السؤال المتكرر الذي قدم الى من عدد من الاخوة الصحفيين وبعض الاخوة في بعض البلدان هو ماذا بينكم والسودان ؟ فكرت فيه مليا ووجدت ان هنالك العديد من الاشياء التي لو حاولت ان احصي عددها لما انتهيت حتي اخر يوم لى في الحياة !!!! ماذا ياتري بيننا والسودان هل هي قصة ريدة بس ؟ام تاريخ مشترك ؟ام سياسة ؟ام علاقة جوار ؟او اشقاء في بلدين بينهم حدود جغرافية ؟ام تصاهر ؟ام تداخل قبلي ؟او تشابه من حيث السحنة او روح واحدة في بلدين ؟ام …ام…..الخ سبحان الله شئ غريب دعونا من ردي انا بل الى مجمل الردود التي دائما مااجدها من افراد من الدولتين يؤكدونها منهم من يقول اننا شعبين بل شعب واحد في موقعين ،شعبين بينهم تشابه في الثقافات والسحانت ،السوداني في اثيوبيا لولا اللغة فهو نفس الاثيوبي والاثيوبي لولا اللغة فهو عوض ابن الشمالية وهو خميس ابن جبال النوبة وهو محمد صالح النوبي وعبدالله من كردفان وعباس من الجزيرة وتسفاي عندما يكون في السودان يقبل بتسمية تسفاي حتي لايعاني اخوته السودانين من صعوبة اسمه خلال اللفظ به . وعندما يحمل خالد عبد النبي طمبوره وهو يتجول في مقاهي الزهرة لايندهش الجميع لهذه الصورة لان الطمبور نفس الكرار ونفس النغم وعندما تجد محي الدين جبريل يتجول في شوراع الزهرة والجميع يحاولون ان يتحدثون معه باللغة الامهرية رافضين ان يكون هو غريبا عنهم ، وعندما اجد جميع السودانيين عندما اتحدث معهم بدراجيتي السودانية يرفضون مائة مرة بانني اثيوبي هذه بعض من الردود عن ماهو بيننا والسودان. الا يكفي اننا الشعبين الوحيدين في افريقيا البستخدموا شئ اسمو الكسرة وبت عمها الانجيرا والاتنين بتعاسوا على صاج ايا كان من فخار او حديد بالحطب او الغاز او الكهرباء وهم الشعبين الذين يأكلون العصيدة مع اختلافها في طرق تصنيعها وناهيك عن الكمونية والعفشة وطرق تصنيعها واختلاف مسمياتها بين البلدين مابين الدولت والكمونية والسمبر والام فتفت . وعبر النيل نتواصل عبر مياه تهطل في كل انحاء الهضبة وتتجمع فيه لتصل الى السودان ونختلف ونتصالح دون ان يدخل بيننا احد يعني مشاكل داخل البيت الواحد تحل باهل البيت وداخل البست الواحد ومصارين البطن بتتعارك . وعند الشدة يجري الاثيوبي الي السودان ويجد من يطبطب عليه ويأويه وكذلك السوداني يجد ان الاقرب اليه هو الاثيوبي واذا اختلف السودانيين فيما بعضهم (معارضة وحكومة )فان طربيزة مفاوضاتهم هي في الزهرةالجديدة (اديس اببا ) بين اخوتهم ومن خلال توسط اخوتهم وهم ليس بغرباء هنا ويكفي انه عندما تعبر الحدود تجد ان اخوتك في بني شنقول وتاريخك في المتمة وفي اسماء المدن نتشابه مع بعض التغيير في اللفظ مابين دنقلا ومروي وسودري والمتمة الاولي هناك والمتمة الثانية هنا . وفي الغناء حتي لو جاطت لى اخرها ،السوداني يغني الامهرية والتقرنجة ويبشر في يودي ابسينيا وحبش ٢٠٠٠ والاثيوبي يرقص كما يحلو له مع اغاني وردي وابو السيد وفنانينا يقلدون من يشاءون من الفنانين السودانين حتي لو تغيرت العربية للامهرية وادخل فيها من صور اروميا او امهرا او تقراي . الحبشي او الاثيوبي يقوم بطقوسه في السودان ويعمل على نشر ثقافته مابين الزغني والانجيرا والزوريا والبن والجلباية والتوب السوداني في الهضبة ليس بغريبة عنا فتجد كلمة (زول ) يقبل بهذه الكلمة كل السودانيين في كل المناطق عندما ينادي بها في اثيوبيا. وفنجان جبنة بشمال ايد اببا او مريم كلو جميل لان طقوس البن هو من اهم الاشياء المشتركة مابين الشرق والغرب في البلدين . و برضو ماكفاية وسنواصل انور ابراهيم احمد (كاتب اثيوبي )
