سلوى محمد عبدالله [email protected] رغم ريدتي للسودان ورغم انه عندي رأي في كل البيحصل في الساحة السياسية طول عمري مافتحت خشمي وقلت تلت التلاته كم لانه عن لانه عندي في السياسة زاتها وكان نفسي أكون بعيده منها للآبد لكن البيحصل في السودان بنطق المابنطق خليك من زول جنه نضم وتنظير زيي والمثل قال اكان اتبللت عوم.والله يستر . اتذكر اول مره افتح خشمي كان مباشرة بعد موت حميد والذي تربطني به صله دم كما تربطني بكثير ممن يتعاطون السياسة منهم من قضى ومنهم من ينتظر . وكنت لما اقرأ قصيدة حميد البيقول فيها وكتين يضيع عرق الجباه الشم شمار في مرقة آه يا نورة آه كان يقصد وبكل وضوح “يانوري” مش يانورة خاصة لما يقول دا ما هو صوتك… لاها صورتك دي البترقش نادي فوق صدر الجرائد انتي يا حضن الصحاري .. شفع العرب الفتاري البفنوالشايلا ايدم .. ويجرو كايسين القطارا لا سرابة صحرا موية .. لاحجار سلوم موائد حميد اتعذب مع ناس نوري بين قيم اتربى عليها وهي ستر الحال ونصرة الناس خاصة لمن يكوون قريب بصرف النظر ما اذا كان ظالما او مظلوا وبين لحمة ودمه وبين المسئولين عن دم السودان كله حميد صاحب فكر رائع وروح شفافه لايأذي من اذاه وأخير اتهموه ببيع القضية . حالكم البصرخ وينادي يا وطن عز الشدائد يا وطن عند الشدائد يا هدى الناس الحياري .. يا ندى الفجر الببلل .. نور عوينات الفقارى جاي ليك يانورة .. آفة للدود البنتر فوق عشيماً داخرو فيك أصلي لمان أدور اجيك .. بجيك لا بتعجزني المسافة لا بقيف بيناتنا عارض.. لا الظروف تمسك بإيدي ولا من الأيام مخافة يا نفس فجر القصائد .. مابهم في بعدي عنك أصلي متغرب عشانك .. راضي بالجايني منك ما شكيت شح الليالي .. ما بكيت نح شلتو حالي رغم انواالحال بيفضح .. إلا كت في الحارة بصرخ يا وطن عز الشدايد ياجماعة في كلام اوضح من كدا . ومهما كتب نثر او شعرا لا اوفي حميد حقه وبي مناسبة ازمة الجزلين والفهم بقول:- حميد افل افل النجم اضاوي في عتمة نهار ضوا البلد ضي البلد مافط دار حميد رحل ورحل الفهم الداخرينو لي علم الصغار حميد رحل ورحل الفهم الكان بسد نقص الكبار وانتكس العلم الماننكس في يوم محال انتكس العلم الكان علم فخر الرجال” ونشف المداد ونشف القلم حد السلاح … سيف الكفاح……قول الفلاح حميد سكت … وعزا الكلام ++++++++++ ما نوري ما بتعقر وراك ولاده لحد اصبر تدفن رجال وتجيب رجال وحميد ما مات حميد اتكتل بالمغصة مليون مرة قبل ما يموت. وياناس البلد الغااااااااااااالي سلام
