شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل)    النفط يستقر وسط خسائر أسبوعية والذهب والفضة ينتعشان    "ميتا "تسجّل براءة اختراع لمحاكاة المستخدمين بعد وفاتهم    تطوير بطارية تُشحن خلال ثوانٍ وتصمد 12 ألف دورة    الأمل عطبرة يودع الممتاز رسميا رغم التعادل أمام المريخ    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    اكتشاف مركبات "زائفة" تشعل نوبات الربو    دراسة: القراءة والكتابة تخفِّضان خطر الزهايمر 40%    ترتيبات لإعادة تشغيل مصنع ألبان بركات وإنشاء مزرعة لتربية الماشية    من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء)    طلاب شرق دارفور يسيرون قافلة وطنية إلى جنوب كردفان برعاية والي شرق دارفور    صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية    تشغيل مصنع الاوكسجين بمستشفى الدبة المركزي    الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مساعد قائد الجيش يكشف عن فساد وزير كبير    إبراهيم شقلاوي يكتب: مسرح ما بعد الحرب لدى يوسف عيدابي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزير الخارجية والتعاون الدولي يلتقي رئيس مفوضية الاتحاد الأفريقي    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مهداء لأخى شوقى بدرى: (أوبريت الزمن الجميل).
تاج السر حسين نشر في الراكوبة يوم 18 - 09 - 2015


مهداء لأخى شوقى بدرى: ((أوبريت الزمن الجميل)).
محاولة للتخلص من القبح والفن الهابط وتذكير الناس بعالم جميل، دون الحاجه الى إجراءات قمعية أو بوليسية.
((اوبريت الزمن الجميل))
((اوبريت الزمن الجميل))
حليل ايام زمان
وليالى زمان
وحكاوى زمان
وكورة زمان
وغناوى زمان
***
أيام زمان
متين ترجع
تعود لمتين
و(أنا بريدهم
مكانهم وين).
***
أيام زمان
كانت قلوب الناس
ملانة حب وحنان
أيام زمان
متين ترجع
تعود لمتين
و(أنا بريدهم
مكانهم وين).
ايام زمان
كانت النفوس طيبة
والبيت بشيل عشرين
يا حليل عشرة زمان
***
أيام زمان
كانت الناس
تخاف الله
لا بترابى
لا بتنهب
لا بتحلف
كضب بالرب
كان الدين
بساطة ولين
ما كانت
سجونها ملآنة
بالشيكات ومديونين
ايام زمان
ده كان الدين
وروح الدين
كانت قبب
مليانة بالصالحين
وكانوا الناس
كتير صادقين
حليل زمان
وايام زمان
متين تعود لمتين
و(أنا بريدهم
مكانهم وين)
***
ايام زمان
كان الجنيه راكز
مع الإسترلينى ..
راس بى راس
ومع الدولار ..
عين فوق عين
حليلو (الفرينى)
الشافع ابو قرشين
حليل زمان
وأيام زمان
***
حليل الطب وناس الطب
حليلك خالدة بت زاهر
حليلو الكان أديب شاعر
وفى التطبيب ملاك طاهر
حليل علبة عسل صافى
ماركتو كانت الأسدين
حليل كورة زمان
وطرب زمان
هلال مريخ
مهما كان
ده كان تاريخ
يدخلوا اصحاب
قون بى هنا
وقون بى هناك
أو قونين
يطلعوا
يضحكوا متماسكين
واحد لونو أزرق
بى (كمال)* مفتون
والثانى أحمر
مجنون (بعز الدين)*
و(أنا بريدهم
مكانهم وين).
***
حليل زمان
وليالى زمان
حليلو البابا
الطيب الإنسان
حليل شاخور
سر تجار
(زريبة العيش)
حليل ابو عائلة
ضابط (الديش).
