[email protected] تحية إلى شاعر الشعب محجوب شريف : يا سلام عليك .. سلمت يديك جادك مطر زارك غمام ظلل عليك حياك قمر يحضن وشيك يا شاعر الشعب الجميل يا بذرة الوطن الأصيل محجوب شريف يا سلام عليك لمن تشيل قلم العناد مسنون مجوهر بين ايديك لما القصايد تبقى حرة ورافعة سيف لما الشعر يصبح هدير والثورة قيف كل العيون بتشابي ليك كل الوطن بسأل عليك يا فارس الحوبة الشفيف يا رمز لي كل زول شريف محجوب شريف .. يا سلام عليك أسمك وطن لي كل من بسم الوطن أعرب ورطن اسمك وطن لي كل طائر حر مغرد زاهي يشدو على فنن ما الثورة فن وانت بتناغم من بعيد ابقوا عشرة على الوطن يا سلام عليك ليل الظلم أصبح وشيك واهو ده الصباح نسماتو بتهبهب عليك محجوب شريف .. سلام عليك هشام بشير محمد صالح