سودارس : قصة الدقيقة العاشرة في شندي

شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

قصة الدقيقة العاشرة في شندي

قوون نشر في قوون يوم 02 - 04 - 2013

حُكم المناسبات.. (الضلع) ما فيه زيادات إلا في دار جعل

في شندي ...زول زعلان...جنو وجن (المروحة) الشغالة.

النوع الممكن يشاكلك كدا ..بدون سبب ، لو شعر ساكت كدا ..انك انت زول (حقار).

زول صعب.

النوع البشتري ليه طلب فول ..ويقول للجرسون كب لي فيه (4) طلبات كبدة.

زول مفتري.

ما بتفاهم.

بمشي الحفلة ..من اول فاصل بقول للفنان غني لي اغنية (دخلوها وصقيرها حام).

لمن يسمع (اركزوا زينب وراكم) لو كان في السوق العربي بطلع العراقي حقو وبتجلد.

ان شاءالله في (بص الولاية)..بتجلد يعني يتجلد.

وقت يسمع (اركزوا زينب وراكم) ما بقيف تاني.

ناس شندي كدا ...كلهم صعبين.

الزول دا مشى اشترى ليه (موبايل) جلاكسي ب (4) ملايين جنيه.

عليكم الله في داعي للكلام دا.

صاحبو اقنعوا ليك.

قال ليه الموبايل دا فيه اي حاجة تخطر ببالك ...(لاب توب) عديل كدا.

لاب توب متجلكس بس.

طبعا في ناس اهم حاجة عندهم في الموبايل (الكاميرا).

من تقول ليهم اشتريت لي (موبايل)...يقولوا ليك : (اها كاميرتو كيف؟).

كاميرتو دي تقول عاوزين يصوروا بيها : (اسماء في حياتنا).

بل ...التقول عاوزين يصوروا بيها (في ساحات الفداء).

الزول اشترى الموبايل (جلاكسي)..ودفع فيه (4) ملايين.

قلبوا انقطع ..بقى زي الزول البنزل من الكوبري يلقى ليه حادث قدامو.

قلبوا وقف عديل كدا ..(رغم من انو ناس شندي ديل صعب الواحد فيهم قلبو يقيف).

هو في الحقيقة ما مقتنع بالحكاية دي ..لكن صاحبو اقنعوا يشتري ليه (موبايل) جلاكسي.

موش مرات كدا بنزلوا ليك من السما اصحاب يقنعوك تعمل ليك حاجات انت ما مقتنع بيها.

اصحاب زي ضباط المحليات ..لو ما عملت الشيء ما بفكوك.

ما بخلوك.

يبقوا ليك في (رقبتك)...زي الشفع وقت يعلقوا ليك في قناة (طيور الجنة)..ما يدوك في التلفزيون فرصة.

اها الزول دا مرة مشى السوق.

زي اي زول لمن يمشي السوق.

دي فيها حاجة.

ما عاوز اقول ليكم (الكلام دا ما يطلع من العمود دا).

كلام عادي ما فيه اي سر.

الزول نزل من عربيتو ..جر ليه اكبر خروف فى السوق (شغل الرجالة داك) ...وقال ليه : الخروف دا بي كم؟.

سيد الخروف قال ليه ب (4) ملايين...قبل شوية في زول دفع فيه القروش دي ما بعنا ليه ...الظاهر الخروف دا في قسمتك.

قسمتي شنو يا زول انا عاوز اعقد عليه؟.

صاحب الخروف طبعا ما عارف الزول دا قبل اسبوع مشترى ليه موبايل جلاكسي ب (4) ملايين جنيه.

قلبو مقطوع.

(4) ملايين ..خلتو ليك (مفلوق) في نص رأسو ..بدون ما يشعر كدا بمشي التلاجة يشرب ويرجع.

نص الليل بقوم من نومو ...يشغل (زي افلام) وينوم تاني.

حالتو صعبة شديد.

وصاحبكم دا بتاع الخروف ، جاء تاني ، وبدون ما يشعر وقال ليه الخروف دا ب (4) ملايين.

زولكم عاين للخروف كدا ...وقال ليه : (4) ملايين ليه معاهو (سماعات)!!.

معاهو (بطارية) زيادة.

(4) ملايين ليه يا ود الناس ؟...نغمتو (عاشقة اسمراني.. عاشقة لو جاني.. ايه ياني منو ايه) وإلا (باع).

والله لو قعد ينطط قدامي هسع دي وسمع لي شريط (نجوى كرم) كلو ما ادفع فيه (4) ملايين.

لو مثل لي هسع دي...مع النعجة ديك (تايتنك)..ما بدفع فيه اربعة.

اربعة ...ليه؟...شريحتين...ضان وبقري.

المهم الزول داك غضب الموبايل الجلاكسي داك كلو كباهو في الزول صاحب الخروف.

صاحب الخروف اتعقد...انتوا في صاحبو ..الخروف ذاتو اتعقد.

الخروف وزنو نزل في ساعة من (الهم).

