باااانت سعاد .. وقالت ... خبر هااام .. ثلاثة أرباع البلد حرامية ... رجال ونساء ... والبلد يعني السودان .. ويعني الشعب ... ولو قلنا أن الشعب السوداني الآن بعد فصل الجنوي تقريباً 25 ملون نسمة ... يعني عدد الحرامية في الشعب السوداني هم تقريباً 16.500.000 نسمة .. ستة مليون وخمسائة الف حرامي في السوداني ... الكتراااااابة ... يعني ممكن نكون أكبر بلد منتجة للحرامية في العالم .. وكمان ممكن نصدر حرامية برة للبلدان التي ليس بها حرامية كتار ... ويكون بديل لخروج البترول ... والحديث ليس حديث عوام أو حديث فيس أو حتى حديث صحف ... بل هو تصريح من أعلى سلطة في البلاد وهي البرلمان ... ومن الدكتووووورة سعاد الفاتح وعضو حزب المؤتمر الوطني والحركة الاسلامية ... تقول سعادة الدكتور في البرلمان .. كما جاء في الصحف .. اتهمت القيادية بالمؤتمر الوطني سعاد الفاتح عملاء داخل السودان لم تسمهم بالعمل لصالح الخارج وتخريب الاقتصاد السوداني .. وحرضت على ضرورة تطبيق القوانين .. وقالت: «إذا لم تطبق القوانين سنطبقها بضراعنا» .. وقالت: «إن العملاء استطاعوا الدخول في كل شيء و «صاتوا» بداية من الدفاع الشعبي الذي لا نعلم أين هو الآن مروراً بالتعليم العالي الذي أصبح «يُحتضر» وانتهاءً بالشؤون الاجتماعية التي ترأستها سامية أحمد محمد وطفشت منها» .. وقالت سعاد: «لسنا الآن فى موقع لوم حول الفساد وتبديد المال العام لأننا إذا فعَّلنا قانون الثراء الحرام والمشبوه وحده نجد أن «الحرامية كتار» وثلاثة أرباع نساء ورجال البلد حرامية» . صحيفة الإنتباهة البرلمان: هبة عبيد ... لا أدري ماذا أقول ... فقد .. قالت سعاد ... وقلبي اليوم متبول ... وسعاد هي سعاد الفاتح .. أما متبول كما جاء معناها في اللغة ... الوَغَمُ في القلبِ، يُقَالُ: تَبَلَتْ فلانةٌ فُلاناً، إذا تَيَّمَتْهُ، كأنَّها أصابتْ قَلْبَهُ بتَبَلٍ، أيْ: ذهلٍ، والتبلُ العداوةُ، ويقالُ: تَبَلَهُم الدهرُ .. فهي فعلاً أصابت قلبنا بالوجع ... واذهلتنا بوصفها ... وجعلت بينها وبين الناس عداوة بوصفها لهم .. فسعادة سعاد .. تقول ... أنه لو تم تفعيل قانون الثراء الحرام والمشبوه وحده فسنجد أن ثلاثة أرباع نساء ورجال البلد حرامية ... كلام واضح زي الشمس نصة النهار ... بالجد 16 مليون حرامي وكمان زياد 500 ألف ... يلقو ليهم محاكم وين وسجون وين ... كلامة صاح الدكتورة ... أخير فقه السكوت .. فقه .. التحلل .. زاتو لا يمكن تطبيقه لأنهم لن يجدون من يتحللون منه اللهم إلا أن يتحللو .. من ملابسهم ويعملوا بنظرية فرعون ... والملك العريان ... وبيني وبينكم والله جد حرامية ... ففي هذا العهد .. ورغم غلاء الاسعار .. ورغم الضيق ورغم ورغم ورغم كل هذا الأشياء الناس ساااااكتة ... فواحد في الاتنين ... يا الناس ديل ..حواة .. من حاوي .. أو حرامية .. زي ما قالت سعاد ... وفي الاتنين حرامية ... لأنو الحاوي قد يستعمل اسلوب الخدعة والغش ... الشي المحريني .... الربع الفاضل ديل منو يا .. سعاد ... انتي معاهم ولا مع التلاتة أرباع ... ؟ والحكومة من رئيس وزراء وغيرن وغيرن تبع ياتو جزء ... اها يا سعاد .. ناس المؤتمر الوطني الانتي منهم تبع ياتو فريق ... الربع ولا التلاتة ... وسعاد كمان هددت ... بالضراع عديل ... وما عارف حلفت بالطلاق ولا لا ... دي ما جات في الجرائد ... انتو سعاد دي لابسة سكين في ضراعة .. فدايما تهديد الضراع مربوط بالسكين في الضراع... من قصص الرباطاب ... وفي إحدي الانتخابات زماااان ... المرشحين في الدائرة التي تمتد من بربر إلى ابو حمد كلهم رجال ... إلا مرأة .. واحدة ... ظهرت النتيجة ... والناس تسأل .. أها الفاز منو .. السقط منو .... وووووووووووو ... الرباطابي قال ليهم .. خلونا من الفاز منو .. والسقط منو .... شوفو لي الجاء بعد .. فلانة .. منو ... فبلسان حال الرباطابي نقول للدكتورة سعاد ... فعلاً هي العوجة ليس في فلان أو علان .. العوجة في ... الجاء بعد فلانة منو ... والمؤسف كلنا بقينا بعد فلانة ... والآن فلانة تقول .. تلاتة أرباع البلد حرامية ... رجال وحروم ... ليس لنا غير أن نقول كما قالت هي نفسها في البرلمان عندما تحدثت عن الربوية في القروض وموافقة البرلمان عليها .... نقول .. بلسان النسوان التبع التلاتة أرباع الحرامية ... يخسسسسي ... عليكي يا سعاد ... ده كلام تقوليه وتطلعينا حرامية ... وكمان تدخلينا مع الرجال ... يخسسسي عليكي .. وبينك وبينك ياسعاد ... يخسسسي علينا نحن ... فقبلك من طلعنا .. شحااادين .. والآن سويتينا حرامية .. ولا ندري غداً بماذا سنوصف ... مية يخسي علينا ونحن نلتزم الصمت الرهيب .. طارق طه الحاج سعد [email protected]