحم.
• وعلى قول منشد الطنبور صديق احمد (الدمعة لو بتعاين) ما كان تميتوها بالسلطة.
• عاوزين نشوف (الانسحاب) من كل الجوانب ..جيبوا ليكم (ورقة وقلم) عشان بعدين لو كلامي دا ما حصل في حالة انسحاب الهلال تقولوا الزول دا كان بتكلم برة راسو.
• اول حاجة تعالوا شوفوا خسائر الاتحاد العام نفسو والكورة السودانية بصورة عامة.
• ناس معتصم جعفر ممكن يخربوها ويقعدوا فوق تلها..ولا عليهم ..(دمهم بارد زي لوائحهم).
• هم لو عندهم لوائح بوقفوا بكري المدينة وبرجعوا يرفعوا الايقاف تاني يوم.
• انسحاب الهلال يعني تجميد مشاركته الافريقية وهو امر لم يفت على مجلس الهلال باعتبار ان الفريق اصلاً مجمداً لنشاطه.
• قول الهلال طلعوه من البطولة الافريقية …(خلاص يعني عاوزين نموت) كتير قاعدين نطلع البحصل شنو يعني؟.
• الكلام الاتحاد العام ..لأن خروج الهلال من البطولة الافريقية او تجميد نشاطه سوف يتضرر منه الاتحاد نفسه.
• ناس الاتحاد ديل عندما يصل الهلال لمرحلة المجموعات ..بيكمشوا ليهم (كمشة) كدا ..وبيستلم الاتحاد العام نصيبه من (دولارات) حافز التأهل لمرحلة المجموعات من الاتحاد الافريقي.
• يقبضوا في دولارات الهلال ..ويحفروا ليه في الممتاز.
• طلّعوا الهلال ..تاني يا معتصم ..(الدولارات) دي ما بتدخل خزينة الاتحاد لو كتبوها ليكم دواء.
• العاوز يجيب ليكم (دولارات) غير الهلال منو يعني؟.
• المريخ ..وإلّا اهلي شندي؟.
• الامر الثاني والذي سوف تتضرر منه الكورة السودانية والاتحاد العام هو حصة السودان في التمثيل في بطولات الاتحاد الافريقي.
• بفضل مشاركات الهلال وتقدمه في البطولات الافريقية منح السودان اربع مقاعد في البطولات الافريقية – مقعدين في بطولة الاندية الافريقية ومقعدين في بطولة الكونفدرالية.
• لو الهلال انسحب ح تشاركوا بمقعدين فقط ..مقعد في بطولة الاندية الافريقية للابطال ومقعد في بطولة الكونفدرالية.
• يعني يا معتصم ..تاني إلّا تتموها (سيكافا).
• انتوا ذاتو تشبهوا (سيكافا) بطولة الاندية الافريقية للابطال كتيرة عليكم.
• ايضاً تتضرر الكورة السودانية من انسحاب الهلال وسوف ينعكس بشكل مباشر على المنتخبات السودانية.
• كفى ان نشير الى ان المنتخب الاولمبي يعتمد اعتماداً كلياً على لاعبي الهلال وليد علاءالدين ومحمد عبدالرحمن واطهر الطاهر ومعتصم وبشه الصغير والصيني.
• اقوانكم بجيبها منو غير بشه الصغير واطهر الطاهر.
• طبعاً الهلال لو انسحب سوف ينسحب معه (الرديف)..وما بعيد ناس هلال الابيض وهلال كادوقلي وهلال الفاشر والامل عطبرة والرابطة كوستي والميرغني والاهلي مدني هم ايضاً ح ينسحبوا.
• بدون (الهلال) بطولة الممتاز شن طعمها؟.
• اما ضرر المنتخب القومي الاول فحدث ولا حرج لأن اكثر من تمانية لاعبين من التشكيلة الاساسية للمنتخب من الهلال.
• لو انسحب الهلال يا مجدي (منتخبكم) الاول دا إلّا يلعبها (ضمنة).
• او تتموا تشكيلته من (الميناء البري).
• كذلك سوف ينعكس انسحاب الهلال على كل الصحف بما في ذلك صحف المريخ..وسوف يتضرر (اقتصاد) النشر والمطابع والتوزيع والمكاتب بشكل كبير.
• يعني لو انسحب الهلال من الممتاز ..ناس (سلك) ديل إلّا يرجعوا لفرقة (الجو الرطب) من جديد.
• ومزمل ابوالقاسم تاني (كبد الحقيقة) إلّا يكتبها عن محمد النصري.
