سلوى محمد عبدالله [email protected] في الخاطر بلد مسكين علي حرف الدميره رقد وفي الخاطر اهل بلدا ينوم مرتاح وخالي البال لابحرس ضي النجمات ولا بحسب ويخيب في العد ولا بتوشح الامال كضب دجال عسى في يوم يكون الجد وفي الخاطر عزيز اهلا وعزيز عزا يناضم في نجوم اغراب ونجم عزه من بين أ يييييديه شرد في بلدا فيها اتساوة الاكتاف لاينفع سمح تاريخ حتى الحاضرالسمح بالحيل لابنعد ولابنشاف ومهن جار عزيز ليك لابنضام ولا بنعاف طال ما بار في الازمان زمان اغبر سنينه عجاف طال ما بارا في الادمين المن حق الله مابي يتخاف بسرق الكحلة من العين ويسرق الرقد جوه نفوس عامر وما بنشاف بس بنحس وما بنشاف وبس بنحس وما بنشاف