م عايزة اتكلم عن طريقة اعتقالي من سوق امدرمان ولا الضرب لانه دي ضريبة اي زول بنادي ب الحرية ف البلد دي عايزة اتكلم عن التحرش الاتعرضته ليهو كان لفظي ولا بدني بتمنى اي بت اتعرضت للحاجة دي تتكلم عشان نعرف ناخد حقنا كيف الساعة كانت واحدة ونص اول حاجة لما قضبوني مسكني واحد من شعري واتلصق ب وراي ف اللحظة دي انا كوركته فيهو وبقيت ازح منو لزاني ل واحد تاني عشان يركبني العربية مسكني من صدري لما زراير القميص اتفكت وجاريني بقيت بزح فيهو واضربو لما فكاني لحظة انا بركب لمسني ب يدو ب وره لما بقيت اشتم فيهو انهال علي وضربني تخيلو ف السودان وف بلدي تحصل حاجة زي دي طبعاً ده غير الالفاظ والضرب ب اليدين وبعديها البنات المعاي بقو يبكو ويقولو نحنا م جينا ل المظاهرات ف قالو لينا خلاص بنزلكم قدام لما جو ينزلونا انا انا جيت عشان انزل ف ملازم قال لي ماشه وين يا شرم*** وبقى يقول للأمنجي خليها لي ويضحكو انا اللحظة ديك حسيت ب نفسي عايزة اقتلو واشرب من دمو بقينا انا والولد برانا ف التاتشر لما وصلنا نهاية السوق جابو متظاهرين تاني ووقفو هناك الملازم مشى اتكلم مع واحد وبعدها جاء وقف ف باب العربية وقال لي انزلي وانا بنزل لمسني من ورا قادرين تتصرو كمية التافهه والانحطاط وقلة الأدب عاينت ليهو ووقفته طوالي ف امنجي بخرطوش قال لي اتحركي ي زوله الملازم بقى يقول ليهو خليها تجري عايزين نشوفها وهي بتجري وكلهم بقو يضحكو انا م هاميني الضرب ولا اي شي بس مشكلتي مع التحرش لما عسكري م بسوى جنيه يعمل فيني كدة انا تاني ح انتظر شنووو انا حقي م بخليهو ولا حق اي وحدة عملو معاها كدة اذا فاكرين كدة ح نخاف ب العكس قلبنا بقوى اكتر وم في حاجة بتوقفنا تاني.