سودارس : اقعدوا ساي

الجيش يفشل هجومًا عنيفًا لميليشيا الدعم السريع والي النيل الأبيض يشيد بالليلة الثقافية الأولى لهلال كوستي (ده ماهلالك ياهلال؟؟) السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي الجمعية السودانية لعلوم الفلك والفضاء: 18 فبراير أول أيام شهر رمضان مهارات يامال تعجز مبابي ونجم مانشستر سيتي كباشي .. القوات المسلحة ماضية بعزم لا يلين في ملاحقة ما تبقى من "بقايا المليشيا المتمردة" والقضاء عليها عارفين ليه ياهلالاب!! شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها) الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة» أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الطب الشرعي الرقمي صائد جديد لمجرمي الإنترنت والذكاء الاصطناعي ترامب ينشر فيديو مسيئًا لأوباما وزوجته ثم يحذفه دواء جديد يعيد ضبط الساعة البيولوجية ويقلل اضطراب السفر ابتكار بخاخ أنفى يساعد على الوقاية من الإصابة بالأنفلونزا السفارة في العمارة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري أبل تفتح CarPlay أمام تطبيقات الذكاء الاصطناعي الصوتية 8 علامات تنذر بمشكلات في الأمعاء لا ينبغي تجاهلها بمشاركة واسعة بالخرطوم... الاتحاد السوداني للتربية البدنية يناقش معوقات المعلمين والبروف أحمد آدم يؤكد دعم تطوير المنهج والتدريب السودان يرحّب بالقرار 1591 هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية أحمد عزمى.. "الجوكر" الذى خلع عباءة الأدوار الثانوية ليبرع فى الشخصيات المركبة رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

