سودارس : مهند الطاهر ..الفيلم دا شفناه قبل كدا

محمد عبدالقادر يكتب: شهادة البوشي.. و"فضيحة صمود " السودان.. وفاة لاعب كرة قدم قرارات لجنة المسابقات باتحاد الكرة الدامر من الرياض إلى موسكو.. "الثلاثية المرتقبة" بين بيفول وبيتربييف تلوح في الأفق سباق انتخابي محتدم في اتحاد الألعاب المائية بالسودان... الكشف المبدئي يُشعل المنافسة والحسم في 11 أبريل وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا السودان.. وزير يشرع في تكوين قوّة عسكرية ضاربة..ماذا هناك؟ شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مهند الطاهر ..الفيلم دا شفناه قبل كدا

قوون نشر في قوون يوم 29 - 04 - 2016

ود الطاهر ناس المريخ ديل منذ أن كان في الميرغني كسلا – كان كل ما يشوف ليه (مريخ) بعمل فيه البعمل فيه الآن
الغزال جاء الهلال من الميرغني وكان سبباً في أن يقدم جمال الوالي استقالته (7) مرات غير (الزعلات) الساي
عندنا زول كبير في الحلة كان بقول لينا (الجهولة) دي زي محاولة استخراج (السمك) من (شوربة العدس)
غايتو أنا لو كنت في المريخ – كنت شلت شنطتي ومشيت مريخ الفاشر أو مريخ كوستي..دا أصلو ما فريق بقعد فيه
* قالوا ليك في واحد – دخل ليك على جماعة وهو مهموم وما عارف يعمل شنو ؟ ورأسو ضارب.
* صلعتو لي نص ضهرو.
* قالوا ليه يا زول مالك ؟..حاصل شنو؟....مالك بقيت (ضعيف) كدا ..ضربك (سكري) ولّا (المحلية)؟.
* قال ليهم والله أبدًا عندي (دولاب) قدر ما أقفلو بجي ألقى جواه (فأر).
* فأر معذبني عذاب شديد.
* واحد من الجماعة قال ليه غيّر الدولاب.
* بدلو.
* زولكم قال ليه والله غيّرت الدولاب 21 مرة ..وبرضو برجع وألقى نفس (الفأر) قاعد جوه.
* في واحد فيهم (شفت) ...قال ليه (الدولاب) أصلو ما فيه مشكلة ...(الدولاب) خليه في حتتو ..وغيّر (الكديسة).
* القصة دي بتصلح لما سوف يأتي ذكره في هذا العمود.
* بس اصبروا – وخلوا (الواتساب).
* المريخاب غِلبُو مع مهند الطاهر – ما عرفوا يتصرفوا معاهو شنو؟.
* يمشوا منو بي جاي – يطلع ليهم بي جاي.
* يعملوا ليه كدا – يعمل ليهم كدا.
* طبعاً كلكم عاوزين تشوفوا (كدا) دي كيف؟.
* لو عندكم تلفون حديث بحمّل (الهوبة) بتشوفها.
* خلوا البلوتوث فاتح.
* الناس ديل ما فضل ليهم إلّا يغيروا ليه خط توصيل المياه.
* خلوا ليه الشارع.
* والحلة.
* مرقوا ليه من البيت.
* في الأبيض لاحقهم.
* قصة مهند الطاهر مع المريخاب طويلة.
* قصة حزينة ومؤلمة.
* قصة ممكن نقول عليها إنها (مأساوية) عديل كدا.
* قصة فيها (يُتم) عديل كدا.
* غايتو أنا لو كنت في المريخ – كنت شلت شنطتي ومشيت مريخ الفاشر أو مريخ كوستي..دا أصلو ما فريق بقعد فيه.
* مريخ أم درمان بعد البعمل فيه مهند الطاهر دا صلو ما بقعد فيه.
* مهند الطاهر عمل أي شيء في المريخ.
* شقولوهم....(شقولوهم) يعني (جهولوهم).