حليل برعى
وحليل منزول
حليل أدروب
الإسمه كان طاهر
حليل ماوماو
ذاك الأسمر الساحر
أسد أفريقيا يا دودو
كان هيبه
وفى الميعاد دوام حاضر
وكان ناجح مكان ودو
***
حليل زمان
وطرب زمان
حليل الفن وأهل الفن
وعباقرة فنانين
فى كل مكان
و(أنا بريدهم
مكانهم وين).
***
حليل ناس الحقيبه زمان
كانوا أحبه
ومهما أختلفوا
برضو أخوان
كانوا عقول
وكان ..
حبل الوداد موصول
ما اصلو الفن
أدب وأصول
حليلو الذوق
وحلو القول
و(أنا بريدهم
مكانهم وين).
***
حليل ..
"غضبك جميل
زى بسمتك
على كل حال
شكلك بديع
وغضبك جميل
زي بسمتك
حكم الغرام بتذللي
وحكم الجمال بتدللك
الاشتياق والاحتراق
والوجد لي
والابتسام والانسجام
والحسن لك
عجبا تكون قاسي وديع
على كل حال شكلك بديع
وغضبك جميل زي بسمتك
نظرات عيونك محنتي
سحر الجمال في بهجتك
خايف خدودك تنجرح
من نظرتي".
***
حليل زمان
وأيام زمان
حليل ..
"يا قائد الأسطول
تخضع لك الفرسان
ياذو الفخار والطول
أرحم بنى الإنسان
مين لسماك يطول
ما يطولك اللمسان
معناك شرحه يطول
والله يا إنسان".
***
وعد زمان
وجانا زمان
((خبر الشوم))!
تعال أفزعنا
تعال أنجدنا
يا ابراهيم يا النجار
يا ود مدنى
يا الزيك ندر معدوم
يا كاشف القوم
حليل تمتمنا
حليلو دليبنا
حليل الراقص المردوم
تعال أسمع ولا تفجع
(خبر الشوم)
"وإنت عارف أنا بحبك
وبحلف بك
ولا ماك عارف بالمرة".
***
حليل زمان
وليالى زمان
حليل كحلاوى
العاشق النشوان
حليلو لما يغنى
ايام زمان
وليالى زمان
حليل ..
(بالله يا زارع القسا
ولمتين يلازمنى الأسى
بالله يا زارع القسا
يا حليل رسائلك والصور
وحاجات كتيره مقدسه).
***
حليل زمان
وايام زمان
حليل الفن وأهل الفن
حليلك إنت ابوداود
ووينو رفيقك الأسطورة
رب العود
حليل ايام زمان
وليالى زمان
يا سيد الطرب
والطرفة والإحسان
يا صوفى يا فنان
هو" فى حب يا أخوانا أكتر من كده
وفى كلمة غير احبك أرددها"
و(أنا بريدهم
مكانهم وين).
***
حليلك إنت
يا خضر (البشير) با لجد
حياتك فن جمال وطرب
مدد يا شيخنا
الف مدد
لما تغيب تكون حاضر
وماسك ليك
أكيد فى عدد
مدد يا شيخنا
الف مدد
و" قوم يا ملاك
والدنيا ليل
نتناجى في
الشاطي الجميل
والليل
نهار للعاشقين".
و(أنا بريدهم
مكانهم وين).
***
حليل الفن
وأهل الفن
حليلك يا العميد
يا المصطفى
يا مطرب
الجد والحفيد
"ما أحلى ساعات اللقاء
فى الشاطى قرب الملتقى
أنا والحبيب عند الغروب
يا حبيبى فارقنا الشقا
وحياتنا صارت مشرقة
سامرنى يا ظبى النقى
وفيك قامة دايما بعشقه
وفيك بسمة ساحرة وشيقة
والرقة منك دافقة
أنا وانت حفانا التقى
يا الباسمة اللدن الطروب
كيف يا وديع في الملتقى
شوف الطبيعة ورونقه
نيلينا كيف متعانقة
شوف النخيل الباسقة
والنيل يفيض للروض سقى
وزهور رياضنا منسقه".