اقعدوا ساي

قوون نشر في قوون يوم 28 - 02 - 2014

في البيت وقت تكون عاوز تعمل ليك حاجة ...عاوز تقرأ جريدة او (عاوز تنوم بيها ساي) ..لو عاوز تشرب ليك قهوة او حتى تقعد في التلفزيون تتابع ليك برنامج او فيلم او (مسلسل تركي) ..كل مرة بتتلفت نحو (الشفع) القاعدين في الحوش او في البلكونة او في الغرفة وتقول ليهم : (يا اولاد اقعدوا ساي).
حتى لو هم اصلا قاعدين ساي.
لو كنت عاوز تنوم ...قبل ما ترقد لازم تنهر (الشفع) عشان يحسوا بالخوف ، وانت تنوم مطمئنا ..ح تقول ليهم : (يا اولاد اقعدوا ساي).
لو عاوز تتكلم في (التلفون)...خاصة لو كان التلفون ..تلفون مهم شديد...لازم تكورك في (الشفع) وتقول ليهم : (يا اولاد اقعدوا ساي).
دا كلو خلوه.
لو عاوز تعمل ليك (عصير ليمون) وتشربو كدا بي مزاج (من غير لخمة)..لا بد في البداية تكورك في الشفع : (يا اولاد اقعدوا ساي).
دي بقت طبيعي في الناس ..وطبيعي في الشفع برضو.
لو معاكم (ضيوف) مهمين كدا ...لازم من باب الاحترام والتقدير ليهم تكورك في شفعك : (يا اولاد اقعدوا ساي).
دي حاجات لا بد منها.
لو في مباراة في دوري ابطال اوروبا او في دوري ابطال افريقيا ح تكوريك في الشفع : (يا اولاد اقعدوا ساي).
بس انتوا جيتوا لي في محلتي.
وصلتوا تب.
نحن بكرة في جماعة كدا ح نكورك فيهم شديد ح نقول ليهم زي ما قاعدين نقول للشفع.
ح نقول ليهم : (اقعدوا ساي).
الجماعة البنقول ليهم : (اقعدوا ساي)...ديل بالتأكيد ما ناس الموردة.
ولا ناس الضرائب.
ولا ناس الزهرة ام درمان.
ولا ناس المرور.
ولا ناس الاهلي عطبرة.
ولا ناس الاحتياطي المركزي.
ولا ناس حرس الصيد.
ولا ناس البنك المركزي.
ولا القوات الدولية في دارفور.
الناس البنقول ليهم اقعدوا ساي ديل...ناس المريخ.
بكرة نحن عندنا مباراة في دوري ابطال افريقيا دور ال (32).
ما عاوزين اي ازعاج من الناس الطلعوا من دور ال (64).
ما عاوزين اي جوطة.
طلعتوا من (التمهيدي) وكمان معاكم (مسخرة).
ما عاوزين ولا كلمة.
ولا تعلقوا معانا.
ولا تناقشونا.
نحن ذاتو ناس طلعوا من دور ال (64) من قبل ما يخترعوا (الكهربة)...ما قاعدين نناقشهم.
ما قاعدين نتكلم معاهم.
قالوا ليكم نحن فاضيين ليكم.
هسع عليكم انتوا طالعين من بدري كدا ..قاعدين تعملوا في شنو؟.
اتفرجوا فينا ..لكن بدون تعليق.
نحن بكرة على كيفنا.
نعمل اي شيء.
ما في زول بسألنا.
نحضرها في الاذاعة ...ما نحضرها ..دي حاجة ما بتخصكم.
نتابعها بالرسائل عبر التلفون.
برضو دي حاجة ما بتخصكم.
ما نتابعها نسأل عنها تاني يوم (شيء ما بخصكم).
انتوا طلعتوا من دور ال (64) كمان عندكم كلام.
بكرة نشرب الشاي قبل الكورة ..(ما بخصكم).
نشربو بعد الكورة (ما بخصكم).
ما نشربو من اساسو ...(برضو ما بخصكم).
طلعتوا من (التمهيدي) ..ومعاكم كلام كمان.
على كيفنا ...(ما في اي زول بقدر يقول فينا كلمة).
ح نلعب في مالي ..من قولة تيت كدا ح نلعب في دور ال (32).
ناس (الكاف) لو ماخجلانين كانوا بيلعبونا في مرحلة المجموعات.
ولو ما كلام الناس ..مفروض نلعب (نهائي) طوالي.
مالكم انتوا؟..في زول عاوز مننا حاجة.
في زول طالبنا قرش.
انتوا بس اقعدوا ساي.
ما عاوزين جوطة ...ما عاوزين تعليقات.
جني وجن الزول البقعد يحضر ليه مسلسل في بيت (الجيران)..واي لقطة تجي في المسلسل يقعد يعلق عليها.
في (الدعايات) يستلم الموضوع.
الحركات دي ما تعملوها لينا.
ناس طالعين من دور ال(64) يمسكو خشمهم عليهم.
تقعدوا بي احترام لو سمحتوا.
خليفة يلعب طرف يمين (ما يخصكم).
النابي يقلبو ويلعبو شمال (ما بخصكم).
يقدمو في النص (ما بخصكم).
يلعب رأس حربة (برضو ما بخصكم).
على كيفنا.
انتوا طلعتوا من دور ال (64)...التعاليق ليكم شنو؟.
شوفوا الحاصل شنو في الممتاز ...علقوا زي ما عاوزين في (المحلي) دا.
اقعدوا شوفوا مباراة مريخ الفاشر والنسور...علقوا فيها زي ما عاوزين.
قولوا اي شيء.
ما في زول ح يسألكم.
اتحدثوا عن مباراة هلال الفاشر والامل عطبرة ..قولوا هلال الفاشر خطف ليه قون في الدقائق الاخيرة من عمر المباراة.
ما ح نقول ليكم حاجة.
لكن تشوبروا وتقعدوا تتحدثوا عن دوري ابطال افريقيا ..دي الحاجة الما بنسمح ليكم بيها.
اقعدوا ساي.
ما عاوزين كلام.
ما عاوزين تعليقات.
على كيفنا نحن.
