سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
وصول القوات الخاصة أخاف الكمندانات الكبار… والضباط أمس خالفوا التعليمات وظهروا في الشارع.. "تسقط بس" مسموعة الآن في صفرة الجيش عدد الضباط المخالفين رتب صغيرة وعددهم كبير جداً
الكلام دا بالنص وصلني هسي الساعة عشرة و عشرة صباحا 7 أبريل جمعتو من مجموعة رسائل من صديق – داخل الجيش – ختيتهم كلهم في البوست دا ، ساعدوني بالنشر و رسلوهو لأي زول متابعتو عالية ينشرو ضروري جدا: " بالله انقلوا الكلام دا لاي زول من المتابعة حقتهم عالية. القيادة في موت احمر عديل جوّه، التعليمات بتجي انو كل الضباط يرجعوا وحداتهم في خلافات كتيرة بين الضباط حالياً ، شعارات تسقط بس جوة الصفرة البناكل فيها معظم الضباط الكانوا أمس موجودين في الشارع مخالفين تعليمات القيادة الفوق، الناس شغالة مع الشارع والقادة الكبار قاعدين يتشربكوا في الضباط الصغار . وفي ناس حالياً مانعهم من مغادرة قاعة الاجتماعات عشان الناس المختوتين في الايقاف ديل ما يروحوا شمار في مرقة وهم كتار مافي زول يرجع بيتهم يا ناس . الكبار قلوبهم معكم وسيوفهم مع معاوية ، ما مفهومين اي زول خايف من الانقلاب، القوات الخاصة وصلت القيادة ودا المخوف الكمندانات الكبار. والوحدات الباقية في الجيش مستعدة لاي حركة ممكن تحصل في اتجاه اسقاط النظام . يا ناس هووووي مافي زول يرجع بيته . اقسم بالله الناس ترجع انا بكفر عديل بالسودان دا . حينقلونا حالياً لبرج الجوية عشان هناك في ميز ايقاف ضباط، وعدد الضباط المخالفين تعليمات كبير جدا . وكلهم رتب دنيا، ودعواتكم واوعا ترجعوا من القيادة. من ضابط في الجيش السوداني #مليونية6أبريل #تسقط_بس