***
حليل الفن وأهل الفن
حليلك إنت يا ابو السيد
تعال فرحنا يوم العيد
تعال ردد معانا نشيد
" يا وطنى يا بلد أحبابى
فى وجودى احبك وغيابى
يا الخرطوم يا العندى جمالك
جنة رضوان
طوول عمرى
ما شفت مثالك
فى اى مكان
انا هنا شبيت يا وطنى
زيك ما لقيت يا وطنى
فى وجودى احبك وغيابى
ياحليلك وياحليل ايامك
على ليالى زمان
وقلبى عايش لغرامك
ما بعد غرام".
***
حليل الفن وأهل الفن
حليل زمان
وايام زمان
سلام يا المرهف الإحساس
يا ود عثمان يا عبد الدافع
والما سمع صوتك مرة
ما ظنيتو
فى يوم سامع
"مرت الأيام
كالخيال أحلام
وانطوت آمال
كم رواها غرام
مرت ومرّ نعيم
كان ظني فيهو يدوم
لكنو مرّ سريع
خلّف ورواهو هموم
ألاما ما بتزول
ما بين أرق وذهول
ما كان جزايا أهيم
سميري يبقى الليل
وهوايا لسه ربيع".
***
حليل الفن وأهل الفن
سلام يا موسيقى يا كلمات
يا زول هادئ ورزين
يا فارس الحوبات
حليلو العاقب
اللا خاصم فى يوم
ولاعاتب
"يا حبيبى نحنا
إتلاقينا مَرَّه
فى خيالى وفى شعورى
ألف مَرَّه
ألف مَرَّه
عاش سلامك
والليالى
تقول كلامك
والبُعاد
يشعِل غرامك
وبالمحبَّة
عيونى ساهره
عايز أشوفك
تانى مَرَّه ألف مَرَّه".
***
حليل الفن وأهل الفن
حليلك إنت ود الضى
يا زولا جميل ودع
لكنو لا زال حى
" بتتغير .. بتتغير
واقول ما انت
نحنا كمان بنتغير
وذى ماعيونك الحلوين
بتتحير بنتحير
تصدق من سنين نحنا
بنتمناك تصابح العين
بامال لحظه تنصفنا
وتبين نحنا منك وين
ولما نحس بيك جافى
ونقابلك بجفا الناسين
بتتحير".
***
حليل الفن واهل الفن
حليلو ود عيسى
ذاك المحترم
الراقى الأنيق ومهندم
و" أنا إن هويت
وأنا أن شكيت
ما شكيت جروحي
ليك أنت
حبي سامي
وطرفي هامي
وقلبي دامي
ما جبتو ليك
يا طبيبو أنت
وبدأ بالكلام
لي عيونك أنت
بدأ بالخصام
غير قلبك أنت
مهما تزيد
لهيب يا حبيبي
لأنك أنت
أنت نصيبي
يا حبيبي أنا بهواك".
***
حليل الفن وأهل الفن
حليل زمان
وايام زمان
حليل رمضان
الراقص الطربان
و"أنا ليتني زهر
في خده الزاهي
أنا ليتني طير
في روضه لاهي
أنا ليتني نهر
تنساب أمواهي".
حليل الفن وأهل الفن
***
حليلك إنت يا حركة
يا وليد بحرى النضر
يا شلال هدر
يا كفر ووتر
"قلبي
ما بعرف يعادي
مهما يبدي القسوة قلبك
تلقا بالحنية بادي
قلبي شمعة
الريح طفاها
شفت ليك
شمعة بتعادي
إنت ..
رجع لي رسايلي
والرسائل العندي
شيلا شيلا
والصور لو درت برضو
وكل ذكرة ريد جميله
شيلا شيلا ".
