في ناس فاكرة الاعلام زي زمان والمصادر شحيحه وممكن تجيب تيرمس شاي وتشرب وتكضب على الهواء بدون ما الناس تكون بتضحك عليك وبتسخر منك. حسين خوجلي طلع تاني وقال المتظاهرين 70 بت وولد بدفعوا ليهم قروش وبحركوهم من مكان لي مكان، طبعا المسكين ما مواكب وما عارف الناس بتطلع لايفات من مختلف الاماكن في نفس الوقت. مفروض بتك توريك الحاجة دي، ابوك كضاب يا ملاذ. زمان حسين خوجلي نشر في الوان صورة ود تونسي وجيه وجاهة تحير ، قال دا اخو مسلم تونسي رسل ليه رسالة تضامن مع جهاد الاخوان المسلمين في السودان. ناس جريدة الميدان شكو في الرسالة وسكو الموضوع واتضح ليهم انو الود ده بتاع دعاية واعلان وانو حسين خوجلي الكذاب كاتب الرسالة لي روحو باشواق للحلوين عابرة للحدود. كضاب من يومك لكن الزمن اتغير اعمل حسابك هسع الكضبة بتتحسم في ثواني.