كنت اول من يقول ان المدعو كيكل قائد درع السودان يعمل مع المليشيا و لحظتها تعرضت لهجوم كبير من اهله و معارفه الاستنكروا كلامي و اعتبروني ضلالي و بعد اسبوع من البوست بتاعي ظهرت الحقيقة الحامضة جدا" من داخل كيان درع السودان . صفحتي دي من يوم عملتها لحدي هسه حريص جدا" على مصداقيتها .. ما كنت بحب انشر اخبار رغم انو الاخبار و المعلومات بتتوفر عندي بكثافة .. بديت انشر اخبار مع الحرب و برضو حريص كل الحرص انو الخبر عندي يكون حقيقي .. مواضيع كتيرة جدا بتابعها و بتقصى فيها من خلال مصادر كتيرة .. ما بعتمد على مصدر واحد . المدعو كيكل ده انا متابع نشاطه من بدري شديد و هسه بعد الحرب كثفت متابعته لانو الزول ده جند معظم شباب اهله و منطقته بحجة مساندة الجيش و في النهاية اتضح انو التجنيد لصالح المليشيا .. كيكل بحكم تجربته الكبيرة في التهريب و تجارة السلاح ممكن نقول من اشهر الناس الحافظين منطقة البطانة تماما" .. انا متابع كل صغيرة و كبيرة بيقوم بيها و قبل فترة واحد من اولاد تمبول كان نائب كيكل اختلف مع كيكل لدرجة انو اشهر سلاحه في مواجهة كيكل و كان عايز يقتله .. الخلافات دي كانت مؤشر لنهاية كيكل .. و اول امبارح كيكل اتحرك من شرق النيل مع 18 عربية .. اتنين عربة بوكس و اتنين برادو و 14 لاندكروزر فيهم جرحى من المليشيا و اتحركوا لحدي ما وصلو منطقة قراعه و هناك قابلو مجروس بتاع جيش معطل و حرقوه و واصلو لحدي انابيب البترول و هناك رجع منهم كيكل بعد ما سلمهم الطريق .. اساسا الدرب ده بتاع تهريب .. اها المجموعة دي هي التم قصفها بالطيران و تم تدميرها تماما و في مجموعة صغيرة هربت و تم ضبطها في خشم القربة او الشواك .. المجموعة الانضربت دي مافي زول فيهم ممكن تتعرف على ملامحه .. عبارة عن أشلاء متناثرة و طعام فاسد للصقور عشان كده اتضاربت المعلومات .. معلومات بتاكد انو كيكل رجع من خط الانابيب و معلومات أخري بتأكد انو كيكل فطيسة الآن .. عن نفسي ح اعتبرو هلك لحدي ما يظهر شخصيا او تتاكد معلومات نجاته . في النهاية خبر هلاك المجموعة الحاول كيكل يهربها عبر البطانة خبر مؤكد جدا .. حياة او هلاك كيكل ما بيهمنا كتير لانو واثقين من نهايته .. ده غير انو من المحتمل جدا يكونوا امثال كيكل و سفيان غواصات داخل المليشيا . نزار العقيلي مواضيع مهمة علاج الحمى في الطب النبوي مشكلة مص الإصبع التفاح الأخضر .. فوائد الضغط في العمل كيف نتناول الكزبرة؟ ميكب خدود البشرة الداكنة
