شكّل أحمد زاهر ثنائية مع الشاعر محمد علي أبو قطاطي ولحن له نحو نسبة تسعين من المئة من قصائده. من أشهرها (يا ربي هل طاريني قلبو) التي غناها صلاح بن البادية وهجران وفرحة قلبين، اللتين غنتهما منى الخير، ورسالة حب التي أبدعت فيها سمية حسن. وتعاون أحمد (...)
لم وعينا عرفنا مرضنا
لا زول حرشنا
لا زول حرضنا
الا الجوع الالموا قرضنا
و نحن الليلة
رفضنا رفضنا
قالوا شريعة و طلعوا عصابة
طبقوا فينا شريعة الغابة
نهبوا بلدنا و سرقوا ترابه
ذلوا كباره و كتلوا شبابه
و بعد اتمكن فينا طردنا
ز نحن الليلة
رفضنا (...)
كيف يكون هناك حوار
بين السجان و المسجونين خلف الاسوار
كيف يكون هناك حوار
بين السارقين و المسروقين و الدنيا نهار
كيف يكون هناك حوار
و الشعب الجاع و الحق الضاع
و البلد اتباع من دون انذار
و المكتولين و المطرودين
و المخطوفين راجين التار
كيف يكون هناك (...)
توب يا ظلوم
قبال تقوم من كرسي أبداً ما بدوم
إنت من ما جيتنا شوم
سكنت منازلنا الهموم
و بلت شوارعنا الدموم
عز النهار شفنا النجوم
تتمادى في الباطل تعوم
و جزى البينصح أو بيلوم
بس طلقتين عند اللزوم
توب يا ظلوم
جيتنا مشحون بالكذب
و لعبت بالاسلام لعب
علماك (...)
يا عزه عفواً سامحيني
و أرحميني ...
أرحمي ألمي و أنيني
إنتي حبي الجوا قلبي
إنتي بعد الرب يقيني
ما نسيتك يمه لحظه
إنتي جواي طول سنيني
إن غفلت بترشديني
و إن كتبت بتلهميني
...........
في ليل بهيم جونا التتر
خلو الدموع تنزل مطر
و عملوا مجلس أربعيني
دينم (...)
أرمي قلمك يا صديقي
كسرو و دفق مدادو
و أختف أقرب بندقية
للنضال الناس تنادو
الكلام ده زمنو ولى
و التريث فات ميعادو
ألحق البلد البضيع
بين تماسيح الدميره
بين ركام العنجهية
و الشعارات الفطيرة
أرمي قلمك ما بفيد
أمه مجروحه في ضميره
أرمي قلمك يا صديقي
الوطن (...)
يا مواكب العزه أهلاً
في شوارعنا النضيفة
يا هتافات الشباب
تفضح الإنقاذ و زيفه
مطلب الحرية أول
ثم بعدين الرغيفة
بالصدور العارية مرقو
قالوا تتقد الرهيفة
فاح دم الشهداء عطر
مركز الخرطوم و ريفها
يا علم الدين حبابك
و إنت في الجنة الوريفة
إنت خالد في (...)
من كل مهووس منفصم
عايز يذل شعبنا
و العايزه قطعاً ما بتم
حننتقم حننتقم
سودانا يا سيد الإسم
يا شوكة في حلق الخصم
يا لوحة كاملة من الجمال
رغم التنوع منسجم
حننتقم حننتقم
برغم أخلاق التتر
بي نور قيمنا بنعتصم
عدوك يا سودان خسيس
و الخسة للكيزان وسم
واثقين (...)
صابر ما بقول أحي
ما دام لسع بفرفر حي
يا وطناًجمايلو علي
من فوق راسي لي كرعي
إذا الليل البهيم أظلم
مصابيحك تنور لي
نحنا الخلوة للتعبان
و الضيف البجينا عشي
فاطنه هناك في البلدات
تتحدى الهجير و الصي
لما قريت تواريخك
من فرحي نسيت البي
عزيزاً أصلي ما (...)
نحن ما كفار و حاشا
ما جعلنا الدين مطية
للتكسب و الإعاشة
ما خدعنا الشعب يوم
بالشعارات الدراشة
ما ضبحنا في السليت
الجعانين العطاشة
لا و لا رحلنا أصلاً
لي بني صهيون فلاشاً
مذبحة رمضان شهيرة
جاري دمها ما تلاشى
أذهلت الشعب كلو
بكل إحساساتو عاشا
الإنقاذ (...)