***
حليل الفن وأهل الفن
حليلك يا بشر الحافى
حليل بادى المعدن الصافى
"في الفؤاد ترعاه العناية
بين ضلوعي
الوطن العزيز
مرفعينين
ضبلان وهازل
شقو قلب الأسد
المنازل
نبقى حزمه
كفانا المهازل
نبقى درقة
وطني العزيز
من حروق الريف
لبلودها
البلاد معروفات
حدوده
لي عداه
بسوي النكاية
وان هزمت
بلملم قواي
غير سلامتك
ما لي غاية
إن شاء الله تسلم
وطني العزيز
نحنا للقومية
النبيلة
ما بندور
عصبية القبيلة
تربي فينا
ضغائن وبيلة
تزيد مصايب
الوطن العزيز".
***
حليل الفن وأهل الفن
حليلو الشفيف
الواضح الدوغرى
ده كان فنان
من زمن بدرى
غنى معانا يا جابرى
"حد يشعر بالسعادة
ويمشي يختار البعاد
حكمة والله وحكاية
تشغل اذهان العباد
ناس بتتعذب وحيده
وناس بتنعم بالوداد
قبل ما تشوفك عيوني
بيك سعدتا وقلبي راد
نظرة في مرأة خدودك
احلي من كسبت ميعاد
يا جمال ياعاطفة صادقة
انت بتحب العناد
ولا بتحاول بي دلك
تشغل الروح والفؤاد
احكي لي قصة غرامك
كيف بديت حبك زمان
كيف بديت بالحب كلامك
يا ينابيع الحنان
كنتا بتبادل المحبة
ولا بتعاند الاحبة
ومقصدك انبل مراد".
***
حليل الفن وأهل الفن
سلام للراح ولسه شباب
سلام يا الخوجلى
يا الفتى اللطيف زرياب
"ما بنختلف
درسني بس
قانون هواك
بحفظ حروفو
حرف .. حرف
أول بشيل
الضمة ديك
وأبرز سكون
حرف الوقف
واكسر عيوني
أمام عينيك
واحفظ ملامحك
بالوصف
أنا ببقى زي قيس
زي جميل
أبكي واجن
أشكي وأعف
ونرجع الريد الزمان".
***
حليل زمان
وايام زمان
حليل الفن وأهل الفن
حليلك إنت يا عثمان
يا شفيع العاشقين
يا زين
و(أنا بريدهم
ديارهم وين)
" الذكريات في كل ليلة
توحي للحبايب
اشياء كثيرة
فمن يغني يذكر خليلا
ومن بينعي ماضي و جميلا
فلتذكرونا كثيرا او قليلا
الذكرى تجمعنا
و نمرح طويلا
فرح الاحبة يتم
في الامسيات
حيث اللقاء يذهب
ما كان و فات
يا الفي الجنوب
حي الشمال
يا الفي الشروق
ليك شوقنا طال
يا الفي الغروب
هاك لحني قال".
***
حليل الفن وأهل الفن
حليلو ود سيد أحمد
الجرحو لسه نازف
لاليهو آخر
ولا عندو حد
"وبقيت ..
أغني عليك
غناوي الحسرة
والأسف الطويل
وعشان ..
أجيب ليك الفرح
رضيان مشيت
للمستحيل
ومعاك ..
في آخر المدى
فتيني ياهجعة
مواعيدي القبيل
بعتيني لي
حضن الأسى
وسبتيني
للحزن النبيل".
***
حليل الفن وأهل الفن
سلام يا الذرى إبراهيم
وليد أم در
يا زولا أنيق بالحيل
يا زينة شباب جيل
وراء جيل
و" ليه بنهرب من مصيرنا
و نقضي ايامنا في عذاب
ليه تقول لي انتهينا
ونحنا في عز الشباب
نحنا في الايام بقينا
قصه ما بتعرف نهايه
ابتدت ريدة و محبة
و اصبحت في ذاتها غاية
كنت تمنحني السعادة
و لي تتفجر عطايا
و لما اغرق في دموعي
تبكي من قلبك معاي".