* طبعاً في ناس جهولوهم ذاتها ما عارفنها.
* جهولوهم دي يعني زول تنتظرو في الباب يجيك متلب بالشباك.
* عندنا زول كبير في الحلة كان بقول لينا (الجهولة) دي زي محاولة استخراج (السمك) من (شوربة العدس).
* في علاقة بين السمك والعدس.
* أبداً دي (الجهولة) حسب علمي.
* مهند الطاهر مرمطهم.
* ووهدبهم.
* عمل ليهم (زلغمة).
* والله (زلغمة) دي أنا ذاتي ما عارفها.
* لكن مهند الطاهر بكون عملها.
* أصلو ما غريبة عليه.
* مهند الطاهر ناس المريخ ديل منذ أن كان في الميرغني كسلا – كان كل ما يشوف ليه (مريخ) بعمل فيه البعمل فيه الآن.
* مهند الطاهر جاء الهلال وكان سبب في أن يقدم جمال الوالي استقالته (7) مرات.
* غير الزعلات الساي.
* كان للزعل ..ما تعدو.
* يزعل ويمشي البيت اليوم والتاني.
* ويجيبوه تاني مرة.
* مرة جمال الوالي زعل (6) شهور.
* أنتوا قايلنو زعلان من شنو؟.
* قايلنو زعلان من عصام الحاج؟.
* أبداً ..جمال الوالي كان بيزعل من البعمل فيه مهند الطاهر دا.
* الغزال كان في أي مباراة قمة بقلب ليه (هوبتين).
* مهند الطاهر في الهلال من أي حتة جاب ليه قون في المريخ.
* من الصقعي.
* من الصعيد.
* جبل مرة.
* حلفا القديمة.
* من أي حتة جاب ليه قون في المريخ.
* في أي جنسية ..مهند الطاهر جاب ليه قون.
* الأقوان عند مهند الطاهر في المريخ زي (الترمس).
* ولا بتلفت.
* ناس المريخ مرة جابوا ليهم حارس فلسطيني اسمو (رمزي صالح).
* قالوا ما بحلها إلّا الفلسطيني.
* والله مهند الطاهر وبشه لّموا ليك في (رمزي صالح) دا ..نسوه ليك (قضيتو).
* رمزي صالح قال أحسن لي (رام الله) من (الخبط) البحصل دا.
* رمزي صالح اتخارج.
* مرق من البلد.
* جامعة الدول العربية قدر ما قعدت مع مهند الطاهر عشان تقنعوا بلوائح جامعة الدول العربية – مهند الطاهر ما اقتنع ليها.
* مهند الطاهر قال ليهم لوائحكم دي ممكن تلعبو ليكم في المريخ ..لكن لوائحكم دي والله ما بتمرقو مني.
* جامعة الدول العربية وقت قنعت من الكلام دا ...رمزي صالح قال أحسن يرجع.
* اتخارج.
* ناس المريخ قالوا ما في غير (الحضري).
* نشوف الحريات الأربع – بعد جامعة الدول العربية.
* الحضري فاز بجائزة أفضل حارس في بطولة أمم أفريقيا ثلاث مرات على التوالي.
* أصلو غير (الحضري) ما في زول بقدر على مهند الطاهر دا.
* المريخاب مشوا جابوا لينا عصام الحضري من سويسرا.
* خواجة إلّا (إنجليزي).
* هو الحضري (عربي) ما عندو – يعني ح يكون عندو (إنجليزي).
* عارفين المرة دي جابوه بي شنو؟.
* جابوه بالحريات الأربع...قلت ليكم الكلام دا مية مرة.
* مهند الطاهر مسك ليك الحريات الأربع دي حرية – حرية.
* ما خلى ليه حاجة.
* فندها ليك بند – بند.
* وقت الحريات الأربع انقطمت – مهند الطاهر قال ليهم جيبوا لي عصام الحضري في القون.
* جابوه ليك.