يا امير المجرمين
جيتنا في اول ولايه
جيتنا كترت الارامل
جيتنا يتمت الصبايا
جيتنا تنشر دين تجارا
عن سماحه الدين غبايا
لابسين شعار الدين عبايه
وانتوا تهدموا فيهو اصلا
سوره سوره وايه ايه
دينكم الموت والمشانق
خالف اللوح والدوايه
هل تجويع الشعب سنه
والشبع (...)
أرح يا شباب أكسر قلمك
ارفع صوتك ضد الظلمك
ديل اعداك صداعك والمك
دي الحريه غناك وسمرك
وطنا ينادي نداهو مجاب
ارح يا شباب
انت الحق والنور والعزه
انت الجبل الما بهتزه
ما بيمتنوا عليك بالبيتزا
بالحريه اللقمه الذا
لا بنتراجع لا بنهاب
ارح يا شباب
وطنا (...)
لا اتراجعنا و لا اتفرقنا
لسانا سلاحنا ايدينا درقنا
و عارفين مين بالضبط سرقنا
منو الغشانا و مص عرقنا
منو الذلانا و منو الافقرنا
و نحن عزاز من الله خلقنا
نحن الليلة مرقنا مرقنا
اطلع ياخي مع أخوانك
أقلع حقك من سجانك
أرفع صوتك و أقرا بيانك
دي الحرية (...)
أرمي قلمك يا صديقي
كسرو و دفق مدادو
و أختف أقرب بندقية
للنضال الناس تنادو
الكلام ده زمنو ولى
و التريث فات ميعادو
ألحق البلد البضيع
بين تماسيح الدميرة
بين ركام العنجهية
و الشعارات الفطيرة
البيوت بالهم تموت
المرض و الجوع سميره
أرمي قلمك يا صديقي
الوطن (...)
بيناتنا مافي علاقه
لا نظرة حب لا صداقة
نحنا البلد عشاقه
و انت البلد سراقه
نحنا بنحب سكانه
بمختلف أعراقه
و انت اناني ظلامي
ضد الشمش و اشراقه
نتوحد ما بنتفرق
عبدالله تيه و أساقه
عايزين عداله تساوي
بين الوزير و غفيرو
و السايق الدرداقه
و البمشي خمسه (...)
انا ضدك يا مرابي
لو بتحكم بالشريعة
أو قوانين حمورابي
ضد بنوكك و ضد صكوكك
و أنا قطعاً ضد سلوكك
لم يتحكم سلوكك
في طعامي و في شرابي
ببقى ضدك يا مرابي
ضد قروشك و ضد كروشك
و كل ديل أسباب عذابي
بقى ضدك يا مرابي
إنت شبعك ياهو جوعي
إنت شحمك من ضلوعي
إنت (...)
سودان وينو ختفو الدودو
سودان وين راح ختفو السفاح
الأسمو وزير شغلو التزوير
و جبايتو تطول حتى موية الزير
تقتل حداً أو بالتعذير
لو إتجرأت و قلت الصاح
سودان وينو ...
طويل الباع للحق لباع
لسنو بذئ و كمان جعجاع
و ما هماه الشعب الجاع
إنجازه جراح و بيوت (...)
يا جرحي يا دامي
متين تقوم تبرأ
عشان نحارب الليل
و نضاحك القمرة
و حياة عيون النيل
الأصلو ما هو بخيل
وحياة شموخ توتيل
و نغمة الترتيل ... بهواك يا سمرة
تائه فقدت دليل
باكي و دموعي تسيل
انا شوقي ما هو قليل
انا حبي أصله أصيل
للغابة و الصحرا
طال الزمن (...)
و دقن كضابه
ملعون صباح اليوم الجابه
بلدنا كانت في عز شبابه
هيبه و مهابه
للحب مثابه
و كانت جنه
بارد شرابه
بقت خرابه
ينعق غرابه
وحوش في غابه
تموت أسودا
تشبع كلابه
إسلام عصابه
جات العصابه
الما حبابه
سلت سيوفا
على الغلابه
و من حقوقنا
ملت جرابه
إسلام (...)