أدخلت الشاعرة وئام كمال طاقم برنامج (عليك واحد) في حرج بالغ، بعد المقلب الذي تعرضت له، وقالت إن معدي المقلب جرحوها في يديها بالكلبشات، وتساءلت عن السبب الذي يجعلهم يجرءون على اقتحام سيارة فتاة وهو ما عارف (ممكن يلقى فيها شنو) وكانت وئام قد أبدت رأيها في المقلب من خلال البرنامج وحسمها لمقدم البرنامج بقولها: (أنت ما طبيعي…مجنون.. ماتهزر معاي أنا صاحبتك؟..مافي سبب يخليك تهزر معاي..مابينفع أنك تضحك على مشاعر الناس..المضحك شنو في إنو أنا أعصابي باظت..وجرجرتوني في الشارع..وردت عليه بحسم إنته ما تسأل ولا تتكلم الموضوع ما مضحك، وطلبت منو إنو يذيع عشان أقدم رأيي في البرامج الزي دي). وأكدت وئام في تصريح منشور تلقت (المجهر) نسخة منه بعد إذاعة البرنامج أنها وافقت على إذاعة الحلقة لأنها سوف تبين رأيها في البرنامج بصراحة وأضافت وئام: “أنا وافقت على إذاعة الحلقة بشرط يجيبو كلامي كامل…و هم وعدوا بي كدة، ومع ذلك الحلقة ما نزلت كاملة..اتخذت القرار ده و كان يبدوا لي الأصوب تحت الضغط داك ..لأنو ببساطة لو زول صورني طالعة البوكس ومكلبشة ونزلت في السوشال ميديا مع أي تهمة مافي زول من العاتبوني حيقدر يدافع عني..ولأنو ده رأيي وأنا ما خجلانة منو)
