مكتب الضغط الثورى قوي السادس من ابريل المدنية السيد فخامة رئيس الوزراء الدكتور عبد الله حمدوك المكلف للفترة الانتقالية بين قوسين (حفظك الله وراعاك ) بكل الاحترام والتقدير وبكل حقوقي الدستوريه والقانونية التي منحتها لي ثورة ديسمبر المجيدة بدماء الشهداء الرحمة والمغفرة للشهداء في عليائهم دعواتنا بعودة المفقودين إلى أهلهم سالمين عاجل الشفاء للمصابين اليوم 22/06/2021 كان مؤتمرك الصحفى لفخامتك الذي كنا نتظره على بصيص امل ان تقول لنا شي فى إصلاح الدولة في الاقتصاد وتخفيض الاسعار وان تقول لنا بكل فخر أن وزير الماليه (الدكتور جبريل) اخطاء عندما قام برفع الدعم عن المحروقات والوقود ولكن تحدثنا عن مبادرة صادقه وطنية ولكن لا اعتقد انها ستنجح بسبب الانقسامات الداخليه للقوي السياسية لان الكل لا يقبل الاخر حتي الانقسام داخل المكون العسكري اصبح وشيكااا مع وضع اقتصادي لا يتحمل عمل مبادرة فى وقت زي ده هو طريق مجهول ولكن نتمني ان تنجح سيدي الوزير اننا نعيش اسوء كابوس يمر به المواطن السوداني كل يوم بنصحه بامل وتفاؤل انو بكره احلي بس نفس اليوم بنعيشو فى بلد لا فيه دواء ولا كهرباء ولا مويه ولا موصلات شعبنا بعيش فى حالة سيئه يرثي لها انتظرنا كتير لحلول بس مافي شي ملموس كل يوم بمر علينا ببقي اسوء من اليوم القبليهو شباب كتير هاجرو بره البلد وشباب غرقو فى البحارهربا من واقع مرير مخيف وناس اشرددت وناس فقدت الامل والبسمه ناس شايله هم بكره وهم اولاده و اللقمه والعيش المدعوم قول الحقيقة سيدي رئيس الوزراء عارفين انك ماقصرتا واشتغلتا بس البلد ما مساعده والشعب كلو عارف انو مشكلة البلد ما الكيزان بس حتي السياسيين من الاحزاب هم سبب رئيسي فى عدم نهضة الوطن افكارهم القديمه العشعش فيها خيط العنكبوت ناس في بعض عاملين زي الاعداء لا يقبلون اراء بعض يتمسكون بقراراتهم فهمهم الحفر لبعضهم البعض ما يهم الشعب ولا الوطن بسب عايزين يتحصلو علي وزراة او مقاعد او وظائف مرموقه المهم ما يطلعوا من الكيكة ساكت كدا اذن مشكلة السودان هم الاحزاب السياسية فى السودان عندنا اكتر من 150 حزب وكلهم ماعندهم رؤية ولا برنامج واضح لخروج السودان من الازمة الاقتصادية والتعايش السلمي تظل مشكلة السودان كبيرة الي ما لا نهاية طالما في احزاب بالعدد الكبير دا تبقي المهمة مستحيلة اسوء قرار فى الوثيقة الدستورية هي مشاركة الاحزاب فى الفترة الانتقاليه بكل صراحة والله هم سبب الخذلان والفشل و العراك الداخلي فى قوي الحرية والتغير نحن بطلع لينا من حكومتنا اكثر من قرار حمدوك زاتو اشتكه من الكلام ده عشان كدا بحصل تخبط دا يقول كلام ودا يقول كلام وماتعرف فى النهاية القال الكلام او القرار منو صراحة لو عايزين البلد تمشي لقدام نوقف الاحزاب عن المشاركة فى الحكم والنشاط السياسي لقايت ما تخش مدرسة وتتعلم انو ده وطن ما كيكة عشان تشيل حقك وتكبرا اكثر من 150 حزب صراحة يهدد الامن القومي لو ممكن يستخدمو وسائل غير مشروع تؤدي للعراك والفتن ثم الحروب نضرب مثل بسيط ونعرف ماهو الحزب السياسي (لحزب السياسي هو تجمع مواطنين يتقاسمون نفس الأفكار ويجتمعون لغرض وضع مشروع سياسي مشترك حيز التنفيذ للوصول بوسائل ديمقراطية وسلمية إلى ممارسة السلطات والمسؤوليات في قيادة الشؤون العمومية.) طيب دا تعريف للحزب فى دول مثاليه اكبر دولة فى العالم لديها حزبين او ثلاثه احزاب وبعرضو برنامجهم علي الشعب مهمة الشعب الاستماع للاحزاب الثلاثة عشان يختار ياتو حزب بمثلو حسب البرنامج يعني أي حزب ممكن يعرض برنامجو فى يومين او ثلاثة ايام على الاقل ويشرح كيف ح يقود الدولة ببرنامج سلس وسهولة الاستماع لهم بكل ارايحية طيب نحن فى السودان عندنا اكتر من 150 حزب ديل نسمع لبرنامجهم كيف لو أي حزب بدا يعرض لبرنامجوا تكون الفترة الانتقاليه انتهت عشان كدا بحصل تمديد فى الفترة الانتقالية فى نفس الوقت كل الاحزاب بتعمل لينا تشويش تختار منو يعني 150 تجي لمنو كلهم عطشانين وسكتهم عطش بصراحه لازم ولا بد ان تتقلص هذه الاحزاب زمن النظام البائد المباد كانت بصدق لاحزاب وبتعمل وزراة جديده كلها للترضيات نضرب مثل وزراة الغابات و وزارة الزراعة وزراة التربية والتعليم و وزراة التعليم العالي الفرق شنو ليه وزراتين لشغل واحد يعني ممكن تتقلص كل وزراتين لوزراة واحدة فقط وكدا نكون خفضنا عدد العربات الوقود والحرس ووفرنا للدولة سادتي الترضيات هي سبب البلاوي في بلدنا أي زول جبتو بالترضيه ما بالكفاءة ماح ينجز والا ح يبدع ولا ح يعرض برنامجو ما عايزين ترضيات عشان ما تكون فى وزرات كتيره ومن هنا يبدا الاصلاح الي اليوم 6/22/2021 لم تتقلص الوزارات السيد حمدوك عدوك ليس العسكر فى هذه الحظه فمن تحضتنهم بسبب الوثيقة الدستورية هم الأسوأ الدولة عدوة نفسها نتتبع ………………………….