[email protected] هو فوز ازرق سهل وجديد على هلال الفاشر فعفوا اخوة فاشر السلطان فالهلال الاب هو عشقى وربما عشقكم انتم و ما زالت السيره الهلاليه فى الكونفدراليه على كل الالسن السودانيه وتمنينا جوليبا وجانا جوليبا والكونفدراليه ما ممكن نسيبا فلا للحمام الكنغولى والف لا ولا للوصيف الدائم والف لا انها لك ايها الهلال لانك كل الجمال وكل الدلال والكاس ليك حلال وشبال لسانييه وهارمونيكا من كاريكا حولوا كل العرضه مزيكا وحتى ريكا بدأ يتغرزت وفى مباراة الرد حالف يلعب بتلاته مدافعين وحاكو حاكو والله يهديك يا حضرى تنطط لينا الكوره وتملصها زى ناس ملوص وعلى نفسها جنت براقش ويجب ان نحكى للحضرى قصة الطاووس المغرور ونهديها لكل اطفال كفر البطيخ : نظر الطاووس يوما الى ذيله الجميل وقال فى نفسة ا نا اجمل الطيور ..! وقرر ان يعيش منفردا تعجبت الطيور مما حدث تجمعت الطيور وذهبت الى الطاووس وطلبت منة ان يعود ليعيش معهم فقال لهم : انا اجمل منكم ريشى ناعم وطويل ؛ ذيلى ملون وجميل عاش الطاووس وحيدا وبعد فتره اصابه المرض وتساقط ريشه الجميل وجاءت الطيور تعودة واعتذر الطاووس للطيور باكيا معليش زولكم ده استفز جمهور الهلال كثيرا فكان الجزاء من جنس العمل استفز سادومبا واستفز سانييه واستفز بكرى المدينه واستفز هيثم o ويا اخوانا ما فى زول من شرفاء المريخ قادر ينهر الفرعون o ويديهو كلمتين فى العضم ما قالوا متوكل رجل شجاع وبقدر يسويها وقالوا عصام الحاج صعب مع اللعيبه لكن الظاهر الحضرى لا بخاف ده لا ده وما بكلموا الا الوالى ورايت الناس قد مال الى من عنده المال والوالى قال عنو قبل الملصه انو NO 1 وليه يا حضرى كده دخلت الجماعه فى حته بطاله وفى ناس يا عينى فى امدرمان بدوا الحفله وجهزوا المكروفونات والساوند والاعلام والمواكب وما عارفين ان اولاد ملوص اصلا من الكنغو والظاهر دى دعوات اكرم ويمكن عمل للراجل عمل كارب وحقيقه قطع الاعناق ولا قطع الارزاق والحال واقف وجابت ليها شيكات طايره والحضرى كل مره من كفر البطيخ لحراسة المرمى ولا تدريب ولا يحزنون ومفتاح المرمى مع الحضرى وبس وحتى لو اتأخرت الطيارة ممكن المباراة تتاجل والمعتصم Ready ومرمى المريخ منطقه عسكريه وممنوع الاقتراب او التصوير ويا عينى عليك يا يسين يا طيب وبصراحه راحت عليك يا اكرم وما فى ليكم طريقه الا تزيدوا الدنبوشى واستقبال خرافى للحضرى فى المطار وغلطاتك عندنا مغفوره وممكن فى صالة VIP زى جانى الزامبى وممكن يدوا الحضرى وسام المريخ من الدرجه الاولى ويمكن تعمل ليها جلاكسيات واملص كوره واحصل على توشيبا واملص كورتين واحصل على جلاكسى وطلعنا من الكونفدراليه وحنشيلك فوق الراس وهذه فلسفة مريخ 2012 ويلا نعيش فقط على ذكرى اجدادنا القدماء وكاسات ما قبل التاريخ و بصراحه ما شفنا المريخ فى الكنغو وكان ما فيش بالمره وقالوا السبب رش الملعب وقالوا كالعاده ده هو الحكم وقالوا ديل ناس الهلال فى الكنغو وقالوا يمكن ديل ناس مازيمبى وقالوا التعويض فى امدرمان مؤكد وقالوا ناس الكنغو حيشوتو كل كورهم فى الكشافات وما حيجيبوا قوون وما علينا وما علينا ومهما يقولوا الناس يقولوا المهم هو هلالنا وفوز هلالنا وتأهل هلالنا وجماهير هلالنا ومن باماكو اكيد متأهلين واختار يا غرزه اى حمام فى النهائى وعندك حمام كنغولى وصلحو او قمري سوداني ونجضو وياريت نقابل الاتنين ومعاهم الجاكومى ومعتصم والوالى والتحكيميه والمفوضيه والارباب والطابور والفلول واكامبو واسرائيل ووووو وشكر كتير للاتحاد الدولي للتأريخ والإحصاء (IFFHS) و قائمة التصنيف الدائم لافضل فرق العالم فالهلال ايها الناس هو الثانى عربيا والثانى افريقيا والحاضر يعلم الغائب وعلى المتضرر ان يلجأ للقضاء و التفرد الازرق يثير الدهشه وقوم اوقف و انت بتكلمني ولا تحدثونى عن كاس الوصيف ايام حبوباتنا ولا عن التلفزيون الابيض والاسود ولا عن الراديو ابو حجر كبير كلمونى عن اللابتوبات والجلاكسى والمس كول كلمونى عن هلال عالمى يدق مزيكا كلمونى عن ولد اسمه مدثر كاريكا ونحن اولاد النهارده فتقاليد الهلال التاريخيه جعلته الأول سودانيا والثانى عربيا وافريقيا وما زال الآخرون فى محطات الفشل يحلمون بكاسات الصفيح القمة اخوتى لا تتسع لإثنين و كرسي الحكم يُصنع ل ملك واحد فإذا كنت الأول ..فأنت الأول فعلا و إذا كنت الثاني فأنت شيئ ما و الرقم 1 هو أكثر الأرقام تميزا وإن جميع الأرقام .. تكاد تغير منه والوصافه فى بلادى هى دوما حمراء . وأن قالوا فى الهلال انه ضعيف وانه فقير وان ملعبه زريبه وان لاعبوه يعانون الفاقه وان الخلافات تقطع اوصاله وانه نادى الحكام واذا تعاقد الهلال مع لاعب فى قامة سانييه قالوا انه لا عب بدون نادى واذا فاز الهلال بالدورى .. قالوا انهم حكام صلاح و اذا دفع الهلال مبلغ خرافى فى سادومبا .. فانه يخرب السوق . واذا فاز الهلال بنتيجة كبيرة . فذلك لان الحظ والحكم وكل ظروف الدنيا مع الهلال .. . واذا كان الثلج ابيض فهو مدنس .. فى رأى الاعلام السالب وتعظيم سلام لابطال الهلال محمد حسن شوربجى
