وزير الخارجية المصري يصل بورتسودان    محمد حامد جمعة نوار يكتب: نواطير    "فينيسيوس جونيور خط أحمر".. ريال مدريد يُحذر تشابي ألونسو    الهلال يدشن انطلاقته المؤجلة في الدوري الرواندي أمام أي سي كيغالي    كُتّاب في "الشارقة للكتاب": الطيب صالح يحتاج إلى قراءة جديدة    عثمان ميرغني يكتب: إيقاف الحرب.. الآن..    مستشار رئيس الوزراء السوداني يفجّر المفاجأة الكبرى    مان سيتي يجتاز ليفربول    التحرير الشنداوي يواصل إعداده المكثف للموسم الجديد    دار العوضة والكفاح يتعادلان سلبيا في دوري الاولي بارقو    كلهم حلا و أبولولو..!!    السودان لا يركع .. والعدالة قادمة    شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم)    البرهان يطلع على أداء ديوان المراجع العام ويعد بتنفيذ توصياته    لقاء بين البرهان والمراجع العام والكشف عن مراجعة 18 بنكا    شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    السودان الافتراضي ... كلنا بيادق .. وعبد الوهاب وردي    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    وزير الطاقة يتفقد المستودعات الاستراتيجية الجديدة بشركة النيل للبترول    أردوغان يفجرّها داوية بشأن السودان    وزير سوداني يكشف عن مؤشر خطير    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(اجنتلموا) لينا بعيد من فييرا والعقرب
محمد عبد الماجد نشر في النيلين يوم 04 - 07 - 2016


من رأسي :
قالوا ليك عصام الحاج لمن شاف (مرتب) امير كمال وحوافزه في المباريات …قالوا قال لي ناس جمال الوالي …ما في حل غير (نوقفو)..
الحلاقة البيحلقها (امير كمال) دي براها ممكن توقفو (6) شهور ، لو في (انضباط) حقيقي.
من كرأسي :
(عندما تكون على حق لا يمكنك أن تتطرف بما يكفي، أما عندما تكون على باطل فلا يمكنك أن تكون محافظا بما يكفي).
مارتن لوثر كنج
لموقع كووورة عربية ادلى عصام الحاج، الأمين العام الحالي للمريخ بحديث حصري للموقع عن إتفاقية (الجنتلمان) فقال : (سنعيد العمل بإتفاقية الجنتلمان مع الأخوة في نادي الهلال، لأن من فوائدها إيقاف استنزاف الناديين من قبل اللاعبين، فقد ارتفع المقابل المالي للاعبين مقابل التعاقد بصورة ضخمة ومخيفة، وبصراحة الاتفاقية التي وقعها الناديان قبل ثلاث سنوات جنبتهما ذلك الاستنزاف وسجلا اللاعبين بأقل تكلفة، بل أن الاتفاقية على ذلك الوجه استفادت حتى الأندية الأخرى في التعاقد مع لاعبين بمبالغ زهيدة، لأن حجة الأندية وقتها أنه حتى الهلال حدد سقفا ماليا أقل للتعاقد مع اللاعبين).
التقشف الله يسألني ظاهر في (عيونكم).
ظاهر في (عدسكم).
في زول في العشرة الاوخر دي بفطر بي (عدس).
كلامكم دا كلام (تقشف) ساكت.
كلام التقشف نحن بنعرفو.
بنحس بيه.
انتوا عصام الحاج دا شغال على كيفو ..(ينجنتل مان) زي ما هو عاوز كدا.
الجنتلة دي ما عندها اساس.
وعندها قوانين.
ولوائح ونظم.
الزول دا بتجنتل على كيفو كدا….خبارو؟؟.
عاوز يجنتل ..يمشي ينتجل بعيد عننا.
نحن والله بعد ما نعمل الطابق الثالث ..برشلونة ما سائلين فيها.
ينجنتل مع الخرطوم الوطني – على كيفو..
مع الاهلي شندي بي طريقتو.
كلموه ينجنتل مع الناس القدرو.
نحن في الهلال بعد ما جربنا (عسل) شيبوب ..ما فاضين عشان نتجنتل لينا مع زول غريب.
كفاية (الجنتلة) العملها فينا عصام الحاج.
اتفاقية الجنتلمان ممكن نعملها معاكم في (سمسم).
نعملها في (طماطم).
ممكن نتفق في (بصل).
اقول ليكم معاكم لغاية (السكر والقمح).
اكتر من كدا خطوة ما بنمشي معاكم في موضوع (الجنتلمان) دا.
كان عندكم (جنتلمان) اعملوه في شيء غير (جنتلمانكم) دا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
عصام الحاج أضاف في تصريحه لموقع كووورة عربية : (إذا ما تعاقد الهلال أو المريخ مع لاعب بمبلغ 10 آلاف جنيه وفي النهاية تخلص من اللاعب لأنه لم يقدم مردودا جيدا، فإنه لن يندم عليه لأن المبلغ الذي صرف عليه أصلا زهيد، عكس اللاعب الذي يصرف عليه الناديان مئات الملايين فمثل هذا اللاعب إذا ما بقي في الكشف مشكلة وإذا تم شطبه يندمان عليه لأنه تحصل على مبالغ لا يستحقها).وختم عصام الحاج: (نحن من خلال إعادة العمل بإتفاقية الجنتلمان بين المريخ والهلال، نريد إعادة الأمور إلى طبيعتها وأصلها الذي كانت عليه في الكرة السودانية).
