يا امير المجرمين جيتنا في اول ولايه جيتنا كترت الارامل جيتنا يتمت الصبايا جيتنا تنشر دين تجارا عن سماحه الدين غبايا لابسين شعار الدين عبايه وانتوا تهدموا فيهو اصلا سوره سوره وايه ايه دينكم الموت والمشانق خالف اللوح والدوايه هل تجويع الشعب سنه والشبع فرض كفايه ياغبايا خلاص كفايه للكضب حبلا قصير وللنفاق لابد نهايه يا امير المجرمين باسم الارامل والسبايا واليتامى من الرعايا والعطاشى لجعانين العرايا لما الشريعه بقت خديعه وبقت ذريعه للرزايا العبث بلغتوا حدو ونحن شرع الجبهه ضدو ولي قتالو رفعنا رايه يا امير المجرمين ما بنبايعك يا غبي نحنا بايعنا الغلابه نحنا بايعنا الارض بالدماء نغسل ترابه نحنا بايعنا اليتامى الطولوا ما قالوا يابا نحنا ايعنا السلام في بلدنا بنزرعوا وادى وادي وغابه غابه نحنا بايعنا المحبه الانتوا اصلوا قفلتوا بابا كيف نبايعك يا غبي ونسلم السودان عصابة زاهر أحمد [email protected][email protected]