صاحبكم انسحب من السوق ...والخروف من اليوم داك تاني ما رفع قرنو.

في شندي برضو...كان عندنا استاذ صعب.

صعب شديد.

استاذ ..استاذ..ما في اي كلام.

استاذنا دا كان لمن حصتو تبدأ لو عاوز (تتنفس)...تتنفس ساكت ..إلا ترفع ايدك تأخد ليك اذن تمشي تتنفس برة وترجع.

الله قال بس الاستاذ دا يضبطك قاعد تتنفس جوة الفصل.

خلاص انت انتهيت لو لقاك بتتنفس جوه الفصل.

مره لقى ليه طالب قاعد يتنفس في الحصة ...قال ليه : (انت قايل نفسك منصور بشير تنقا).

كأنو ما في زول بتنفس داخل الفصل غير (منصور بشير تنقا).

الاستاذ مره قال لينا بكرة عندنا (اختبار).

الكلام دا موش عادي ..وما فيه اي حاجة.

تعالوا شوفوا بعد الكلام دا قال لينا شنو؟.

قال لينا بكرة اي واحد فيكم يجيب معاه ولي امرو ...عشان السؤال التاني في الاختبار لاولياء الامور.

انقروا اليوم التاني ما جبنا اولياء الامور.

في زول بقدر ما يجيب ولي امرو.

اليوم التاني الجاب اخوه الكبير ...والجاب ابوه ..والجاب عمو ...والجاب والدتو ..والجاب حبوبتو.

الفصل بقى زي البنطون ...اي زول فيه.

اها من اليوم داك ..اولياء الامور بقوا يذاكروا معانا ...عشان استاذنا داك ممكن يخصص ليهم (سؤال) في اي لحظة.

الشنداويات دي هسع فتحنا سيرتها .. عشان الليلة الاهلي شندي لاعب في شندي مع (الوصيف).

والمباراة الليلة فيها كلام كتير.

شندي الليلة تلقوها مقلوبة.

في قهوة (التيمان) ...تلقوا الليلة القهوة ب (باسيرو).

وفي قهوة (هبار) ...تلقى اي زول يشرب ليه شاي ..يطعّموا ليك ب (اسماعيل بابا).

الشغل كدا واضح.

في مربع واحد ...(الطعمية) بعملوا فيها حبة (سيلا) مع (الشمار).

في شندي فوق ...داخليات جامعة شندي كلها ما عندها سيرة الليلة غير (جندلة) الوصيف.

الضرب من الدقيقة العاشرة.

كدا كلام واضح.

يا ودالحسين الليلة مريخكم دا من الدقيقة العاشرة ح ينكشف.

من بدري.

الموضوع دا محسوم بالنسبة لينا ان شاءالله.

نحن كنا مغلوبين 0/2 من الاتحاد ..واتعادلنا.

الليلة انتوا ح تشوفوا حاجة.

ورونا شطارتكم.

ح تفهموا شيء.

ناس شندي طبعا الليلة اول حاجة بسألوا منها ...بلة جابر.

شيل شيلتك يا بلة.

انت موش يا بلة جابر قلت ماشي فرنسا.

شفت ناس شندي ديل ...ممكن يقبلوا اي شيء ...إلا انك تقول ليهم ماشي (فرنسا) عشان احترف هناك.

تحترف شنو؟.

غايتو إلا شيء غير كورة القدم.

انتوا عارفين اعلام المريخ دا ...لو بلة جابر مشى اختفى في بورتسودان اسبوع واحد بس ممكن يقولوا لينا مشى (فرنسا).

وممكن كمان بعد شهر يقولوا لينا الفرنسيون ديل ...عملوا ليهم تمثال لي بلة جابر في متحف الشمع في باريس.

بختك يا موسي الزومة ..ح يكون بقى عندك (طموح) بعد احتراف بلة جابر في فرنسا.

مره كدا.

والكلام دا ما يطلع من العمود دا.

مره كدا مشينا لينا لي واحد صاحبنا.

صاحبكم حلف إلا نقعد نتغدى.

قلنا ليه نحن فطور ما فاطرين ...(الكلام دا كان زي الساعة 9 صباحا).

غداء شنو ...والفطور لسع.

انتوا عارفين الزول دا حلف علينا بالغداء ليه؟.

عشان (الفطور) دا اصلو ما فيه مناقشة.

امرو محسوم.

ناس شندي كدا.

لو مشيت ليك لي زول الساعة 6 صباحا ...يجيب ليك مع الشاي (سمك).

ما بجيبوا ليك (زلابية) عشان ما تصدمك من الفطور.

طوالي سمك ..شغلهم حار ...حار.

ما بهظروا.

فطرنا ...الزول جاب لينا الغداء.

الغداء دا زي المناسبة من الساعة اتناشر مدور.

نحن كنا تلاتة اشخاص ...تصوروا في الصالون كان كل 5 دقائق ...تدخل صينية وتطلع صينية.

ناس شندي كدا.

اهم حاجة عندهم الصواني.

صينيتهم بتنزل (75).

والنزول حكم.

