] قعدنا أمام شاشة الملاعب عز الضهر. ] طبعاً جوهرة كردنة فيها مشكلة إضاءة . ] عشان كدة شغالة زي البنطون. ] بتقيف قبل المغرب. ] المهم. ] ضيعنا زمننا ساي. ] زمن زي ده لو أهدرناهو في صف العيش. ] كان مرقنا لينا بعشرة عيشات من عيش الزمن ده البشبه استوبة الدمورية البقشوا بيها القزاز. ] حزناً للمستوى المتواضع من حوالي تلتين لاعب. ] ده مستوى مفروض يكون في تمهيدي التمهيدي. ] دور المية تمنية وعشرين. ] وبعد ده . ] إحتاج الجماعة لصديق. ] وما أحلى صداقة الحكام. ] ما أحلى صداقة الحكام سياسياً ورياضياً. ] بتلقاهم. ] كلب الليدو عمل بلنت في بيتو. ] لكن الصديق ماشاف. ] لو شاف كان حسبها . ] نهاراً جهاراً ماشاف. ] زمان عدم الشوف كان بالليل. ] الغمت في الضلمة. ] لكن غمت النهار ده ماشفناهو إلا عند ناس المواتر البختفوا شنط البنات. ] وبعد ده الأشقاء اليوغنديون ضيعوا أربعين قون مضمون. ] غايتو بالشفناهو ده. ] السوباط ماتبعزق القريشات الداقي فيها حجر دغش دي. ] إن الله لايحب المسرفين. ] طوالي إستعانة بصديق ياروشا؟. ] حتى القون الصدفة باص من صديق؟. ] وأتصدقي. ] فإن الله يحب المتصدقين. ] المهم . ] بل الأهم. ] مشكلة المريخ وإشكاليته تكمن في حجوة إمبرمبيطة والجدل البيزنطي. ] هل يحكم المريخ نظام 2019م. ] أم لازال المريخ مكبلاً بنظام 2008م. ] وكل زول متمسك بوجهة نظرو. ] والمواطن المريخي في حيرة. ] بعض الذين لا يعترفون بنظام 2019م حصروا رفضهم في عدم صحة الجمعية العمومية. ] والبعض لازال متمسك برداءة النظام نفسو. ] وهو أمر ماصعب . ] في عهد أي مجلس منتخب يمكن الدعوة لجمعية عمومية لتعديل النظام الأساسي. ] الموضوع ماخطير. ] ده طبعاً إذا كان السبب الإعتراض على مواد النظام. ] وأنصار النظام يتمسكون بصحة الجمعية. ] أنه الجدل البيزنطي نفسه. ] وأصدرت لجنة الإنتخابات المنتخبة من الجمعية العمومية التي يعترف بها من حضرها وينكرها من غاب عنها . ] أصدرت اللجنة مستندة على بنود النظام قراراً بتعيين لجنة مهام لتسيير الأمور لمدة ستين يوماً. ] وبعدها إنتخابات. ] صدور هذا القرار في حد ذاتو إنهاءً للجدل البيزنطي. ] يا أما الإتحاد يتعامل مع القرار. ] وفي ذلك إعتراف بنظام 2019م. ] أو يرفض الإتحاد التعامل مع القرار ويقر استمرار نظام 2008م. ] وفي هذه الحالة يحق للإتحاد تعيين لجنة للتسيير زي حقت الهلال. ] ولو كان الأمر كذلك لما تأخر الإتحاد وشبك الناس الأحد والخميس والفيفا. ] المهم الإتحاد في فتيل. ] له خيارين. ] وفي الحالين المجلس السوداكالي ضائع. ] يبقي يا إتحاد أصدر قرارك وفقاً لقانونك وأفصح. ] هل يحكم المريخ نظام 2008م أم 2019م وخلونا من أحد وتلات وخميس وفيفا. ] اها ] نبارك لأهلي شندي المطعم بأبي عشرين التأهل من التمهيدي ونشكر الحظ والحكم. ] أيها الناس. ] إن تنصروا الله ينصركم. ] أها. ] نجي لي شمارات والي الخرتوم . ] واحد مجنون قال لينا. ] السودان غزال كتلو الأسد وأكل مطايبو. ] والآن الضباع تأكل في ماتبقى من رفات الغزال الجميل وتهمهم بركة الفضل لينا . سلك كهربا ننساك كيف والكلب قال كان قلنا الأسد الكتل الغزال كوز الضباع منوووووو؟. وإلى لقاء سلك بابكر سلك – صحيفة الانتباهة
