سودارس : حالتنا بقت تحنِّن والله !!

Image4_1220243117030162198861 في عملية نوعية للجيش السوداني.. مقتل 76 ضابطاً من مليشيا الدعم السريع داخل فندق بمدينة نيالا وحملة اعتقالات واسعة طالت أفراداً بالمليشيا بتهمة الخيانة والتخابر شاهد.. مواطن من شرق السودان "أدروب" يثير ضحكات جمهور مواقع التواصل بموقف طريف: (هجمت علينا "بومة" ونحنا وأولاد الجيران جارين منها مفتكرنها مسيرة) نشر صورتين مختلفتين للجوهرة الزرقاء.. ناشط سوداني يوثق للحال الذي وصل إليه إستاد الهلال بعد الحرب شاهد بالفيديو.. من عجائب "الدعامة".. قاموا باستجلاب سلم طائرة ووضعوه بأحد الشوارع بحي الأزهري بالخرطوم قرار قطع العلاقات مع الامارات كان متسرعًا وغير مدروس إتحاد كرة القدم المصري يدرس دعوة فريق سوداني للدوري المصري في الموسم الجديد إتحاد كرة القدم المصري يدرس دعوة فريق سوداني للدوري المصري في الموسم الجديد مقاطع سعادتك .. مخالف_سعادتك إنجاز تاريخي.. صلاح يتوج بجائزة أفضل لاعب في الدوري الإنجليزي للمرة الثالثة بمشاركة زعماء العالم… عرض عسكري مهيب بمناسبة الذكرى ال80 للنصر على النازية أصلا نانسي ما فنانة بقدر ماهي مجرد موديل ضل طريقه لمسارح الغناء مفوضية الهيئات الشبابية والرياضية تعقد الجمعية العمومية لرابطة الديوم الجنوبية بعثة الرهيب تشد الرحال إلى مدينة المناقل للمشاركة في التأهيلي الهلال يسعى لاستعادة الصدارة أمام كيهيدي عادل الباز يكتب: النفط والكهرباء.. مقابل الاستسلام (1) مجلس جامعة الدول العربية على مستوى المندوبين الدائمين يدين الهجمات التي استهدفت المنشآت الحيوية والاستراتجية بالسودان الحكم بالإعدام على متهم تعاون مع مليشيا الدعم السريع المتمردة خدعة واتساب الجديدة لسرقة أموال المستخدمين أجانب النصر ينتظرون قرار رونالدو مبابي على وشك تحقيق إنجاز تاريخي مع ريال مدريد عبر تطبيق البلاغ الالكتروني مباحث شرطة ولاية الخرطوم تسترد سيارتين مدون بشانهما بلاغات وتوقيف 5 متهمين اختتام أعمال الدورة ال 26 لمؤتمر مجلس مجمع الفقه الإسلامي الدولي في الدوحة الخارجية: بيان نظام ابوظبي ردا على قطع السودان علاقاته معها بائس يدعو للسخرية ويعكس تجاهلًا للقوانين والأعراف الدولية المنظمة للعلاقات الدبلوماسية بين الدول شاهد بالفيديو.. بعد غياب دام أكثر من عامين.. الميناء البري بالخرطوم يستقبل عدد من الرحلات السفرية و"البصات" تتوالى بيان توضيحي من مجلس إدارة بنك الخرطوم "آمل أن يتوقف القتال سريعا جدا" أول تعليق من ترامب على ضربات الهند على باكستان الهند تقصف باكستان بالصواريخ وإسلام آباد تتعهد بالرد والي الخرطوم يقف على على أعمال تأهيل محطتي مياه بحري و المقرن وزير الطاقة: استهداف مستودعات بورتسودان عمل إرهابي ما هي محظورات الحج للنساء؟ توجيه عاجل من وزير الطاقة السوداني بشأن الكهرباء وقف الرحلات بمطار بن غوريون في اسرائيل بعد فشل اعتراض صاروخ أطلق من اليمن إسحق أحمد فضل الله يكتب: (ألف ليلة و....) حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) تتسلل إلى الكبد.. "الملاريا الحبشية" ترعب السودانيين هيئة مياه الخرطوم تعلن عن خطوة مهمة تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان ارتفاع التضخم في السودان شندي تحتاج لعمل كبير… بطلوا ثرثرة فوق النيل!!!!! انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حالتنا بقت تحنِّن والله !!

