فجر غضبك فجر غضبك يا زول ممغوس ضد المنك سرقوا فلوس وحرقو حشاك خلوك تحوس وولع نارك في المتعوس رئيس الفجرة اليوت منكوس أبو حزبا كله نعاج وتيوس يا ظالم يا غبيان ويا منحوس سرقت الخير الكان متروس شردت شباب قطعت رؤوس وقسمت البلد وخربت نفوس يلا شبابنا قومو عليهم دوس وشنو عليهم حرب ضروس لا تهابو الموت لا تهابو سلاح الروس وقولو ارحل ارحل يا موكوس نسيت يا بشة يا متعوس وكتين أمك كانت للكسرة تعوس والبيت الموقد فيه فرد فانوس ولما بقيت مسؤول وبقيت محروس بتنطح فينا زي جاموس يا متعوس يا الخايب ظنك قبال ما تجينا ونعرف عنك كنا بنأكل احسن منك وبعد ما شبعت وجوعت بطون داير تبقى علينا كمان فرعون والله صحيح ما بتفيد الحسنة في الملعون ويا سودانا علينا يمين ما بتهون الشاعر/ عبدالله أحمد (البروف)