* مهند الطاهر مسك ليك عصام الحضري دي زي قزازة البيبسي شبطك ..لبدك ..ما خلى فيه حاجة.
* عصام الحضري الأقوان الجابها فيه مهند الطاهر براهو ...أندية الدوري السويسري كلها ما جابتو فيها.
* يا زول عصام الحضري دا قدر ما يقبل ..يلقى مهند الطاهر قدامو.
* مهند الطاهر مسك ليك الحريات الأربع – حرية حرية.
* قعد ليها في الواطة.
* وفندها ليك.
* قون بي حرية (حق العمل) ...(ودا قون من مسافة بعيدة)...الحضري قدر ما (عمل) ما قدر يثبت كورة مهند الطاهر.
* قون بي حرية (حق التمليك)..عصام الحضري ملكوه شقة وحوض سباحة في الخرطوم برضو ما قدر يثبت كورة مهند الطاهر.
* قون بي حرية (حق الإقامة) – أدوه جنسية سودانية عديل كدا – برضو ما ثبت ليه كورة.
* وقون بي حرية (حق التنقل)..عصام الحضري يوم في القاهرة ويوم في الخرطوم ويوم في شندي..وما عمل حاجة.
* عصام الحضري الوقت داك عمرو كان (44) سنة هسع ما عارف عمرو كم؟..عصام الحضري قال في عمرو كلو ما شاف حكاية بالشكل دا.
* عصام الحضري طوالي اتخارج أهلو.
* قال البلد دي مع مهند الطاهر ما بتتقعد.
* أحسن نشوف لينا (وادي دجلة) ننطط فيه.
* ناس المريخ ...هسع افتكروا ارتاحوا من موضوع مهند الطاهر.
* ما عارفين مهند الطاهر قاعد ليهم في (الأبيض) على رأي...عافي منك والله.
* مهند الطاهر المرة دي مشى ليهم الأبيض عديل كدا.
* مرق ليهم من الخرطوم.
* مهند دا ناس المريخ قدر ما أدهو قروش وشيكات على بياض ..رفض يلعب ليهم.
* قال ليهم خلوني أنا بس ماشي الأبيض.
* نحن قلنا مهند الطاهر دا في الأبيض عندو شنو؟.
* أتاريه مهند الطاهر عندو فهم براهو.
* إعلام المريخ ..شابكنا ليك جمال سالم (10) مباريات ما استقبلت شباكه (هدف).
* (10) مباريات كلها في الخرطوم.
* الجيلي ما وصلها.
* وإعلام المريخ شابكنا ليك المريخ لم يقبل الخسارة في الممتاز حتى الآن.
* شغالين لينا زي نظام الحريات الأربع مع مصر.
* مجلس المريخ كل ما تقرب مباراة المريخ مع هلال الأبيض بقول ليهم تأجلوا لي المباراة.
* والبكا يدور.
* الإرهاق.
* وضغط المباريات.
* والإصابات.
* مباراة هلال الأبيض مع المريخ تم تأجيلها (17) مرة.
* مهند الطاهر قال ليهم لو اجلتوه 900 مرة ..ما فايتكم.
* راجيكم – راجيكم.
* أصلو ما فايتكم.
* مهند الطاهر قال ليهم جيبوا لي الحارس الذي لم تستقبل شباكه هدفاً (10) مباريات.
* جيبوه لي بي تلاتة جنسيات ...حارس زي صحن الكوكتيل.
* جنسية يمينة.
* وجنسية يوغندية.
* وجنسية سودانية.
* مهند قال ليهم الفريق الذي لم يخسر في الممتاز حتى الآن دا ذاتو جيبوه لي.
* وأبعدوا لي من الموضوع.
* مهند الطاهر قدر ما قعدنا معاهو ..وقلنا ليه ما توصل الموضوع للحد دا.
* مهند الطاهر ما اقتنع لينا.
* وقت لقينا مهند الطاهر مُصر على الموضوع دا ..قلنا لي جمال سالم شيل شيلتك.
* ما كنا بنفتكر الهدف سوف يمر تحت أقدام جمال سالم.
