حميد..بيوت الشعر الطينية..قصيدة عباس عمر [email protected] يا كلمة مسكونة.. وجع الكلام الحار يا غصة مغبونة.. جوف الحلق مسدار يا قافية موزونة.. خليت حروفنا شتار وجعنا ماسك فيك.. ..خلاص بعديك.. خليهو يمسك نار :::::::::::::::: يا كلمة الفقراء.. ريحة عرقنا حلال ..يا طينة مسكينة.. موية عكرنا زلال يا قمرة ضواية.. شهقت وجع بطال يا جرحنا الغائر.. نزف شريانا شمال ::::::::::::::::: صوت الوتر غادر.. وفضلت زول نادر.. حزنك عليهو نبيل وجعك بعييد غائر وصبرك عليهو جميل ورحلت عز الويل في منتهاك زفرة مرقت من حشاهو الليل رحل( مصطفاك) نخلة.. ورحلتا.. بي رواهو النيل ::::::::::::::::::: دموع الاسف باقيه.. عيون الشعر غميض يتمت كم قافية.. قفل الشعر مليون بيت احزان الوجع طاغية.. رحل الكلام..حميد؟؟ عباس عمر- السعودية القصيم-20/3/2012