ساندرا فاروق كدودة “أنا كذبت عليكم”هو ملخص تصريحها الصحفي الذي صدم المعارضين خصوصاً تيار الحزب الشيوعي التي تنتمي له ساندرا إبنة القيادي الراحل فاروق كدودة. رصد محرر موقع النيلين ما كتبه المعارض الشهير حسام عابدين الناشط المعروف على حسابه بموقع فيسبوك، والذي كان صريحاً في المسكوت عنه وسط المعارضين وهذه مقتطفات من مقاله. (في وطن صحبك غواصة وحبيبتك امنجية نص مناضلينوا بين انكسار دغري وبين هروب للحشيش والعرقي وصدور العاهرات وطن نص مناضلينوا عطالة تصرف عليهم المنظمات يلزمنا الصمت حتي تتضح الامور). ويضيف حسام عابدين(ساندرا زيها زي اي مواطن سوداني فالحين كده اقفلوا الموضوع دا وامشوا شوفوا قضاياكم وين). ويواصل حسام كشف دهاليز النضال(انتو قايلننا قاعدين في شارع النيل وقهوة وماعارفين الحاصل، القبضوها صدفه لانها كانت مع مناضلين ومرقت مناضلة وامورها ظبطت بي ناس هناي والسلم رسائل الواتس مع اول بسطونه وجاب اخر الناس وضيع عمك بتاع التوسان، والانكسر وانكسرت عديل وقاعدين في نصنا وكمان بخططوا وبقودوا الشغل، ،والذي صغير لعب عريس وعروسه و قال اغتصبو في المعتقل، السكرانيين الحيرانيين الداعرين البتصرف عليهم). ويضيف حسام(والضرب قروش الشغل وانجز الشغل بالبركة، والاستلم قروش وما اشتغل والاحرجنا مع المانحين والدقس ولسه بدقس عمنا محمود حسنين). ويكتب حسام ويكشف مزيد من تفاصيل المناضلين(ياخ بقبضوكم في الديم سكاري بنات على أولاد وبودوكم النظام العام ، القعدة بتاعة اجتماع ذكري سبتمبر وبجي بطلعكم ضابط بقت علي ساندرا). (يامناضلين يابتوع برج الاتصالات وزلابية شارع كم في العمارات يا بتاعين عمر كبتشينو والعاطل داك يشرب في الينسون وكباية قهوة ورا كباية وديك تعزم في جاد وايڨوري وماتسألوا نفسكم ديل بيتهم بصله مافيهو بجيبوا القروش من وين ، بقت علي ساندرا). ويعلن حسام عابدين تضامنه مع ساندرا لدورها الفاعل في النضال ويقول(علي بالطلاق طلاق المرة اللا جات ولا اظنها تجي، ساندي دي كان طلعت في كتفها نجمة وصقر انا سأظل معاها ومتضامن وسأظل أثق فيها بي ايمان قاطع). ويضيف حسام معبراً عن غضبه بحسب ملاحظة محرر موقع “النيلين”مع مزاح لأصدقائه في فيسبوك(لازم تحرقوا قلبي ودمي انتو ياسودانين زي العندكم زول سيسد مكاني لو وقعت بي ضغط ولا سكري اقتلوني مغصة ونشوف تلقوا ناشط زيي وين ولا معارض من الخارج زيي وين ولا مناضل اسفيري زيي وين). ويضيف المعارض الشهير وسط شباب المناضلين “حسام عابدين ” (ممكن نفتح موضوع السقوط الجماعي في بوست منفصل ونعمل تاقات للسرق والاكل والكذب والانكسر والباع والشرد وقاليك يا ساندرا وفجاءة طلعتي براك دجالة وكلنا انبياء قديسين).
