جمعتني جلسة طيبة بالحبيب دكتور بدر الدين بتاع بنك السودان (المستقيل). ] وهو خبير إقتصادي ومرجع عالمي ورجل ديمقراطي حد الثمالة. ] ولما كانت الديمقراطية هي الأرضية المشتركة التي جمعتنا . ] كان محور حديثنا السودان والثورة والثروة والضائقة والمستقبل. ] لم نتحدث عن الفلول كي نكسب الوقت في الكلام المفيد. ] طرحت على بروف بدرالدين سؤال. ] هل خرجنا في ثورتنا أو بمعنى أدق خرج الشباب ثائراً حباً في الوطن أم كيتاً على النظام السابق؟. ] أجابني بسرعة. ] حبا في الوطن. ] قلت ليهو من وين جاب ذلك الجيل حب الوطن وإعماره تتراوح بين الطمنطاشر والتلتين؟. ] هذه الأعمار في تلك الحقبة لاتعرف عن الوطن أي شيء. ] الوطن عندهم خدمة إلزامية يتنازلون فيها عن رواتبهم الرمزية نظير الغياب عنها. ] والوطن عندهم ضيعة حكومية سادتها رموز إقطاع العهد البائد . ] والوطن عندهم كافوري الناس ديك وبرطعة أنجالهم بفارهات تسير بدماء الشعب. ] والوطن عندهم جواز سفر للمخارجة منه. ] يبقى من وين جاب الجيل ده حب الوطن الممكن يصبح دافع رئيسي للثورة في نفوس الشباب؟. ] السبب المرق الشباب ديل هو استفزاز رموز النظام البائد المتكرر. ] رئيسهم يصرح العندو رجالة يمرق لينا الشارع. ] ونافعهم يطالبنا بلحس الكوع . ] ومانافعهم يهددنا بالكتائب وكلب أم أحمد الفي الراكايب السنونو صفر. ] الحلب ناقة الوطن وأطفاله جياع. ] قلت ليهو السبب يابروف عدم نظامهم العام وجنيههم العام وغرق وبقي دينار ورجع الف جنيه بجنيه. ] عدم نظامهم العام الضيق على الشباب سيستمو. ] وجاب أخلاقو هنا. ] الكديسة يادكتور إذا فلقتها في الشارع بتخش الحوش. ] وإذا تعقبتها في الحوش معتدياً بتجري البرندة. ] ولو لحقتها في البرندة بتجري الغرفة. ] ولو دخلت معاها الغرفة بتحتمي بالركن. ] ولو لحقتها في الركن مابتموت ركن لكن بتعضيك مجبرة. ] الناس ديل لموا الشباب في الركن كي يموت ركن. ] قام الشباب وراهم الطفا النور منو . ] ده سبب الثورة الحقيقي. ] لكن يادكتور. ] نفس الكديس في الركن كان جاع . ] مابعضي بس. ] بيأكل جم ياحمدوك. ] لأنو الجوع كافر. ] و الكديس بعرف الحلال والحرام. ] كان جدعت ليهو بيأكل جمبك. ] وكان ختف براهو بجري بيها . ] يبقى بعرف الحلال والحرام. ] لكن. ] ثورتنا دي بي وين؟. ] بالنص؟. بالوادي؟. ] بالشنقيطي؟. ] بالإمتداد؟. بي صابرين؟. ] الله يستر من الأولى والقبل الأخيرة. ] النص مع منو والإمتداد لشنو؟. ] المهم. ] أكتب والديمقراطيون في أمريكا يصرعون الآخرين . ] لسسة ما إنتهت. ] ولكن ما أحلى الديمقراطية. ] وحلاتها أكتر في حي الإقطاع. ] المهم. ] لا إعداد حتى الآن. ] والفريق السنغالي ماهين. ] راجعوا نتائجو في دوريهم بتعرفوا خطورتو. ] المجلس مامفكر. ] لأنو مشغول بالدفاع عن نفسو في معركة البقاء. ] تلك المعركة التي تم إختيار توقيتها بدقة متناهية. ] يتفق الجميع على وجود إشكالية . ] ويختلفون في طريقة الحل. ] بعد قفل باب التسجيلات . ] وفشل فيفا عبدو في الحل البرضي الجميع . ] سيخرج حل الإشكالية مارداً بي حقو يجبر الجميع على إحترامه. ] ولك الله يا مريخ . ] أيها الناس. ] إن تنصروا الله ينصركم. ] أها. ] نجي لي شمارات والي الخرتوم . ] والينا. ] ديمقراطي ولا ترمب ساي؟. سلك كهربا ننساك كيف والكلب قال الديمقراطية مبدأ وقناعة وسلوك وفهم وقيمة سامية لا يتحلى بها أي زول .. .بالذات أهل الإقطاع ولا تتبع زول إن قصر تبرر ليهو وإن أجاد تطمبر ليهو . وإلى لقاء. سلك