النيلين نشر في النيلين يوم 14 - 02 - 2022

أول حاجة.. لو كنتَ من أهل الغرام، فلا تشكو غرامك ونارو ولهيبو وأنت جالس إلى جوار زول مُغرم متيَّم غرقان في تهاويمو، فيقوم يشكو إليك حالو ومآلو بأشد مما شكوتَ إليه فتندم، وأصلو الناس الزي ديل قاعدين (على الهبشة وما بستحملوا) !!
تاني حاجة لا تشكو ألم فراق الأحباب والأصحاب إلى من فارق ديارو ومتغرِّب بعيد، والذي سوف يغلبُك بالدموع إن هبشتو، فالغرباء (أصالةً) متعبون مرهقون بكَّاؤون نائحون !!
ولا تشكو أوجاعك إلى مريضٍ مهيض، أضواه الألم، وخذلته العافية، وأحاطت به أجهزة الأطباء من كل (ذراع وأنف وخشُم) فتأسف أنك شكوت وتوجعتَ أمامه، فالمرضى أقوياء بمن حولهم فقط !!
وفي الأصل أنت حقو لا تشكو آلامك وأوجاعك إلا لمن تثق فيه فعلاً، وتثق أنه سيتعاطف معك ! بل حاول يا أخي (ويا أختي) ألا تشكو من أساسو.. وحاول أن (تاكل نارك لوحدك)، إذ أنه كلما شكوتَ لأحد كلما أكتشفت أنك أفضل من كثيرين ممن شكوتَ إليهم، وأنك ربما أقلهم دموعاً !!
مرة واحد عمنا قاعد أتونس معاهو في موضوع زي دا قال لي حكمة بالغة جداً.. قال لي عارف يا إبني أهلنا زمان كانوا بقولوا (لا تبكي لزولاً ما بمسح دموعك)!!..شفتوا كيف !!
قبل فترة كدة جاتني بت تكنيشان technician خواجية زميلة، كانت شغالة معانا، وعندها مشكلة كدة..وقعدت تحكي لي..وتحكي لي.. وتحكي لي..وأنا بسمع ليها سااكت ومتأثِّر شديد خلاص.. وشويتين كدة المسكينة دميعاتا شوووووووو نزلن !!
أها نظام أمريكا هنا لو قدامك زول (بكى) إنت لازم تتأثر، وتتعاطف معاهو، حتى ولو ظاهرياً..مثلاً تطبطب عليهو أقل حاجة..ولو زولاً كمان بتعرفو شدييييد أحسن تديهو (هَق) hug مع الطبطبة دي.. وتقول ليهو I am sorry ، يعني بالسوداني كدة تواسيهو و(تَقِلدُو) !!
البت دي عاد أنا بعرفا تببب.. فقمت قلتا (أبقى أمريكي) وأديها (الهق) حق الواجب، والمواساة، والطبطبة داك..طبعاً أنحنا (أسياد واجب) وكدة.. الحصل شنو بعد داك ما عارف والله..لكين أظني زِدتَ (الهق) دا شوية، ولا (أخلصت) فيهو شوية إحتمال..ولا الحصل شنو بالضبط ما عارف !! لكيين بس حتى قُبَّال ما أتم (هقي) دا ذاتو قال كدة مآسي الدنيا دي كلها جاتني في راسي..والقيامة الرابطة في السودان ديك كلها (أتلايمت) وجاتني.. شيتاً الكورونا، وشيتاً الصفوف، وشيتاً الجنجويد، وشيتاً غباين البرهان، وشيتاً الكيزان، وقتل شباب التروس، وقحت، والإعتصام، والنائب العام، والإنقلاب، وتِرِك، وحميدتي، والتجاني السيسي، ومناوي، وجبريل، وبرطم والتوم هجو، والجنينة، وحمدوك..(وهناية ديك ذاتا) جاتني، وعييييييك..