الاتفاقية اولا واخيرا فيها ظلم كبير على اللاعبين.
ناس عصام الحاج عاوزين يسيطروا.
اللاعب في القمة …الادارات تشطبه وتوقفه ..وتظلمه …وعاوزين بعد دا كلو يكتلو ليه سوقو.
قصدت ان اعرض لكم تصريحات عصام الحاج عرّاب الاتفاقية ، لأن عصام الحاج هو الذي ينقض (الاتفاقية) …وهو اول الذين يرفع يديه منه.
هذه الاتفاقية ..فعّلها المريخ عندما اراد اعادة قيد بلة جابر وموسي الزومة وسعيد السعودي ومصعب عمر اذ اعاد قيدهم بسعر زاهد ، حتى اذا اكمل قيدهم تدخل المريخ ورفع قيمة لاعبي الهلال مطلقي السراح بمسلسل (ولادنا).
رد الهلال كان شافيا عندما اجبر المريخ على اعادة قيد امير كمال ورمضان عجب بارقام فلكية.
الهلال قادر على اعادة قيد لاعبيه الذين يرغب فيهم بما يتناسب مع مواهبهم وما قدموه من عطاء.
لكن المريخ وضح انه لا يستطيع مجاراة الهلال حتى بعد ان جاء وزير الشباب والرياضة في ولاية الخرطوم بمجلس يتكون من (28) عضو.
بص الوالي.
او هو مجلس شهر ناقص يومين.
مجلس المريخ الآن بعصام الحاج نفسه اكثر المستفدين من اتفاقية الجنتلمان والتى كسرها عصام الحاج بتسجيل هيثم مصطفى وعلاءالدين يوسف بحجج واهية.
انتوا قاعدين تنسوا يا عماد الطيب.
مالكم بنتجنتلوا فينا كدا.
خباركم؟.
بل خالفوا اتفاقية الجنتلمان وغطسوا حجره عندما سجل المريخ بكري المدينة بعد ان اتفق مع الهلال ووقع معه ومنحه الكاردينال مقدم العقد.
أبعد هذا كله يأتي عصام الحاج ويحدثنا عن اتفاقية الجنتلمان.
موضوع شيبوب سخن معاكم.
ما قلتوا بتمشوا (الفيفا).
وقت ماشيين الفيفا …بتكوسوا للجنتلمان مالكم.
نحن تاني ما عندنا ليكم (جنتلمان).
ولا فاضيين للمسرحيات دي.
ومجلس الهلال ذاتو لو صدق الكلام دا يكون ما عندو موضوع.
حقيقة مجلس المريخ عنده خيار وفقوس ..هناك بعض اللاعبين الذين يمكن ان يعيد قيدهم في المريخ بارقام فلكية ..وهناك من يجهلهم ويهملهم لكي يعاد قيدهم باسعار في الدرجة الثانية ما موجودة.
في ناس بعمل ليهم (جنتلمان) مخصوص.
عشان يدق بي سعرهم (الدلجة).
كلام زي دا نحن ما عندنا.
من هسع افتحوا حساب مفتوح لي ضفر.
ومازن شمس الفلاح.
وابراهومة.
بعدين يا عماد الطيب …(جنتلمان) في شنو؟…الهلال اعاد كل قيد لاعبيه.
ما عندنا لاعب مفكوك قريب.
ومحمد عبدالرحمن امر سوف يتحسم قريبا ان شاءالله.
الكاردينال دا دفع دفع الجن في الرديف والشباب …وأمن مستقبل الهلال لعشر سنوات قادمة.
بعد الحاجات دي وكل هذه العقود …عاوزين تتكلموا لينا عن (جنتلمان).
والله لا بنعرف ليكم (جنتلمان) ولا عاوزنها معاكم.
جنتل شنو؟.
ومان بتاع ايه.
نحن بعد ما جربنا (شيبوب) تاني ما بنقيف.
تاني بنشوف لينا زول ينط من الطابق الرابع.
ويمشي يلعب في شبيبة القيروان.
ويجينا راجع بي غادي.
بي اللفة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
28 عضو.
شهر إلّا يومين.
منتظرين منهم (المول).
والنادي الاجتماعي.
والفندق خمسة نجوم.
عملوها لينا كلها (جنتلمان).
هسع (الجنتلمان) دي عاوزة ليها (28) عضو.
والله مجلس اسامة ونسى ..كان ممكن يقوم بموضوع (الجنتلمان) دي احسن من ناس عصام الحاج.
عصام الحاج دا نحن مجربنو.
عارفنو.
والمؤمن لا يلدغ من الجحر مرتين.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
…………
و
رحيل سيد سليم شكل (وجعة) جديدة للكورة السودانية.
نسأل الله له الرحمة والمغفرة.
الهلال يجمدوا نشاطه شهر …ويلعبوه تلات مباريات في اسبوع.
فعلنا ذلك في الدورة الاولى ..ولعبنا في شندي وفي عطبرة امام الاهلي والامل.
الحكاية سوف تتطبق في الدورة الثانية ايضا.
كادوقلي ومدني وشندي.
كل هذه المباريات سوف تلعب في فترة وجيزة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
………..
السيدة (ل) – طعم العيد بيظهر في (كعكم)…وستائركم الجديدة.
وقرّط على كدا.

انقر هنا لقراءة الخبر من مصدره.