• أما مأمون ابوشيبة فسوف يتفرغ للأرشيف يكتب عن الكورة السودانية قبل انسحاب الهلال.
• اصلو الكورة ح تقيف في البلد دي لو انسحب الهلال ..كورة شنو البدون الهلال؟.
• وناس (الرعاية) بقولوا ما برعوا ليهم (جنازة بحر).
• رعاية شنو كمان؟.
• وناس التلفزة بشيلوا كاميراتهم ويتخارجوا ..(الاذاعة) براها كتيرة على الدوري الممتاز بدون الهلال.
• يعني (الفقر) ح يضرب ليك الاتحاد العام ..وناس مجدي واسامة ومعتصم …حق (موية الصحة) في اجتماعات لجانهم (الفشنك) ما بتطلع ليهم من دخل المباريات.
• هي البلد دي كورتها شنو غير (الهلال) ؟.
• الجزء الاول دا ..هو انعكاس انسحاب الهلال على (الكورة السودانية) في الجزء التاني سوف احدثكم عن الانعكاسات التانية.
• الانعكاسات الخطيرة البتحدث في البلد لو انسحب الهلال.
• جيبوا ليكم ورقة وقلم ..عشان نوريكم البيحصل شنو لو انسحب الهلال؟.
• اول حاجة الموية قاطعها مالها؟.. ليها خمسة ايام من الجريف غرب ومن المعمورة ومناطق اخرى في ولاية الخرطوم قاطعة.
• انتوا عاوزين تتطعموها…قاطعنها مالكم؟.
• الهلال ينسحب وكمان نموت ليكم بالعطش.
• شوفوا نحن موضوع (العطش) دا بدون هلال ولا بنجامل فيه.
• ولا بنلعب.
• هسع حملاتكم الانتخابية دي لو وزعتوا فيها معاكم (موية) للناس ما كان احسن من الكلام البتقولوا فيه دا.
• معقولة مناطق في قلب العاصمة القومية قاطعة ..والنيل جاري في الولاية من كل اتجاه والناس عطشانة.
• ويقولوا ليك ح نوصل الموية بورتسودان …الموية تصل بورتسودان كيف وناس حي المقرن (عطشانين)؟.
• إلّا تصل (موية صحة) او مياه معدنية.
• بعدين لو الهلال انسحب ما بتكون قدامنا (شغلة)..ح نرجع تاني نشوف موضوع (كوبري المنشية).
• تاني بنفتح ملف الوالي.
• ومكاتب الوالي.
• ملف والي الخرطوم ما والي المريخ..(نحن ذاتو جمال الوالي دا ما بنعدوا من الولاة).
• الانتخبو منو؟…السبعة اعضاء الذين حضروا في جمعية المريخ العمومية.
• جمعيتهم فيها سبعة اعضاء وبتفاصحوا.
• انتوا عاوزين تفحصوا ملاريا.
• جمعيتهم فيها سبعة اعضاء وبتكلموا عن تقرير بكري المدينة.
• جابتكم سماية.
• جمعيتهم فيها سبعة اعضاء وبتكلموا عن الوطنية.
• حليل الوطنية.
• كدا كملوا جمعيتكم اول.
• والهلال لو انسحب ..الناس ح تقعد تتفكر في موضوع (ازمة الغاز).
• معقولة بس ..حكومة كاملة فيها مليون وزير ومليون مساعد رئيس ومليون نائب ومليون مستشار ومليون والي ومليون نائب والي ومليون سيارة حكومية ..وما قادرين تحلوا ازمة الغاز.
• نحن الموضوع دا بدون (هلال) لا بنخليه ولا حاجة ..ولا في زول بيصبر للحاجات دي.
• الحكاية ماشه بالهلال.
• الهلال ينتصر ..الناس تقعد تفرح وتضحك وتمشي تجيب (الكهربة) الغالية دي بي فاتورة مويتها.
• هي عليكم الله وينها (الموية) ؟ عشان ندفع رسومها مع الكهرباء.
• يشيلوا منك رسوم الموية – بدون موية.
• رسوم النفايات بدون عربية نفايات.
• الهلال لو انسحب ..الدولار ذاتو بيطير.
• يطير اكتر من كدا يمشي وين؟.
• يمشي السماء ..ما في حاجة بتقعد لو انسحب الهلال وجمد نشاطه الرياضي.
• صابرين على الموية المافي.
• وصابرين على كوبري المنشية المقفول.
• وصابرين على المدرسة الوهمية.