الحاجات دي كووولها (كبست) علي مرة واحدة، وملت لي وشي وعيوني (ووجداني) تُففف، وربطت حلقي، والعبرة خنقتني، وقال كدة وفكيتا بكية أنا ذاتي !!
البنية تبكي..وأنا أبكي ومتقالدين ترا.. هي تبكي.. وأنا أبكي.. هي تبكي وأنا أبكي.. هي أخدت ليها صنة كدة وأنا أبكي..وأنا أبكي..وأنا أبكي..هي سكتت وأنا أبكي !!
في النهاية المسكينة شكلها أتخلعت فهدأت واستغفرت، وخلَّت بُكاها ذاتو وقعدت تسكِّت فيني، وأدتني مناديل ورق عشان أمسح وشِّي.. وقعدت تتعذَّر لي..وتطبطب علي..وردَّت لي (هقي) الناقص الأديتا ليهو داك بأحسن منو، وبالزيادة كمان..وقالت لي معليش دكتور موهمد..أنا آسفة شدييد والله.. انت زول طيب..إنت ڤري إيموشونال emotional دكتور موهمد !!
قلت ليها والله ڤري إيموشونال جداً يا كريستينا..إنت بس ما عارفانا سااكت أنحنا السودانيين ديل..والله أنحنا متوَّقين تويقة جد وممكونين وصابرين ساكت.. الأيامات دي والله في (البلد هناك) وصِل بينا الحال (كُسناها من التوم هجو يا كريستينا وما لقيناها..تصدقي).. البت هنا أنتبهت..قالت لي (وااات what)؟؟!!
That idiot drooling guy??
(يعني الزول المطرطش وعوير داك)؟!. قلت ليها آي والله..في هذه اللحظة تااااني (قلدتني) (وحررنا) بكيتنا تاني من جديد !!
قلت ليها والله يا كريستينا (وإنتِ ما طالباني حليفة) الحالة عندنا في البلد بقت كعبة خلاص.. (وكمان تخيلي حميدتي...) وقبل ما أتم كلامي قالت لي :
(Whattt? the tall janjaweedi guy too)?
يعني زعيم الجنجويد الطويييل داك كمان؟! قلت ليها آآآي والله..وقال كدة تاااني أدتني (هق) أشد من الأولاني داك.. والدموع ديل شوووووو !!
قلت ليها : لا وإيه كمان جابت ليها (برطم ومناوي وأردول) !! وقال كدة البت دي (عاطت) بطول حسها، وختت يدينها الإتنين في نص راسها، وقعدت في الواطة دي، وهي تردح وتولول وتقول لي (أو ماي قوط، ذيس إز أنبليڤأبل) Oh my God, what a shet, its unbelievable..يعني يا إلهي، (تُفَّاااااا)، هذا شئ لا يُصدق !!
وأنا لما رأيت الأمر (متحدراً) هكذا، قمت دنقرت عليها كدة وهي (متفرجخة) في الواطة، وقلت (في قلبي) أصلها الحكاية بايظة بايظة.. خليني أديها الأخبار كووولها (فَت مرة).. قلت ليها: أها وأزيدك من الشعر بيت يا كريستينا.. وحمدوك كمان أستقال.. نطت لفوق وقالت لي واااات..وااات وااااات !! whattttttt, whatttt, whatttt..والساعة البت دي صرخت (وقلدتني) أنا قلت الليلة غايتو يا روحي يا روحا واحدة بتطلع..بعد مساااااااااافة كدة افاقت شوييية، لكييين قلدتني قويييي، وبقت تشير لي على المناديل..يعني أديني مناديل..قلت ليها لشنو ؟! يعني عشان (تقُشِّي) بيها نخامتك؟! يا زولة قُشيها لي في قميصي من ورا..ولا أقول ليك حاجة..قُشِّيها لي في عنقرتي دي (ما هي لسه قالداني والعنقرة قريبة من نخرتا)..عليك الله هو ذاااتو شِن فايدة (العناقِر) في وضع زِفِت، ومنيِّل بستين نيلة زي وضعنا دا !!
السودان دا إلا يوم يكتُلنا ويقعد براهو..
د. بشير إدريس محمدزين

انقر هنا لقراءة الخبر من مصدره.