[email protected] حميد تعال حنرمي السلاح شعبان احمد سليمان بيرم /القصيم كيفين بترحل مننا , حميد بلاش تستعجل , خليك معانا فى الدرب شوية شوية , علمنى اغنى , الطين , المخرطة والطورية , للناس الصابرة سنين للحال الما دغرية . حميد يا حروف وجع الغلابة , يا الديمة سندك للترابلة , , يا وليد الكلمة من قام فصيح , , ياحلم جميل تايه فى وسط الظلام . يا زولا رهيف بلحيل ، يا البيك بشرنا القصيدة تورت اشواق المدارك واستحمت فى مدارك بالمضامين الجديدة,ياجميل نفسى اقدم ليك هدية فى حدود الاستطاعة , لانك ماشى دغري وبحروفك تقاووووم , لى زولا بصيح بنادي( نضال ,ديمقراطية,وحدة , حرية) , لوطن بنزف بعاني . يا الله الكل نيام !!! مين حيسمع فى الكلام وقتين تقول (درب السلام ان كان بعيد للحول قرب) , غبت عنا ومشيت قبل ما نرمي السلاح ! , تعال اقسمنا حنسيب السلاح , لاتمرد لادمار , لافواصل الا جار ,لا متاريس لا جدار . لامشانق , لاخنادق ,لابنادق, لانزيف . لمافوق الواطة نقعد فالحرب تفتر ,,, تقيف حميد رد السلام !!!, حنخلي بالنا على الوطن , حميد خلاص بنهتف معاك : وطني / العزيز ... المحترم ... بعد السلام عليكم ، أثنيت بك فهم وحدو القلم ما يزيل بلم يا نسوْ سلام سوداني أشم فوق القمم ارضا سلاح ........ ,. كنا نتوقع ان يكون هذا العام عام الانتصار للجماهير على بؤس الزمن (فقد كفاها عذاب ومحن ) ونخلى الشعب على حروف حميد يغنوا , نسويه بروح وبدن ونضويه وطن. عشت اصيل(حميد ) زى ارضك ونيلك , عرفنا الليله قلبك تعب قبلك كتير, بتكتل حزنك , تعبك لاح . رحلت خلاص . , الف ورحمة ونور عليك يا فاجعة الوطن , فوداعا يا مطر عز الحريق وداعا يا الكنت مصباح للطريق . مع السلامة يا سلاح كل الغلابة ,كيف تانى اغنى ( ابداع وعلم وحرية )!!!!!!!! رحم الله شاعر الوطن والنضال ,شاعر الحرية والسلام , موجوع الوطن المغفور له باذن الله محمد الحسن سالم حميد والهم اللهم كل الشعب السوداني الصبر وحسن العزاء ...... انا لله وانا اليه راجعون .... ايها الشعب هل يا تري سننفذ وصية حميد ونجعل الوطن حيا معافا ( وطني البموت , وبخلى حي )