• وصابرين على (علي كبك).
• وصابرين على ازمة الغاز.
• وصابرين لمن بقت اغنية عند مصطفى سيد احمد..وسوق في الثورة.
• كمان عاوزين يجمدوا نشاط الهلال.
• البغني لي وردي منو …(بشوف في شخصك احلامي).
• البغني لي عثمان حسين منو …(كنت فاكر القى قربك الحنان تغمرني بيه).
• والبشيل منو استنكار الطيب عبدالله وقت يقول : (كيف هان عليك يا حبيب تسلاني).
• ومنو البمرق مع عبدالكريم الكابلي في (حبك للناس خلاني احبك تاني).
• وابراهيم عوض (لو بعدي بيرضيه وعذابي بهنيه اصبر خليه الايام ح توريه).
• البعمل الحاجات دي منو لو الهلال انسحب.
• كفاية انو (السكر) طلع من (التموين) وظهر لينا في (الدم).
• كمان عاوزين تشيلوه من الهلال.
• شن طعمها بدون الهلال؟.
• شفتوا تاني (البصل) دا ..فيه حاجة.
• ابداً.
• البصل دا لو زاد قرش …نحن ما بنفوت الموضوع دا.
• يا زول بدون الهلال الناس ح تكون فاضية ..وما عندها شغلة وما عندها موضوع.
• يجوك ناس النفايات ..يقولوا ليك ادفع رسوم النفايات ..بتقول ليهم ما بدفع.
• نحن ندفع رسوم النفايات على شنو؟.
• عربية النفايات بتجينا زي (صينية الخبيز) من العيد للعيد.
• وقروش الكهربة.
• ما بندفعها.
• وقروش المدرسة.
• قروش المواصلات ذاتها ما بندفعها بدون الهلال.
• انتوا قايلين البلد دي ماشه بي سياسة ..البلد دي ماشه بالهلال.
• احسن الامور تبقى ليكم واضحة.
• الرغيف دا ليه بقى صغار كدا..بالله (الرغيفة) بقت زي التاء المربوطة.
• الله يسألني زمان عشرة طلاب من (فتوات) الفصل بيقرضوا اليوم كلو في (رغيفة) واحدة.
• هسه لو فتحت باب (قريّض) العيش ..إلّا تكون ساكن ليك جوار فرن ..وبتاع الفرن بيسلفك لي آخر الشهر.
• الحاجات دي بدون الهلال ما بتبقى.
• (اغاني واغاني) بتاع النيل الازرق موش سمح.
• اغاني اغاني لو انسحب الهلال عندنا فيه رأي.
• وأي واحد لمن يمشي للجزارة بقول للجزار كيلو اللحمة بي كم؟.
• لو قال ليه ب (80) جنيه ..بقول ليه : ليه انت لحمتك دي ضابحها في استراليا.
• بالله شوف ديل.
• هو كيلو اللحمة ب (80) جنيه ..الهلال كان شاغلني من المواضيع دي كلها.
• وكيلو الطماطم كلو يوم بي سعر..تقول (دولار).
• ربع البصل ح يبقى ب (290) جنيه.
• ورطل السكر ب (150) جنيه ..معليش انا الى الان شغال بالرطل ..كيلو الجماعة ديل ما عاجبني.
• جوز الحمام ذاتو ح يبقى (ود ابرق)…فردة واحدة كمان.
• قال ح نعاقب الهلال وننزلوا درجة تانية.
• تنزلوا (النيل) الجاري قدامكم دا ..ما بتنزلوا الهلال.
• انتوا ما عارفين الهلال دا هلال الوطنية.
• هلال الخريجين.
• وصاحب المقام الرفيع كما يقول الراحل عبدالمولي الصديق.
• انتوا ما جايبين خبر.
• باصات الوالي دي ذاتها بتعمل شنو؟.
• من سبعة بيلموها ..باصات هي والا شاي بي لبن؟.
• ………….
و
• عاوزين نعرف منافسات دوري الرديف لغوها مالها؟.
• تقرير صديق الطريفي خلوه.
• كمان يا جمال الوالي بقيت في منافسات الرديف تتدخلوا.
• الشرطة طلعوها ليكم.
• الحكام ..حددوهم بالاسم.
• كمان منافسات الرديف عندكم فيها رأي.
• ………..
• السيدة (ل) ..كل واحد مشى فينا في طريق مختلف ..ما عارفين ان الاختلاف ذاتو شبه.
• وقرّض على كدا.

انقر هنا لقراءة الخبر من مصدره.