* لو عارفين الموضوع ممكن يصل للحد دا – كنا أقنعنا محمد مصطفى أو المعز محجوب يقيف ليكم قون.
* بدل الفضائح دي.
* والله لو وقف ليكم (علي جعفر) الموضوع ما كان سوف يتطور بهذا الشكل.
* الموضوع دا ما بتسكت عليه.
* شوفوا لجنة الاستئنافات وين؟.
* اللجنة المنظمة (تأجيلاتها) ما عملت ليكم شيء.
* الشغل دا ما بتقدر ليه إلّا لجنة الاستئنافات.
* لجنة البرمجة الموضوع دا كبير عليها.
* عشان لو استمريتوا بالشكل دا بتقوموا تجهجهوا (الأمير) البحراوي في مركزو.
* اتصرفوا شوفوا ليكم حل.
* شوفوا ليكم طريقة.
* ما تقعدوا لينا كدا زي (الموبايل الما فيه كاميرا).
* ........
* ملحوظة : والله يا (مهند الطاهر) لو عارفنك بتعمل كدا ..كنا شطبنا معاك (بشه) ذاتو.
هوامش
* هدف مهند الطاهر في المريخ شفناه كم مرة؟.
* الفيلم دا شفناه.
* مكرر.
* معيود.
* أي مباراة واجه فيها مهند الطاهر المريخ عمل نفس الحركة.
* هوبة ثابتة في كل مباراة.
* أمير كمال بوزنه الزايد أرشحه أن يكون الأمين العام للمريخ في الانتخابات القادمة.
* أمير كمال ممكن ينافس محمد سيد أحمد.
* أنتوا محمد سيد أحمد ما قال ما في تأجيل.
* الزول دا كان بتكلم عن الدوري السعودي.
* إلّا بتكلم عن دوري تاني.
* كادوقلي كيف؟.
* اصبروا ..ناس المريخ ممكن يقدموا (شكوى).
* قالوا (التبلدي) الجابوه ليهم ما فيه سكر.
* دي شكوى جاهزة.
* الكوكب المراكشي فاز على الوداد متصدر الدوري المغربي 1/ 0.
* والمريخ خسر من هلال الأبيض 0 / 1.
* الاتحاد الأفريقي ممكن يأجل المباراة.
* كدا احكوا ليه ظروفكم.
* ممكن يقدرها ليكم.
* مباراة المريخ أمام هلال الأبيض كان فيها حكاية بتاعة 8 كورنرات للهلال الأبيض مقابل ضربة ركنية واحدة للمريخ.
* الله شافكم.
* تألق مهند الطاهر وعودته بهذا الألق ..يرجع إلى والده الذي كان خلف ابنه في كل خطواته.
* مهند الطاهر يقدم موسم خرافي حتى نصفه الأول من الممتاز.
* فاروق جبرة وأحمد السيد قادا هلال الأبيض بحكنة وذكاء كبيرين أمام المريخ.
* وهلال كادوقلي فيه قيادة فنية خطيرة بقيادة شرف الدين أحمد موسى.
* هلال الأبيض فيه كوكبة جيدة من اللاعبين ..وهو يستحق مركز أعلى من مركزه هذا.
* هلال الأبيض سوف يعود في الدورة الثانية.
* نتمنى أن يحافظ مجلس هلال الأبيض على جهازه الفني.
* استقرار الجهاز الفني أمر مهم.
* وفاروق جبرة وأحمد السيد الأفضل بين مدربي أندية الممتاز الآن.
* قناة النيلين اتأخرت كالعادة عن النقل.
* إذا كانت قناة النيلين بتتعامل مع الأندية بمزاجها وتنقل على كيفها في المباريات فإن الأندية لها حق أن تتعامل بنفس الصورة.
* ............
* عاجل : علي جعفر يقترب من الانتقال للأمير البحراوي...الولد قال مفكوك قال.

انقر هنا لقراءة الخبر من مصدره.