فينا واحد من التلاتة ...جر ليك (الضلعة).

نزل فيها زي (محمد علي كلاي).

الضلعة دي في 3 ثواني ..بقت زي (مفتاح) الدرج.

ما بتشوفها.

اها يا جماعة ...الليلة المريخ دا عاوزنو يكون زي (الضلعة) دي.

ما تخلوا فيه شيء.

في (ضلعة) بترجع في الصينية.

خلوه الرجوع.

في (ضلعة) بزيدوها.

في المناسبات ..بتاع ام رقيقة بجي فايت فيك ويقول ليك (زيادة)...بتاع السلطة البيضاء ..بتاع الاسود.

اي حاجة تقول عاوز فيها (زيادة) بجيبوها ليك.

إلا (الضلع).

من تقول عاوز ليك زيادة (ضلع) الزول البكون واقف للزيادات جنبك بفوت منك.

تفتش ليه ما تلقاه.

زول يجيب ليك (رغيف) ما تلقى.

عشان كدا في المناسبات ...اوعك تقول عاوز زيادة (ضلع) بطفشوا منكم جماعة الزيادات.

لكن ناس شندي قالوا في المناسبات عندهم زيادة ضلع.

بتاع الضلع لافي مع بتاع ام رقيقة بي جردلو على الصواني.

هسع انا في الخرطوم من امشي مناسبة ...واشوف لي زول يقول عاوز ليه زيادة (ضلع) ...بعرف طوالي انو الزول دا ما زول مناسبات.

الزول دا ما عندو خبرة.

اوعك تقول عاوز (ضلع) زيادة ..بضحكوا فيك.

الليلة (الضلع) جاكم يا ناس شندي.

اضربوه ...وما تقولوا بعدو عاوزين زيادة.

عشان المريخ دا (ضلع) الخرطوم.

ما فيه اي زيادة.

انا بقول ليكم كدا ..بس عشان تكونوا عارفين.

وما تنسوا (الدقيقة العاشرة).

من هسع حذرتكم.

عشان بعدين ما تقعدوا تغالطوا ساكت يا عصام الحاج.

ملحوظة : سمح الضلع في خشم سيدو.

هوامش

الهلال اليوم امام الاهلي انتم موعدون بي (تراورة) جديدة.

كل يوم عندنا تراورة جديدة المشكلة شنو؟.

عاوزين بروفة حقيقية لمباراة الجمعة.

مطلوب من لاعبي الهلال ان يلعبوا مباراة اليوم بقوة وعزيمة ومسؤولية.

وان لا يضعوا في مباراة اليوم اعتبارا لمباراة الجمعة.

الاستهتار والحذر والتراخي يسبب اصابات.

اقنعوا قاعدة الهلال اليوم.

الاداء الفاتر ...ممكن ينعكس على مباراة الجمعة ...على الاقل في ناحية الروح.

احتفلوا هنا وهناك.

في الخرطوم ...وفي شندي.

قناة النيلين ..اتوقفت.

احسن.

ارتحنا من (نفراتها).

اول مرة اشوف لي زول يعمل ليه نفرة ..ويقول انا الاستاد لو جاني هنا ما بدخل.

دي نفرة ..وإلا تطفيش يا كاردينال.

الكاردينال قال لو الهلال غلب الف ...ما بقتنع بي غارزيتو.

الزول دا عاوز يدخل لينا القروش في النتائج.

مالو عاوز يلخبط.

بعدين غارزيتو دا حاسم امرو ..مدرب كبير ..ومعروف ...ما عاوز ليه شهادة من الكاردينال.

انت قايلو عاوز يشتغل في شارع الستين.

يا كاردينال ..لو عاوز تترشح في الانتخابات القادمة ...ما تصرح.

ولا تظهر في تلفزيون او اذاعة ..عشان بتخرب لي نفسك.

احسن تسكت.

كلامك البتقول فيه دا ...ما بقولوا (رئيس).

خالد احمد المصطفى لو عارف انو بجي يوم بقيف في هذا الموقف ...كان اعتذر من بدري.

خالد في موقف صعب.

الكوكي عملها في خالد.

الكوكي طلع مفتح.

يا ناس شندي شدوا حيلكم ...وشجعوا فريقكم ..واغلبوا المريخ.

المريخ الان في اسوأ حالاته.

عشرة دقائق بس ممكن تنتهي منو.

ما عندو اي حاجة.

مجلس المريخ ما فاضي من عصام الحضري.

خلوا اي حاجة ..وقبلوا على عصام الحاج.

في مباراة المريخ في شندي الموسم الماضي ...المريج جاب ليك الحضري من القاهرة.

من المطار للمرمي.

عشان كدا الليلة ما بستبعد الحضري يظهر في شندي.

الحضري دا ذاتو احتمال يكون عندو بيت في شندي.

عجبتوا شندي.

لكن الليلة ح تفهموا حاجة.

عاجل : يا سفاري تذكر ناس المريخ ديل قالوا عنك شنو؟...قالوا مصاب.

انقر هنا لقراءة الخبر من مصدره.