***
حليل الفن وأهل الفن
حليل زمان وايام زمان
سلام وتحية يا عثمان
يا (ترزى) الحروف
ومصمم الألحان
و"ليه تسيبنا يا حبيبنا
للضنى الما بنتهي للشقا
الفوق جبينا
رسم خطوط ما بتنمحي
ليه تسيبنا يا حبيبنا".
حليل الفن وأهل الفن
حليلك أنت
يا الهرم
الكبير بالحيل
حليلو حفيد ترهاقا
وردى
الزول الأصيل
" ﻳﺎ ﺃﻋﺰ ﺍﻟﻨﺎﺱ ﺣﺒﺎﻳﺒﻚ ﻧﺤﻦ
ﺯﺩﻧﺎ ﻗﻠﻴﻞ ﺣﻨﺎﻥ
ﺩﺍ ﺍﻟﻌﻤﺮ ﺯﺍﺩﺕ ﻏﻼﻭﺗﻮ ﻣﻌﺎﻙ
ﻭﺻﺎﻟﺤﻨﻲ ﺍﻟﺰﻣﺎﻥ
ﻳﺎ ﺃﺣﻦ ﺍﻟﻨﺎﺱ ﺣﻨﺎﻥ ".
***
حليل الفن وأهل الفن
حليل خليل
الفنان الموسيقى
والمطرب الجميل
" لو شفت مرة جبل مرة
يعاودك حنين طول السنين
تتمنى تانى تشوفه مرة
لو شفتو تنسى هموم عمر
بين المناظر والزهر
وتعيشها لحظات نادرة حلوة
و كل شئ حولك يسر
و تحس يدوبك اتولدت
و غير ما تدرى اليوم يمر".
***
حليل الفن وأهل الفن
حليل زمان
وغناوى زمان
حليلك إنت يا زيدان
يا كنوز من محبة
حليلك إنت يا إنسان
"لما تشتاق للمشاعر
تملأ دنياك بعبيرا
لما تشتاق للعواطف
تنسجم تلبس حريرا
ابقي اسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغني
تلقي فيها الريدة فاردة
جناحاتشتاق للربيع ".
حليل الفن وأهل الفن
***
حليلك إنت يا محمود
ومهما تعدى من أيام
برضك فى القلوب موجود
"خلي بالك لي إيدي
وقت اسالمك
لما يازولتي البريدك
أمسح من الزمن العداوة
واقول بريدك
تفرح الناس الحزينة
والأسف الكان مدينة
تهدمو الريدة الحنينة".
***
حليل الفن وأهل الفن
حليل ايام زمان
وليالى زمان
حليل نادر
المثقف الفنان
أخو الأخوان
حليل نادر
الأدبو با ئن وظاهر
ايه اسباب غرورك
والقسوه الفي عيونك
لاني حبيتك
وفي شعري غنيتك
وحكيت كتير عنك
وبستاهل غرورك
حليل الفن وأهل الفن
***
حليل زينب
الفراش الحائر
يا فردة (نغم) ساحر
حليل ..
أخواتها ورفيقاتها
حليلها ..
لما سمعت غنيواتها
من رقتها
نزلت ديمعاتا
"أنا ما اتغيرت
وما اتنكرت ليك
ما نسيت الريده
وما ضنيت عليك
بس كتمت غرامي
في جوه الضلوع
لما شفتك لاهي
ما بترحم دموع
ما بتحس بالريده
والحب والخشوع
خفت لو يا لاهي
عديت ليك عتاب
وإنت خالي ولسه
في زهو الشباب
أفقدك والدنيا
تصبح لي خراب
إحتضنت عذابي
والنوح والحزن
وارتضيت حرماني
وأعصابي تمن
صرت أشرب دمعي
وأوقات الشجن
برضي ما اتغيرت
ما خليت هواك
ما فتر تقديري
مهما إزداد جفاك
بس براك الجافي
والظالم براك".
....................
تاج السر حسين
15/9/2015

انقر هنا لقراءة الخبر من مصدره.