بكرة يجيب القون كوليبالي..(ما بخصكم).
يجيبوا كاريكا...(ما بخصكم).
يجيبوا ود الطاهر مهند الطاهر (ما بخصكم).
يجيبوا عمر بخيت (ما بخصكم).
ان شاءالله يجيبوا اتير توماس برضو (ما بخصكم).
نجيب قون ما نجيب قون (ما بخصكم).
نفوز ..(ما بخصكم).
نتعادل ...(ما بخصكم).
نتغلب لا قدر الله برضو (ما بخصكم).
في زول يا جماعة بكون بقرأ في الجامعة يقعد يذاكر ليه زول في مرحلة الاساس.
اقصد في مرحلة (التمهيدي).
انتوا بس مطلوب منكم حاجة واحدة.
مطلوب منكم تقعدوا ساي.
يوم السبت ..نصحى الصباح نفطر...(ما بخصكم).
ما نفطر ..برضو (ما بخصكم).
نمشي يوم السبت الشغل (ما بخصكم).
ما نمشي ...(ما بخصكم).
مالكم انتوا؟.
عاوزين مننا شنو؟.
انتوا طلعتوا من دور ال (64).
وكمان عاوزين تتكلموا عن الهلال.
امشوا ..امشوا ..امشوا شوفوا (مقصورتكم).
حنسوا عبدالصمد.
خلوه يرجع تاني.
اقلبوا (ارضية الملعب) مرة اخرى.
ازرعوها.
اقلعوها.
ازرعوها.
وراكم شنو يعني؟.
جايبين ليكم مدرب عمرو (77) سنة عشان شنو؟.
عشان الدوري الممتاز.
الدوري الممتاز دا عاوز ليه مدرب عمرو (77) سنة.
ممتاز شنو؟.
نحن الممتاز دا اسيادو ..بنشيلو بي ناس (الديبة).
صلاح محمد آدم في دورة واحدة كان عاوز يحقق اللقب.
انتوا جيبين ليكم (الماني) وعمرو كمان (77) سنة.
وعاملين ليكم (لوردات).
ومجلس الشرف.
وعاملين ليهم كمان (باصات) والي.
هو نحن باصات الوالي في الولاية فهمنا منها شنو عشان تعملوا ليكم (باصات) للترحيل.
عاملين ليكم (باصات) على شنو؟.
عشان تطلعوا لينا من دور ال (64).
عشان (باصاتكم) دي ما عاوزين منكم بكرة اي كلمة.
ولا كلمة.
نحن ح نلعب في دور ال (32)...وانتوا ح تقعدوا في بيوتكم دي.
ابعد حتة تمشوا ليها (الفاشر).
تمشوا (كادوقلي).
تمشوا عطبرة.
ما عندكم اكتر من كدا.
نحن نسافر مالي.
نمشي نيجيريا.
نسافر جنوب افريقيا.
بنلعب في دوري ابطال افريقيا.
يجيبونا في قناة بن سبورت.
في الجزيرة الاخبارية.
في العربية.
في الوكالة الفرنسية.
دي حاجة عادية.
الموضوع بالنسبة لينا اكتر من عادي.
الكلام انتوا ..جايبين ليكم مدرب عمرو (77) سنة.
و(7) محترفين.
ولعبتوا امام بايرن ميونخ.
عشان تلعبوا لينا امام النيل الحصاحيصا.
الحاجات دي ما عاوز التعب دا كلو.
ساكت خسرانين في الفاضي.
نحن مالنا.
الشيء البخصنا ..والبنقولوا ليكم من هسع ...(اقعدوا ساي).
خلونا نشوف الهلال بكرة ح يعمل شنو؟.
ملحوظة : طبعا تلقى المريخاب ضايقين اكتر مننا.
هوامش
هلال الفاشر حقق انتصارا يستحقه على الامل عطبرة.
موقف الامل عطبرة اصبح خطير.
(4) اسابيع ...ونقطة واحدة.
الاتحاد مدني ايضا نقطة واحدة.
النسور بدون اي نقطة.
منذ الان يمكن ان نقول ان الاتحاد والنسور والنيل الحصاحيصا الاقرب هذا العام لمغادرة الممتاز.
اذا لم يحقق النسور والاتحاد انتصارا في الجولة القادمة ...تبقى فرص استمرارهم في الدوري الممتاز ضعيفة للغاية.
نقول ذلك رغم اننا مازلنا في الاسبوع الرابع للممتاز.
الامل عطبرة ..يمتلك عناصر جيدة ..وقادر على التعويض.
خاصة وان الامل عطبرة يمتلك قوة دفع الارض والجمهور في عطبرة.
اندية الفاشر في الدوري الممتاز ...الهلال والمريخ ...حققت نجاحات كبيرة حتى الان.
وكل ذلك بسبب دعم الولاية والوالي لهلال ومريخ الفاشر.
اندية عطبرة ...تجتهد بدون دعم.
الاهلي شندي يتحمل وزر دعمه صلاح ادريس.
الاتحاد مدني بسبب اهمال الولاية سوف تصبح ولاية الجزيرة من غير ممثل لها في الولاية.
الاتحاد والنيل ..اقرب للمغادرة.
الجزيرة سوف تصبح مثل ولاية البحر الاحمر من غير ممثل.
والسبب (الولاة).
الدوري الممتاز اصبح يتحكم فيه الولاة.
جمال الوالي ...وكبر.
الما عندو (والي) يشوف ليه (والي).
الهلال غدا ان شاءالله سوف يخرج بنتيجة جيدة.
رغم ان الكل يتوقع ان يخسر الهلال.
الهلال غدا سوف يفاجيء الجميع.
انتظروا فقط.
يجب ان يحسم الهلال امر التأهل في مالي.
ارضية ملعب ستاد الخرطوم غير مضمونة.
لذلك يجب ان يكون حسم التأهل في مالي.
عبدالصمد سحب استقالته.
اول انتوا بتفتكروا ح يستقيل.
مازدا بعد هذا التاريخ والعمر كيف يقبل ان يكون تحت قيادة اتوفيستر.
....
عاجل : تراوري فرحان عشان جاب قون في الاسبوع الرابع للممتاز.

انقر هنا لقراءة الخبر من مصدره.